ShaDy Sayed

أولاً انا حابب أشيد وأبدي أعجابي شجاعتك دي حاجه عجبتني جداً جداً فيك بسم الله ما شاء الله.. وبالنسبالي طالما انت اتكلمت في الموضوع كده، ده معناه انك حقيقي متضايق منه وكاره وبالشكل ده بأذن الله هتنجح أنك تتخلص منه لأن الأعتراف بوجود مشكله هو أول طرق حلها!! بصي بقي يا سيدي بكل بساطه في مقوله بتقول ان العيوب بتكبر في الضلمه.. فزي العادة السرية دي ما كبرت معاك في السر والضلمة احنا هنقتلها بالنور.. فنصيحتي ليك انك دايماً تفضح أفكارك، فلو ليك اصدقاء بتثق فيهم وهيساعدوك انك تتخلص من الموضوع ده أستعين بيهم.. كل مره تلاقي ان دماغك بتقولك تعالي نعمل العادة السرية دي، أرفع سماعه التليفون او كلم اي حد قوله انا دماغي بتقولي كذا.. بالروتين ده شويه بشويه هتنجح انك تتغلب علي العادة دي بأذن الله طول ما انت بتطلعها للنور هتقتلها بأذن الله زي ما كانت بتكبر في الضلمه.. وربنا يوفقك ويكرمك صديقي الشجاع 🖤

بكل تأكيد "نعم" هو المعيار الصحيح لأحكامنا واراءنا ونظرتنا تجاه الحياة والناس والأشياء كمان.. لأن بكل بساطة الدين هو الدستور اللي رب العباد سبحانه وتعالي وضعه عشان ينظم بيه حياتنا ومسارها، زي ما في أخت فاضله شبهته بالكتالوج وده صحيح ربنا هو الخالق لينا وبالتالي هو الأعلم بخلقه فبالتالي وضع لينا الدين عشان يكون المعيار اللي نرجعله في شؤون حياتنا لأنه الأعلم بخلقه، وانا تابعت الكومنتات بتاعتك في مسئله اختلاف الأمور والقضايا في عصرنا عن عصر النبي مثلاً صل الله عليه وسلم وعشان الأشكاليه دي بالذات وجد علم أسمه "علم القياس" ونواة العلم ده النقطة اللي حضرتك بتتكلم فيها، مثلاً، هل الموبايل حلال ولا حرام لان وقت النبي صل الله عليه وسلم مكانش فيه موبايل فتلاقي بعلم القياس يتقالك والله الموبايل ده اداة ومسئله حلالها من حرامها راجع لأستخدامك ليه.. أنت بتستخدمه في ايه؟! وانا شايف بقي ان نقطة علم القياس دي واحده من أقوي النقاط اللي بتثبت ان دينا ده دين عظيم وصالح لجميع العصور والأزمنه لأنه دين يُسر وليس عسر فبالتالي احنا معندناش جمود في نصوص معينه إلا أحكام الشريعة طبعاً!! عدا ذلك هو قابل للنقاش والتطبيق العملي بما ينفع العباد فتلاقي بالمنطق كده وده اساساً اللي جه بيه دينا انه بيخاطب عقل الأنسان الواعي ويقيس معاه الأمور ومن هنا نشوف الحلال من الحرام.. فأظن بعد الأنسيابيه والمرونه دي في دينا هتكون اجابتي ان اساساً مع وجود دين كامل بيحترم عقليتي والمنطق بتاعي كأنسان واعي ومُفكر ان لا يمكن يكون في مرجعيه تاني غيره ينفع أستند إليها في أمور دنيتي وحياتي 😉🖤📿

أكيد طبعاً يا صديقي هو 100% قدر.. عن النبي صل الله عليه وسلم قال: الدنيا زاد وخير زاد الدنيا الزوجة الصالحه" فبالتالي اذاً الزوجة هي من نعم وأرزاق الله سبحانه وتعالي علي البني آدم.. هل عمرك شوفت واحد بيقولي انا هصحي الصبح بدري عشان نازل ادور علي زوجة؟! مفيش طبعاً الكلام ده اذاً هي رزق، أنت كل ما عليك أنك تسإل رب العباد بقلب صافي ونضيف انه يرزقك بزوجة صالحه تعينك علي الدنيا وتكون سبب في فوزك بالأخرة كمان.. يبقي حتي لو الرزق ده اتأخر أحمد الله علي التأخير أحسن ما تدخل في تجربة فاشله وساعتها هتكره نفسك وتكره الدنيا بما فيها واسأل مجرب انا دخلت في تجربة زواج فاشلة استهلكتني لمدة 5 سنوات اللي هي كانت معايا فيهم كانت حياتي جحيم وحتي بعد الطلاق فضلت مستمره في اذعاجي ووجعي ليومنا هذا.. لحد ما ربنا شاء ليا انه يرزقني بزوجة جديدة جاتلي كتعويض عن كل سنين الآلم والوجع اللي عشتها وتقولي عرفتها ازاي، اقسم بالله اقسم بالله رزق وقدر بحت وبدون اي مجهود مني كل الحكاية اني طلبتها من رب العباد بقلب صافي فوهبني سبحانه وتعالي البنت دي.. أتمني أني أكون قدرت اساعدك وأقرب عليك المسافات واقفل باب الشيطان اللي بيحط في دماغك اي افكار سلبيه وبأذن الله تعالي نباركلك في القريب العاجل علي رزقك بزوجة هينه لينه مطيعه وتُعينك دنيا وأخره 🌷🖤

اي لغة في الدنيا تعلمها بيكون عن طريق الممارسة.. صحيح الدراسة الأكاديمية مهمه عشان تقدر تعرف القواعد اللغوية والنحوية للغة دي، بس عمرك ما هتكون بتتحدثها بطلاقة بدون ممارسة فنصيحتي ليك انك لازم تلاقي طريقة تمارس بيها اللغة وتتكلم بيها مع ناس مختلفة واظن ده بقي سهل وبسيط جداً مع الأنترنت اللي جعل العالم كله قرية واحدة، فأكسر خوفك وأحراجك وابداء شوف الناطقين باللغة دي وعرفهم انك بتكلمهم من باب انك تمارس لغتهم وصدقني ساعتها هيساعدوك جداً جداً، وأتمني أني أكون ساعدتك وجاوبت علي سؤالك 🖤