Ibrahem Ahmed

انا شايف ان خوفك انك تفقديهم وما يبقوش اصدقائك محجم تصرفاتك ومخليكي مش عارفة تتصرفي علي طبيعتك وطبيعة شخصيتك، فبالتالي هما شايفين ادامهم شخصيه مهزوزه صعب تتحب.

والله يا صاحبي انا شايف لازم تقولها وقبل ما تقولها تسأل دكتور تشوف الموضوع دا هيأثر ولا لأ وادعي ربنا وان شاء الله لو فيه خير ربنا يتمم علي خير

ايه رأيك في شغل البرمجة وتصميم المواقع؟ الشغل دا مطلوب جدا وممكن تبدأ تتشغل فيه بعد دراسة ست شهور

المرض مش عيب، وربنا سبحانه وتعالي بيبتلي عباده علشان يختبر صبرهم، ربنا يشفيك ويعافيك وجميع المسلمين.

بص علي حد علمي لو انت في مصر ممكن تشوف مدرسة السويدي او مدرسة العربي. الشركات الصناعية الكبيرة بتعمل مدارس تدرب فيها خريجي الصنايع والعمال ،فقدم فيها

يا صديقي مادام انت معملتش حاجه حرام متلتفتش لكلام الناس اللي مش مستند علي دين اسأل عليها واسمع واوزن الكلام اكيد انت سألت عليها وعرفت انها بنت ناس ومحترمه حضرتك ٢٩ سنة يعني كبير وعارف وادري بظروفك ومصلحتك

المذاكرة وتشغيل العقل بتبقي عامله زي الترس، لو الترس دا اتركن كتير بييجي عليه صدا، ولو جيت تحركه هتلاقيه خشن في الأول وبعد كدا بيفك ويجري، كذالك العقل، لو توقفت عن الدراسة فتره هتلاقي الموضوع صعب جدا في الأول نصيحتي ليك استمر وجاهد نفسك ومتقلقش قريب جدا هتلاقي الموضوع بقا أسهل بكتير بإذن الله تعالي ❤️

لو عندك مكان في البيت خاص بيك وهادئ وتقدر تاخد فيه دروس اونلاين بدون تشتت كان بها، وإلا خليك في الأوفلاين

الا بذكر الله تطمئن القلوب اذا كان عندك اكتئاب بدن سبب انصحك بقراءة القران و التقرب من الله وفعل الطاعات، استغل اوقات فراغك. انزل غير جو والعب رياضه وانزل اتمشي. لو الأكتئاب استمر معاك فتره طويلة (ايام) انصحك تتوجه لأخصائي نفسي وهتتعالج إن شاء الله❤️

التمييز دا بيكون اما ١.أخوك ظروفه المالية وفرصه المستقبلية مختلفه عنك، فبالتالي بيحاولو يعوضوه علشان يبقي زيك. ٢. لميل فطري تجاه اخوك ودي حاجه خارجه عن ارادتهم. طبيعي انك تلاقي ابن مفضل اكتر من التاني وحضرتك عندك اولاد واكيد عارف دا، يمكن الموضوع كان هيبقي افضل لو كانو عرفو يخبو دا عنك بس في الغالب الأهل مبيعرفوش. وفي كل الأحوال من واجبك أن تصبر علي والدك ووالدتك حتي لو صدر منهم تمييز، وصدقني دا شيئ معروف وبيتكرر كتير.

لما يطلع من السجن إن شاء الله لازم يتحجز في مصحة علاج ادمان وإن شاء الله ربنا يوفقه ويكرمه بس لازم يتعلم من أخطائه

استعوضي الله في اللي راح واحرصي علي ان ميكونش فيه اي حاجه مخالفة شرعية او حرام بتعملوها الا وتبطلوها وتتوبو منها ربنا يتوب علينا وعليكم. وبإذن الله ربنا يبارك في رزقكم

قال رسول الله صلي الله عليه وسلم إذا اتاكم من ترضون دينه وخلقه فزوجوه، إلا تفعلو تكن فتنة في الأرض وفساد كبير

لا حول ولا قوة إلا بالله اصبري واستحملي وربنا يجزيكم الجنة إن شاء الله واحمدي ربنا علي ابتلائك، لا يكلف الله نفسا إلا وسعها، وربنا سبحانه وتعالي بيبتلي كل واحد ابتلاء ، الله يعلم انه قادر يتحمله. عليك بالدعاء والتوكل علي الله. بالنسبة للمذاكرة واللعب، اثبتي لوالدك واهلك انك مجتهدة من درجاتك، وانك بتذاكري بدون ما حد يطلب منك علشان انتي عارفه مصلحتك.

