Nahed youssef

حاولي تقربي منها بطرق لطيفه من غير خناق ولا انك تهديديها مثلا بأنك هتقولي لباباكي قربي منها وافهمي منها اي السبب اللي مخليها ترجعله في كل مره حسيسيها بخوفك عليها حاولي تتواصلي مع الشخص دا وتنصحيه انه يبعد عنها او يتقدم لها وانه ممكن يحصل مشاكل بسببه والاهم ان تفضلي تحاولي مع اختك انها بتعمل ذنب وانها تفكر كويس قبل ما تختار تكمل مع الشخص دا وإن هو لو بيحبها فعلا هيجي ويتقدم لها خليها هي كمان تقوله كدا قوليله اختبريه بأنه يجي يطلبك رسمي لو بيحبك فعلا هيجي عرفيها الصح اللي المفروض يكون في علاقه بس ترضي ربنا بتمني ربنا يدلها عالطريقه الصح وتبعد عن أي ذنب وإن ربنا يسامحها ويغفر لها وتكون اقرب الي الله من اي حد تاني🥰

هو ممكن يكون راسم صوره تانيه في دماغه للبنت اللي حابب يرتبط بيها بس يعني اللي بيحب حد وعاوز يرتبط بيه بيقبله زي ما هو بعيوبه. ومميزات من غير ما يطلب منه انه يغير من نفسه الا اذا كان السلوك دا وحش او انك مثلا مقصره في العباده والتقرب من ربنا او ان طريقتك في التعامل حشه او حاجه شبيه لذلك بس غير كدا يعمي شايفه ان الشخص بيحب يرتبط بحد من غير شروطه في تغير طبيعته او حياته الا اذا كان للأحسن بس حابه انصحك انك تتكلمي معاه وتفهمي لي بيعمل كدا او اي حابب يوصل ليه او اي مخليه يقولك كدا وتعرفين ان دا صعب ومتعب ليكي بأنك تغيريه وكمان اقعدي مع نفسك وتفكري في راحتك ونفسيتك هل مرتاحه في العلاقه او لا وإن شاء الله تلاقي الحل الأنسب ليكي بتمنالك السعاده دايما

بصي هي أهم حاجه صحتك النفسيه وراحتك يعني انتي حاولي كتير معاها وممكن يكون سبب رجعوها ليكي هو انها ملقتش صديقه بعدك تستحمل اسلوبها وطريقتها وكدا وكمان بصراحه ان تطلب استرجاع الهدايا فدا بردو برأي طريقه مش لايقه كصديق تعمل كدا حاول تهدي وتقعدي مع نفسك وتفكري كويس في كل حاجه حصلت بينكو من البدايه وهل انتي هتكوني بحاله كويس لو اتصالحتو او لا الأهم راحتك نفسيا بعد كل محاولاتك دي وانك تسامحيني قدام ربنا دا شئ كويس منك بردو وممكن تصالحوا ولو حابه ميكونش. العلاقه زي الاول ممكن تفهميها كدا وبتمنالك التوفيق دايما يارب

أنا طالبه لسه مخلصه ثانويه ٢٠٢٤ وبالنسبه للي حصل السنه دي كان كتير اووي علي الطلبه وأولياء الأمور بس خلينا نروح لفكره ان القرارات الجديده الخاص بالطب والتعليم بالنسبه للمدرسين مبقاش في تعيين بس بالنسبه لمجالات اخري مطلوبه خاليا في سوق العمل زي البرمجه او زي ما حضرتك ذكرت كليه التجاره وكليات زي اداب فيها عده أقسام وكذلك الإعلام واخري من الكليات اللي كنا بنشوفها زمان انها ملهاش قيمه وإن الطب بس كان كليات قمه بس حاليا بالنسبه لي ومن رأي الشخصي في اي كليه اي كانت فهي شئ مشرف لصاحبه والللي بيميز الشخص نفسه مش الكليه يعني اللي يدخل كليه غيره شايفها قليله بقدراتها ومهاراته بيميز نفسه فيها ويصنع لنفسه كيان خاص بيه وحاجه اخيره حابه اقولها ودي بجد انا مؤمنه بيها اووي ان مفيش كليه اسمها قمه وقاع في الأول والآخر كلها تحت مسمي كليه وكلها ليها مجاميع بس كفايه انها بتراعي كل الطلبه بالسنبه للمجموع بتمني اكون قدرت اوضح الفكره ودا من وجهه نظري وشكرا ♥️

أولا انصحك بإنك تهدي وتخففي من توترك عشان تعرفي تختاري صح من غير ما تضايقي من قرارك بعد كدا بسبب خوفك وتسرعك ثانيا حاولي تشوفي اي التخصص اللي انتي حابه اكتر يعني الل انتي موهوبه فيه اللي عندك مهارات تساعدك علي انك تواصلي فيه وتكوني متميزه فيه عشان تكملي صح ثالثا انصحك انك تاخدي برأيك انتي وبقرارك انتي مفيش مانع انك تستشيري حد ويديكي رأيه بس تفكيرك انتي في الحاجه اللي انتي متميزه فيها اكتر وتكون ليكي بعد كدا وسيله انك تكوني بفضل ربنا حد متمكن منها حاولي تهدي وخففي توترك وحاولي انك تختاري صح ومفيش مانع انك تصلي استخاره هتفيدك يعني اختيار ربنا ليكي مفيش احسن منه بتمنالك التوفيق والخير والطريق الصح ليكي ربنا يوفقك يارب وتحققي كل اللي بتنمنيه♥️♥️🥰

