Abdullah Man

أشكرك على انك عايزة تحلي المشكلة وإن نيتك سليمة أولا انتي ملكيش أي ذنب واختك هي اللي عندها نقص في شخصيتها لأنها حاسة انها ضعيفة فعايزة تثبت نفسها وتحس انها قوية فبتؤذيكي وتسود حياتك •والحل هنا إنك لازم تدخلي طرف كبير يحط بينكم حدود جهزي كل الكلام بكل تفاصيله في ورقة اكتبي هي بتعمل ايه وقولي انا تعبت ابدأي بالكبار اللي بتثقي فيهم •لو محدش خد الموضوع بجد فالحل هو انك تقاومي بنفسك والله يعينك .. ازاي تقاومي : أول حاجة هي قمة متعتها وراحتها انها تشوفك زعلانة وضعيفة عشان تحس ان في حد ضعيف زيها فكل ما تزهق تستفزك وتحرق اعصابك عشان تستمتع وانتي بتتألمي فالحل انك متديهاش المتعة دي بإنك كل ما تستفزك تكوني ولا كأنك شايفاها بكل برود وثقة في النفس ومتوريهاش انك بتتألمي جربي الحل ده في البداية هتزيد الاستفزاز عشان عايزاكي تتألمي فإنتي اصبري أكثر واتنفسي بعمق وبعد كم يوم هتلاقيها سكتت وراحت تدور على حد تاني تستفزه •أخيرا التعامل مع اللئيمين مرهق ومتعب نفسيا وجسديا ومع الوقت التعب هيتراكم ويتحوش جواكي لحد ما يمرضك والعياذ بالله فلازم تنفسي عن نفسك بعادات بسيطة صحية زي الخروج مع صاحبتك ، رياضة ، طبخ ، رسم ، فضفضة بالكتابة عالتلفون ، صلاة ..... وغيرها لازم تستمري عليهم وأهمهم الدعاء كل يوم قبل النوم لازم دعاء اسأل الله أن يحل مشكلتك ويعوضك

يا أخي أشكرك على انك عايز الخير بالطبع الحب لا تحاسب عليه إنما تحاسب على إطلاق البصر فالتوبة التوبة وكلما انتكست توب مرة أخرى ومشكلتك مش في الدين بل في الوسواس وهو بييجي من القلق والشعور بالذنب لأن القلق هو سبب في الأفكار السلبية والشعور بالذنب بيحسسك ان في حاجة ناقصة فدماغك على طول بيدور على النقص ده فبيدقق معاك في الدين والحل إدارة القلق وتعويض الشعور بالذنب وقبلهم الصبر وعدم انتظار النتائج لأن الرحلة طويلة •إدارة القلق:التأمل واسترخاء الجسم ل١٠دقائق يوميا ، اكتشاف الأفكار السلبية وإخراجها بالكتابة •تعويض الشعور بالذنب:فعل إنجازات صغيرة يوميا بطريقتك اعمل روتين تعمل رياضة تبتسم تتصدق كله يفيد وأسأل الله أن يشرح صدرك ويعوضك ويوفقك

السلام عليكم واضح انك راجل تمام ومشكلتك بسيطة بإذن الله اللحظات والضياع وموجات المزاج السلبي اللي انت بتعيشها عايز اقول لك اني عارفها كويس اوي وعشتها بكل تفاصيلها لكن اتحسنت واتغيرت تغيير جذري ومكدبش عليك لحد دلوقتي بتجيلي اللحظات دي بس أقل وأخف •سببه نقص في الدعم من حواليك سواء إهمال أو قسوة •نقص الدعم بيخليك ضايع و بينتج قناعة في مخك انك انسان مهمش متستاهلش حد يتقبلك أو يحبك أو يدعمك فبتبقى شايف نفسك سيئ فبتكره نفسك ومبتبقاش عارف انت مين وعايز من الدنيا ايه •كره النفس بيسبب زعل وإحباط وكآبة وقلة حركة وكل جوانب حياتك بتتأثر •بتكره نفسك زي انك تشوف نفسك فاشل ومحبط ومكتئب ومقصر .... فبتشوف انك متستاهلش تتحسن •وعشان شايف نفسك متستاهلش فمبتحسنش اي حاجة •فبتكره نفسك أكثر والدايرة تدور الحل •اقبل نفسك منغير أي شروط •ادي لنفسك فرصة تتكلم أقعد وأسمع لنفسك بكل صدق وقبول والفيديو ده أنسب فيديو لي وليك https://youtu.be/RiUgNMgK_w8?si=xIwwmZZX-UqL3dco