عندي لك نصيحتين ١. اقطع صلتك بأقاربك هؤلاء تماما، وهذا حقك وهذا شرع الله مادام رؤيتهم وصلتك بهم تؤذيك فدفع الضرر مقدم علي كل شيئ. اقطع اخبارهم من حياتك تماما علشان توقف الإستفزاز اللي انت بتتعرضله. ٢. ارجوك روح لطبيب نفسي، ودا برضو حقك ومش عيب فيك، كان احد الاطباء النفسيين بيقول ان معظم الناس اللي بتروح للطبيب النفسي هم ضحايا المرضي الحقيقيين. وللأسف معظم الناس اللي هنا مش مؤهلين يحلو مشكلتك، وانا انصحك انك توكل الموضوع لأهله، روح لمركز تأهيل نفسي او لدكتور شاطر وسيبك من اي حاجه تانيه. الطبيب النفسي هو اللي هيدلك تاخد حقك منهم ازاي.

اتحجبي حتي لو والدتك مش موافقه، ربنا سبحانه وتعالي اباح مخالفة الابوين في حالة واحدة فقط وهي معصية الله سبحانه وتعالي، بل ان والدتك تأثم لو اجبرتك علي خلع الحجاب. اتحجبي ومتخافيش، كلميها براحة وبمنتهي الأدب والحب وقدوتنا في دا سيدنا ابراهيم عليه السلام لما كان بيكلم والده قاله يا ابتي ودا اسلوب نداء ليُحنن قلب أبيه ويستلطفه. اعرفي اسبابها وكلميها بالحسني واثبتيلها انك هتبقي احسن بالفعل لا بالقول. واعرفي ان دا ابتلاء من ربنا ليكي فاصبري واحتسبي الأجر عند الله سبحانه وتعالي. وهي لو لقت منك ارادة حقيقية وتغير للأفضل هتتراجع ان شاء الله ربنا يبارك فيكِ ويتم نعمته عليكِ

روح مكتب التجنيد والتعبئة اللي انت تابع ليه واسئلهم علي الاجرائات.

عندك المجالات دي المبيعات التسويق Call center او استقبال المكالمات ديليفري كاشير كل الوظايف مطلوبة ولا تتطلب خبرة ومرتباتها في حدود ال 3000 علي حسب عدد ساعات العمل وطبيعة الوظيفة طبعا لازم تكون عارف ان الوظايف دي محدش بيعلي فيها و مؤقته فلازم تكون بتدرس او بتطور نفسك

في مجال الأدوية ابحث عن احمد الجويلي، بس ملحوظة لازم تكون صيدلي

شوف يا صاحبي والله قبل ما اكمل قراءة كان عندي احساس ان دي اعراض ادمان الاباحية، أسأل الله ان يعافينا ويعافيك ويشفيك وجميع المسلمين كل الأعراض اللي عندك ضعف الشخصية و اكتآب وقلق اجتماعي كل دا بسبب الإدمان الخبيث دا. وانا اقسم لك بالله انك لو توقفت عن الإدمان دا حياتك هتختلف تماما، ودليلي علي كدا هو جروب واعي لعلاج ادمان الإباحية، خش وشوف هتلاقي ناس كتير كانو زيك والحمد لله بقو في حته تانية اخر حاجه ياريت تتفرج علي الفيديو دا https://youtu.be/8GE28QWYAYw بودكاست ايه المشكلة في الإدمان

زكاة العلم نشره، لو عندك معلومة تفيد بيها الناس انشرها حتي لو مش كل الناس هيتقبلوها، ودا لأننا بنعامل ربنا مش الناس.

