السلام عليكم ورحمه الله وبركاته في شهر ٩ اللي فات ده في حد دخل كلمني علي التلجرام انا كنت بنزل استوريهات وهو كان بيشوفها وكان بيعمل لايكات عليهم فأنا كنت عاوزه اعرف بس هو مين دخل وكلمني وانا قلت له انت مين فقالي رقمك متسجل عندي باسم والدي وهو فعلا الخط كان متسجل باسم والده بس انا لما جبت الخط ده مكنش مع حد وقتها قالي دي خوارزميات التلجلرام وقالي عارفه يعني ايه خوارزم فقالي أنتي في ايه الاول علشان اعرف اشرح لك بطريقه مناسبه أو كويسه فقلت له أنا كنت ف ايه ودلوقتي في إيه وعرف اسمي وكل حاجه وقعدنا نتكلم كتير اوي بجد فأنا قلت له إن اللي احنا بنعمله ده غلط ومينفعش نتكلم كده قالي معاكي حق وممكن لما تحتاجي اي حاجه تكلميني فقلت له شكرا وخلصت الموضوع في اليوم ده جه هو بقي تاني يوم كلمني تاني هو كان بيسالني سؤال فرديت عليه عادي جدا فنزلت استوريهات تاني وعلق عليها برضو وعمل لايكات ودخلي واتكلمنا كتييير وبقي كل يوم يكلمني ويتطمن عليا وحكى لي كل حاجه حصلت في حياته وكان بيحكي لي اي حاجه مضايقاه وكان كلامه كويس جداً معايا طول الفتره دي والمفروض أن هو دخل الجيش في شهر ١٠ اللي فات وهو كان متضايق جدا أنه داخل الجيش فجه في ال٣ ايام اللي قبل الجيش دي مبقاش بيتكلم خالص ولا حتي بيقول صباح الخير زي عادته ومقاليش حتي أن هو مسافر فأنا معتبتهوش وقتها ولا قلت له أي حاجه عملت أن عادي مش فارقه معايا مع اني بجد كنت زعلانه جدا وعيطت وقتها ومش عارفه بجد هو ليه عمل كده والمفروض أنه جه من الجيش الاسبوع اللي فات ده مكلمتنيش برضو ولا قال لي اي حاجه فكان منزل استوري فدخلت له قلت له حمد الله علي السلامه فقالي الله يسلمك وحشتيني وعامله ايه وبرضو كلامه قليل اوي معايا فعاتبته المره دي قولتله انت ليه بتعمل كده ليه مبقتش بتتكلم خالص كده انا مش فاهمه بجد قالي قبل الجيش كان فيه خطوبه اخويا وكانو اهلي معترضين ع الخطوبه فكان فيه شويه مشاكل وكان لازم اعرف انا سلاح ايه فتوهت وقتها ومعرفتش ودلوقتي انا جاي من الجيش تعبان جدا وعاوز ارتاح وانتي شايفه الاجازه اسبوع واحد بس انا بقيت حاسس اني عامل زي العصفور اللي محبوس في قفص بيعمل اللي بينطلب منه وخلاص انا نفسي مش عارف انا ليه بعمل كده وكلام كتير كده انا عندي ١٨ سنه وبدرس حاليا وهو عنده حوالي ٢٣ أو ٢٤ ومخلص جامعه وشغال هو قالي المره دي أن هو مسافر فلما سافر انا عملت له بلوك من كل حاجه عندي انا بجد معرفش هو ليه بيعمل كده والله كان كلامه كويس جدا ف الاول وكان بيزعل لما كنت بتأخر عليه ف الرد وكان بيقولي انتي مطنشاني ليه كان كل شويه بيدخل يتطمن عليا ويقولي بتعملي ايه وكان بيحكيلي يومه كان ماشي ازاي النهارده وانا بجد ارتاحت معاه ف الكلام وحسيت اني حبيته فقولتله انا حاسه ب كده فسألته انت حاسس بحاجه فقالي وقتها اه قالي انا برتاح جداً وانا بكلمك وببقي مبسوط اوي برايكم هو ممكن يكون بيعمل كده ليه وهو فعلاً اللي بيدخل الجيش بيبقي مضغوط اوي كده انا عملت بلوك مش عارفه انا كده صح ولا غلط قولوا لي والنبي اعمل ايه لاني بجد تعبت وبقيت تايهه ومش فاهمه حاجه 😓😓
تم النشر الأربعاء، ٤ ديسمبر ٢٠٢٤
وعليكم السلام ورحمه الله وبركاته حاولي تقربي من ربنا كتيييير بجد اوعي تقطعي علاقتك بربنا حافظي علي صلاتك واقرأي قرآن واقرأي الازكار القرآن بجد راحه نفسيه كبيره وألا بزكر الله تطمئن القلوب وبرضو حاليا كل الناس بقت كده تخسي أن كل الناس بعدت عن ربنا بسبب السوشيال ميديا الناس متعلقه تغلق شديد جدا بالموبايل والسوشيال وحافظي علي صلاه قيام الليل وصلاه الفجر بجد احنا مش بنتعب غير لما نبعد عن ربنا ربنا يهدينا أجمعين ويخفف عنا همومنا واوجاعنا
تم النشر الأربعاء، ٤ ديسمبر ٢٠٢٤
انا من وجهه نظري بجد أن اللي عملتيه ده الأفضل ليكي يعني ايه هيقفل عليكي ومش هيعرف اهلك مكانك وعاوز ١٢ عيل بجد هتحسي نفسك عايشه في سجن بتاكلي وتشربي بس وحكايه الحشيش والسجائر دي انتي ايه اللي يضمنلك أن هو مش بيشرب اصلا ومبطلها وكمان عاوزك مطيعه يعني اللي يقول عليه حضرتك تقولي نعم وحاضر وبس بجد مش هترتاحي خالص ف العيشه معاه وصلي استخاره تاني وادعي ربنا كتير قبل م تاخدي اي خطوه لان ده اللي هتعيشي معاه العمر كله مش يوم ولا اتنين بس وربنا ييسر لك حالك يارب
تم النشر السبت، ٢٣ نوفمبر ٢٠٢٤
والله بجد انا مكنش ف دماغي أن انا احبه أو حتي أكلمه انا كنت رافضه كده أصلا من الاول بس بجد معرفش ايه اللي حصل وخلاني عملت كده والله مكنتش عاوزه اعمل كده
تم النشر الأربعاء، ٤ ديسمبر ٢٠٢٤
الحمد لله أن انتي وجوزك رجعتو زي الاول فحافظي علي علاقتكم دي جداً وطالما انتي حاسه بالذنب ده وضميرك بيأنبك فاستغفري ربنا وتوبي ليه وابعدي خالص عن الشخص اللي فات ده واقفلي اي باب ممكن أن هو يوصلك ليه علشان لا قدر الله لو حصل اي حاجه تاني بينكم هتروحي برضو للي يطبطب عليكي فاقفلي الموضوع تماما واستغفري ربك ومتحكيش لجوزك اي حاجه لان ممكن العلاقه مبينكو متبقاش احسن حاجه وربنا يهديكم يارب
تم النشر السبت، ٢٣ نوفمبر ٢٠٢٤
لعرض الملف الشخصي في فدني اضغط هنا