السلام عليكم ورحمة الله وبركاته مفيش داعي للقلق وأمرك بسيط جدا جدا جدا أولا الإثنين الأنجاس المعلم والهكر هل بيمثلوا كل الرجال؟!!! أكيد لا يعني هل لو واحد مصري شرب سيجارة يبقا كل المصريين مدمنين؟!!! أكيد لا بس كده مشكلتك اتحلت وغيرتي تفكيرك عن الرجالة بس في شوية كلام ضروري تقرأيه واشكرك على الرفض وطلب الحلول في البرنامج وده يدل على انك نيتك سليمة وعلى الفطرة ثقي كل الثقة انك ملكيش أي ذنب في القصة دي كلها انتي طفلة وقعتي في أيد اثنين أنجاس التحليل: الشعور •صدمة من الفيلم الإباحي • إشمئزاز من الرجال وخيالات سيئة •صدمة من المعلم القذر •حزن وندم ولوم للنفس •كره فكرة الزواج السبب • هكر يرسل فيديو فاضح واضح •تحرش معلم المشكلة • صعوبة التعامل مع الرجال وتجنبهم •مشاعر سلبية •ذكريات سيئة ترجع تؤذيكي كل يوم الأفكار في العقل الباطن • ازاي واحد قد جدي يعمل كده!!! •كل الرجال مقرفين وقذرين •مش ممكن ازاي المتزوجين بيعملو ده!!! الحل • أول خطوة وأصعب خطوة وفي أي مشكلة عموما هي تقبل الواقع كما هو وتقبل نفسك وخيالاتك كما هي يعني ارضي باللي ربنا كتبه •إعرفي ان الخيالات القذرة دي مش انتي فالشيطان هو السبب اما انتي فرافضة دا تماما •عبري عن أفكارك خرجيها من دماغك على ورقة أو على البرنامج هنا •الخيالات دي غالبا بتيجي وقت الزهق فحاولي تعملي اي حاجة مسلية أو مفيدة زي تنظيف البيت و الطبخ و الرسم والرياضة ..... باختصار اعملي لنفسك روتين على ورقة أو عالتلفون فيه الصلاة وشوية حاجات مسلية و مفيدة • ادعي ربنا في كل صلاة انه يشيل منك الخيالات دي • متحاربيش الخيالات ولا تتعصبي ولا حاجة بالعكس استقبليها بكل برود وطنشيها • أي حاجة زي دي لازم تبلغي حد بتثقي فيه غالبا الأم قولي لها انا مليش ذنب وحصل معايا كذا... •الهاكر عايز ينشر الفتنة لاكن فشل لأنه راح عند حد واعي •اربطي الأفكار دي بالمعلم والهكر مش بكل الرجالة فأنا وأبوكي وأخوكي أي ذنبنا!!😂🤣 باختصار مواقف وعدت وهتتنسي بس لازم تشغلي نفسك وتبعدي عن الزهق والفراغ عشان تنسيها قال صلى الله عليه وسلم:"نعمتان مغبون فيهما كثير من الناس الصحة والفراغ". تحياتي

السلام عليكم ورحمة الله وبركاته أخي المشاكل في حياة البشر طبيعة وطبع وشئ حتمي والأهم انك رافض وبتدور على حل مشكلتك بس مجرد أفكار وموجودة عند كثير من الشباب والأمور بسيطة بعون الله عايزك تقرأ الجواب للآخر وهيكون ثقيل شوية وده ضروري لأن فهم المشكلة أغلب الحل المشكلة في الشخصية هي غياب تقدير النفس وحبها واحترامها بسبب • مشكلة في الهرمونات •غياب الأب (وهو ما تقلده في الرجولة) •الوصول لمراحل متقدمة من الشهوة(كالإدمان) •التعرض لصدمة أو تحرش •العزلة أو الوحدة •التنمر •غياب الإهتمام و الدعم النفسي الآثار • مشاعر سلبية وإكتئاب وهروب من الواقع •أفكار إنتحارية •كره للنفس وعزلة •قلق وارتباك •عقدة نقص الأفكار • أنا أميل للأنوثة أكثر من الذكورة •جلد الذات :أنا عار،أنا سئ •أستمتع بكوني إمرأة •الكل يكرهني ويحقد علي السلوك •التصرف مثل النساء كالمكياج •العزلة عن الناس •الهروب إلى النوم •الغضب لإثبات الرجولة الحل بسيط إن شاء الله وخلاصته تقبل النفس كما هي بعيوبها و تطوير النفس أولا •ا تقبل نفسك المضطربة التي لا تعلم هويتها ولا تضيف على معاناتك معانة إضافية بجلد الذات فأنت تعيش حياة صعبة ففي الأصل لا ذنب لك في الأمر ( لك ذنب في تطوير الأمر وليس أصله) • إعلم أنك إنسان تستحق الإحترام والحب ولك حقوقك وأنت مكرم بالإسلام ثانيا • إعلم أن هذه مجرد أفكار وأن الذكر يحب الرجولة دائما وأنت تستحق هذه الرجولة لكن هذه حيلة من حيل الشيطان وقد تكون بسبب الأسباب أعلاه • مارس حياتك الطبيعية ولا تعطي الموضوع أكبر من حجمه فاجعل هذه الأفكار في وقت الفراغ فلا مشكلة في الأفكار المشكلة هي الأفعال (المشي كالمرأة ، الضحك كالمرأة ،نعومة الصوت ....) حاول تجنبها وإن حدثت عن طريق الخطأ فاستغفر وافتح صفحة جديدة ثالثا •ببساطة واجه ألم الواقع وأصدق مع نفسك فنفسك الجريحة تحتاج من يهتم بها فكن من يهتم بنفسك •ناقش نفسك بكل احترام و واقعية بدلا من الهروب وهذا من خلال ١٠دقائق يوميا من صبر الإنتظار وهو أن تجلس وتتحمل الملل وتستمع لأفكارك •الفضفضة سر غالي إلجأ له عند اشتداد الألم بالكتابة على ورقة رابعا أصل المشكلة في تقدير النفس فالحل في بناء إحترام هذه النفس من خلال القرآن والعبادات والرياضة والهوايات فهذا يشرح الصدر فاعمل روتين يومي مناسب خامسا • لا تظن أن الناس يستحقرونك ولا تسعى لإثبات رجولتك على الضعفاء فأغلب من في المصحات النفسية هم ضحايا أذى في العلاقات فكن طيبا لطيفا رحيما بالناس ولا تجعلهم يذوقوا ألمك •لا تأخذ عفوية الناس على محمل الجد وأحسن الظن بهم فليس كل إبتسامة سخرية •ليس الشديد بالصرع إنما الشديد الذي يملك نفسه عند الغضب •لا تنتظر الإحترام من عيون الناس بل ابني راحتك واحترامك بنفسك •خالط الرجال وانظر واقتدي بالحسن (الكرم ، التواضع ، الحلم ، الصبر ، الرحمة ) ولا تقتدي بالسئ (الصوت العالي ، التدخين ، السب ...) •الصوم سعادة وإصلاح نفسي وجسدي وهذا مثبت علميا في الأخير حب نفسك بلا شروط وضع أهدافك وأعمل عليها وأرحم من حولك وتقبل واقعك وفقنا الله وإياك

