ذِكر ..

دي للاسف اعراض نوبات هلع اتمني لو تتواصلي نع اخصائي وربنا يعافيك يارب ويشرح صدرك❤

ازيك عامله ايه ❤ انا شايفه انه لو نيته خير وعاوز جواز وحلال هيدور عليكي ويتواصل مع حد. من اهلك لكن انت اوعي تاخدي خطوه ولا تتواصلي انت معاه خليكي محصنه البنات ماينفعش تسعي هي وانما يُسعي اليها ربنا يكتبلك التوفيق بالله عليكي ماتتواصليش انت معاه وربنا يعوضك خير ومن ترك شيئا لله عوضه الله بخير منه❤

مش ععاوزه اكون بقسيكي عليه بجد بس دي من الممنوعات بين شريك الحياه ان انت ماتكونش متقبل حاجه فيه مادام اخترت انك تكمل معاه يبقي تقبل كل تفصيله فيه مهما كانت صغيره او وحشه من وجهة نظرك دينيا اصلا وشرعا ده ماينفعش ممكن تلفتي نظره انه المفروض يتقبلك زي ماانت متقبلاه ولو مااتغيرش انصحك بجد بلاش لان اللي بيعاير بحاجه صغيره هيتربص الغلطات بعد. كده ويعايرك بيها وانت تستاهلي تكوني مع حد يقدر التراب اللي انت ماشيه عليه❤💋

ازيك ياعبدالرحمن يارب تكون بخير يارب ❤ قبل اي حاجه انت انسان محترم بجد ان انت مافكرتش انك تعصي الله في البنت لللي بتحبها ربنا يبارك فيك ويحقق مرادك يارب بص ياعبده الخوف دايما بيحجمنا ويوقفنا مكانّا عشان ماناخدش اي خطوه انت من كلامك عن حالتك الماديه وشغلك احسن بكتير من شباب تانيه في سنك مشكلتك بس انك خايف تترفض اتوكل على الله وكلم اهلها وخليك صريح ان انت بتحاول علي قد ماتقدر وانك عاوزها في الحلال ولو ربنا كاتب انكم تبقو لبعض مافيش حاجه هتمنعكم ان شاءلله المهم بس انك تاخد خطوه حتي لو اترفضت حاول مره واتنين انت لسه صغير وادعي ربنا انه يجمعك بيها في الحلال ولا قدر الله لو مالكش نصيب مش نهاية الدنيا ياعبده انت لسه العمر قدامك وهتشوف وتقابل ناس كتيره انا بقولك كده والله من واقع تجربه وعوض ربنا بعدها مافيش احسن منه كل اللي عليك بس انك تحاول خد. خطوه وربنا يعملك الخير انا هدعيلك من قلبي والله ربنا يجمعك بيها في الحلال يارب ياعبده❤🤲🏻

ازيك عامل ايه ❤ يارب تطلع باعلي النتايج ان شاءلله 🤝🏻 بص ممكن دلوقتي تركز في الدراسه بحسث مايحصلش حاجه تشتتك يعني اختفظ بالحب النقي ده دلوقتي مؤقتا بس من غير اي خطوات لمصلحتك ومصلحتها واقصد بخطوات هنا انها تكون تحت علم الاهل عشان ماندخلش في سكه مش حلال.. ونصيحه ماتحاولش تستعجل لسه هتروح الكليه ولسه الدنيا واسعه ماتعلقش ولا تتعلق بحد من دلوقتي عشان ماحدش منكم يزعل ولا يتكسر💕

الف سلامه عليك شفاك الله ♥ انت بتدخن؟ بتبرد جسمك في الجو ده؟ عندك وطع في الصدر مع الكحه او فيه بلغم؟!

