جماعه انا ليا 19 سنه والحمدلله عيلتي مش عندهم اي عقد نفسيه واحلي حب بينا بس انا انطوائيه شويه انا نفسي اصاحب البنات وكده لكن مبلاقيش حد شبهي انا مجتهده ونفسي ابني نفسي بس للاسف مبلاقيش كده ف اتعودت من وانا صغيره طاقتي كلها وكل الحب اديه لنفسي ودا بسبب اني بقف جنبي ف ايامي الصعبه مش بحب اشتكي لحد ع حاجه ودي بالمناسبه مش (نرجسية) ف كنت حابه اخد رايكم انا حاليا كل موقف يحصل معايا ببقا مش عارفه المفروض اتصرف فيه اذاي.. وهل لو اتصرفت هيكون تصرفي صح ولا غلط ببقا في شك دايم عندي لاني شخص عقلاني جدا والمشاعر عندي قليله عارفه المفروض يكون العقل والقلب ف توزان بس الفكره اني لما اجي اخد موقف من فعل اللي قدامي ببقا مش عارفه المفروض يكون اي الرد المناسب للفعل دا ف بالتالي بسال ماما وهي عاليه جدا ف تفكيريها بس ماما طيبه اووي وبتلتمس اعذار كتيره جدا ومش تقولوا هي عندها حق لا الحمدلله بفهم اللي قدامي كان قاصد ولا مش قاصد ف بالتالي مش بعتمد رايها وهي بتسيبلي الموضوع مفتوح مش بتقولي اعملي كذا بالظبط.. ف بالتالي بلجأ لصحبتي وحسيت انها بدات تمل من كتر ما بحكي معاها ف انا نفسي ف حل نفسي مثلا يكون قراري نابع من ذاتي زي ما صحبتي بتديني النصيحه هل دا نقص خبره ولا اي او تقترحوا اعمل اي ؟؟!
تم النشر الخميس، ٢٧ يونيو ٢٠٢٤
اولا مبارك وعقبال ان شاء الله النتيجه وتكون مجبور الخاطر ❤️❤️ وبصراحه انا فخوره بيك اوي انك مش حابب تضيع وقتك وانك بتقول ممنوع استهلك نفسي بالكدب ربنا يكرمك ويزيدك ان شاء الله ثانيا بص ارتاح خالص الفتره دي خليها هدوء ع اي ما تقدر بشكل مبدئي يعني انت شوف نفسك انت بتحب تعمل اي واعمله لو متاح سفر خد كم يوم هناك المهم غير جو ممكن ل اسبوع او اكتر بعدين بقا تعالي الاجازه حاول لو حابب مجال البرمجه تاخد كورس Web development دا عفكره شغله مطلوب اووي ف مصر ومعظم الناس اللي من بره كليه حاسبات بتدخل ف مجالنا من الكورس دا وممكن تظبط الانجلش بتاعك والاهم تعمل ورد يومي من القرآن واذاكار الصباح والمساء وانك ممكن تنزل كتب في فونك دينيه وممكن كتب تاني ف تطوير الشخصيه حسب انت محتاج اي بس افضل الكتب الدينيه وبس كده ربنا يوفقكم جميعا ان شاء الله ❤️❤️❤️❤️❤️❤️❤️❤️❤️❤️❤️
تم النشر الخميس، ١٨ يوليو ٢٠٢٤
بصي شايفه الحل ولو انه هيكون صعب متصاحبيش حد تاني صاحبي بس بحدود ولو لقيتي اللي قدامك كويس شاركيه مشاكلك وكده ماهي العلاقات اتعملت عشان نخفف ع بعض مش هتقفلي ع نفسك يعني وبخصوص البنت اللي بتحقد عليكي طلعيها من حياتك متفهماكي اوي اذاي حصل تغير جذري ع طبيعتك انك بنت ناس ومحترمه وطيوبه ل حد بيحقد وبيكره.. متفاهماكي اووي بس عادي لازم نفوق م اللي جوانا ومش دايما الدنيا هتبقا زي م احنا عايزين وخليكي مستعده هتقابلي الوحش كتير والحلو قليل وجدا كمان ف بالاختصار فكك من صحابك الاتنين انتي حاليا بتفكري تنعزلي عنهم لكن مش قادره تتخيلي حياتك من غير صحاب..لو بتفكري كده برافو استمري ع كده انتي زيي بالظبط هتبقي واللي مش هيخليكي انك حاسه انك محتاجه صحاب حبي نفسك وقدريها ولما حد يأذيكي متقعديش تندبي وتتندمي وتقولي لي يعمل فيا كده انا مستاهلش لا خليكي قويه وقولي دي فرصه اني اتغير واعرف اواجه الحياه الصعبه دي وركزي ف مستقبلك وف انه تطلعي من الاوائل ف كليتك وانك تكوني افضل شخص ف المكان اللي انتي فيه اينعم واللي تتعرفي عليهم خليهم زملاء فقط مش صحاب وخليكي حريصه ف كلامك وبخصوص صحابتك اللي بتغششيها انتي عامليها عادي تديكي واديها خليكي زي ما بتعاملك بالظبط عامليها طولت عليكي انتي زيي بالظبط في تفاصيل كتيره حابه احكيها لاني كنت زيك بس كتبت ليكي الخلاصه عشان لو هكتب مش هخلص ربنا يعينك يقمر وانتي حد كويس من طريقه كلامك وانتي بتتكلمي وحاولي تتقربي من ربنا برضو