السلام عليكم يا أخت أشكرك على النية الحسنة والبحث عن حلول وانتي زوجة مثالية والغلط مش فيكي بل فيه هو أسأل الله أن يفرج همك ويدخل السرور على عائلتك المشكلة : • الزوج لا يهتم بالجانب النفسي الترفيهي •بتشعري انك ملكيش قيمة ومش جذابة المخاوف : • تطلع البنت معقدة •حاسة بتهميش وقلة إهتمام وإن ملكيش قيمة الشعور: •خيبة أمل في الواقع •قلق على شخصية البنت •حاسة بانعدام القيمة ردة الفعل :خصام أو مسايسة تحليل الموقف باختصار الواضح إن زوجك جاف بسبب مشاكل نفسية بتخليه يتجاهلك عشان يرضي غروره ويحس بقيمته لما يشوفك وانتي بتستميتي له وبتحرقي نفسك لرضاه وانتي تعبتي يا بنت الناس وبتعملي كوووول إللي تقدري عليه وفي الآخر ببساطة يقول : لا معجبنيش فهو بيستمتع وهو متجاهلك فإنتي نفسك في لحظة راحة وامان والمصيبة انك فاكرة ان العيب فيكي !! والغريب ان هو عايز اي ردة فعل عشان يحس بوجوده حتى لو هتخاصميه قبل كل حاجة لازم تهتمي بنفسك وتقوي ثقتك وشخصيتك وتكتفي بنفسك فإنتي مش محووجة لحد يذلك وده لانك تستحقي تكوني مرتاحة في بيتك وتستحقي الإحترام وتاني حاجة لان بنتك محتاجاكي في صحتك وروقانك عشان ترعيها وتربيها . تهتمي منفسك ب •تقوي علاقتك بأهلك هيزيد عندك المشاعر الإيجابية •لازم تكتبي أفكارك كل يوم ولو سطرين الكتمان هيدمرك مع الوقت فضفضي على ورق أو عالتلفون ودي انا بعملها •خلي لنفسك وقت راحة كل يوم عالأقل نص ساعة تعملي حاجة بتحبيها •اخرجي مع بنتك استمتعوا واتمشوا راحتك النفسية هتعدل علاقتك بزوجك أما عن التعامل مع المشكلة بخطوتين •تقبل الواقع والحمد لله •فاجئيه بحاجة مختلفة صدقيني جربي اللي هقول لك عليه وهتلاحظي الفرق العظيم المعتاد : انك بتعملي كل اللي عليكي وبتشتغلي طول النهار عشان لحظة حلوة معاه فبتقدمي له الأكل وهو بيكون جعان بس مش جعان للأكل بس لا ده جعان للإستماتة والتذلل بتاعك فبياكل ويتجاهلك عشان تبدأي في فقرته المفضلة وهي انه يتجاهلك وانتي تتذللي فالمفاجأة هنا إنك مش هتستميتي لا أبدا هتقعدي تشوفي حاجة تعمليها وولا هتعبريه (بس تكوني عاملة له الأكل وكل حاجة) باختصار عامليه بالمثل بيتجاهل اتجاهلي بيتكلم اتكلمي عامليه زي المراية كوني معاه على نفس الخط هتتفاجئي (ممكن مش من أول يوم) بس هتلاقيه فجأة أتغير وارتبك وحس باختلاف وهتلاقيه بيتقرب منك والله يوفقكم ويسعد بيتكم

أشكرك يا أخي واضح ان نيتك صافية وعايز الخير قبل كل حاجة صاحب نفسك وتقبلها وتقبل الواقع ارحم نفسك فأكيد أدام وقعت فالإدمان فإنت شفت المر والمعاناة وقشعر شعر راسي وانت بتقول يا نااااااااس يااااااااارب رب معصية أورثت ذلا وإنكسارا خير من طاعة أورثت عزا وإستكبارا دي مش نهاية الطريق ولا هتفضلك طول حياتك على الحال ده مشكلتك •عادات سيئة •قلة سيطرة على النفس •الشيطان ضاحك عليك •مراحل متقدمة من الشهوة •هروب من الواقع المؤلم إلى الشهوة •الإدمان السبب •تقصيرك ظلمك لنفسك •إهمال من الأهل أو قسوة وتشدد •توفر الشهوات في الهاتف •عدم توفر الصحبة الصالحة •مشاكل في حياتك أدت إلى الهروب للشهوة الشعور •شعور بالعار الشديد •غضب على النفس •كره للنفس •ألم وسخط الأفكار(توقع من عندي) •الحياة اتدمرت •أنا انتهيت •أنا إمرأة •أنا عار •أنا سئ لا أستحق الحياة •الجميع أفضل مني شوف يا أخي مش هلومك لأن ال٨ مليار إللي عايشين فوق الأرض عملو مصايب وكلهم عصوا ف إنت بشر والكل بشر وبنغلط 🤚 السر هنا إنك تستغل الخطأ ده وتحوله لشئ إيجابي إزاي؟؟؟ المدمن هو إللي مش لاقي الراحة في حياته فبتغره المتعة إللي في المعصية فبيروح لها ويكتشف إنها كذبة ومتعة مؤقتة محلتش مشاكله ولا حاجة فالواقع مؤلم وبيوجع ومكان الهروب برضو مؤلم وبيوجع فالحل واحد من إثنين •يا إنك تخلي الواقع مش مؤلم(ودي صعبة ومحتاجة وقت) •يا إنك تهرب لحاجة صحية(علاقتك بأهلك،الفضفضة بالكتابة ،الرياضة،الهوايات،تنظيف البيت....)+ده ميمنعش إنك تشتغل على الواقع بالعكس هيحفزك فحاول تعمل لنفسك روتين وخطة هروب وتبدأ تقرب من ربنا في النهاية ما بعد القاع إلا الصعود وطريق التعافي يخوي صعب ومؤلم لإن مفيش حاجة تعوض اللذة العالية إللي انت متعود عليها والله ينجيك ويرضيك ويرزقك صلي عالنبي و تقبل نفسك ربنا معاك