هي النتايج كلها في رينج الطبيعي عادي بس الافضل برصو لو دكتور متخصص يقرأه عشان انا لسه علي قدي 😂🤝🏻

ممكن تشوف فيديوهات لمشايخ عاليوتيوب: دكتور حازم شومان دكتور محمد الغليظ امير منير احمد عامر شريف علي علاء حامد دكتوره هاله سمير ربنا يهديك يارب ويشرح صدرك للخير ويقربك ليه قرب المحب يارب ويبدل حالك لافضل حال في الدين والدنيا😊❤

ازيك يادكتور احنا زمايل علي فكره بس انا لسه 2 😂😂 بص مبدأيا كده لازم تقتنع ان ربنا حطك في المكان اللي هيكون الخير ليك وانه المستقبل اصلا مكتوب عند ربنا من قبل مانتولد زي ماكان مكتوب انك هتدخل طب.. عشان كده كتر التفكير ارهاق نفسي ليك بس.. هو اه الحوار طويييييل بس بجد بيعدي في ثواني ان شاءلله والفرث هتكون كنيره ان شاءلله ممكن بعد التكليف تدور علي شغل في مستشفي خاصه انت اصلا ممكن تعمل كده من دلوقتي او انك تدي كورسات لدفعات اصغر منك معانا شباب ماشاء الله لسه بتدرس وعامله لنفسها اسم ومذكرات وشغل عاالي انت بس شوف انت عاوز ايه وركز فيه.. لو عاوز تعمل معادله ابدأ فيها من دلوقتي وربنا يعمل الخير... اهم حاجه بس تهدي اعصابك لان كده كده مش هيحصل غير المكتوب فهون علي نفسك يادكتره😂❤

غالبا ده هيكون مقاومة انسولين لازم يتابع مع دكتور قبل ماالاعراض تزيد عنده وبحاول يقلل سكر نهائي لحد مايتزبط بس اهم حاجه انه ياخد ادويه عشان لاقدر الله مايدخلش في غيبوبه لان جسمه كده مش بيستفاد من السكر ده

يكون عنده يقين ان اقدارنا مكتوبه وان القرار ده ماهو الا سعي مننا وتنفيذ لقدر الله 😊 وبعدين حتي لو القرار غلط الدنيا ماوقفتش لسه فيه عمر هتعيشه نصلح فيه الاخطاء علي مهلنا خالص ونعمل غلطات تانيه ونتعلم منها برضو عادي.. ❤ الدنيا عمرها ماوقفت علي موقف او قرار كله بيعدي وفي النهاية ليست دارنا ولا ديارنا الدنيا كده كده هتخلص بالقرارات الصح والغلط كلها🤝🏻 يارب تكون كويس النهارده 🕊🍬

ازيك ياحبيبتي ❤ ولا تزعلي خالص كل سنه وانتي طيبه ياقمر وعقبال 100 سنه في سعاده وهنا يارب 😊❤❤ بصي مش معني انه مافيش ناس كويسه في حياتي يبقي المشكله من عندي او انه انا فيا حاجه غلط لي مايكونش لسه بس الوقت ماجاش.. وبعدين اوعي تزعلي انك بتهتمي ولطيفه مع الناس انت بتعملي كده لانك بتعاملي ربنا قبل ماتعاملي اي حد وبعدين "يدخل الجنه أناس افئدتهم كافئدتة الطير" يعني كله خير ليكي في الاخر... عارفه ياكوتو انت اسه هتعيشي كتير ولسه هتروحي اماكن كتير وتقابلي ناس اكتر وساعتها هتلاقي فيهم اللي شبهك واللي يستاهل قلبك الجميل ده ماتزعليش بالعكس اللي بيبعد عنك هو الخسران خليكي لطيفه مع الكل من غير ماتستني مقابل من حد وادعي ربنا انه يرزقك الصحبه الصالحه ويغنيكي بفضله عن الناس كلها.. ❤ افتكري دايما انه انت اللي كتير علي الناس اللي بتبعد عنك هما اللي مايستاهلوش قلبك وانه اللي يعرفك وبيحبك بجد عمره ماهيبعد عنك... طولت عليكي يامسكره معلش 😊❤❤

