Yousf Sakr

https://youtube.com/playlist?list=PLczRZ1lvZJNHezcozJeiCd2Hz_jwgVeBs&si=UZv12wVoMExYleiX القائمة دي جميلة جداً دكتور حازم شومان بيديك خبرة سنين.

اللغة العربية ثم الإنجليزية لو اتقنتيهم هيتفتحلك مجالات كثيرة جداً. الكتابة السريعة على الكيبورد أو الtouch typing و القراءة السريعة دي حاجات مهمة هتفيدك اياً كان مجال تخصصك.

الموضوع طبيعي هدي نفسك... ثانوية عامة مرحلة صعبة في حياتنا كلها المجتمع عظم من شأنها كأنها جنة أو نار.. انا فاكر قبل يوم العربي كنت قاعد على السرير بعيط من كتر الضغط ونمت من كتر العياط و امتحان الجيولوجيا قطعت المذكرة عشان مش قادر اراجع الباب الرابع و كذلك في الكيمياء و اللجنة عندنا كان الناس فوق بعضها من كتر الغش و الهرجلة لدرجة ان الديسك بيبقى قاعد فيه اتنين عادي برأيك كان سهل تركز او تسترجع معلومات في الوضع ده؟ مرحلة الامتحانات مش وقت تأنب فيه ذاتك، الخوف شيء طبيعي بيخف مع كثرة الذكر و قراءة القرآن و انك تعيش حياتك عادي. انا بكلمك بعد ٥ سنين من ثانوية عامة وبقولك متستاهلش ذرة تعب نفسي من التعبتها وده مش دعوة للكسل و إهمال الدراسة لكن وضع كل شيء في حجمه.. بالتوفيق.

قسم فترات مذاكرتك جلسات، لو انت مبتذاكرش خالص ابدأ بنص ساعة بس شيل فيها كل المشتتات تماماً واهمهم الموبايل متخليهوش في مرمى الرؤية أساسا. خلصت الجلسة خد راحة ٥ دقائق اطلع فيها بره مكان مذاكرتك (متمسكش التليفون) وهكذا لو عملت كده ٦ جلسات هتكون ذاكرت ٣ ساعات بمستوى جيد وطبعاً الوقت ده بيزيد مع الوقت. وحاول تشوف فيديوهات عن ازاي تقرأ وتذاكر.

أولاً ربنا يعينك ووالدتك عليه و يهديه لأرشد أمره. طبعاً الأكمل انك توديه لشخص متخصص يتعامل معاه ولكن لو ده متعذر لأي سبب من الأسباب فأعتقد وجود عامل ذكوري في بيئة الطفل مهم جداً في نشأته وبناء الشخصية سواء كان قريب من الأسرة او معلم او شيخ مسجد لكن لازم يكون موجود الدور ده بالذات انك وضحتي أن والدته تعبانه (اسأل الله أن يعافيها) فغياب العامل ده أعتقد انه من أسباب تصرفاته دي لازم حد يربيه و يبني نفسه، حاجاا زي مجالس القراءة الصغيرة مثلاً ربع ساعة في اليوم عن سير السلف الصالح الأنبياء و الصحابة و تفهميه ازاي كانوا ناس جامدة و تعرفيه على أخلاقهم وطباعهم. ذهابه لشيخ محفظ للقرآن ومربي ده شيء مهم بردو. خليه يتعود على الصدقة و البذل وفهميه إن الفلوس دي بتروح لربنا مش لحد تاني خلي العاطفة دي تتنمى جواه. لو فيه شاب أكبر منه قريب يعني ياخده ويروحوا يعمله أي حاجة فيها حركة رياضة مثلاً يروح يشوف اماكن جديدة (يشيل طوب) أي حاجة تعلمه الخشونة و تحمل المسؤولية. وأخيراً أهم حاجة الدعاء طبعاً.