تم النشر السبت، ١٣ يوليو ٢٠٢٤
عفكره لسه خارجه من علاقه زيك كده بالظبط بس الشخص دا كان زي الشخص الاول مهما تعملي مفيش تقدير ف المهم تقريبا كان في اعجاب وخصوصا انه كان زميل مش اكتر ف لما لقيته مزودهم اوي بعدت عنه ومسحت رقمه ف كل م ارجع مع نفسي واقول نتكلم.. يمكن.. اقول لا ميستاهلش وكنت بفكر نفسي بكل موقف خذلان خذلني فيه ف ظل كل اللي كان متقدمله ورد.. ف المهم عشان تتخطي تاني شخص لازم تكون عندك كرامه حتي عشان يحترمك هو واهله قوليله انا احترم رغبه اهلك طبعا وابعدي انتي وصدقيني مفيش حاجه للبنت غير الكرامه حتي لو كنتي بتتقطعي.. وبخصوص عدم الدعم الكافي من اهلك والله يقمر لو اتقربتي من ربنا وعملتي ورد يومي من القرآن تبدأي من سوره البقره ل سوره الاخلاص مش مهم عدد الصفحات ف اليوم بس المهم انه كل يوم انتي هتاخدي دعم م اللي خلقك اللي رحيم بيكي اكتر من اهلك هتلاقي تكاد يكون مفيش مشاكل ف حياتك هتلاقي حياتك فيها هدوء وشويه تفتكري اللي امه مش كانت موافقه بس ابقي فكري نفسك ملكيش غير كرامتك واوعي ترجعي لازم تكوني متحكمه في تصرفاتك وشويه كده وشويه كده هتلاقي نفسك نسيتي الشخص اصلا تفكتريه هتقولي واي يعني.. واتمني ربنا يعوضك باللي يستاهلك يقمر
تم النشر الأحد، ٣٠ يونيو ٢٠٢٤
لما كنت صغيره كان عندي وسواس زي حضرتك بالظبط والفكره لما انطق حاجه جوا تفكيري واقول انا اذاي بقول كده الاقي الوسواس زاااد اوي وبدل الكلمه بقيوا عشره كان حاجات غريبه جدا جدا والله ف المهم حصل معايا موضوع ولقيت انه العالم كله مشتت كله ماسك الفون بس محدش بيفكرك بربك واللي خلقك ف عملت ورد يومي من القرآن بعدين لقيت بشكل تلقائي بقرأ الاذكار.. وهكذا تدريجيا والفكره لاحظت انه اصلا بطل الوسواس ف اخدت فتره انشغلت فيها مره تاني وبعدت عن ربنا اوووي لقيت نفسي برجع للوسواس مره تاني واقوي والايام اللي اقرأ قرآن بشكل يومي يخف خالص ف بجد نصيحه اتقرب من ربنا الانسان من غير ربه ولا حاجة والله الانسان بيتكون حوله شعاع مضاد للشياطين لما يتقرب من ربه ولما بيبعد بيكون ضعيف اووووي ف ربنا يعينك يارب وان شاء الله بإذن الله هتخف لما تتقرب من ربنا
تم النشر الأحد، ٣٠ يونيو ٢٠٢٤
كنت ف فتره من حياتي كده بس الحمدلله لما بدات اتقرب من ربنا وانشغل ف دراستي نسيت كل دا هو قبل كده شوفت ايه ف القران بتقول "اضاعوا الصلاه واتبعوا الشهوات" ف انتي يقمر شايفه انه امر طبيعي عندك عشان انا برضو عندي 19 سنه ولازلت مش فاهمه لي كان عندي كده بس انا خفيت زي ما قولتلك لما اتقربت من ربنا وبصي ف الاول هتتقربي شويه ونفسك هتغلبك شويه هيبقا الحوار شويه تغلبي نفسك وشويه تغلبيها مع توبه لربنا انك مش هترجعي للموضوع تاني وان شاء الله ربنا يعينك ومتقوليش ربنا هيمل مني انا وعدته كذا مره.. لا انتي بتتعاملي مع ربنا وربنا كامل عارف انه الانسان ممكن يضعف بس لازال قوي ف حاولي تقري اذاكار الصباح وتعملي ورد يومي قران تبدأيه من سوره البقره للاخر مش مهم كم صفحه ف اليوم اهم حاجة الاستمراريه وربنا يعينك ان شاء الله يمكن مش اخدتي مني رساله محدده لكن تجربتي كانت كده..
