Rokaa 12

وببكي من اقل حاجة واتفه حاجة يعني لو حد بس قعد يزعق فيا بقعد اعيط جامد من اقل كلمة بقعد اعيط وانا مش حابة ضعفي دا خالص

انا بسامح بس للاسف مش بنسي وحابة اني اتغير عارفة انه انا اللي بخسر وجربت دا

عارفة انا لو الاقي حد يسمعني والله علي كل اللي جوايا ويطمني وياخدني في حضنه هرتاح وعارفة اني هتغير بعد ما اعمل كدا بس للاسف مش بلاقي حد يعمل معايا كدا الكل شايف اني مبسوطة قدامهم بس محدش يعرف اللي جوايا

هو انا فعلا بعمل كدا انا بحب الرسم جدا ولما ببقي مضايقة او مخنوقة بحب ارسم عشان ارتاح

امي لحد دلوقتي بتعاملني بالطريقة دي متغيرتش خالص واهوا انا عمري دلوقتي 19سنه يعني المفروض تبطل اللي بتعمله معايا بس بالعكس قاعدة

نفسي ارجع تاني زي ما كنت زمان هادية ومليش دعوة بحد نفسي ابطل عصبية وعناد حاولت كتير مش قادرة كل ما احاول ابعد عنهم عشان ابطل هما بيرجع ليا بيخلوني ارجع تاني زي ما كنت

كل اللي صعب عليا اني لما اسمع حد يقول عليا اني مجنونة وعصبية

معرفش مش عارفة افكر

بس انا مش الكبيرة في اكبر مني وفي اصغر مني

ماهو الكل عارف اني عصبية من طريقتي مع اللي في البيت دا بسمع الصغير قبل الكبير بيقول عني مجنونة

المشكلة دي مش بقدر ارد عليها خالص عمري ما عملتها عشان مهما كان دي امي

كان دايما من انا وصغيرة علي اي حاجه اني تزعق معايا وتضربني كانت معايا انا بس كدا مكنتش تعمل مع اخواتي كدا كانت كل يوم تدعي عليا اني اموت كنت كل يوم انام بعيط بسبب دا مكنتش الاقي حد اشكيله كنت بكتم جوايا دايما كنت بشوفها لما اخواتي يقولولها علي حاجة تجبهالهم وانا لما اقولها مكنتش بتجبلي حاجة دا انا في مرة كنت رايحة اعمل عملية المفروض انها تروح معايا بس هي معملتش كدا خالص بالعكس مرحتش معايا

لا هما السبب هما اللي خلوني كدا

لا مع البيت بس للاسف يعني لما بكون برا البيت ببقي كويسة مبسوطة او لو كنت عند حد ببقي بتكلم معاه عادي ومفيش اي مشكلة بس اول ما ارجع بيتنا ببقي مضايقة مخنوقة ولازم اتخانق بس والله انا ببقي كويسة وفي حالي بس هما اللي بيخلوني اتعصب عليهم

ماهو انا اصلا مش بتكلم مع اللي حوليا انا بحب دايما ابقي لوحدي مش بحب اختلط مع حد خالص بس المشكلة انهم هما اللي بيطروني اعمل كدا بس انا والله مكنتش كدا خالص كنت هادية وفي حالي ومش بزعق ولا عنادية بس من اللي شوفته غيرني للاوحش وخلاني كدا