X- Ray shrouk

بصي انا نفسي احساسك برده. وعندي 23 سنه. وكنت مخطوبه قبل كده وما ارتحتش. واتخطبت مره تانيه والدنيا كانت كويسه بس ما حصلش نصيب. بس دايما عارفه ان ربنا عوضه كبير قوي. وان انا استاهل احلى حاجه في الدنيا واستاهل اطيب حد في الدنيا والراجل كويس خالص يحبني ويديني نفس المشاعر اللي انا هديها له. ما استاهلش ان ربنا يرزقني بواحد يفضل مركز معايا على اخطائي والحاجات الناقصه اللي فيا مستاهلش كده خالص. فاكيد ربنا هيرزقنا بالازواج الصالحه ان شاء الله. وزي ما انت عايزه جوزك يكون كوني يعني انا عايزه واحد مثلا متدين بيصلي صلاه الفجر فاذا انا حافظه انا كمان على صلاه الفجر عايزه واحد حنين فانا عامل الناس بحنيه وبطبع كويس. فاهماني. سيبيها على ربنا وما تستعجليش اهم حاجه ما تستعجليش في الجواز واختاري بتاني. وربنا يرزقنا جميعا ان شاء الله عاجلا غير اجلا.

وليه تفكري في الانتحار في حاجات كتير تعمليها؟ زي الصلاه والاذكار والورد الحاجات دي كلها بتشغل على فكره وازاي ان انت تدوري على شغلانه تشتغليها اي شغلانه مدام حلال اشتغليها عادي لنفسك وحافظي على علاقتك بربنا وقوي علاقتك مع مع اسرتك وخرجي. وهتلاقي نفسك كويسه اهم حاجه تبعدي بس عن فكره الانتحار عشان ده حرام. مفيش حاجه تستاهل ان احنا نخسر بيها يعني دنيتنا واخرتنا مفيش حاجه تستاهل خالص. تقرب من ربنا بس. وخير ان شاء الله.

بصي. اختاري كويس. طول ما انت مش مرتاحه للشخص ما توافقيش عليه. كل اللي نفسك فيه اتشرطي واختاريه. حته ان احنا يعني مش عايزين نتجوز غير بني ادم كويس بيصلي ومحافظ على الصلاه وبيخاف من ربنا. وعنده اخلاق ومحترم في افعاله. ايوه يعني ما ينفعش برده يتكلم بصوت عالي ده مش اسلوب مش اسلوب صح يعني لا لازم يكون برده محترم كده في نفسه مش عشان هو راجل يبقى جريء وبجح لا معلش. اصبري على كلامهم وما تستعجليش. وما تحطيش في دماغك فكره السن ولا حاجه. واهم حاجه ان الشخص ده اللي انت هتتجوزيه ده تكوني انت مرتاحه له وهو مرتاح لك عشان تعرف عشان ينشا بينكم حب بعد كده. وتكون الحياه بينكم مستقره. يكون شخص صديق ليكي قبل ما يكون زوج. اللي هو انا لو حصلت بيني وبينه مشكله اروح اكلمه واقول له طب نحلها سوا ومش عارفه ايه مش هروح اشتكي غيره. ما لكيش دعوه بكلامهم. كلنا والله بنتعرض لنفس النقاشات بسبب ان احنا بنرفض. واهلنا بيفضلوا يقولوا ان احنا بنتبطر وان احنا شايفين نفسنا. بس الحقيقه ان احنا عايزين نعيش حياه فيها موده ورحمه. وفيها سعاده اي نعم هيبقى فيها شقاء. بس على الاقل ان انا اكون شاريه الشخص اللي معايا وما اقدرش ابيعه واكون مرتاحه في العيشه معاه. دي اهم حاجه في الجواز يعني اصبري خير ان شاء الله.

بامكانك عرض اي اسئله وان شاء الله ستجد الاجابه. اسئله في في مجالات كثيره دينيه دنيويه اجتماعيه. اي مجال. فالاحسن للانسان ان يجمع الاراء قبل ان يفعل شيء ما. وهذا ما نفعله هنا. ممكن ان نحكي مشاكلنا؟ وسنجد الحل ان شاء الله عند الاعضاء.

الحل الوحيد يعني ان انت تشتغلي بصراحه يعني؟ وكمان تشغلي نفسك بالقرب من ربنا بالعبادات يعني والاذكار والقران. ده كمان بيشغل الوقت يعني. بس ممكن تشتغلي وتقربي من ربنا؟ بس مش شايفه مش شايف اشتغلي بس وقربي من ربنا. وكوني صداقات كويسه. بس كده.ه ؟

لا ده شخص مؤذي. مؤذي جدا كمان. ما تبعتيش صورك لحد. ما تفتحيش فويس مع حد؟ ولا مكالمه فيديو كمان. ابعدي عنه خالص. واللي لك نصيب فيها هتاخديه. ما تتعبيش نفسك واعصابك اللي عايزك هيجي لك بيتك ويجي يخطبك من اهلك؟ ريحي دماغك. وسيبيها على ربنا. اعملي بلوك اساسا.