لدي نظرية اخري وهي ان ذكية مكلفة جدا وطلبت علاوة علي مرتبها ،فلما رفضت الادارة العلاوة قدمت ذكية استقالتها

اتقي الله في نفسك ومشاعرك واصبري لغاية ما يجيلك اللي فيه النصيب

اولا: ادعي ان ربنا يرزقك زوجة صالحة ثانيا: عرف الناس اللي حواليك انك بتدور علي عروسة وانك قادر علي الزواج وعرفهم امكانياتك، من اول امك واخواتك وخالتك وعمتم لغاية جيرانك واصحابك. قال رسول الله صلي الله عليه وسلم: وجئتم تسألوني عن الرِّزقِ من أين يأتي وكيف يأتي ، [ أبَى ] اللهُ أن يرزُقَ عبدَه المؤمنَ إلَّا من حيث لا يحتسِبُ.

الاولي حلال والثانية حرام

صلي استخارة

مثل هذه المسائل فيها تفصيل شديد لكن باختصار معظم فرق الشيعة يسبون الصحابة رضوان الله عليهم ويسبون ام المؤمنين عائشة التي برأها الله في القران الكريم. ويسبون ابو بكر الصديق رضي الله عنه ويسبون عمر بن الخطاب رضي الله عنه. أيضا بعض فرق الشيعة منهم من يؤمن بما يسمي بالتقية، ومعناها يجوز لهم الكذب علي غيرهم لتحقيق مصالحهم. هذه اشهر ضلالات الشيعة وليس كل فرقهم يسبون الصحابة لكن اغلبهم والله أعلم.

Data analysis يفضل تكون خريج حاسبات او هندسة UX design ممكن اي حد يتعلمه عادي

كلنا عارفين قصة الرجل الذي قتل ١٠٠ نفس بعد كدا راح لعالم سألة هل لي من توبة فقاله ان له توبة بس لازم يخرج من البيئة اللي ارتكب فيها المعاصي وامره انه يروح قرية فيها ناس صالحين. نفس الكلام، لو الواحد عايز يستمر علي التوبة دي ومينتكسش لازم يسيب اصدقاء السوء ويبعد عن كل اللي بيفكره بالمعاصي دي. ويتخذ لنفسه بيئة ايمان واصدقاء يحثوه علي الطاعات

الليلة ليلة الخامس والعشرين وبدأت من اذان المغرب وتنتهي مع اذان الفجر. وهي ليلة وترية

انا رأيي انه بدل ما تركزي ان اللعبة هي المشكلة تركزي علي المشكلة الأكبر منها وهي حسابات التواصل الإجتماعي، لو حضرتك تابعتي مع اي تربوي هيقولك ان الألعاب العنيفة دي عادي بالنسبة للشباب لكن حساب علي التيك توك دا كارثة من وجهه نظري علي مستويين المستوي الأول وهو الفرجة، الحاجات اللي بتتعرض علي التيك توك والريلز اقل ما يقال انها حرام وفتنة، دا غير انها بتسبب خلل في نظام المكافاءات في الدماغ. وللأسف انا اعرف ناس بقعدو عليها بالست ساعات في اليوم احد ما بقي ادمان. المستوي التاني وهو رغبته في النشر وكسب الفلوس ودا هينمي عنده الرغبة في الشهرة والكسب السريع ودا برضو هيدمر نظام المكافاءات وممكن يسيب الدراسة لو لقي نفسه بقي "صانع محتوي" مشهور. انا مش متخصص في التربية بس مينفعش شاب مراهق يبقي عنده موبايل ful access علي ايه حاجه علي النت.

https://youtu.be/UjNFpGcw6Nw فيديو جميل جدا هيفيدك

لو انت عايز فلوس بسرعة يبدي دور علي الشغلانات اللي مبتطلبش علم زي العامل والبياع وكلها وظائف محترمة ومرتباتها مابين الفين لأربعة. بس زي ما انت عارف مش هتعلي فيها. لو انت عايز فلوس بس مش مستعجل يبقي نشوف علي حسب امكانياتك ووقتك ورغبتك، تتعلم وبعد كذا تشتغل عندك UI/UX اللي هي بالعربي كدا برمجة واجهات المواقع. دي بتحتاج اقل حاجه ست شهور دراسة وشغلها حلو ليه مستقبل محترم عندك التصميم والديزاين. بتحتاج موهبه وتتعلم الفوتوشوب او ال illustrator. الحل الوسط انك تعمل الاتنين، تشوف وظيفة بعدد ساعات مش اكتر من ٦ - ٨ ساعات وتتدرس اللي انت بتحبه. وربنا يوفقك