تم النشر الخميس، ٢٧ يونيو ٢٠٢٤
ونعم بالله بجد شكرا ع كلامك الراقي وع عقليتك اخي ماشاءالله عليك ربي يزيدك 🌷
تم النشر السبت، ٢٩ يونيو ٢٠٢٤
بخصوص كلامك بجد والله ماشاء الله عليك عندك حق ف كل كلمه وحاسه عقلي بدا ينفتح شويه واني استوعب الامور بشكل اكبر + بخصوص الناس الحمدلله بساعد الكل ودايما بجبر بخواطر زملائي دايما سواء ف استوريهات او اي الطقم الجامد دا بس مبلاقيش حد بيعاملني نفس المعامله ف بزعل وانا بتقفل بسرعه ف مبقتش حاليا منتظره حاليا حاجة من حد بقيت كل حاجه انا بديها لنفسي وبخصوص كلامي عن نفسي لا دا تقدير ليها مش تكبر خالص فكره انك بتواسي نفسك بنفسك وبتجبرها ع المذاكره مثلا عشان تجيب درجات حلوه كمثال .. الخ دي حلوه اووي بحبني اني بسمع كلامي واني مش بضيع وقتي وعموما معلش طولت ليك شكرا لعبورك اللطيف 🌷
تم النشر الجمعة، ٢٨ يونيو ٢٠٢٤
شكرا ليكي يقمر والله ع كلامك بجد وهحاول بجد والله🥰♥️♥️♥️♥️
تم النشر الخميس، ٢٧ يونيو ٢٠٢٤
بجد شكرا ليك ولدعمك حبيت اني اطور من نفسي بسبب تشجيعك وبخصوص الصحاب ف فاكس بامانه لاني اتعودت ادي كل الحب لنفسي اي حد بيدخل حياتي ومش عارفه هل دا تفكير سليم ولا اي مش بعرف اديله حب كافي لاني اتعودت وبحس انه بيخلصوا طاقتي بالكدب.. وحاضر جدا بخصوص الأسماء اللي ذكرتها ف كلامك هبدأ اني استغل وقتي بشكل كويس اني اشتغل ع النقطه دي شكرااا
تم النشر الخميس، ٢٧ يونيو ٢٠٢٤
طيب دلوقتي في واحده صحبتي عملت معايا موقف وحش.. ف انا مش عارفه اتصرف معاها اذاي اي الرد المناسب اللي المفروض يكون انا شخصيتي قويه وحابه مثلا تاخد رد فعل يضايقها بس بشياكه مثلا ببقا مش عارفه اي الرد المناسب... هل دا من نقص الخبرات ولا اي والتعامل مع الاشخاص ولا اي ؟
تم النشر الخميس، ٢٧ يونيو ٢٠٢٤
لا جدعه يقمر ربنا يوفقك واحسن حاجه والله عملتيها لي تتعبي طووول السنه وف الاخر بجي حد متعبش ربع تعبك تلاقيه ف طب وف صيدله.. الخ ويعلي التنسيق.. ربنا يوفق جميع طلاب الثانويه ♥️♥️♥️♥️
تم النشر الأربعاء، ٢٦ يونيو ٢٠٢٤
لعرض الملف الشخصي في فدني اضغط هنا