علاقات خطره ذكر شرقي منقرض لأ بطعم الفلامنجو مساء الجمال 🤝🏻

ازيك يارب تكون كويس ❤ بص هقولك ترغيب وترهيب في نفس الوقت ماحدش حرفيا بيناديك كل يوم 5 مرات عشان تحكي كل اللي نفسك فيه وتخرج كل الطاقه السلبيه غير ربنا سبحانه وتعالي😊 تخيل ابليس انطرد عشان متسجدش لسيدنا ادم متخيل انت مش راضي تسجد لرب ادم "جلّ جلاله" اللي مش بيصلي كتابه مش بيتفتح بعيدت عن السيئات والحسنات التانيه خلصانه يعني. في اوديه في جهنم "اعوذ بالله" لتارك الصلاه " سقر، ويل، غي.ّ" ربنا يبعدنا عنهم يارب. طيب هتعمل ايه عشان تنتظم بدون تفكير بدون تفكير اول مانسمع الاذات اتوضي وصلي في لحظتها دي بركة اليوم والله. ربنا يجعلك مقيم الصلاة اللهم آمين ربنا يحببك في الصلاه يارب ويقربك منه.

ازيك ياجميل❤ سلامتك من اي حاجه تزعلك ربنا يشرح صدرك ويهدي نفسيتك اللهم آمين. انا فاهمه انه أحيانا غصب عننا بنكون مش قادرين نعبر عن اللي جوانا ومش لاقيين حد يفهم ده ولا يحتوينا بس صدقني طلب المساعده عمره ماكان ضعف بالعكس ده ترويح عن نفسك حتي لو مالاقتش. حد يفهم ده لو فيه حد بتثق فيه ومتأكد انه بيحبك اتكلم معاه قوله ان حاسس اني مش كويس ومش عارف اعمل اي يمكن هو يقدر يخرجك من اللي انت فيه لانه هيكون عارغ شخصيتك واي اللي بتحبه. طب لو انت مش عاوز تتكلم مع حد ممكن تتكلم مع ربنا اهو ربنا بقي مش هتحتاج تشتكي حتي لانه حاسس بيك من غير ماتقول حاجه ❤ ونصيحه اخيره الدنيا خلصانه بجد والله مافيش حاجه مستاهله انك تزعل او تشيل همها ايوه احنا بشر وبنتأثر بس لازم نتجاوز خد وقتك في الزعل ده حقك بس اهم حاجه انه مايطولش ولا يأثر علي حياتك ربنا يراضيك يارب ويشرح صدرك وافتكر انه لازم تعبر عن مشاعر الحزن دي سواء تتكلم او تخرجها في رياضه او حتي كتابه اشتري نوت واكتب فيها اي حاجه اي حاجه خرج كل الكلام اللي في دماغك عالورق وربنا يعملك الخير يارب ❤🫶🏻

لأ انت مش متبلده خالص علي فكره بدليل انك بتفكري في اللي بتحبيهم اهو وده اكبر دليل انك مهتمه😊❤ طب ممكن تحاولي تعملي الحاجات دي: الرسول (ص) كان بيعبر عن حبه لصحابه واحنا اصلا دين حب فلي ماتقوليش للي بتحبيهم كده حتي لو مش حابه انك تقولي بس من حقهم علينا انهم يحسوا بحبنا قولي اني بجد بحبكم واهتم بيكم بس انا مش بعرف اعبر صدقيني الناس الكتومه كده هي اكتر ناس حساسه في الدنيا لو مش بتعرفي تقولي كلام نعمل افعال هدايا بسيطه بسيطه جدا ان شاءلله كيس لب المهم تحسييهم انه اه انت في يومي وانا فكرت فيك ممكن "physical touch" كتير خصوصا لو اهلك اصحي الصبح سلمي عالبيت كله احضنيهم ده مفيد ليكي قبلهم اصلا. اهم حاجه تعرفيها انه احنا لما بنعبر عن مشاعرنا سواء حب حزن فرح اي حاجه بنستريح وافتكري دايما ان الناس اللي بتحبك تستاهل تحس برضو انك بتحبيها❤