هحكيلك علي تجربه مريت بيها وانتي هتحددي بنفسك مع مين هتتفقي بس خليني اوضحلك فكره في الأول انك تتغلبي علي شئ مريتي بيه او حاجه بتسببلك وجع وألم دا بيعتمد بنسبه كبيره علي ثقتك انتي مثلا حصل مشكله ما بينك وبين صديقاتك تسببوا فيها بالإهانة ليكي وأنهم بعدوا عنك رغم حبك ليهم مع العلم دا مثال للتوضيح لو عندك ثقه في الاستمرار بنفسك في حياتك تاني من غير وجودهم وعندك دافع بيخليكي تنسي كل صعوبه بتواجهك دا هيساعدك تتخلصي متها بسهوله تجربتي هي اني دخلت في حاجه ملييش اني اعملها وغلط اني عملتها بس الحاجه دي او اللي كنت بعمله دا انطلقت بيه وكان شئ لازم في يومي اعمله واخدت حوالي سنتين مستمره في كدا ومع الوقت كانت الظروف بتثبتلي ان دا غلك واني لازم ابطله بس بسبب تعلقي بالعمل دا مقدرتش ابعد يعني لحد ما اتأذيت نفسيا وروحت اتعالج وكنت مرضت اووي وكنت في تالته ثانوي يعني كان في ضغط عليا من كل جانب بدأت علاجي بالدعاء والقرب من ربنا وبدأت افتكر كل اللي كنت بعمله واغلط نفسي غليه هقولك لي كنا بقعد افتكر كل الي عملته لان اول خطوه لحل المشكله هي الاعتراف بيها يعني متهرب من المشكله ولا من الاشخاص اللي سببو لينا الاذي بتواجيهم وبتعرفي بنفسك وبفضل ربنا أولا الهروب من المشكله هيزيدها مش هيحلها وفضلت احاول لفتره لا تتعدي الاربع شهور اصرارك علي التخلص من المشكله هي مواجهتها والمقصود من الهروب من البيئه اللي اذئتك انك متحاولييش ترجعي لنفس الأشياء اللي كنا بنعملها في المرحله اللي سببت لينا الاذي طبعا دا من وجهه نظري لان كتفسير ليها مش متقنها اووي للامانه بتمني اني اكون قدرت افيدك وبتمنالك التوفيق♥️♥️🥰

حالات كتير اوويبتمر بنفس الحاله وتعاني منها وانصحك انك تقرب من ربنا ابدا يومك بورد قران صلي قيام وركعتين قضاء الحاجه بنيه ان ربنا يغفرلك ويزيح عنك الذنب دا داوم علي الذكر كل دا خيساعدك تقرب من ربنا ومن هنا هتبدأ تنسا وتبعد عن الذنب دا بس داوم علي الدعاء خليك طماع في الدعاء مع ربنا ربنا كريم وهيستجيب خاصه لو لاقك مصر ومكمل مش يأست من الدعاء واعرف ان دا ابتلاء من ربنا بيختبر قوه إيمانك بيه واذا كنت هترجع او لا لازم تفوز باختبار ربنا ليك بأنك تفضل تحاول وتقاوم مش هتكون ساهله عليك في الأول بس بإذن الله مع الوقت هتلاقيها عدت ونسيت بفضل ربنا بتمنالك كل التوفيق

حاسه بيكي وانه شعور وحشه انك تمري بحاجه زي دي خاصه لما تكون من الام بس احنا لازم نطيع امر ربنا ببر الوالدين يعني مهما كانت المعامله او الحب او المشاكل حتي لو احنا صح وهما غلط بس لا م نسمع منهم ونطلع اوامرهم زي ربنا ما قال وحبيبتي زي ما انتي قولتي ان زوجه اخوكي سبب في مشاكل بينكو فأكيد دا أكبر سبب في ان مامتك تكون كدا حاولي تسامحي والدتك وتنسي اخطائها معاكي وروحي زوريها واطمني عليها ومهما كانت رده فعل معاكي متتعاملييش معاها وحش خاصه انها مريضه وتجنبي زوجه اخوكي عشان بس والدتك وعشان تطمني عليها وتكوني عملتي كل اللي عليكي اتجاها بس بلاش تقولي مش مسامحها او انك ترفضي زيارتها وهي مريضه كدا انتي بتعصي أوامر ربنا لانه أمرنا ببر الوالدين روحي اتمني علي والدتك وتتكلمي معاها ونالي رضاها وبتمنالك التوفيق يارب وان العلاقه بينك وبين مامتك تكون بأحسن حال♥️♥️

حلوه اووي الفكره دي وبتمنالك التوفيق يارب ممكن تتعلمي لغه جديده بس تكون غير متداوله كتير بمعني مثلا عندنا الإيطالي مشهور جدا والكل بيتعلمه فهتلاقي الطلب عليه قليل او بمعني أصح الربح قليل بينما مثلا الصيني او التركي غير متداول كتير فالعدد منه قليل بالتالي دا الربح بتاعه بيكون اكبر وإن يكون معاكي اكتر من لغه دا شئجميل جدا وهيساعدك جدا في اي مجال تدخليه وهكذا او ممكن تتعلمي برمجه دي كمان ربحها عالي جدا وكمان هي متداوله حاليا في سوق العمل بس هنصحك بإنك تحاولي حاليا تهتمي بدراستك وخاصه في تالته متخلييش اي حاجه بجانب الدراسه لان بجد هتشتتي ما بينا اتنين وكمان تالته مش محتاجه غير تركيز عليها من غير اي حاجه تانيه انا لسه مخلصه ثانويه وبعدها بدأت افكر زيك كدا واني اتعلم حاجه تنفعني وبدأت فعلا فعشان كدا بنصحك كأخت بجدوبتمنالك التوفيق يارب دايما ♥️♥️

