انا عندى ٢٤ سنه معايا ٣ اطفال منهم ٢ توام وزوجى مسافر حاسة انى تعبانه قوى مره وحده ضربات قلبى بتزيد رحت لدكتور بطنه قالي عندك القولون العصبي واداني مهدي ومنوم لما الأزمة جاتلي تانى حولوني لدكتور قلب لان ضربات قلبى عاليه جدا ومبقدرش اقف على رجلي ومبقدرش اخد نفسى عملى رسم قلب قالي ضربات قلبك عالية شويه بس قلبك كويس ممكن ده توتر او زهق وادانى مهدئ للاعصاب وحبوب للاكتئاب. انا حاليًا بقيت عاوزة اقعد لوحدى طول الوقت معنديش خلق لاطفالى بقيت مخنوقه وحاسه ان فى حاجه كاتمة على صدرى عاوزة اعيط طول الوقت تحت عينى اسمر جدا وكل ال يشوفني يقول لي انتى بقيتى عاملة كدا ليه واخر حاجه بنتى عملت موقف هى عندها ٥ سنين اتعصبت وضربتها بقها قاعد يجيب دم كتير وبقت تبصلى وصعبان عليها لان اول مره اعملها كدا انا تعبانه مش عارفه مالى
تم النشر السبت، ٤ يناير ٢٠٢٥
لعرض الملف الشخصي في فدني اضغط هنا