للاسف الحوار قلب معاه ببارانويا عشان وقف العلاج والعلاح النفسي لازم يكون تحت اشراف دكتور حاولوا تخلي حد مقرب منه وبيثق فيه انه يقنعه يروح لدكتور بس اهم حاجه انه ماحدش يكدبه او يقول عليه مجنون او اي حاجه لازم يكسب ثقتكم عشان يسمع كلامكم يعني جيب مهاه للاخر اللي هو اه فعلا كمل كلامك مظبوط هو طبعا مش عليه وزر ولا انتم لان مواجهة المريض بمرضه بتخليه ينتكس اكتر ربنا يعافيه يارب

ازي حضرتك يارب تكون بخير❤ مافيش خلاف ان الاب والام بيحبوا ولادهم ونفسهم بكونوا احسن ناس في الدنيا بس احيانا الابناء مش بتكون لامسه ده فيهم بسبب مثلا اهمال او تعنيف او كده لي حضرتك ماتبدأش تصاحب ولادك يعني انزل لمستوي تفكيرهم خلي حاجز الخوف اللي بينكم يتكسر هتلاقيهم مع الوقت بيشاركوك تفاصيلهم كلها قولهم ان انت بتحبهم بس غصب عنك احيانا بتتعصب قول كلمة بحبك لولادك كتير وان انت بتثق فيهم ويكون طبعا في افعال يعني مثلا تجاوز مره وشد عليهم مره عشان بعد كده يفهمو الشده دي انها خوف عليهم مش تعنيف ولا كره بجد احنا بنكون في حاجه لاهلنا بالذات الاب هما بجد متأكدين انه انت السند والامان بس محتاجين يشوفوا ده منك قرب منهم احضنهم الphysical touch خصوصا البنات الاب حبيب البنت الاول لازم تحسس بناتك انهم اميرات لو مهما عملو انت بتحبهم وبتحترمهم واتكلم معاها مره كده علي جنب انه ماتتعصبيش علي اخواتك البنت لازم تكون هاديه بس بأسلوب يخليها تتقبل طبعا مهم جدا ماتعديش يوم من غير ماتسأل كل واحد فيهم عمل اي محتاجك في حاجه وانت برضو اتكلم عن يومك اكنهم صحابك وربنا يعملكم الخير يارب "علي فكره حضرتك انسان محترم لمجرد انك نفسك تكون اب كويس عشان خاطر ولادك ماعدش فيه كده والله ربنا يسعد قلبك" ❤

عامله ايه ياجميله❤ انا كمان عندي القولون وبطني بتوجعني جدا من اكلات كتيره بس اعمل اي بحب الاكل برضو 😂 بصي القولون سببه الاول والاخير عصبيه وهي اللي بيضغط علي الكليه وبيعمل فيها حصوات وغيره واحيانا بيضغط علي الكبد برضو فحاولي تقللي عصبيه وتوتر خالص والحمدلله علي نعمة الدوا في ناس مش بتعرف تشتريه الحمدلله وكمان فاكس الامتحانات اصل كده كده هتمتحني فخليكي رايقه مالهاش لازمه العصبيه والتوتر والله ❤ الف سلامه عليكي اشربي نعناع او كمون مغلي بينضف المعده جامد لو حسيتي بانتفاخ او كده وهتبقي زي الفل ان شاءلله.

الف سلامه عليكي ياحبيبتي شفاكي الله وعفاكي❤ بصي انت هنشربي ميه كتير كتير كتييير اشتري ازازة ميه صغيره وامليها كل يوم بتاع 6 مرات واشربيها. حاولي تقللي ملح بس طبعا بالقدر اللي تستحمليه بس بلاش مخلل شيبسي برتقال وسفندي دلوقتي في الشتا بلاش خالص قللي شاي وقهوه برضو. لو مش عاوزه تكشفي اعملي كده علي الاقل شهر وشوفي النتياج وربنا يعافيك يارب 😊❤