ثقتك بذاتك وبقدراتك هي اول الطرق اللي لازم تعالجيها عشان توصلي للمرحله اللي تتخلصي فيها من كل دا لازم كدا يكون عندك وقت خاص بيكي تتكلمي فيه مع نفسك وعن اي انتي بتعرفي تعمليه ومتميزه فيه عن غيرك عن أي عملتيه قبل كدا وكان الكل مبهور بيه ومعجب بإنجازك دا كل دا هيخلي عندك طاقه ايجابيه وثقه بالذات حاولي تتعلمي حاجه جديده تصاحبني ناس جديده وتكثري من التعاملات مع الاخرين دا هيخلي عندك ثقه اكتر بنفسك وبأن ليكي مكانه عند الاخرين طلعي من تفكيرك اي حاجه بتقولك انتي مش مقبوله او انك مش هتعرف او مش هتقدري لازم تقوي ثقتك بنفسك الاول وتحسني من مهاراتك كل حد لي موهبه ربنا خلقه بيها اعملي علي انك تحسنيها لان دي من اهم طرق الوصول للثقه بالنفس وحب الذات وربنا يوفقك ويسعدك دايما يارب ♥️♥️

ممكن ابدا معاكي بأني أقولك تكوني صداقات مع ناس بسيطه في أول التعامل يعني يكون عندك صديقه او أتين ودا بأنك تتعىفي عليهم وتتكلمي معاهم في الأول هيكون صعب عليكي بس حاولي كدا في الأول تصممي علي كدا وانك تقربي من حد وتتكلمي معاه مع الوقت تتعرفي علي ناس اكتر حاولي تخلي وقت فراغ لنفسك تحكي فيه عن أي سبب دا عن أي مضايقك من التعامل ممكن يكون كرهك دا بسبب التعامل مع ناس اذتك او قللت ثقتك بنفسك فحاولي تستعديها تاني وتق ي ثقتك بنفسك وتكوني صداقات مع الوقت هتلاقي نفسك قربتي من الناس وبقيتي اجتماعيه بس دا هياخ، منك وقت فلازم يكون عندك صبر وتحمل عشان تكملي وبتمنالك التوفيق دايما♥️♥️

حبيبتي عادي بيحصل معانا لما بنكون بتدعي بحاجه معينه وبتمنا ان ربنا يحققها بس احنا بنكون عاوزينها حالا يعني بيفضل ندعي ومن جوانا عاوزين نخلص دعاء نلاقيها اتحققت فدا بيكون سبب كبير في انك تملي وتبطلي تدعي او انك تحسي ان الدعاء بقا تقيل عليكي او تقولي ان ربنا مش هيستجيب بالعكس لازم تفضلي تدعي وتصري علي الحاحك في الدعاء بس المهم يكون عندك صبر وانك تؤمني بأن ربنا بيأخر الشئ دا عشان هو عارف اي الوقت المناسب اللي الفروض يتحقق فيه الحاجه دي وإن كمان ربنا بيختبر قوه ايمانك وتحملك وقد اي انتي مؤمنه بأن ربنا هيستجيب فلازم تكوني قد الاختبار اللي ربنا وضعك فيه وتفضلي تحاولي حتي لو يأستي يوم او ساعه ارجعي تاني وادعي ربنا وربنا موجود دايما ويارب تحققي كل اللي بتتمنيه وتفضلي بأحسن حال ♥️♥️

حبيبتي بتمنالك الشفاء العاجل يارب ♥️ اول حاجه لازم تعرفي إن دا إبتلاء من ربنا ليكي والابتلاء دا أجمل حاجه ربنا بيختبر بيه قوه تحملوني ايمانك بيه بأنه قادر انه يخرجك من كل دا إن الله إذا أحب عبدا فإبتلاه عارفه انها صعبه ي حبيبتي بس معلش لو بس خليتي فكره إن كل دا من عند ربنا وإن ربنا بيختبرك وانه قريب اووي هيفرحك ويخفف عنك ويخرجك من كل الالم دا وإن قد اي جزاء ربنا ليكي علي صبرك وقوه ايمانك بيه دي كبيره والله هتفرحي وتقدري تكملي وبجد بتمنالك الشفاء العاجل وتكوني بأحسن حال دايما ♥️♥️

تعرفي إني كنت زيك كدا لدرجه وصلت معايا اني مكملش واني عمري ما هقدر افهم ولا اكمل وكنت بستغرب ازاي الباقييين بيفهموا وكدا وأنا لا!! بس بعدين قولت لا ربنا مش بيحط حد في طريق معين غير وهو عارف انه هيقدر يكمل فيه بفضله إن شاء الله عشان كدا متيأسيش ومتقوليش انك ممكن تكوني لوحدك كدا يعني انتي مش عارفه مين تان ممكن يكون زيك كدا لس خوفه مخليه ميقولش او حتا يحاول يدور علي حل للمشكله زي ما أنتي عملتي كدا واحييكي انك حكيتي وانك بتحاولي تلاقي حل بصي انتي اول حاجه انك لما تاخدي الدرس متراكميش بالعكس هاتي الكتاب وافتحي قدامك واشرح لنفسك اللي اخذتيه تان وحاولي توصلي المعلومه لنفسك بأي طريقه أنتي بتفهميها لان شرحك لنفسك بالنسبالي كانت اهم وسيله بتساعدني في فهم وكمان حفظ المعلومه بجد تاني حاجه هي انك تلخصي اللي ذاكرتي من دماغك بعد الشرح دا وكمان بلاش انك تراكمي وأبدأ السنه عادي يعني مش لازم تضغطي نقسك في الأول عشان طاقتك متقلش وتملي لان السنه طويله وبتمنالك التوفيق والنجاح الدائم وبتمنا اكون قدرت افيدك♥️♥️♥️