قرأت عن احد الشيوخ ان دا دليل علي ان صلاتك حسنة ومقبولة إن شاء الله، لأنها لو ما كانت صحيحة ماكانش الشيطان حاربك فيها، فانت لازم تعرف دا وتحاربه وتحاول تركز علي قدر استطاعتك. https://islamqa.info/ar/answers/129871/ينتابه-ضيق-وحزن-على-عدم-التركيز-في-الصلاة-فهل-يعيدها

الطريق دا يلزمه خطوتين الخطوة الاولي الدعاء، ربنا سبحانه وتعالي قال يؤتي الحكمة من يشاء. ومن يؤتي الحكمة فقد اوتي خيرا كثيرا. وما يذكر إلا اولو الألباب. فعليك بالدعاء والإستعانة بالله. الخطوة الثانية بعد فضل الله ومنته هي الخبرة. والخبرة بتحقق بحاجتين ١. التجربة: يعني زي ما بتلاقي الناس الكبيرة عندا خبرة كبيرة جدا ليه؟ علشان جربو كذا مرة. ٢. ولو انت مش عايز تضيع عمرك في التجارب وعايز تستغل تجاربك صح يبقي لازم تكتسب معرفة. زي الحكمة الي بتقول: من وعي التاريخ في صدره، أضاف أعمارا إلي عمره. ومفيش حد هتلاقي عنده خبرة ومعرفة زي سيدنا النبي صلي الله عليه وسلم وصحابته رضوان الله عليهم.

بصراحة يا اخ منطقك غريب انت عامل زي اللي كان رايح مشوار فلقي كذا مواصلة رايحة. فقرر انه يرجع وميروحش. تعدد الطرق ما هو الا دليل علي وجود الحق. دور عليه وهتلاقيه.

ومهم جدا تفتكر مقولة الإمام الشافعي: شكوت الي وكيع سوء حفظي. فارشدني الي ترك المعاصي واخبرني ان العلم نور. ونور الله لا يعدي لعاصي فعليك بالتوبة وربنا يهدينا جميعا ان شاء الله

في العاب تقوية الذاكرة هتلاقيها علي البلاي ستور زي Brain training - logic puzzle

الإنتحار مش حل، ولازم ميبقاش اختيار اصلا. هات ورقة وقلم واكتب النعم اللي في حياتك، افتكر اوقات ما كنت عيان وكان كل املك انك تخف. غير عقليتك وطريقة تفكيرك السلبية وفكر في حلول واقعية لمشاكلك. وربنا يوفقك للي فيه الخير

تجربتي مع امازون لو بشتري حاجه متوفرة في الأسواق وسعرها نقارب لباقي المحالات بتبقي حاجه كويسة جدا في الغالب. انما لو الحاجه دي نادرةاو بتأدت تخلص من السوق او سعرها اقل من الطبيعي غالبا بيبقي فيها عيب. غالبا لو لقيت مكتوب عليها متبقي قطعة واحدة بنسبة كبيرة بيكون فيها مشكلة. والله اعلم طبعا. تكلفة التوصيل ٢٨ جنية تقريبا.

اللي حصل حصل ولاداعي للنبش في الماضي المهم حل المشكلة الحالية في جمعيات كتير بتقدم خدمة محو الأمية بشكل مجاني تماما زي جمعية رسالة. ولازم تشجعيها لو لقيتي عندها الرغبة والارادة لكدا

قال رسول الله صلي الله عليه وسلم: من يرد الله به خيرا يفقه في الدين

أولا لازم تحاولي بشتي الوسائل تبطلي الفعل دا، دا تشوية متعمد وليس له اي معني، لا حل مشكلة بل بالعكس دا بقي مشكلة وذنب كبير جدا عند ربنا. ثانيا توجهي لأخصائية علاج سلوكي معرفي، وارجو ان تحرصي ان تكون دكتورة مش دكتور.