ازيك الاول ❤🤝🏻 قبل اي حاجه مافيش حاجه تستاهل انه نفسيتك تتعب عشان نفسك عزيزه ماتخاهلش تتأثر بأي حاجه 🫂 بص التفكير وانه انا اخطط وارتب افكاري عشان انجح او اكون حد ناضج كويس جدا مافيهوش مشكله لكن بشرط انه مايوصلنيش اني احس اني مش عارف انا مين في كل الاصوات دي تعالي نقول شوية خطوات كده يمكن تهون عليك شويه: 1- هون علي نفسك احنا كلنا اقدارنا مكتوبه والحاجه اللي بقعد اخططلها سنين هي نتيجتها اولريدي عند ربنا من قبل مااتولد حتي فهون علي نفسك وخد الامور ببساطه. 2-جرب تتصاحب علي الاصوات دي يعني اسمع كل اللي بيتقال في دماغك وشوف انسب حاجه واعملها بغض النظر عن النتيجة ومن غير اي ندم او تأنيب ضمير اصل الدنيا مش هتقف يعني لو عملت حاجه غلط هون علي نفسك. 3-ممكن تشتري سبّاحه وتذكر ربنا كتير بجد هيهون عليك وهتوقف كل الاصوات دي وحتي لو ماوقفتش ماتبطلش ذكر صدقني مع الوقت كله هيبقي تمام. 4- ادعي ربنا انه يشرح صدرك ويروق بالك والله الدعاء بيغلب القدر. 5-خليك واثق انه انت حد ناضج كفايه بدليل انه انت مدرك انه عندك مشكله وعاوز تحلها"رغم انه هي بجد مش مشكله ان شاءلله " صاحب نفسك واسمعها بجد مافيش حدك هيفهمك غيرك مهما اتكلمنا وحكينا مش بنقدر نعبر عن كل حاجه عشان كده هون علي نفسك وربنا يعملك الخير يارب ويرزقك السكينه. طولت عليك معلش 😊❤

لازم تستشيري طبيب لان دي بتكون بداية اعراض الزايده والله اعلم

بص لو هنتكلم من الناحيه الدينيه فهي حرام وكبعا انت عارف كده لكن من الناحيه العلميه هي مجرد كيميا في دماغك يعني هرمونات معينه بتخلي عندك احساس بلذه مؤقته وده اللي مخليك مداوم عليها طب نعمل اي؟ اول حاجه استعن بالله وادعي انه يخلصك منها بصدق نيه ثانيا ابعد عن المؤثرات يعني بلاش مشاهد وحشه حاول تغض بصرك ثالثا هنستبدل العاده بحاجه تانيه تفرز نفس الهرمونات اللي تخليك مسترخي برضو وسعيد زي انك هتبدأ: تمارس رياضه اول ماتحس انك عاوز تعمل العاده قوم اتحرك في المكان ولو حتي بطريق عشوائيه ممكن تاكل حاجه حلوه تكلم حد بتحبه المهم تطرد الفكره دي من دماغك وطبعا حاول ماتقعدش لوحدك كتير اهم حاجه انك تدعي ربنا انه يخلصك منها قولو يارب انا مش قادر وضعيف من غيرك وهو بجد ارحم بيك وعالم بضعفك اكتر منك ربنا يهدينا واياكم💕

ازيك يا جميله بصي ياحبي طبعا بعيدا عن الامتحانات او اي حاجه نفسيتك لازم تبقي كويسه وهي اولويتك قبل اي حاجه تانيه وبعدين بتعيطي لي وترهقي اعصابك هو اه احيانا بنكون فقدنا كل الحيل اللي نقدر نعملها فبنبكي من عجزنا بس والله ربنا بييسرها وبتتحل من عنده ماتزعليش علي نفسك واستعيني بالله وربنا يشرح صدرك يارب اللهم آمين انصحك انك تبدأي تمدحي نفسك خلي عندك نوته اكتبي فيها كل يوم انجازات ولو بسيطه زي اني ابتسمت لحد او اني روقت السرير اي حاجه المهم انه يكون شكر ليكي ولو في مشكله او حاجه حاولي برضو تطلعيها عالورق صدقيني بيفرق جدا اكنك بتحذفيها من دماغك نهائي وانت شخص جميل وغالي ماتزعليش نفسك على حاجه

