firoza G

حاول تتعرض لمواقف فيها جروبات وجمعات ومتخفش لانك لو تجربتها دا هيزيد قلقكك ولو حسيت انك اتوتر اكتر او تعبت اكتر افصل واطلع خد نفس عميق وهدي نفسك وفكر ايه يعني اسوء حاجه ممكن تحصلي و خفف منها وحاجه خوفك

بصي هقولك حاجه بس مش شرط تعملي بيها لان كل إنسان عنده طاقه واعشان متضغطيش ع نفسك زياده.. ايه هى بقى اعملي الاتنين مجال التكنولوجيا حاليا مطلوب وحلو يكون عندك ادارك فيه فادحلي الكليه.. و ف اجازه الصيف دوري ع أماكن تعلمك عن التاريخ كورسات بقى كتب ورش عمل تشوف مثلا مرشدين او حاجه تتعلمي منهم او فديوهات حتى ع النت وتتفرج كتير ع صور كل حاجه بتقريها اوتتعلميها.. ولما تتخرجي شوفي حابه تشتغلي ف ايه فيهم دلوقتي ناس كتير بقيت بتشتغل حجات غير تخصصها بسبب الكورسات او التعليم الذاتي واصلا ممكن ف السنين دي تكتشفي حجات تانيه وتجربي حاجه تانيه تحبيها اكتر بإذن الله

لا دي مش افوره ولا حاجه انت مش مضطره تملي اي فراغ بكلام كتير عشان تعجبي اي حد.. لو انت بترتاحي وانت ساكته وبتسمعي او سرحانه حتى ف عالم تاني بعيد عن كلام ال حوليك خلاص اهم حاجه راحتك وراحه شخصيتك متشغليش دماغك بكلام حد عنك

بصي انا هقولك تجربه شخصيه انا كدا بردو ولما بلاقي نفسي بجري ف الصلاه او بسرح برجع اقول ف دماغي اني بين ايدينا ربنا دلوقتي واني بكلمه دلوقتي وبحاول انوع ف السور الصغيره مكررش السور و السوره ال أقرأها اكون فاهمه تفسيرها عشان وانا بقراها اكون فاهمه ومركزه ف المعاني ال بقولها.. دا غالبا ال بعمله وممكن تشوفي شيوخ ع يوتيوب تدوري ع حد كويس كدا واسلوبه كويس تفهميه كان ف واحد شوفته بس ناسيه اسمه لو لقيته هكتبهولك.. وربنا يهدينا جميعا

كل ما تفكري فيها قولي لنفسك لا انا مش هعمل كدا انا مش هموت من غيرها لا انا عايزه احس ان بيني وبين نفسي ف اراده و خلي ف حوار بينك وبين نفسك كل مره تفكري فيها ويكون الحوار دة كانك بتتحدي نفسك وتقوليلها انا ال هكسب... واشغلي نفسك باي حاجه تانيه لما تفكري فيها اي حاجه تقرئي ف الدين تقرئي كتاب او جتى تلعبي باي حاجه دوري حولك ف المكان ع اي حاجه تشغل تفكيرك والعبي رياضه لو استطعتي حتى لو ف البيت او حتى لو جري بس لانها بتساعد... وطبعا لو عايزه حل موثوق ممكن تروحي لطبيب نفسي او تسالي ف الفتواي بيكون ف اسئله كتير كدا لا تقلقي.. وربنا معاكي

مش كل الناس بيكون عندها حل لمشكله غيرها او عندها رد او اجابه مناسبه و ف ناس بتخاف تقول حاجه تكون غلط او تشتت الشخص دا و المفروض مش كل الناس ولا اي حد وخلاص يكتب كومنت او يرد باي كلام لان هنا ف فدني بيكون ف ناس فعلا عندها مشاكل جاده وصعبه ومحتاجه حد فاهم او واعي او مدرك هو بيقول اي و انه يراعي مشاعر الناس ال بتكتب دي.. فمش الفكره فكره كام شخص ساعد ولا كام شخص كتب رد الفكره الرد او الاجابه نفسها تكون فعلا مفيده و فعاله لصاحب السؤال..وهذه وجه نظري

اذكاري لونه أخضر كدا

اسفه طولت عليكي

بصي متتعلقيش زياده عادي يمكن مشغولين او لو مش مشغولين مش مشكله أحيانا العزله عن الناس بتبقى افضل ف مرحله ما ولما تبقى احسن ابعتي انت اسألي عليهم من غير عتاب الشخص الوحيد ال تلاقيه بكلمك كأنكم لسه قافلين الشات مع بعض امبارح ومعتبكيش ف حاجه كملي معاها...حاجه كمان معلش متستسلميش لل انت فيه قومي نفسي اوعي تستسلمي وسامحي نفسك عادي نتعب ونقفل ع نفسنا بس ارجع اقول لنفسي لا انا عايزه اكون كويسه طلعي مشاعرك السلبيه او الضيقه ال عندك ف اي حاجه تخليكي احسن او كلمي حد مختص او اي حد بترتحيله او اكتبي ال ف دماغك