يا أختي جزاك الله خير على النية السليمة مريتي بظروف صعبة وشفتي المر وعشتي الظلم والظلمة بس أمرك فيه سعة وسهل بإذن الله الحدث : الإجبار على الزواج بشخص مكروه المشكلة : •الشعور بالتهميش والتقيد بسبب عدم أخذ رأيك •عدم تطابق شخصية الرجل مع مواصفات المرغوب (تقي ، يصلي ، يستحي ويحترم ويغضض من صوت الضحك ، لا يدخن) الشعور •شعور بالظلم والإجبار •خيبة أمل كره الواقع •غضب على الأهل •كره للرجل وعدم تقبله الأفكار (متوقعة من عندي) انا مظلومة ومحكوم علي بالحزن انا مش هعيش زي زمايلي اهلي مش بيفهموني ومحدش في الدنيا ساندني مش هقدر أستمتع بحياتي أنا مكتئبة اتخنقت من الراجل السلوك بكاء زعيق ورفض التظاهر بالنوم طلب الإستشارة في برنامج فدني نيجي لل الحل أولا وقبل كل حاجة لازم تستعيدي نفسك اللي اتفرمت حرفيا لفترات طويلة من الضغط العصبي وأكيد ده أنهكتي جسديا وتأثرت جميع جوانب حياتك من علاقات وغيرها ... فأسألك بالله ان ترفقي بنفسك الإنسانة المكسور جناحها وأخرجي من كل الضغوط دي وده مش هييجي فجأة بل بخطوات بسيطة ويومية ومهمة •نوم كافي •هوايات •رياضة •ضروري جدا الفضفضة بالكتابة (مذكرات الهاتف أو هنا عالبرنامج ) •١٠ دقائق تأمل وتنفس وغيرها من إللي يعجبك استمري عليهم كل يوم وهتلاحظي ان حمل الجبل بيهون ثانيا تقبل الواقع وتقبل النفس ودي أصعب خطوة بالإضافة إلى •أعيدي النظر في الراجل قيميه بعقلانية أكثر فأكيد انتي دلوقتي أنضج مما كنتي في الثانوي أقعدي في لحظة صفاء راجعي المشهد من أوله لآخره وخذي قرار نهائي وإن شاء الله اهلك مش هيجبروكي •متسمعيش للأمور العاطفية زي هتكسفينا قدام الناس... لما ترفضي آنسة أحسن مما ترجعي مطلقة •فكري ان لما تكوني معاه في بيت واحد ٢٤ ساعة أكل وشرب ونوم الحياة هتكون ازاي •اكتبي قائمة طويلة بكل شروطك في الحياة اليومية للزواج وهو كمان يكتب ويعاهد على هذه الشروط وافتكري ان الدين اساس كل حاجة في حياتنا والصلاة خط أحمر وإن اذا صلح القلب صلح سائر الجسد وإذا فسد القلب فسد سائر الجسد (في ما معنى الحديث) • هوني على نفسك وتوكلي على الله ولعله خير أخيرا ربنا يفرجها عليكي مدام نيتك للخير وييسر دنياك واخرتك استعوضي الأجر وقولي الحمدلله واهتمي بنفسك وربنا يجبر بخاطرك نقطة أخيرة تعليق على كلام والدتك ان البنت احلى منك يمكن امك بتهاود الراجل عشان تبعده عنك أو يمكن البنت التانية احلى منك فعلا قيمتك انسانيتك مش وجهك دي أسوأ خاتمة لجواب في البرنامج🤣🤣

السلام عليكم عارف ان صعب عليكي تشوفي أختك إللي في مقام القدوة في الحال ده و بالمنظر البشع ده بس دي مش نهاية القصة من الواضح أنك غير عن أختك فمن كلامك انتي مدرسة لها شغلها و احترامها وبأكد على وعيك بإنك مش هتقدري تغيري الكون وإنك لازم تلحقي ما تبقى منك ومشكلتك بسيطة ومحلولة بإذن الله المشكلة • مشاعر سلبية (توتر ، غضب وخيبة أمل من الواقع ، كره للأخت) •هروب من الواقع إلى إدمان العمل •تأنيب ضمير لوجود مشاعر سلبية السبب سمعة سيئة بسبب أخت سيئة وخصوصا في مجتمع ريفي خطورة السبب • قد تؤثر السمعة على حياتك المهنية والنفسية وعلاقاتك المستقبلية •سخط المجتمع الحل هيكون بإنك تلحقي نفسك إللي اتبهدلت فإنتي ملكيش ذنب •أول خطوة وأصعب خطوة هي قبول الواقع زي ماهو والصبر عليه وكمان مش شرط أن سمعتك كمان تبقا سيئة وخصوصا انك معلمة وبتدي دروس يبقا اكيد محبوبة للطلبة ومعروفة عند أهاليهم •تقبلي نفسك ومشاعرك زي ما هي فإنتي حرفيا ملكيش أي ذنب بل بالعكس عانيتي ودختي واستنفذتي كل طاقتك عشان تحلي المشكلة ونصحتيها وتصدقتي عنها فإرحمي نفسك وكمان الموقف صعب •إفصلي نفسك عن أختك فهي مجرد مسكينة لا بتمثلك ولا بتمثل عيلتك •اهتمي بمشاعرك إللي انهكت الفترة الأخيرة غيري حياتك بإنك تنظمي يومك ووقتك بين الشغل وحياتك الشخصية نظمي وقت النوم ووقت الشغل والصلاة والأكل والراحة وغيره ... على مذكرات التلفون •اخرجي من التوتر والضغط بالهوايات القديمة .. لازم تجربي •ابعدي عن كتمان المشاعر فضفضي للورقة أو هنا عالبرنامج ثقي تماما انك لما تحسني من نفسك هي تلقائيا هتستغرب منك وتبدأ تنجر معاكي ربنا يفرجها عليكو