انا لسه مخلصه ثانويه ونصيحتي ليكي انك تكملي يعني ممكن فرق الكتب والمصاريف بين السنه اللي فاتت والسنه دي مش كتير بس كملي انتي اعملي اللي عليكي وربنا مش بيدينا علي قد تعبنا ولا مذاكرتها ولا سهرنا بالعكس ربنا بيدينا علي قد كرمه وكرم ربنا ملوش اخر يعني تخيلي لما تدعي ربنا يديكي علي قدر كرمه اللي ملوش اخر يعني دايما خلي دي دعوتك لان تعبك وسهرك ومذاكرتك دا واجب عليكي لأنك انتي اللي اخترتي الطريق دا وانك تكملي فيه وإن ربنا حطك في الطريق دا يبقا إن شاء الله خير وهتوصلي ويكرمك بس لازم ناخد بالاسباب وانتي قولتي إن اهلك مش قصروا معاكي وهيكملو معاكي ودا شئ يفرحك ويخلي عندك ثقه اكتر ومجاهده اكتر علي انك تكملي واسعي اكتر عشان متضيعيش تعبهم وكفايه انك قدام ربنا هتكوني جبتي اخرك في السعي وعملتي كلواللي تقدري عليه هي فعلا الدنيا صعبه بس افتكري انك مش لوحدك في الظروف دي وإن مهما كانت الظروف لازم اكمل وإن شاء الله تحققي حلمك وربنا يجبر بخاطرك ويفرحك بالكليه اللي بتتمنيه يارب بالتوفيق ي جميل♥️♥️

هقولك طرق تعمليها وبتمنا انها تكون بنتيجه إن شاء الله ١-شغلي قران دايما في الأماكن اللي بيتكرر فيها التفكير في الذنب او الوقوع فيه كتير لان سمعاك للقرآن وكلام ربنا بالاوقات ليه هيخليكي تنشغلي بيه يعني وانتي مشغله القران اشغلك نفسك بالتفكير في تفسير الآيات اللي بتسمعيها بجد هيساعدك في انك تنسي التفكير في الذنب ٢-حاولي تخرجي من تفكيرك انك بتعملي الذنب في البيت لان دا بيكون سبب كبير في إن اعتقادك بدا بيخليكي تفكري في الذنب اول ما بتكوني في البيت أو في أماكن الذنب دا ٣-اخرجي كتير يعني كتغير للاماكن وكمان هيحسن من نفسيتك وشعورك بالذنب ٤-حاولي انك تتكلمي مع حد في كل اللي بيحصل معاكي دا هيخفف عنك كتير وهيخليكي تتحسني نفسيا ٥-ادعي كتير إن ربنا يغفرلك الذنب ويخلصك منه ومن التفكير فيه مفيش أجمل من الدعاء بجد ربنا هيخفف عنك ادعي دايما في كل الفروض ولو ركعتين قضاء الحاجه بردو وكمان متياسيش من الدعاء مهما اتأخرت الاستجابه بجد ربنا لي حكمه في كل حاجه وبجد حاجه حلوه اووي انك بتحاولي تتخلصي من الذنب والتفكير فيه ربنا هتلاقيه بيساعدك من غير ما تعرفي بس لازم تفضلي تحاولي لان ربنا قال ناخد بالاسباب وإن شاء الله ربنا يغفرلك ويخفف عنك وتكوني باجمل حال دايما يارب♥️♥️

حبيبتي فاهمه وحاسه بيكي بجد التفكير دا إدمان وحاجه وحشه بس هقولك علي تجربتي مريت بيها قعدت حوالي اسبوع ومشكلتي كنت بكبر المشكله اكتر تعقيدا بعدم تفكيري في حل ودا كان مسببلي مشاكل مع اهلي بسبب سوء تعاملي معاهم اللي غصب عني اول نصيحه بجد هقدمهالك هي الدعاء ادعي ربنا يخفف عنك قولي في دعاءك يارب خفف عني ألم التفكير وبجد دي أهم خطوه تعمليها انك تدعي تاني حاجه اسمعي قران القرآن بيريح اووي سوا التفكير او القلي او العقل اسمعي قران دايما اتوضي وصلي كل ما تلاقي التفكير زاد اتوضي وصلي واعرفي ان دا ممكن يكون ابتلاء من ربنا لان عوزك تقربي منه بالدعاء ان ربنا لما بيوحشه صوت عبده بيصيبه بابتلاء بجد عشان يقرب منه خلي دا دافع ليكي ان ربنا حابب يسمع صوتك وانك تقربي منه بجد انا مريت بنفس المرحله ومازالت بتعافي منها بس الدعاء الكتير الذكر دايما خلي وقت كدا تصلي فيه عالنبي عليه افضل الصلاة والسلام دي كل اللي اقدر انصحك بيه عن تجربتي بس مفيش مانع انك تستشيري طبيب مختص عشان تطمني انك بعيد الشر مفيش اي مصدر تعب لكدا وبتمنالك الشفاء العاجل وتكوني بأحسن حال ♥️😊

