Dr. Ahmed Boghdady

العمر ده طبيعي جدا مثل هذه الأمور ممكن تكون جعانة او محتاجة تغير مثلا او قلق الاطفال الطبيعي اثناء النوم اهم حاجة انها تكون مغيرة لبسها كويس وشبعانة وفي هدوء لراحة افضل

انا مش عارف انت حكمت على نفسك انك ضايع ازاي لازم تكون مع اختصاصي نفسي ويعرف جميع جوانب حياتك علشان يقدر يحدد انت ايه بالظبط.. متترددش وقول لوالدك انك عاوز اختصاصي نفسي

العصبية ساعات بتكون طبيعة في الشخص وراثة مثلا،، بس لو زادت عن حدها بتكون مرض لازم تدخل فيه.. حاول/ي وقت العصبية تترك المكان اللي فيه، خد/ي نفس عميق شهيق وزفير اكثر من مرة ، حاول تبعد/ي عن المثيرات العصبية، التفكير حله في تمارين استرخاء وتنفس لازم تتعمل يوميا لتهدئة المخ والجسم،، واستشارة متخصص وتحكيله الاسباب اللي بتأدي للعصبية والتفكير هيفيدك جدا للتخلص من ده

أصبت القول.. كلامك ده دليل على كرهك للإباحية،، خليها بدايه للتعافي.. اتمسك بربنا

كتير مننا بيعاني من التسويف وتأجيل المهام الحياتية فلازم تدرك انك مش لوحدك. خلينا نتفق علي انك تعمل جدول للمهام المطلوبة منك ويكون أساسي ف يومك انك تخلص المهام دي. لازم تعمل ورد يومي لقراءة القرآن هتحس بإرتياح شديد. خليك واثق انك هتنجح وهتعدي الأزمة دي بس لازم شوية مجهود منك علشان تقدر تتخطى الأزمة دي

بالنسبة لموضوع اختك خليها تتكلم مع زوجها بطريقة مناقشة هادية. تشوف هي مقصرة في ايه وتحاول تعمله. تعرف زوجها بيحب ايه وتبتدي تعمل ده. بلاش تخرب بيتها علشان هتعيش فترة صعبة جدا. الزوج بيحب التغيير. هي من فترة للتانية تغير في طريقة لبسها وشكلها حتى في البيت نفسه

فكرة انك عارفة عقوق الوالدين ده دليل على فهمك لتصرفات امك ودليل على عدم انقطاع الرحم اتعاملي مع والدتك بانها مريضه وحاولي تتقربي منها لبعض الشئ. اعملي من فترة للتانية حاجة هي بتحبها من غير ماتقولك. وفي نفس الوقت والدك اكيد فاهم ده بس بيسمع لكلام الام اكتر خليكي على تواصل انتي واختك مع امك وابيكي. وافتكري ان ربنا اكيد مطلع وعارف اللي بتمري بيه. اي استفسار مع حضرتك

من خلال طرحك للمشكلة بتكون عندك شخصية انتقادية لذاتك بلاش نستسلم للشخصية دي لانها هتكون ضدك في كل شئ حتي لو الحاجة اللي بتعمليها كويسة هتحسي بذنب انك عملتيها لازم تواجهي نفسك بالاسباب اللي خلتك كدة ولازم يكون معاكي شخص يحاول يوجهك للطريق الصحيح. اعرضي نفسك على أخصائي نفسي هترتاحي اكتر

اول حاجة ايجابية إنك عملتها إنك واجهت نفسك بمشكلتك. ودي أول خطوة للعلاج. نكمل المسار مع شخص بتكون واثق فيه أو حاسس انه هيكون داعم واتكلم معاه ف كل حاجة. •لازم تعرف انت بقيت كدة ليه؟؟! اكيد في اسباب وصلتك لكدة،، لازم الاسباب دي تتعالج علشان تقدر ترجع لطبيعتك. كلنا جمبك وانت اكتر داعم لنفسك

لازم يكون عندك قدرة الاستغناء ولازم يكون ليك اصحاب مقربين وحاول تروح لأخصائي نفسي تشاركه كلامك ده حاول تشغل نفسك بحاجة جديدة.. عمل او ارتباط جديد

جلد الذات في المرحلة دي مش صحي خالص اختلاف الابناء والآباء مستمر بس فكرة اني آكل في نفسي طول الوقت هيخليكي كارهه نفسك دائماً وهما كمان. انتي محتاجة دعم نفسي اكتر الفترة دي وكمان بما انهم احسن م الأولةدي فرصه كويسة انك تعيدي حساباتك مرة تانية في العلاج. جربي تحبي نفسك اكتر وتحبيهم وخلي اي حاجة كويسة عملوها معاكي هي طوق النجاه بالنسبالك.

مواجهتك لمشكلتك جزء كبير م الحل في ناس كتير بيمروا بظروف زيك بس مش مدركين مشكلتك. لما تكوني عارفة نفسك هتقدري تحلي برضه المشكلة بنفسك،، بس الموضوع محتاج شوية صبر ويقين بالله إنك هتقدري تجتازي المرحلة دي وطبعا شوية أمل. أول شئ تحبي نفسك وتكوني فاهمة إن ذاتك دي ليها حق الحياة علشان كدة ربنا خلقنا. ربنا خلقنا علشان حكمة وعلشان أكيد ميتعبناش. عيدي تسجيل حساباتك مرة تانية وادي نفسك فرصه للحياه وتابعي مع استشاري ينظملك ده ويكون داعم ليكي مدام معندكيش حد تتكلمي معاه. اعملي تمارين استرخاء ولو لفترة قصيرة ف اليوم، اقرأي قرآن تاني وتدبريه عافاك الله 🌹

في الاول احب أقولك متسيبيش نفسك لليأس كل واحد فينا بيتعرض للضغوط.النفسية بأشكال مختلفة. •انتي لازم تعيدي تقييم نفسك تاني وتعرفي ايه مميزاتك وايه عيوبك. •لازم تواجهي نفسك بمشكلتك علشان تقدري تحليها. •الاعتراف بالخطأ جزء م العلاج. •خلي عندك ثقة ف نفسك بلاش احباط لان نتيجة الاحباط مش حلوة. انتي قوية ف عين نفسك خليكي كدة دائماً

الحب مش كلمة وخلاص الحب لازم تعرف أد ايه انت فاهم نفسك أولاً ثم فاهم الطرف الآخر بمقدار أد ايه. انك تكون حاسس انت عاوز ايه كلمة حب صعبة تتقال ككلمة وخلاص لازم تسأل نفسك الأول هي عارفة اني بحبها. ولازم تكلمها ف ده وتعرفها مشاعرك اتجاهها وتشوف برضه مشاعرها اتجاهك • انت بتقول عاوز تبعد من غير هي ما تكرهني.. طيب هي هتكرهك علشان بعدت عنها ليه؟؟ علشان بتحبك ولا علشان الصداقة مثلا لازم تواجه نفسك الاول وبعدين تكلمها