في اسئله ومواقف كتير لتبين الشخص لو عاوزه تعرفي ازاي تتأكدي انه اهل ليكي اسمعي حلقات دكتورة هاله سمير عن مواثفات الزوج الصالح ربنا يجمعكم في للخير يارب

ممكن تسمع السيره النبويه لاحمد عامر جميله ربتا يهدينا وإياكم

ربنا ينصرهم يارب وينتقم من الظالمين كلنا تعبانين وزعلانين علي اخواتنا بس عزي نفسك انهم مش بيحسوا بالالم وانهم في الجنه بإذن الله

حاولي تقربي من ربنا وادعي انه يهدي نفسيتك وبشفيكي وان شاءلله تبقي كويسه ىبنا يعافيكي يارب

لازم يطلبك رسمي للزواج يكلمك اهلك مش مجرد كلام معاكي

خلي عندك يقين ان ربنا بيحطك في المكان الصح دايما

الموضوع ده عادي جدا كل الحاجات مبهره في اولها بس بعد. كده بتتعودي انت مش بتبطلي تحبي لأ انت بس بتتعودي

ربنا يعافيك ويشرح صدرك يارب ربنا مش بيخلق حاجه ابدا ناقصه يعني تأكد مليون في النيه ان انت كامل مهما ظنيت غير كده بجد والناس اللي بتبص نظرات مريضه دول بجد مايعرفوش حاجه عن الدين ولا الانسانيه لان كده هما اللي ناقصين اهم حاجه ان انت تتيقن من جواك ان انت حد كامل وجميل بجد وناس كتير اوي بتحبك ماتبصش علي الجانب الوحش بص علي الحاجات التانيه الحلو اللي حواليك وبجد مش هتبطل تحمد ربنا عليها🩷

بصي ربنا يريح بالك ويهدي نفسيتك ويختارلك الخير مبدأيا كده مش معني اني قابلت ناس مش كويسه يبقي كله وحش لأ في لسه ناس عقابلها هحبها وهتفهمني بس لسه وقتهم ماجاش بس

عشان تتخطي حاجه زي دي لازم تكوني مقتنعه تماما انه مافيش حاجه دايمه وان ربنا هو اقرب لينا من كل الناس واي حد واوعي تفتكري ان ماحدش بيحبك لا انت كده هتضييعي فرص كتير اوي لناس محتؤمه كانت هتدخل حياتك

ممكن تتعود تصحي الفجر او قبله بشويه وتصلي ووقت الفجر بيكون في نشاط جدا لان بيكون الكورتيزول اعلي حاجه وممكن تتبع اكل صحي زي انك تكتر البروتين وتبعد عن الكربوهيدرات لانها بتعمل خمول جدا

في بربرامج بتقفل الفون عدد ساعات معينه انت بتحدديها ان شاءلله اتمني انها تفيدك

اللهم الثبات ليكي يارب للاسف الدين دلوقتي بقي حاجه غريبه وتطبيقه بقي صعب للاسف بس انت لازم تثبتي علي موقفك ولو وجهة نظر العريس زيك الموضوع هيكون اسهل واتمسكوا برأيكم لكن لو هو موافق افتكر يبقي هو مش مناسب اصلا ليكي والله اعلم

طبعا النوم مهم جدا انت ممكن يكن عندك اضطرابات قلق وهي اللي مسببه كده شوفي متخصص وهيساعدك ان شاءلله

طب جربي تتكلمي مع متخصص وان شاءلله تبقي احسن وربنا يريح قلبك 🩵

"والحافظون فروجهم والحافظات الا على ازواجهم او ما ملكت ايمانهم" ادعي ربنا كتيير انه يخلصك من الذنب ده عشان مش بس حرام لي اضرار ثحيه ونفسيه عليك مش هتدركها دلوقتي هو مش زرار وكل حاجه بس ادعي ربنا انه يعينك على نفسك

ربنا يرضيك ويراضيك ويرضي عنك انت انسان جميل كفايه ان ربنا اختارك تمونمن عباده💛

مش هتقدر تبدأ صفحة جديدة فى حياتك ابدا طول ما انت مشغول بقراءة صفحاتك القديمة .. واللى انت معتقد دلوقتى انك مش هتقدر تنساه ابدا .. هييجى عليك يوم مش هتفتكر اسمه ... لما تفهم كويس انك اديته ما لا يستحق .