السلام عليكم ورحمة الله وبركاته بدايا أشكرك على انك عايزة تحلي المشكلة وموضوعك سهل وحابب اقول لك اني عندي نفس المشكلة تقريبا وبحاول فيها ربنا يعين السبب احنا ضاغطين نفسنا و حاطين في دماغنا ان "لازم نشتري أحسن حاجة والا يبقا احنا مش كويسين" سبب السبب ممكن نكون حطينا كده في دماغنا بسبب الضغوط العالية من المجتمع اللي بيحملنا فوق طاقتنا بذات في الدراسة واللبس والتعامل وغيرها الهدف نشتري ونعرف اننا كويسين حتى لو مجبناش أحسن حاجة الحل •أول شرط هو اني مضغطش على نفسي و احب نفسي زي ما هي منغير شروط لأني إنسان لي قيمتي •أعرف كويس ان كل الناس غلطت وبتغلط وهتغلط وده الطبيعي •بدل ما اركز على الغلط الأحسن اني اتعلم منه للمرة الجاية •الواحد أحيانا لازم يرحم نفسه لأنه بيتعب باختصار الواحد يحب نفسه بكل عيوبها ويعرف ان له احترامه لأنه انسان

في البداية أشكرك على انك كنتي صريحة مع نفسك واعترفتي بخطأك وتبتي منه والحل هنا بسيط ان شاء الله اتمنى تقرأي الكلام للآخر لأنه هيوريكي الموضوع من زاوية تانية ●التائب من معصية زي اللي معملش حاجة يبقى الماضي صفحة وانتهت بس ... هل فكرتي ان اي اللي خلاكي تدخلي علاقة زي دي؟!! هل ده مجرد طيش وصدفة ولا ليه معنى أعمق؟!! اي الحل دلوقتي في الصور اللي معاه انا هتفضح !!! •الفكرة باختصار سبب انك رحتي لعلاقة زي دي هو انك محتاجة تلاقي حد يحبك ويتقبلك ويحسسك بوجودك •وكونك محتاجة للحب معناه انك عندك نقص فيه •والنقص ده ممكن يكون إهمال من الأهل أو قسوة •ودلوقتي مش وقت اننا نلقي اللوم عليهم هم ناس اكيد على نيتهم ومش واعيين بده ___________ فلقيتي نفسك فجأة جمب واحد غريب واستغربتي وحسيتي ان دي مش انتي ومكنتيش عارفة اي السبب وبعد ما فقتي من الغفلة وقررتي انك مترضيش ده على نفسك فاستلمك الشيطان وقال لك : رايحة فين فاكرة ان الموضوع هيعدي على خير !! ده هيفضحك ومش هيسيبك وهي دي قصتك المشكلات ١•ضعف في الدعم العائلي والمجتمعي سبب نقص عاطفي سبب علاقة محرمة ٢•قلق من الفضيحة بسبب الصور ٣•بعد العلاقة في ندم و جلد ذات وفقدان ثقة في النفس وأبشرك واضح ان جواكي خير بدليل انك ندمتي وتبتي وحظرتيه وبتدوري عالحل وكلنا اتولدنا على الفطرة السليمة الحلول ١•الصدق مع الله هو أول علاج وده اللي هيكون صعب جدا بس متيأسيش حاولي تكلمي ربنا وتقولي له ساعدني ١•حاولي تقوي علاقتك بأهلك أو صاحباتك وافضلي دوري لحد ما تلاقي منهم حد يتقبلك ويحبك زي ما انت ١•اهزمي صوت اليأس والشيطان اللي بيقولو لكي انك سيئة بإنك تعملي حاجات صالحة زي الصلاة ٢•الواقع بيقول انه معاه الصور وانك مش هتقدري توصلي لها فالأفضل انك تنسي الموضوع من خلال انك تشغلي نفسك كل ما يجيلك التوتر اعملي رياضة اطبخي أو أي حاجة بتحبيها ٢•متخافيش منه ده هو تلاقيه مصاحب عشرة غيرك فأكيد مش هيركز معاكي وأستري على نفسك ومتقوليش لحد دلوقتي ٢•طول ما انتي محتفظة بالكلام جواكي هتتعبي حاولي تفضفضي بالكتابة على التلفون أو حتى على فدني ٣•لازم ترجعي علاقتك بنفسك اللي اتشوهت والثقة راحت فارجعي لنفسك وصارحيها وقرري ازاي هتعيشي بقيت حياتك ٣•اهتمي بنفسك وحسنيها وثقي في نفسك اخيرا اتعلمي الدرس وكملي حياتك وخليها فرصة انك تراجعي نفسك وهل انتي في الطريق الصح ولا لا وتذكري ان كل انطلاقة ونجاح كان قبله فشل وصدمة ربنا ستر المرة دي والموضوع متطورش ولعله إنذار انك ترجعي للطريق المستقيم

يا أختي جزاك الله خير واضح سلامة نيتك ●خذي الحذر من سحر البدايات وقصة الحب الوردية والأحلام والقوة والكاريزما فواقعيا مفيش حد على طبيعته بكل الجمال ده ●لن يظل طول العمر بهذا الحب والمدح لا تتوهمي هذا فقط قناع ليستطيع الزواج بكي ●من الواضح أنك متعطشة عاطفيا ممكن تعرضتي لقسوة في الصغر أو لم تتلقي حب كافي فلهذا السبب سحرتي به أملا في تعويض هذا الحب المفقود ●راجعي قصص النساء اللي انصدمو صدمة حياتهم في اشخاص كانو يرونهم خياليين وكانو يظنون انه تعويض إلهي وطلع صدمة عمرهم ●انتبهي على نفسك وكوني واعية فقد يكون هذا الملاك مصطنعا وله وجه شيطاني تمهلي في قرارك وخذي وقتك فقد قال الله في المنافقين :"تعجبك أجسامهم" ،"تعجبك ألسنتهم" ●من الواضح أنه إستخدم معك التجاهل فأشعرك بالذنب لأتفه الأشياء وجعلك تقلقين وهذا يتعلق بالنرجسي الخلاصة لا تنخدعي بسحره فقد يكون هذا قناع خلفه صدمة عمرك وأخيرا مش عايزك تشكي في نفسك عشان شخص رفضك ثقي في نفسك انتي انسانة لكي كيانك محدش يشكك في نفسك ولو ألف شخص زعلني جدا تقليلك لنفسك لما قلتي "حاسة ان انا ضيعته" هو مين !!!! ميضيع ولا يتنيل اتعلمي الدرس وخذي الخبرة وثقي في نفسك وحبيها ... بالتوفيق