حابه أولا اقولك انك حد جميل انك بتحبي صديقتك اووي ومتمسكه بيها طبيعي تضايقي ان في حد تان دخل بينكو بس خلينا نقول ان اللي دخلت بينكو دي مش هي السبب في ان العلاقه ما بينكو توصل لكدا يعني انتي بتقولي انك بتتعلقي بغيرك او وتخافين من انك تخسريه اول حاجه هوضحالك هو ان مش هي السبب في تغير تعامل صديقتك بس خوفك انتي من ان العلاقه ما بينكو تدهور دا سببللك حاله من التوتر والخوف اللي كان سبب في تغير معاملتك مع صديقتك متفهمه انك بس عاوزا تحافظي عليها بس للاسف انتي اخترتي طريقه غلط بس ممكن انك تحاولي تصالحي الأمور ما بينكو بس قبلها لازم تتخلصي من التعلق اللي عندكو قولك علي حاجات انا كنت بعملها لان بردو خسرت صديقه ليا بسبب اني كنت نفس حالتك كدا أولا لازم تثقي في نفسك انك تقدري تكملي لوحدك يعني خلي عندك ثقه بالذات دايما فكري نفسك بالحاجات الحلوه اللي بتمليكها كم٣لا موهبه عندك حاجات بتحبي تمارسيها ماده معينه متفوقه فيها دا هيديكي طاقه ايجابيه وثقه بنفسك هيساعدك انك تعتمدي علي نفسك هيقلل شويه من التعلق بالغير حاولي متربطيش كل حاجه بتعمليها بغيرك خلي عندك حاجه خاصه بيكي اختلطي بأصحاب اكتر. حاولي تصلحي العلاقه بينك وبين صحبتك اتكلمي معاها عادي وبطريقه كويسه زي الاول لان لو انتي اتعاملتي معاها وحش دا هيخليها تبعد اكتر خلي معامله الود ما بينكو ترجع احسن من الاول ابدأي انتي في الكلام معاها ورجعي الأمور ما بينكو زي الاول واكيد هي هتقول وتنسا اي سوء تفاهم حثل ما بينكو بس هرجع انصحك بلاش تربطي حياتك بحد ولا تعلقي نفسك بحد معين اعرفي أصحاب اكتر خلي عندك ثقه بنفسك ومهارات وقدراتك كل دا هيحفزك اكتر لان كل واحد مننا لازم يعتمد علي نفسه لان مش بنكمل في أغلب الأحيان مع اللي بدأنا الطريق معاهم بس لازم نتعلم نثق اكتر في نفسنا وبتمنالك التوفيق♥️

حاسه بيكي وإن دي حاجه متعبه أوقات بنحس إننا غريبين عن المجتمع والناس اللي حوالينا وفي سنك دا طبيعي يحصل كدا خاصه انك فعلا في سن الخطوبه او الزواج بس نصيحتي ليكي هي انك متدخليش في أي علاقه من قبل ما تقعدي مع نفسك وتفكري كويس في اي سبب الحاله دي صدقيني لو قعدتي مع نفسك انتي وحاولتي تدوري علي الأسباب هتوصليلها وتفهمي لي دايما بتحاولي تبعدي عن العلاقات مع الاخرين حاولي تتخلصي من اي افكار او أفعال انتي شوفتيها بين باباكي ومامتك مش لازم تربطي حياتك الجايه بمشاكل او تعقيدات عشان شايفه مثلا ان اللي حواليكي كدا بجد هتلاقي جواكي شخص كويس بيدعمك انك تثقي في نفسك اكتر وانك تختلطي بناس في حياتك سوا أصحاب او قرايب فدا هيساعدك اكتر انك تفهمي طبيعه الدنيا وإن مش كله زي بعضه اتعرفي علي ناس جديده حاولي تعملي الحاجات اللي بتفرح عشان تطلعي من اي حاله وحشه لان مودك لو كويس هيساعدك اكتر انك تفكري بشكل إيجابي وانك تاخدي القرار الصح وطبيعي انكتقلقي من اي علاقه ارتباط وكدا بس دي بردو محتاجه انك تاخدي الامةر ببساطه وتفكري كويس قبل ما تختاري ومش غلط انك ترفضي بس متخلييش سبب رفضك هو خوفك من العلاقه كلنا بنمر بحاله زي كدا بس الاختلاط مع الغير خاصه لو حد مثلا في مرحله زواج او حد اجتماعي مع الناس تختلطي بيه هيساعدك في التعامل وإن دا هيكون جزء من التخلص من الخوف اللي عندك بتمنا انك تثقي في نفسك اكتر ومن غير اي خوف ادخلي علاقات جديده مع صحاب جديده ومع الوقت هتلاقي الفتره دي عدت البدايه بتكون صعبه بس مع الوقت هتتعودي وتقدري تعمليها بإذن الله بتمنالك التوفيق♥️♥️