نصيحة لوجهه الله يا صديقي مفيش حاجه انا مثلي ربنا خلق الناس ذكر وانثي الشذوذ هو حاله نفسية وليس جينات تجري في دمك. انصحك بمشاهدة هذه الفيديوهات ١. الدكتور هيثم طلعت: ماذا يفعل الشخص الذي يعاني من ميول مثلية https://youtu.be/5WwetYTTWSI ٢. المثلية في الجينات https://youtu.be/8qsGIZWFGcE ٣. الدكتور اياد قتيبي: تزييف العلم، الشذوذ مثالا https://youtu.be/_IJo8qTTOmc وأدع الله لك بالتوبة والهداية

لو انت في مصر مينفعش تسيب شغلك قبل ما تكون لاقيت شغل مكانه.

اكتب علي اليوتيوب: قتاة الزيرو ثم ادخل علي playlist ستجد road map for front end developer

أجمل كتاب قرأته في حياتي: يتكلم مؤلفه فيه عن أمراض القلوب وكيفية معالجتها، ويذكر لك ما يحببك في الطاعة وما ينفرك من المعصية، ويعلمك كيفية الدعاء والخشوع كتاب الداء والدواء لإبن القيم رحمه الله تعالي الكتاب مقسم لفصول قصيرة وسهل اللغة

لا تجعل هدفك إرضاء الناس فتلك غاية لا تنال. وابحث لنفسك في كل عمل عن نية صادقة وركز عليها فقط. وبصراحة علشان أكون صادق معاك الكلام اللي انا قلته دا صعب تطبيقة جدا جدا

والله يا صاحبي احنا في زمن صعب جدا فعلا والواحد عايش بالعافية أصلا، بس صدقني الإنتحار مش حل. انت ممكن تكون بتمر بإبتلاء من ربنا سبحانه وتعالي لحكمة لا يعلمها إلا هو. ذكر أن أحد الخلفاء نقش علي خاتمه "كل مر سيمر" حتي كلما نظر الي الخاتم تذكر تلك المقولة. احفرها في دماغك. وأنا مش عاوز أهون من الموضوع لأني مش عارف التفاصيل بس والله دا مش حل، اثبت دا امتحان وكلها مسألة وقت وهيعدي. وافتكر ان ربنا سبحانه وتعالي مبتلكش بالإبتلاء دا غير علشان ربنا يعلم انك تقدر تتغلب عليه وهتعدي إن شاء الله

في المذهب المالكي، صلاة الصبح هي الفريضة وصلاة الفجر هي سنة الفريضة.

غياب تام لدور الأب. الأب هو المسؤول عن تقويم الإبن والإبنه وهو وليها والكلمة كلمته ان خاف فسادها زوجها والا فلا. دياثة الأب حين يترك ابنته تخرج الي الشوارع بحجاب غير مكتمل او بملابس جذابة او ما هو أسوأ.

اسأل في جروبات المغتربين يمكن تلاقي حد يفيدك. ربنا هيكرمك إن شاء الله

بتشتغل ايه؟

https://youtu.be/p47cemcgUvQ

انصحك تتابع د ايهاب مسلم هيفيدك جدا وعنده جروب عالفيسبوك كله خبرات وتجارب هينفعك برضو

مش عارف يا صديقي بالتوفيق إن شاء الله

انت بتصلي الصلاة في وقتها؟

بتفطر كويس؟

وانتم بخير دائما إن شاء الله

فعلا انصحك تمشي في السكة دي ودا شرع ودين يعني مش حاجه غلط، (إن الله لا يستحيي من الحق)

