Mariam Ahmed

أنا مش شايفة نفسي تخينة ، ومش باكل كتير ، جت مرة تخنت عشرة ك عن وزني المعتاد لقيت الكل متضايق ولازم تخسي عشان صحتك وكانت رجلي بتوجعني قالولي بسبب الدهون وكدا ، وتعملي دايت وتروحي جيم ، عملت كدا وعرفت ف الاخر أن وجع رجلي قلة حركه مش دهون ولا حاجه . معنديش مشكله مع الجيم خالص بالعكس حلو جدا ، مشكلتي كلها في الدايت ، أنا مش أكيلة شهيتي عادي مش مفتوحة اوي بس لما بدأت أتمنع من حاجات نفسيتي بقت بتتعب خاصة لو لقيت حد حواليا بياكلها وأنا مش باكلها بتصعب عليا نفسي جدا ، وأنا معنديش حد معيل ليا سوي ربنا أنا معيلة نفسي فبقول يعني لو أنا كمان حرمت نفسي مع العالم دا أنا كدا حرام عليا نفسي ، فببوظ الدايت ، وحاليا كارهة الدايت وكارهة الي اخترع الكلمة وبقت كلمة دايت دي بالنسبالي فلم رعب ، اعمل اي؟

مش هقدر أفيدك بحاجه في الموضوع دا بس الي أقدر أقولهولك ، ربنا الي كتب عليكي دا قادر إنه يخرجك منه ف ثانيه واحده ادعي ربنا وتوكلي عليه وقوليله رميت حمولي عليك يارب انت وكيلي ووليي وكوني واثقه بكدا من قلبك وإن شاء الله ربنا يحل الموضوع دا من عنده .

ربنا يشفيك ويعافيك يارب ، اعتبرها سنة زي أي سنة حرفيا ، زي م كنت بتذاكر ل تانيه ذاكر لتالته لأن ف الاول والاخر مش هتاخد الا الي ربنا كاتبه ليك وكل حاجه كتبها ربنا خير ، فلو انت تعبان ذاكر ع أدك ، لو كويس الحمدلله ذاكر ع أدك برضو ، ع أد مستوي فهمك وتركيزك لو انت مبتعرفش تركز ف المذاكره الا ساعتين ف اليوم اعمل كدا ومتتفرجش علي فيديوهات ازاي تذاكر ٢٤ ساعه متواصله ، سيبك من كل حاجه أصلا ومن كل حد حواليك انت اكتر واحد عارف نفسك ، تقدر تذاكر وقت أد اي ، ف الوقت دا ذاكر ابدأ بالسهل بالنسبالك لو نفسك مقفولة من المذاكرة ، وكل حاجه قيسها بالنسبالك انت مش بالنسبة لحد تاني دي مذاكرتك ودي حياتك ، اعمل كل الي عليك وف نفس الوقت ريح نفسك وسيبك من كلام اي حد

ركز في صلاتك و قربك من الله ، هتحس بفرق رهيب لو ركزت بجد ، المؤمن عامة لم يخلق عبثا ، المؤمن حتي لو لم يكون له مركز عالي في الدنيا فالمقياس هنا ليس الدنيا أساسا بل الجنة ، متى تكون نجحت؟ لما تدخل الجنة إن شاء الله ، أنصحك بالابتعاد عن مشاهدة ومتابعة صفحات بعض الناس على مواقع التواصل لأن دا أساس الشعور ، وركز أكتر فيك ، اي المناسب لشخصيتك واحتياجك الشخصي ، مناسب تشتغل تشتغل مناسب تقعد اقعد ، لا ترهق نفسك ، ف الدنيا فانية العبرة بالآخرة ، ركز في دينك اقرأ كتير عنه.

المشكلة قدام القراءة إن طلع نت ومكاتب الكترونية والحاجات دي الي بتبوظ العين بصراحة