جزاك الله خير لا إشكال في أن تبدأي في التعود على هذا الحجاب فهو ليس حكم بالإعدام وإذا لبستيه لا يمكن خلعه لا طبعا الأمر فيه سعة ويجوز خلعه إن لم تكوني في سن التكليف وإن خلعتيه في سن التكليف فهناك توبة والأمر بسيط فتوكلي على الله وإلبسيه وحاولي أن تعودي نفسكي عليه خصوصا في أوقات مثل عندما تملين منه أو عند تنمر بعض الجهال وفقك الله وجعله في ميزان حسناتك

يا أختي الموضوع بسيط وموقفك هو الموقف الراقي الفائز تمسكي به واستمري فيه وثقي في نفسك لا تبالي به فلا طاعة لمخلوق في معصية الخالق له كل الإحترام لكن هناك حدود يجب أن يمتثل لها وإعلمي انكي ان تتمسكين بقيمك ومبادئك هذا ما يرفع شأنك في قلوب الجميع حتى وإن أظهره العكس الخلاصة أن احترميه ولا تتخلي عن قيمك وفي النهاية هي مصلحة طبية تنقضي بينكما وكل شخص يعود لشأنه

يا أخي أسأل الله أن يصلح حالك أهلك لم يوفروا لك حقوقك في الحب والقبول والإهتمام ولاكن هذه ليست النهاية بل هناك حلول في عدة خطوات • لا للغضب تجاه الأهل فهو لا يفيد بل يزيد الأمر سوءا ويجعلك تشعر بالنقص وتحسد من تلقو الرعاية سامحهم بدلا من ذلك فهم ضعفاء في هذا الجانب قد يكونو قد عاشوا في ظروف صعبة • عد إلى حياتك صارح نفسك وخطط لحياة جديدة بناء على الأهداف البعيدة والأنشطة اليومية التي ستوصلك إلى هذه الأهداف • إهتم بنفسك فأنت تحتاج لهذا الإهتمام الذي حرمت منه • ناقش أفكارك وأعد ترتيبها من خلال التأمل والكتابة وستلاحظ الفرق وأخيرا إذا تعافيت وغيرت عقليتك ستتغير حياة البيت بأكمله بالتوفيق ♡

لا بأس يا أختي كل شئ له حل مشكلتك فقط أن لديك ذكريات وخيالات سيئة وقاسية وكلما تتذكرين هذه الخيالات تشعرين بأنها حقيقة وواقع الحل سهل وفي كلمة "فضفضي" أي عبري عن مشاعرك وأخرجي من داخلك كل التراكمات من الماضي إروي القصص صفي الشعور عبري عن الصدمات خاطبي والدك وعاتبيه نصف صفحة يوميا أو على مفكرة الهاتف ابدأي الآن وشفاك الله

يا أختي الكريمة في التأني السلامة يمكن لو دخلتي التمريض تندمي من صعوبته وساعتها هل هتقدري تقولي لأهلك رجعوني تربية !!!!!!! مجال التربية له مستقبل برضو خصوصا في الوضع الحالي من سهولة نشر رقمك للدروس الخصوصية ومن مميزاته انك بتتعاملي مع أطفال وتدرسيهم أما التمريض فيه شئ من الخطورة والتعامل مع كبار السن هل لازم تكوني زي صحباتك؟ وهل التمريض مناسب لكي؟ هل التمريض يستحق كل ده ولا ممكن تندمي عليه ؟ أكيد أهلك بيحبوكي وعايزين لكي الخير وفي سبب لرفضهم ممكن يكون عليهم ديون أو حاجة ركزي في مهنة التدريس وعيشي حياتك بدون ما تقارني نفسك بحد

جزاك الله خير يا أخي على البحث عن الخير وأبشرك أنت في الطريق النور ولكن يحجب بعض هذا النور غيوم الإدمان المظلمة التي أنهكت قواك إستنفذت طاقتك أرهقت نفسيتك أخلت بعلاقاتك والأهم من هذا هو أنها جعلتك في وضع مخزي أمام الله الذي هو عليك مطلع لكن القصة لم تنتهي بعد ولم تبقى طيلة حياتك في هذا السيناريو قال صلى الله عليه وسلم :"كل ابن آدم خطاء" خذ نفس عميق وإستعن بالله الخطوات : ● إجلس وراجع نفسك وإستكشف أفكارك وما الذي جعلك تقع في هذا الإدمان هل هو هروب من الواقع أم هو شهوة فإكتشافك السبب يختصر مسافات طويلة ●الإدمان هو هروب وعكسه المواجهة فواجه مشاكلك بكل صدق وواجه أفكارك عن طريق الكتابة والتأمل ● الملل من أسباب الإدمان أخرج الملل بروتين صحي مثل روتين التسعين ● إهتم بنفسك وإرحمها ولا تقسو عليها وسامحها وأكثر من الإستغفار فكن صديق نفسك بدلا من الصرامة ● غير البيئة وكل ما يذكرك بالإدمان باختصار إجلس مع نفسك جلسة مصارحة هدفها معرفة الأسباب ووضع الحلول وفي كل انتكاسة فرصة لمعرفة سبب جديد ووضع الحل له (المبررات الواهية من أصعب الأسباب ) وإرسم طريق التعافي وإستعد لعثرات هذا الطريق وغنائمه لا أخفيك سرا ستواجه أعراض انسحابية صعبة ولاكن الألم يقويك أسأل الله أن يكتب لك التعافي وأن يكتب لنا ولك الجنة