بصي اهم حاجه انك تستهدي بالله وماتوتريش نفسك كمان انتي لما تروحي بربع الماده حتي بس مركزه فيهم اخسن ما من متر التوتر ماتبدأيش في حاجه اصلا والله انت ممكن تخلصي كل حاجه فيوم بس اهم حاجه الهدوء وانت عليكي السعي النتيجة دي بتاعت ربنا

بصي حاولي تشجعيها يعني قوليلعا يلا نصلي جماعه وانت اللي تصلي بيا كده يعني خدي معاها الموضوع بسلاسه يمكن ماحدش عودها تصلي وهيكون ليكي احر كبي ان شاءلله

هنجيب الاول طول الضلع ل=40\4=10سم المساحه=ل×ل=10×10=100سم مربع

اسمعي مستر خالد صقر كيميا ومستر محمود مجدي فزيا واستعيني بالله وهتخلصي ان شاء الله ربنا يوفقك❤

رأي حضرتك يحترم وكل حاجه بس افتكر لما حد يكون بيمر بمشكله الافضل انه احنا نساعده ايا كان عمل اي مش نهينه كده خصوصا لو صغير زي ماانت بتقول واللي في السن ده لما بيلاقو رفض لغلطاتهم وعتاب قاسي زي اللي حضرتك بتعمله ده بيتمادو اكتر وبعدين احنا مش ربنا عشان نحكم علي حد ربنا اعلم بظروف كل واحد اذا كان ربتا بيقبل التوبه من اللي بيعمل اعظم الكبائر وحضرتك داخل تضحك عليها افتكر احنا هنا عشان نساعد بعض مش نتريق علي بعض

اوعي تعمل كده ياعبدالرحمن والله ربنا مش بيبارك في الحاجه اللي اولها حرام ابدا انت ربنا يبارك فيك انه انت لسه محافظ عالحدود بينكم اوعي تسمع كلام اللي يقولك لازم تعرفك والهبل ده عمر الكلام والصحوبيه من ورا الاهل ما كانت حلال وبعدين دي كبيره اوي في نظرها انك تروح تكلم اهلها وماتكلمهاش هي الاول وياسيدي ابقي اعرفها طول فترة الخطوبه براحتك حط دايما في دماغك ربنا مش بيبارك في الحرام اتجرأ وكلم اهلها اوعي ياعبدالرحمن نصبحه من اخت والله اوعي تعصي اللي عشان حد مهما كنت بتحبه ومتعلق بيه ونصيحه برضو كلم الاهل مش صحباتها انت مش ضامن الناس اللي حواليها بيحبولها الخير ولا لأ كلم الاهل ياعبدالرحمن وربنا يعملك الخير يارب ويجمعكم قريب❤

مافيش ترتيب بس انا ارشح علاقات خطره اول حاجه

تسلم علي ذوقك وكلماتك الرقيقه❤

هتكشفي مسالك بوليه

شكرا لذوقك🩷

هو رأي حضرتك لما نزعل علي ناس كنا معاشرينها زي العيله يبقي ده تهلق مرضي؟! وبعدين لي حضرتك حكمني انه ايا تصرفات ضغط الحكاية ومافيها ان هي فاكره ان سبتها في وقت هي محتجاني فيه وده ماحصلش ربنا يعلم مش فاهمه فصدك بصراحه يااستاذه؟!!