اه فهمتك اسفه جدا جدا.. فكرت نفسيا مع العلم انه مش مكاني بردو بس كنت بقولك راي.. بس ممكن دكتور تغذيه هو ال يفيدك ان شاء الله

ممكن يعمل meditation او تخرجوا ف أماكن فيها طبيعه وهدوء او يشترك ف اي حاجه تطلع من جوا طاقه بس متحطهوش ف ضغط

هقولك حاجه لو فكرتي موقف محرج ليكي قولي عدا وانتهى هل لما اجلد ذاتي ف التفكير فيه تاني هيتغير حاجه لا فخلاص انساه وانتهى كمان حاجه لو حسيت انك بتفكري زياده بسبب الناس فكري ديما أن كل واحد دماغه شغلاه بحاجات وافكاره وحياته زينا كدا ع انه يقعد يفكر الموقف ال حصلك وارمي الموقف مجرد وما يخلص كوني رحيمه بنفسك 💕

الى حدا ما كنت كدا وكنت فوق اني بلبس الكمامه بلبس كاب كمان ومش عارفه اخرج من غيرهم و لو خرجت من غيرهم بحس الناس كلها بتبص عليه ...فى نفس الوقت كنت بستخبى في الكاب والكمامه عشان مش عايزه حد اعرفه يشوفني بس دا كان لأسباب ومشاكل تانيه عندي هي ما انتهت ولا حاجه انا لسه فيهم ومنهم اكتئاب فى كان وجهي مرهق ومش بهتم به ابدا فكنت بحس اني لازم اخرج بيهم... بس من شهر تقريبا بدأت اقول لنفسي فكري انك مش محور الكون يعني الناس مش بتبصلي ولا حاجه انا ال حاسه كدا بس و اقول وايه يعني وجهي متعب ولا مرهق ولا مش مهتمه به محدش له دخل هو وجهي ولا وجههم.. هو دا ال بقوله لنفسي حاليا مش هقولك ان الحياه بقيت ورديه ولا حاجه انا لازلت بدعي كل مره اخرج مقابلش حد اعرفه بس على الاقل بقى عندي تصالح مع مشاكل تانيه وبطلت اللبس الكاب والكمامه وبحاول.. طبيعي ال انت فيه متقلقيش والناس هنا كويسين اكيد حد هيقدملك حل مفيد ان شاء الله

تمام شكرا جدا انا اول مره اعرف المعلومه دي

بعد اذن حضرتك انا كنت قرأت ان القرفه لو شربتها بتزود الدم او بتخليه ينزل اكتر هل دا صحيح لأن كل مره اكون عايزه اجربها بتراجع بسبب الكلام دا

مش عارفه هقدر افيدك ولا لا بس نصيحتي ليكي انك متوترش نفسك ولا تضغط على نفسك زياده عارفه انه التوتر مش بايدك بس حاول تركز وتعمل ال عليك وتسيبها لله.. وبالنسبه للمراجعه ممكن بعد الفجر تقعد تراجع وتعمل لكل ماده يوم مخصوص تمسكها من الاول حل ومراجعه و اقرأ ادعيه المذاكره قبل ما تبدأ وبعد ما تخلص وكل ما تلاقي نفسك ناسي عيد الجزء تاني بس بسطه اكتر حدد أجزاء مهمه تفكرك او حتى كلمات تفكرك بالجزئيه ال نسيها وحل كتير وخد برايك كل فتره والتانيه وارجع تاني وربنا يوفقك ويوفق جميع الطلاب

انا مش ف مكانك ومش هعرف افيدك بس من راي انك تستقر ف شغلك حاليا اهم كتير وانجح انك ف سنك دا صغير اصلا وتبقى عندك مشروعك وناجح فثبت نفسك ف شغلك الدراسه سيبها لوقت ما تحس انك خلاص مستعد تكملها فعلا.. ولو ع الحياة الاجتماعيه ربنا موجود وهو ال بيرزق و قادر يرزقك بشخصيه كويسه تكون سند ليكي وتكملوا بعض اسعى وسيب الرزق لله.. ولو ع كلام الناس الناس ديما بتتكلم وديما هينتقدوا او ديما هيطلعوك فيكي نقط سودا وخلاص ... وربنا يكتبلك ال فيه الخير