في البداية أحب أشكرك على النية السليمة والسعي للخير وحب الإنجاز وخصوصا من بنت مازالت صغيرة ف ما شاء الله عليكي أسأل الله أن يجعلك ممن رضى عنهم ● تقبلي نفسك كما أنتي الآن لا تربطي قيمتك بمنجزاتك ابدا أنتي إنسانة لكي قيمتك كما أنتي بلا أي إنجاز ●لا تضغطي على نفسك في وضع أهداف بعيدة جدا فالضغط يولد نتائج عكسية بدلا من هذا حددي أهداف واقعية وارسمي الخطوات البسيطة في طريق الأهداف ●سامحي نفسك دائما وعيشي في الحاضر وأحصلي على القبلول من أهلك (وتقبلي نفسك حتى إن لم تحصلي عليه) ●راجعي أفكارك من جديد وإستمعي لها بهدوء واهتمي بنفسك ومارسي هوايات تخرجك من الضغط والتوتر السعادة ليست بأي بالإنجاز وليس كل من عاش نجح وأنجز فقط نحن نفعل بعض الأسباب ونقصر في بعضها ولا يمكننا تغيير العالم

السلام عليكم بداية أود أن أشكرك على البحث عن الحل وليس الانتقام فمن صفات المنافقين الفجور في الخصومة إذا أنت لست منافق حل المشكلة المناسب عندك أنت وأسأل الله أن يلهمك ويخرجك من الظلمات إلى النور ويجعل لك من هذا الضيق مخرجا ومن العسر يسرا ولاكن سأقترح عليك بعض الأشياء •خذ استراحة ولو لبضع ساعات اذهب إلى مطعم أو مكان بعيد بهدف أنك تخرج من المكان الذي تولدت فيه الأفكار السلبية ابتعد وأعدت تقييم الموقف •فكر بإيجابية كأن تقول هذا الموقف كشف لي ما بداخل هذا الكاذب أو الألم سيجعلني أقوى أو لا بد من أن أخوض الصعاب وأتعلم الخبرة •وهذا أهم شئ اكتب أفكارك وفضفض في الورقة حيث أن الأفكار تكون في المخ كارثية بينما على الورقة هي مجرد أفكار • احتسب الأجر واستعذ بالله من الشيطان الرجيم ولا تضيع حياتك بسبب شخص حاقد

يا أخي أولا أشكرك على سعيك ونيتك الطيبة المتوجهة إلى الخير وإعترافك بالتقصير وأقسم لك أنك بعد مرور فترة غير محددة ستحدث التطور والتغيير شريطة أن تكون صادقا مع نفسك معترفا بتقصيرك أما عن صعوبة الإلتزام وصعوبة ترك العادات السلبية فهذا أمر طبيعي وفي رأيي له عدة أسباب ١)الضغط والتصعيب على النفس وعدم إتخاذ سياسة التدرج ٢)عدم الإلتزام ببعض التفاصيل المحفزة مثل المكافآت والتقييم اليومي ٣)التعود لفترات طويلة ٤)عدم الإستماع إلى أفكارك ودوافعك الحقيقة التي هي وراء أفعالك ختاما الحل سيكون لديك لا تفكر في الإنجازات الكبيرة بل ركز على الروتين اليومي واستمتع به وهذا سيكون طريقك للإنجازات الكبيرة جرب روتين ال٩٠ أسأل الله أن يحييك حياة طيبة ويجعلك ممن أنعم عليهم برضاه عنهم

التعافي ليس خطوة بل طريق وللأسف طريق يحتاج للكثير من الصبر ولكن النتائج ستعوضك .. يا أخي اسأل الله أن يلهمك المخرج والسعة من هذا الضيق .. ومن المفيد والفعال جدا هو الملل لمدة ١٥ دقيقة يوميا .. هذه الدقائق اجلس ولا تفعل فيها شيئا .. فقط فكر في حياتك وواجه نفسك وhعلم ما دفعك للمعصية وبهذا سيتضح لك الحل المناسب .. لا تبالغ في التفكير فكثرته مضرة .. جرب روتين التسعين .. هذه الحياة لابد من تحديات

انا أبوي زي أبوك بالضبط أنا كانت نيتي صافية جدا من ناحية ابي اعامله بلطف واشفق عليه حين يحزن واحاول الحديث والمرح معه أو مواساته ظنا مني أنه سيحترمني ولكن في كل مرة كان يصدمني بالواقع كأن يشك في أو يحقرني أو يشتمني بغلظة واستمريت أقدم له الخير بهدف اسعاده وهو يصدمني فأعذره بأن لديه ظروف ومسؤوليات وأقدم له الخير ويصدمني وهكذا الخلاصة أيقنت مع الوقت انني لم ولن اصلحه فهو عاش أكثر من ٤٠ سنة معتاد على هذا الحال يوميا فمستحيل اغير عاداته بالإضافة إلى انه قاسي وانا استنفذت وارهقت يعني ظل هو يعاني وانا استنفذت فبدلا من واحد يعاني اصبحو اثنان فساء مزاج المنزل العام الحل : احسن الى والدك ولكن لا تستنفذي طاقتك احسني اليه بالتنظيف او المطبخ مثلا والأهم أن اهتم بنفسي ونفسيتي واعود الى الحياة واكون ملئ بالطاقة وهذا سينفع العائلة بالكامل فبمجرد أن ينظرو في وجهي وانا سيسرون ... خذي الخطوة جربي روتين التسعين {يوتيوبر عبدالله العلاوي} اتمنى لك التوفيق

أخشى أن تكوني ظلمتيه اخشى أن تتركيه وتتزوجي أحدا آخر وتقولي نادمة متأذية من نرجسي ليتني تزوجت الأول اعطيه فرصة فبعض الطيبين لا يستطيعون التصنع و تمثيل شخصيات جذابة وقال تعالى في المنافقين :"تعجبك أجسامهم " ،"تعجبك ألسنتهم" فقد يكون خطيبك صادق لا يتصنع ولا ينافق فالحل أن تريه في المواقف وتسألي عنه وترين سمعته لدى القريبين الذين تعاملوا معه وجه لوجه لا البعيدين الذين يحكمون بالمظهر واعطي نفسك الوقت في أخذ القرار وأسأل الله أن يجعله من نصيبك كريما أو يبعدك عنه لئيما