ذكية في اي عام نحن؟

شكرا جدا

روح المدرسة لوحدك وخش للمدير اسأله، لو وافق خد منه معاد وهات مراتك وابنك معاك

للأسف هذه المقارنات ستسبب مع الوقت حاله سخط عام وإنكار كل معروف تفعله والعيش في عذاب نفسي لا طأئل منه. استعن بالله وعليك بالدعاء اللهم إني أسألك القناعة. واحتسبي نية صالحة في كل اعمالك وفي دراستك وفي خدمة اهلك. وتذكر قول رسول الله صلي الله عليه وسلم :(إِنَّ الله لا يَنْظُرُ إِلى أَجْسامِكْم، وَلا إِلى صُوَرِكُمْ، وَلَكِنْ يَنْظُرُ إِلَى قُلُوبِكُمْ). فمن أصلح الله نيته في أعماله تمت له السعادة وانتفع بأعماله، ومن فسدت نيته لم تنفعه الأعمال

الحجاب فرض فرضه ربنا سبحانه وتعالي عليكي زي ما فرض علينا احنا الرجالة القتال والحرب والدفاع عن اهلنا وارضنا. وعسي ان تكرهو شيئا وهو خيرلكم وعسي ان تحبو شيئا وهو شر لكم والله يعلم وانتم لا تعلمون. نصيحتي لكي اختاري صديقات يأخذن بيديك إلي الجنة وابعدي عن مصدر تلك الوساوس.

امرلأي الفراغ العاطفي في حياتك بالقرب من أهلك اجدادك واخوالك و اعمامك وامك وابوكي لأن الناس دي لما بيحبو بيحبو بدون مصلحة. انما بصراحة كدا الراجل اللي يرتبط ببنات الناس ومش ناوي يتقدم دا يبقي بيتسلي وبيقضي وقت. فسيبك منه. ودي فرصة جميلة جدا انك تبعدي عنه احنا في رمضان شهر التوبة والعبادة والصلاة والقيام.

دا مش نفاق. لو انت بتصلي علشان ربنا وبتصوم علشان ربنا حتي لو عندك ذنوب ومعاصي فدا مش نفاق. النفاق هو ان تظهر خلاف ما تبطن. وعموما احساس انك مكسوف من معاصيك دي إشارة إنك عايز تتغير للأحسن، ف إدعي ربنا. اللهم اعتق رقابنا من النار واكتبنا عندك من المقبولين وخد خطوة في حياتك دلوقتي قبل ما ييجلك تبلد في المشاعر.

بالنسبة لسؤالك الأخير إسأليه عن أهدافه وطموحاته المستقبلية. اذا اردت ان تعرفي اذا كان شخصا صادقا فانظري ماذا فعل في واقعه الحالي لتحقيق مستقبله. يعني مثلا شاب يقول انا نفسي احفظ القران الكريم كاملا، طيب انت دلوقتي حافظ كام جزء؟ بتروح مركز تحفيظ او لشيخ ولا لا؟

بالنسبة لي مقياس السعادة بيكون بمقدار تحقيق الصفات اللي انا نفسي تبقي فيا. يعني مثلا من الصفات دي اني ابقي بار بأهلي فلما أعمل حاجه تزود الصفة دي بفرح ولما بعمل حاجه تقلل الصفة دي بحزن. وهكذا

تطبيق جميل جدا اسمه الكلم الطيب

إن شاء الله فترة وهتعدي وربنا كريم

ما دا عادي انك تتكلم وتزهق. انت مش هتكسب صحاب ف يوم وليلة. حاول تشوف نشاطات مشتركة وتتكلمو فيها. وحاول تكون مميز ف حاجه

البيئة باختصار. صاحب ناس أسلوبهم لبق وراقي وتكلم معاهم وهتبقي زيهم

لازم يكون ليك قدوة. إقرأ في سيرة سيدنا عمر بن الخطاب ومعاوية بن ابي سفيان وعمرو بن العاص، وشوف كانو بيتعاملو وبيتصرفو ازاي وقلدهم

لعلكم تتقون

تطبيق اسمه( brain training - logic puzzle)

الصداع دا بيبقي حاجه من اتنين يا اما جفاف مياة او نقص سكريات. فلازم السحور يحتوي علي الياف تحافظ علي المياة في الجسم اطول فترة ممكنة زي الخضراوات الطماطم والخيار تاني حاجه جرب تاكل تمرة مع السحور او تحط سكر مع الزبادي. جرب قولي