حبيبتي اكيد عيطك او انك تكبري حجم المشكله مش مرض نفسي ولا حاجه في فرق كبير بين مرض نفسي وبين حد مشاعره حساسه اووي وبيتأثر بأقل الأسباب وانتي كدا يعني انتي بس بتتاثري بسرعه ممكن يكون دا سببه انك مش مريتي بتجارب كتير في حياتك او انك مش بتتعاملي مع ناس كتير فدا بيخليكي من اقل حاجه تحصل تكبري الموضوع او ممكن طريقه تفكيرك مختلفه عن الناس اللي بتتعاملي معاهم يعني مش بقول انتي غلط بس كل حد ولي طريقته الخاصه في التعبير عن أي حاسس بيه متخلييش فكره المرض النفسي دي تأثر عليك لان دا مش موجود حاولي بس تخففي من توترك بأي كلام من دا

هنصحك كأخت لان ١٨ سنه يعني قريبه منك في السن اللي احنا فيه دا بنمر بحاجات كتيره اووي زي دي وعاوزا اقولك اني مريت بحاجه زي كدا بس للاسف احنا بنكون فاكرين ان دا حب بس هو مش حب احنا لسه في سن المراهقه يعني بنكون مش فاهمين يعني اي حب او مشاعر بس مجرد ان حد يظهر اهتمامه بينا او يتكلم معانا لفتره طويله او حتا يتكلم معانا كتير ويحسسك باهتمامه بتعلق بيه وبتفكر ان دا حب وأننا كدا بنحب بعض خاصه انتي كبنت اكتر منه بتتاثري بكدا لان مشاعرك رقيقه اكتر وبنتعلق بسرعه هيكون من الأحسن انك تبعدي ولو هو فعلا بيحبك فهينسى وغير كدا هيبعد عنك ويحافظ عليكي وهيعمل اي حاجه عشان يتقدملك حاولي تفكري تاني اقعدي مع نفسك ولو لقيتي الأمور هتتعقد معاكي حاولي تتكلمي مع حد قريب منك ميكونش صحابك لو اختك هيكون احسن وبجد نصيحتي انك تبعدي انتي كدا بتدمري حياتك انتي ابعدي وهو لو بيحبك فعلا هحاول يرجع او عالاقل هيقولك بكدا لو ركزتي علي دراستك وبدأتي حياتك وطبعا مش هتكون سهله ولا من اول مره هتعرفي بس لازم تفضلي تحاولي وافتكري انك لازم تهتمي بدراستك هي سلاحك الوحيد في الدنيا دي بتمنالك الطريق الصح وانك تعرفي تختاري اللي فيه الخير ليكي بجد ودي نصيحه مني كأخت لان مريت بحاجه زي كدا بس قررت ابعد واهتم بدراستي وبس عشان مضيعه تعب اهلي معايا وكمان اعرفي ان اللي فيه الخير ليكي هو اللي ربنا كاتبه يعني مش في ايد حد فينا واكيد لو في نصيب بينكو ربنا هيجعلو من نصيبك ربنا يوفقك يارب

طبيعي اننا ناكل كتيروأننا يزيد خاصه في الصيف بنشغر اغلبنا بحاله من الإفراط في الأكل بجد بتحصل كتير دا شيء طبيعي عكس الشتاء ودا لان طبيعيه الجو بتأثر علي النفسيه فتقرببا انتي من الناس اللي بتحب الشتا عشان كدا نفسيتك بتأثر بالصيف فدا بيكون سبب في انك بتفرطي في الأكل وطبيعي انط تضايقي من دا بس شعورك الدائم انك وزنك بيزيد وتفكيرك دايما في دا دا بيسببلك القلق اكتر يعني ممكن تكوني مش بتزيدي ووزنك طبيعي بس خيالك بيهيألك العكس بسبب افراطك في التفكير في انك بتأكلي كتير ودا هيسببلك توتر وهيأثر عليكي نفسيا لو استمريتي في كدا فبجد حاولي تتخلصي من التفكير الدائم في انك بتأكلي كتير وطبيعي انك تحبي تخسي وتقللي وزنك كمان سنك لسه صغير وطولك مناسب جدا فلو هيكون وزنك ٦٤ زي ما قولتي حاولي ٤ كيلو هتعوزي تخسيهم عشان يناسب طولك ولو عالسن فممكن يكون مثلا تخسي ٥ او كدا بس الوزن بيكون حسب الطول وعاوزا اقولك متزعليش من كونك وزنك كتير او قليل بنمر بحاجات زي كدا بس المهم منخليهاش تأثر علي نفسيتنا عشان متأثرشي بعد كدا وهتكون سبب في اننا نزيد من حجم المشكله حاولي تتخلصي من دا بأنك تواجه المشكله متخافيش من قياس وزنك بالعكس روحي اوزني نفسك اسألي طبيب مختص هيساعدك اكيد روحي جيم ومشي علي روتين معين حسب الوصف اعملي رياضه بس بلاش تضغطي علي نفسك زي ما قولتي كدا بتأذي نفسك كل حاجه وليها قدر عشان راحه جسدك بردو وبتمنالك تلاقي الحل المناسب وتكوني بأحسن حال♥️♥️