بصي هقول لك على حاجه. الرجاله اللي هم بيهتموا بالحوار ده بس او اللي هم مش كويسين دول مستحيل يتغيروا. واللي قبل ان هو يكلمك من ورا اهلك ويرتبط بك من وراء اهلك برضه مش شخص كويس. يعني في ناس كتير كويسه بتكون عايزاكي بس مش جاهزين يتقدموا فاذا خلاص خليكي عند اهلك لحد ما اكون جاهز هاجي اكلمهم او ممكن كمان هو يجي يكلم اهلك وهو مش جاهز لحد ما يجهز ويجيبوا ذهب عادي هتتحل يعني. بس فكره ان انت تتكلمي شاب دي حاجه خطيره وغلط خالص فانت ابعدي وما تخافيش وتوبي ربنا وخليكي مع ربنا وخلاص هو مش هيعمل باستور حاجه مش هياذيكي لان لان هو عمر ما هيعمل كده لانه هياذي نفسه برده. كبري دماغك وما دام ما كلمكيش فانت اصلا مكنتيش في دماغك وانت كنت مجرد واحده عادي زي اي وقت زي اي واحده من البنات اللي هو بيكلمهم. بيتكلموا في حاجات مش كويسه فهو كان عايزك تبقي زيهم فالحمد لله ان انت فلتي وانك كويس ان انت عامله بلوك هو بيحاولش يوصل لك مش هيعمل اي حاجه بالصور خالص كبري دماغك ربنا وما تفكريش في الموضوع. وما تقربيش من اي حد خالص حتى ده لو خطيبك ولا يشوف صورك ولا تبعتي له صورك ولا يكلمك في كلام مش كويس ولا كلام رومانسي حتى يعني ده خطيبك لسه ولد ولا تسلمي عليه بايد حد كل علاقه لها حدودها. لما يبقى جوزك بقى وحلالك كده هنا خلاص تمام اي حاجه عادي مش مشكله. انما مش جوزك ما ينفعش ما ينفعش خالص.

هو الحل في الموضوع ده ان احنا نبعد عن التليفونات. سيب التليفون خالص من ايديها او والدك ياخد التليفون خالص. والدك يحتويها برده يقرب منها اكتر. يعني يكون حنين عليها. ما هو اللجوء برده لحد خارج البيت ده بيكون بيبقى سبب في تاثير داخل البيت؟ بس ده طبعا مش مبرر مش مبرر نهائيا. خلي بس والدك ياخد منها التليفون خالص. وانت امسحيها يا ماما يعني يرضيك ان انت تطلقي واحنا نتبهدل وسمعتك وكده. وخلي والدك يقرب منها. وسيبوا لهم وقت خاص بيهم برده. وادعي لها ربنا ربنا يهديها وامي قول لها يلا يا ماما صلي سوا يلا نعمل كذا يا ماما سوا. وما تزعليش عندي مامتك في الاول وفي الاخر انصحيها بالراحه والحل الاول والاخير والصراحه ان التليفون يبعد عنها وان والدك يقرب منها اكثر ويسال عليها على طول.

بصي هو فكره الحجاب الشرعي دي فكره كويسه جدا وصح وما فيهاش غلط خالص وما فيهاش ندم ندم كمان لان الحجاب الشارع ده بصراحه جميل يعني ولبس واسع بترتاحي فيه وشيك كمان حلو كمان في اللبس. وما فيش منه خساره بالعكس يعني الحجاب الشرع ده بيحبب الناس فيك قوي اكتر يعني بيخليهم ياخدوا فكره عنك ان انت انسانه محترمه وملزمه فدي حاجه كويسه. انما اللبس الضيق والطرح والحاجات دي ما بيبقاش فيها راحه خالص ساعات بيبقى شكلها حلو وكل حاجه بس الناس ما بتديكيش الهيبه اللي بتديها لك وانت لابسه لبس شرعي يعني وفي المواصلات وكده الناس بياخدوا فكره عن الواحده الملتزمه ولابسه لبسه كويس ان هي اكثر احتراما وده صح يعني ده صح غالبا يعني لما تتنزليش وما تخافيش ماشي فاهمه ما تخافيش والله مش فكره غلط خالص وما تسيبيش اللبس الشرعي لبستيه ما تسيبهوش. استمر عليه بجد الناس هتحبك اكثر وبعد كده فيما بعد في الجواز وكده هتلاقي لا يعني الناس اللي بتقدموا لك برده ناس ملتزمه وكويسه سبب لبسك. وفي يعني معظم الرجاله اصلا اللي هي الرجاله فعلا ما بتقبلش ان الواحده اللي هما يتجوزوها تكون تلبس لبس ضيق او تكون بتلبس بناطيل ففي كل الاحوال لبس الشرعي حلو جدا يعني ما فيهوش ندم اساسا يعني حاجه مفيش ولا تسرع ولا حاجه لا مش تسرع انت في السن كويس ولا لا يعني خد الخطوه من غير خوف.

الحياة ما هي إلا دار ابتلاء ونحن في غفله ربنا يهدينا ويغفر لنا يارب الجا ل ربنا بس واعمل للاخره وطنش الدنيا شويه الحياه مليانه نعم بس احنا مش شايفنها والله الحمد لله ربنا يخفف عنا ويدخلنا الجنه وفي الجنه نجد السعاده الابديه والمراجع