شوف إمتحانات قديمة عند الدفعات الأكبر منك

انا عشت في دايرة التسويف دي قبل كدا أقسم بالله أسوأ حاجه ممكن تعملها في نفسك. كفاية تعذيب لنفسك يابني قول دلوقتي صلي ركعتين وقسم اللي عليك لمهام صغيرة جدا إن شاء الله كل مهمه صفحة أو درس واحد وإبدأ وأول ما تنجز مهمه كافئ نفسك وإكسر حاجز الخوف دا وإبدأ بالله عليك. إبدأ

إن شاء الله و نصيحة إعتزل ما يؤذيك

الدنيا دار كد وتعب. ولا راحة إلا في جنات أعدت للمتقين. والحمد لله كدا كدا أحنا مش معمىين في الدنيا كلها كام سنة بالكتير اوي ستين ولا حتي مية وكل واحد يروح لبيته الحقيقي. فحاول تعمر البيت دا ولو بالقليل النبي صلي الله عليه وسلم قال من قرأ قل هو الله أحد بني الله له بيتا في الجنة ،💖 ودي بالنسبالي أكتر حاجه ممكن تصبرني علي مشاكل الدنيا

اول حاجه ديلوقتي اخوكي مبهور بشخصية قريبكم دا فلازم تكسرو الإنبهار دا. زي مثلا انه يشوف قريبكم بيتهزق علي غلطة عملها أو يشوفه وهو في مشكلة ومش عارف يتصرف. تاني نقطة لازم تخلقي قدوة صالحة لأخوكي بدل الواد دا. تقعدو تتكلمو عن صفات الرجولة ومصدرها. وهل كان في حد أكتر رجولة وجدعنه من سيدنا النبي صلي الله عليه وسلم وصحابته والتابعين؟ طب هل في من الصحابة كان بيمد إيده علي أخته أو علي واحدة ست؟ هل تفتكر الصحابة لو كانو عايشين في زماننا دا كانو هيحتاجو يشربو سجاير علشان يثبتو أنهم بقو رجالة؟ أتمني تكون الفكرة وصلت.

الموضوع هيبقي وحش قوي لو جالك دلوقتي عريس وراجل كمل واهلك وافقو عليه هتبقي معاه بس قلبك مع حد تاتي ودي خيانة ليه ولنفسك لأن ربنا كرم الإنسان ووضع له قواعد علشان يصونه بيها. فتخيلي لما انتي تكسري القواعد دي وتؤذي نفسك بنفسك. إتقي الله ومن يتق الله يجعل له مخرجا ويرزقه من حيث لا يحتسب. ربنا يهدينا ويهديكي

اول حاجه شوفي مشكلة الناس بتعاني منها وانتي ممكن يكون عندك حل ليها و ممكن يبقي هو دا موضوع المقالة. تاني حاجه فكري في الكتابة كهواية ومساعدة للناس فقط مش كمهنه. ثالث نقطة كطمش شرط تبدأي بكتابة كتاب ممكن تبدأي بقراءة مقالات قصيرة علي موقع زي ميديم medium وتعملي عليه حساب وتبدأي تقلدي اسلوب المقالات وتنشريها. وبعد كتابة عشر مقالات ممكن تبدأي تنشريها بين صحابك أو علي جروبات.

قسم المهام الكبيرة لمهام صغيرة وضع في كل يوم عدد من المهمات الصغيرة وبينها فواصل للراحة وعند انجاز احدها تقوم بمكافأة للتحفيز علي إنجاز الباقي

بالنسبة للحساب اليومي اللي بنستخدمة في الشارع انت محتاج تعرف ازاي توصل لرقم العملة. يعني مثلا انت معاك عملة ب 100 وعايز تشتري حاجه يبقي انت محتاج توصل الرقم دا لقيمة العملة فلو الحساب مثلا 36. في كذا طريقة بس انا شخصيا بقسم الرقم دا لرقمين يعني 30 و 6. بعد كدا احسب لو اخدت من المية 30 يفضل 70. بعد كدا اخصم ال6 من ال 70 يبقي كدا الباقي 64.