شعورك الدائم انك غلط دا أكبر سبب في انك تخلي الفكره دي تثبت في تفكيرك كلنا بتغلط وكتبت بس الأهم هو نتعلم من الغلط زي انك مثلا لازم تتعلمي من خطأك بالشعور انك دايما خطأ فكري شويه في اي السبب اللي بيخليكي تفكري في كدا هل في حد دايما معترض علي كلامك هل ف حد بيقولك انك غلط او بيمنعك تعبري عن ىايك لة ظا السبب فانصحك بتجنب دا فورا لان هيأثر عليكي نفسيا أولا كلنا بنلغط وطبيعي نعبر عن راينا ونتكلم مع اللي حوالينا ونقول اي ردنا علي دا بس الغلط هو اننا نزعل من تعليق الغير علي كلامنا حتا لو ضدنا اننا نتقابل نقد الآخرين دا هيخلينا نطور من تفكيرنا وطريقتها اكتر حاولي بس تفكري شويه في انك مش لازم دايما تكوني غلط ولا بردو صح بس لازم تشاركي رايك وتتكلمي وتعبري عن اللي حاسه بيه بالطريقه اللي بتحبها مع مراجعه شعور الآخرين ومن غير ما تحسسي نفسك انك غلط خوفك من الكلام والتعبير عن رأيك دا اول حاجه لازم تواجيها خلي عندك الثقه اللي تخليكي تعبري عن رأيك وتتكلمي عادي من غير الشعور بالذنب اتجاه كلامك خلي عندك ثقه بالنفس واعرفي ان مش لازم نكون دايما صح بس لازم نشارك عشان نتعلم اكتر بالتوفيق دايما♥️

متفهمه شعورك وانك تكوني متضايقه بسبب تعامل والدتك معاكي وتعاملها مع اخوكي بس أولا حابه بس اوضحلك ان طريقه اخوكي دي طبعا خطأ في التعامل والداتك وممكن بسبب كدا هي بتفطر انها تلبي احتاجاته ولأنها عارفه انك انتي مش هتقولي لا ولا هتتعاملي معاها بنفس طريقه اخوكي ودا شي حلو اووي لان دا واجب احترام الوالدين مهما كان تعاملهم معانا فممكن دا سبب بيخليها ترفض بعض طلباتك او انك تاخدي فلوس دايما منها مش عارفه اقولك غير انك تفضلي علي تعاملك مع والدتك دا او حاولي تقعدي معاها وتتكلمي وتسأليها عن سبب الفرق في التعامل ما بينك وبين اخوكي وعن سبب رفضها ليكي مع انها بتعمل لاخوكي اللي بيطلبه وكمان اتكلمي مع اخوكي وعافيه أن اسلوبه دا خطأ طبيعي مش هيسمع منك من اول مره بس حاولي ممكن مع الوقت يسمع منك ويعرف ان دا خطأ ويغير تعامله مع والدتك وبكدا هيكون دا سبب في التوازن فيىالعلاقه ما بينك وبين اخوكي بتمنا اكون قدرت افيدك

حاسه بيكي بجد بتكون صعبه علينا لما بيكون الاهل سبب في تعبنا أو اننا نبطل نحلم ونتمنا بس حابه اقولك انتي شخصيه قويه اووي بجد انك رغم كل دا لسه عندك طموح انك تكملي رغم سنك صغير بس تفكيرك واعي اووي مش عيب انك ترفضي حاجه مش عاوزاها وعندك حق انك تحلمي وتتمني تحققي الحلم دا كلنا بنسعي عشان نبقا شخصيه كويسه وليها حاجه خاصه بيها بتمارسها بس احنا لو اخدنا علي احباطات وكلام اللي حوالينا سوا اهل او أصحاب او قرايب انتي كدا بتثبتي ليهم ولنفسك ان هما صح وانتي غلط طبيعي هتتأثري بكلامهم وهتنهاري وتتضايقي بس لحظه تفكير كدا يعني شويه كدا من وقتك اقعدي فيهم مع نفسك في مكان بعيد عن الاهل والصحاب عشان متحسيش بكلامهم واقعدي فضفضي مع نفسك احكي طموحك واي بتتمني تحقيقه قولي دايما لنفسك انك حد كويس وجميل خليكي مصدر الدعم لنفسك ومتنسيش انك ربنا دايما معانا داومي علي الدعاء بأن ربنا يدلك عالطريق الصح واللي فيه الخير ليكي دايما خلي مساحه في حياتك خاصه بيكي خلي احباطهم دافع اووي ليكي انك تكملي مهما كان اي بيقولوها انتي مش مطالبه تصدقي دا كفايه بس انك عندك دراستك اهم من الارتباط خاصه في السن دا ادعي ربنا يرزقك التوفيق ويرشدك للطريق الصح قربي من ربنا واكثري من الدعاء دايما باللي بتتمنيه ربنا يوفقك وتحققي كل اللي بتتمنيه♥️

أول حاجه حابه اوضحها ان في حاجات كتير اووي بنمر بثها وبيجي اوقات علينا طبيعي بنفتكرها والتعب في الموضوع انها اوقات بتكون أصعب علينا دلوقت من الوقت اللي حصلت فيه ودا ممكن لأنك في الوقت اللي حصلت معاك فيه تقبليها وعطيتها من غير ا تفكر فيها او تحاول بجد تقتنع من جواك بكل حاجه مريت بيها فطبيعي يجي الوقت دا تاني وينعاد لأنك مواجهتش المشكله في وقتها وهربت منها بإنك كنت بتقنع نفسك امها خلصت بس هيكون الحل الاول ليها انك تفكر فيها في ازاي حصلت طب ازاي اتخلص منها طب هي بتأذيني انا لي بفكر فيها طب انا لازم ابدا اتخلص من المشكله دي حاول انك تدرب نفسك عالكلام دا عشان تتخلص من اول حاجه فيها بإنك تخفف حمل المشكله عليكوتاني حاجه هي انك تقرب من ربنا خلي ليك ورد يومي أقره قوي علاقتك بربنا اكتر ادعي ربنا يعني متقولش مينفعش اتكلم عن حاجه زي دي لا ربنا قال ادعوني استجب لكم يعني ادعي ربنا بنيه صادقه انك فعلا عاوزا تتخلص من المشكله دي وانك مش متقبل فكره انك تفكر في حاجه وحشه زي دي خلي عندك اراده ومتيأسش وافتكر دايما ان ربنا هو بس قادر يخفف عنك كل دا ربنا يخفف عنك وتكون بأحسن حال دايما