طبعا 12 ساعة نوم في ثانوي كتير حظا خصوصا انت لسه في اول السنه فمش عينفع خالص ايام المراجعه او الامتحان فخاولي تطبقي الكلام ده يمكن ينفع معاكي انا طبعا مش عارفه جدولك او نظام يومك بس والله ده كنت بعمله والحمدلله 2 طب السنه دي اول حاجه المذاكره بدري بتنجز جظا اصحي الساعه 3 مثلا ساعتين قبل الفجر وساعتين بعده هيفرقوا جامد تاني حاجه انك ماتراكميش يعني خدت درس النهارده لازم اذاكره النهارده بلاش تراكم سواء في الفهم او المذاكره وطبعا اهم اهم حاجه هي الحل الكثير خصوصا لو في حاجه انت ضعيفه فيها حلها بيكون لنك تحلي عليها كتير وربنا يوفقك يا دكتوره او علي حسب انت عاوزه اي بقي 😂🧡

ممكن تتابع سلاسل دينيه مثلا الصحابه او قصص القرآن السيره النبويه مش هتحس بفراغ خالص بالعكس هتنمي معلوماتك الدينيه وارجح الشيخ احمد عامر اسلوبه سلس جدا ماشاء الله

ربنا يصلحلك الحال يارب وماتكتبيش ولا تختاري الا الصح

بالعكس والله انا دايما متفوقه ودخلت كلية طب طبعا دي كانت رغبة الاهل انا بحاول اطلع احسن ماعندي عشان النظرة تتغير بس المقارنه دايما حتي في الشكل او الاسلوب مش دراسة حتي بس

ربنا يعينك الفراق فعلا اصعب حاجه ربنا يدخل فحياتك ناس افضل ان شاءلله

ربنا يعينك على دماغك بجد متخيل كلمه بتعمل ايه في بني ادم الله يعينك والله

ياريت ماتحكمش من غير ماتعرف كل حاجه بعد كده

ربنا يجازيك خير 🤎

مين قال اصلا ان دي مشكلتي يافندم انا واحده اهلها داينا محسسنها انها مش كفايه مين جاب سيرة الإباحيّة استغفر الله ربنا يحمينا

طب لنفسك انت مستقبلا ماتبنيش خيالات في دماغك علي حساب حد انت ماعشتش ظروفه

انت شايف الموضوع مضحك وبعدين منين المعلومه دي اصلا🙂

بص طبيعي جدا ان احنا نحس بالخنقه والضيقه بس الاهم ان احنا مانطولش حاول انك تخرج نفسك من المود ده انك تعمل اي حاجه هبله مثلا روح ملاهي وخرج السلبيه اللي جواك اجري في الشارع بالليل وزعق اي حاجه لو في امكانيه تروح بحر مثلا اشتري اكل بتحبه في حاجات كتيرر حلوه ركز عليها ودايما ادعي ربنا انه يزيح عنك الهموم

حاول تقرب من ربنا وتدعي انه يعينك ان انت تتخطاها لانه مش بالسهل ان احنا ننسي حد بنحبه بس بجد والله اتعلق بربنا شويه وانت هتعرف انه مافيش حاجه دايمه الا وجهه سبحان وتعالي وحاول ان انت ماتتابعهاش لان ده هيوجعك اكتر

طب انا اعمل اي انا بلف في دايرة مقفوله والله ومش عارفه اغير الاحساس ده ولما بشتكي ليهم انه الاحساس ده عندي بيقولو افهمي زي ماانت عاوزه او مانتكلمش خالص انا مش حاسه بالحب ناحيتي

فعلا عمر ماحد من اهلي كان بيقدرني حتي لحد حالا لدرجة اني مش عندي ثقه فنفسي ولا اني استاهل حاجه ومش بصدق لما يحاولو يقولو كلام حلو لاني خلاص مقتنعه هما شايفني ازاي

جربي حاجات كتير زي التصوير مثلا او الدبلجه مثلا احد ماتعرفي اي موهبتك لازم انت اللي تكتشفيها 🤍

انه يحط نفسه مكان الطالب عشان يقدر يتعاطف مع قدراته العقليه ومايقللش ابدا من مجهوده مهما كان بسيط لان كل مايشوف تقدير منك هبحاول انه يفرحك اكتر