جماعة ازاى اخشع فى الصلاه وملتفتش ، لأنى كل ما بحط فى دماغى انى هخشع واركز ف الصلاه مبخشعش أصلا ، ولما محطش الموضوع ف دماغى أوقات بخشع بس دا نادر جدا ، يعنى 3/4 صلواتى مبحسش بيها تقريباً ، أنا أصلا ف العموم مُفرِط التفكير ف الماضى والمستقبل ف دا كمان عامل من ضمن العوامل اللى بتخلينى مركزش فى الصلاه واقعد افكر كتير ، دورت ع حلول كتير وسالت ناس كتير وجربت طرق كتير ومنفعتش معايا ، افيدونى أفادكم الله🤍
تم النشر الخميس، ١٠ أغسطس ٢٠٢٣
اول مره انزل مشكله عندى هنا ونفسى الاقيلها حل، أنا زمان كنت بصلى وبصوم وكل حاجه وعادى جدا زى اى مسلم بس مكانش عندى الايمان اللى أنا حاسس بيه دلوقتى لأنى من فتره مش طويله خالص تقريبا من شهرين وانا ليا واحد صحبى كان ديما بيشدنى نصلى فى المسجد لحد ما حبيت المسجد و بقيت أنا اللى بشتاق اسمع الأذان عشان اقابل ربنا و بقت الصلاة بالنسبالى مش مجرد فرض بعمله وخلاص عشان ربنا لا أنا كل ما بقيت بتعب أو اى حاجه بتحصلى بروح أصلى عشان ارتاح بالصلاه من كل حاجه ف دى نعمه كبيره جدا انى احس بحلاوة الايمان الحقيقى بحمد ربنا عليها جدااا جدا ، بس المشكله هنا انى لما انغمست فى الايمان اكتر و التركيز على العبادات حاسس انى مستوايا فى المذاكره أو التعليم بشكل عام قل ( أنا ف ٢ث عام) مع أن العكس اللى المفروض يحصل يعنى أنا بقرب من ربنا اكتر ف اكيد ربنا هيحبنى و مش هيسبنى تايه التوهان اللى أنا فيه دلوقتى ولحد دلوقتى أنا مش عارف بصراحه اى سبب التوهه دى حاسس انى مضيع حاجات كتير جدا أنا من شدة انغماسى فى العباده مبقيتش عاوز حاجه من الدنيا حرفياا بس احنا برضو مأمورين بالسعى فى الدنيا ف مينفعش اركز فى العباده بس ، أنا التزمت ف دخل رمضان بعدها ع طول ف الموضوع دا عادى ولا عشان رمضان المذاكره و التركيز فيه بيبقا قليل ولا اى عشان أنا بجد تايه جدا من فتره و مش عارف المشكله فين، ياريت تساعدوني🤦
تم النشر الخميس، ١٣ أبريل ٢٠٢٣
تطرح سؤالك أو مشكلتك و الناس تجاوبك أو تديلك حلول لمشكلتك
تم النشر الخميس، ١٠ أغسطس ٢٠٢٣
حبيب قلبى يا اتش، أنا كنت محتاج حد يبسطلى الموضوع زى ما انت عملت كدا بجد لأنى تايه توهه غريبه اول مره أحسها و كمان مفيش شغف اذاكر و كمان بحسها مش فارقه معايا بس ضميرى مبيجيبنيش اريح دماغى و اضيع فلوس دروسى اللى اهلى بيتعبوا فيها و ابقا حاجه كويسه ، بإذن الله هحاول اظبط من نفسى 🤍
تم النشر الخميس، ١٣ أبريل ٢٠٢٣
يعنى اللى بيحصل دا طبيعى ؟ لأنى التزمت فتره قليله وبعدها دخل رمضان ف التزمت اكتر ف الالتزام بالنسبه ليا حاجه جديده شويه ف لسه مش عارف اتأقلم أو أوفق بين دورى ك عبدلله ودورى ك طالب علم وكمان المذاكره بالنسبه ليا بقت شئ اصعب من الأول يعنى قبل ما كنت ملتزم مكنتش بذاكر كتير يعنى ممكن مره او اتنين ف الاسبوع وبلم اللى اتراكم عليا إنما دلوقتى الموضوع فعلاً بقا اصعب و اصعب أنا آخر مره ذاكرت فيها حاجه متراكمه عليا كان قبل رمضان تقريباً
تم النشر الخميس، ١٣ أبريل ٢٠٢٣
لعرض الملف الشخصي في فدني اضغط هنا