أولا أنا أحب اقولك انك تعتبريني اختك وتقدري تحكي وتتكلمي معايا حاسه بيكي وبحالتك وإن دي حاجه مش ساهله بس انتي قويه بجد انك مستحمله كل الضغط دا انك لسه بتحاولي تطلعي من الحاله دي دا بدايه الحل لأي مشكله اوقات فعلا بيكون الاهل مش متفاهمين مع اولادهم مش لوحدك بجد بيحصل مع كتير مننا بس دا بيكون لان الاهل زي ما احنا عارفين تفكيرهم بتاع زمان غير تفكيرنا احنا لان الاجيال بتتغير وبالتالي التفكير بيكون مختلف اللي اقصده ان مامتك شايفه انها لما تحكي لحد علي اللي بتقوليها دا شئ كويس وممكن مش قصدها غير أن بس الشخص دا يساعدها اخوكي ممكن يكون حابب فعلا يطبق وصيه بابكي وانه يهتم بيكي بس الطريقه بتكون غلط ويا حبيبتي بجد انتي لازم تقربي من ربنا في الفتره دي اكتر اشغلي نفسك بأي شئ انتي بتحبيه واعمليه انا مريت بحاله نفسيه وحشه اووي اووي بجد وكنت بقول مستحيل اقدر اطلع منها واني هفضل كدا تعرفي بقيت بتكلم مع ربنا كأنه واقف معايا حد بيحكيله وهو بيطبطب عليا وبيقولي انا جنبك كان احساسي في وقتها بجد فرحني وبقيت اقرب اكتر لحد ما بفضل ربنا اتعافيت واقولك اوقات بكون علي وشك ارجع لنفس الحاله بس بروح لربنا كلنا بنمر بظروف صعبه وانتي جميله وقويه وهتقدري تعدي المرحله دي بينما دكتور فأنا انصحك تسألي حد ممكن يكون يعرف اكتر لان انا مقدرش اقول وانا مش عارفه إذا كان صح او خطأ بس هرجع اقولك خلي ربنا بس هو ونيسك وهو اللي بتحكيله كل اللي عاوزه تحكيه ربنا يهون ويخفف عنك واشوفك اسعد حد في الدنيا بإذن الله ♥️♥️

اول حاجه انت لازم تحمد ربنا انك قادر تكمل رغم كل الضغط دا بس كلامك دا بيدل علي انك شخص ناضج يعني بيعرف يفكر كويس بس ممكن السبب الوحيد اللي مخليك متوتر ومش عارف تاخد قرار هو خوفك وقلقك وكمان الضغط اللي أنت فيه اول حاجه انا بنصحك بيها تحاول بقدر الامكان تفضي دماغك من كل الضغط وتصلي ركعتين استخاره وركعتين قضاء الحاجه وإن شاء الله ربنا هيرشدك للاصلح ليك واللي فيه الخير وبتمنا ان ربنا يوفقك وتحقق حلمك ويكتبلك البنت اللي بتحبها ويجعلها من نصيبك بإذن الله

انا كمان لسه مخلصه ثانويه وحاسه بملل بجد رغم انه يوم بس اجازه بس مش عارفه ازاي استفيد من الوقت دا وحاسه اني مش هعرف أنظم الوقت ولا استفاد بيه بتمنا النصيحه اللي تخليني فعلا اطور من الفتره دي وتكون مفيده بالنسبالي وشكرا مقدما♥️

هقولك نصيحتي كا اخت من غير سن مراهقه او اي حاجه لان انا في نفسي سنك او اكبر شويه واللي بتقوليه دا انا مريت بيه اينعم مختلف شويه عن حكايتك بس بردو هقولك انا ازاي قدرت اتخطا كل دا او بمعني أصح لسه بحاول اتخطا وإن شاء الله هقدر اعمل كدا وانتي كمان هتقدري تعملي كدا وتبعدي عنه اول حاجه عملتها هي بدأت ابعد عن الفون بطلت ابين اهتمامي بزياده قربت من ربنا اكتر ودعيت كتير ان اتخلص من كل دا وبفضل ربنا استجاب وفعلا غيرت مواعيد دروسي عشان مشفهوش مسحت الرقم من عالفون عشان مروحشي اتكلم معاه وبقيت احط جدول لمذاكرتي واقرا الأذكار كلها واصلي كل الفروض وخاصه الفجر اقرا في المصحف كتير ومع الوقت لقيت ان كل اللي كان بيحصل معايا دا ولا حاجه وإن اي حد ممكن يمر بيه بس ربنا بختار عباده اللي عارف انهم من جواهم صالحين ونضاف وبيقربهم لي وقدرت ابقي طبيعيه وارجع لمذاكرتي وحياتي وبعدت عن الفون اكتر ادعي كتير قربي من ربنا اكتر واكتر حطي هدفك قدام عيونك وافتكري اهلك وتعبهم معاكي عشان تبقي احسن حد في الدنيا وربنا يوفقكمعلش طولت عليكي بس كأخت حبيت احكيلك عن تجربتي وبتمني ان تكون الحل دا وسيله انك تمارسي حياتك بشكل أفضل