يل أخي إصبر ولا تتدخل في مشاكلهم فقط اذهب لمن ترتاح له وقل له انك تعاني من هذه الصراعات ويجب أن تهتم بنفسك وتسعد نفسك لعلاج المشاعر السلبية لا تترك نفسك مهموم فهذا سيؤثر على علاقتك بأصدقائك وعلى دراستك اهتم بنفسك مثل العادات الصحية كالإستحمام والنوم الكافي والرياضة والتعبير بالكتابة وأعلم انك أن كنت سعيدا سيهدئ هذا غضبهم تجاهل الموضوع قدر المستطاع وحاول أن ترضى وتقوم بأعمال المنزل كغسل الصحون لتوفير بيئة مريحة لهم وأبشر بالخير

أول خطوة هي التقبل والتفاؤل .. وكل ما يصيبنا في الدنيا يكفر ذنوبنا .. أعانك الله

[[[[[شوف انت بتعيش يومك من أوله لآخره ازاي وحدد الغلط وصلحه ]]]]]تقبل نفسك زي ماهي على وضعها الحالي رغم ضعفها واحباطها أو حتى فشلها وحاول تخطط بانك تعرف انت عايش ليه بجد و تحط أهداف انت فعلا عايزها مش أهداف المجتمع أو اهلك زي الصحة النفسية .... وترسم الطريق للأهداف دي (يعني ترسم الروتين اليومي اللي هيوصلك للأهداف دي) ... وافتكر حاجتين (١).مش هتفضل طول حياتك محبط(دوام الحال من المحال) (٢)قليل دائم خير من كثير منقطع ... بالتوفيق

العفو بالتوفيق

شكرا

الله يعينك يا أخونا ويعافيك ويديك الصحة ويعوضك عن كل اللي فات .. لا تعمل عملية ولا تكلف على نفسك الموضوع بسيط شوية أفكار وهتخرج مع الوقت وهتدرك ان دا كله كان وساوس وتوتر لمرحلة الشباب .. انت بس تفاءل وثق بربنا وهون على نفسك وحاول تعيش يومك طبيعي

بالتوفيق

يا أخي باختصار حلك النهائي الصيام جرب صوم يوم وشوف الفرق ، علاج للشذوذ ، علاج نفسي ، علاج جسدي ، يعيدك إلى الفطرة السليمة النظيفة ، لأنه يساعد على الصبر والتحمل

تمام ربنا يسترها معاكو

العفو على

لا تسألوا عن أشياء إن تبد لكم تسؤكم

واي المشكلة انك تستشيري الناس ؟

العفو يا اختنا

العفو ..

جزاك الله خير

سابقة

جزاك الله ألف خير وأدخلك الجنة

عفوا.

ده بالضبط إللي كنت قاصده .. ربنا يوفقك

اعملي لنفسك مكافآت كل نص ساعة مذاكرة..شعور الإنجاز لا يوصف .. وإلحقي نفسك السنة بتخلص !

يمكن لأنهم كانو طلبة فبييجي في بالهم مدرس معين فبيضحكو

جزاك الله خير

الكلام معه لا يفيد

والله يا أخي العزيز مفيش الا واحد من اثنين يا تجيبو محامي يا أبوك يجتمع بإخواته ويقنعهم يتفاهموا مع عمك إللي في السعودية .. قال تعالى:"ولنبلونكم بشئ من الخوف والجوع ونقص في الأموال والأنفس والثمرات وبشر الصابرين"

الكتابة رائعة مع الابتعاد عن المناطق المزدحمة

لا بأس يا أختنا بالصبر تمر اللحظات المؤلمة

يا بنتي انتي ظلمتي نفسك وقصرتي مع الله ولازم ترضي الله وهيرضيكي صلي ركعتين توبة واعتبري ده أول درس من دروس الحياة وخذيه حافز انسي الماضي وافتحي صفحة جديدة وابدأي بالتدريج في حياة صحية وجدول هوايات تحسسك بالإنجاز وتذكري أنه النجاح قبله السقوط في القاع وما بعد القاع الا الصعود للأعلى لأنك متقدريش تنزلي تحت القاع وانا استبشرت بكي من كتابتك ولا تقلقي الكل بيغلط وربنا رحيم . يله اتحركي غيري حياتك

اشتري لها هدية واعرف انك انت الي غلطان ومع الوقت هتنسى

الأفضل في هذا السن دخول معهد وباقي الأشياء تقدر تعملها في أي عمر

عارف شعورك بس استحملي ٥ دقائق بدون اي شئ في مع كل ثانية بن أمواج أفكارك العالية بتخف الموجة وحدة وحدة وتبدأي تشعري شعور مختلف .. هتكون ٥ دقائق صعبة تواجهي فيها نفسك فهل هتقدرى؟

لا يا أختي .. أنا زيك مش بعرف اسكت دماغي .. فائدة التأمل ليس أن تخرصي أفكارك أو تتجاهليها بل أن تستمعي لها لأول مرة أن تقيمي أفكارك أن تطمئني نفسك وستشعرين بشعور مختلف ٥ دقائق بعيد عن أي مشتت أو هاتف أو أي عادة سلبية إجلسي ولا تفعلي شئ إلا أنك تستكشفي ما يدور في ذهنك ٥ دقائق فقط لنفسك هي -قطعا- الحل...

حل مشكلتك التأمل .. جرب

انا كان لدي هذا وهو ناتج عن توتر ونزعة مثالية(أي أنك تريد كل شئ كامل) والآن أبشرك قل عندي وزادت بهجتي وراحتي والحلول ثلاثة ●١٠دقائق كل يوم تجلس للاسترخاء وتستمع إلى الوسواس بكل هدوء كأنك تواجهه بشجاعة و باستهزاء به●الكتابة خرافية فرغ السلبية في الورقة ●تقبل الوضع واصنع عادات جيدة وأعلم أن الأمواج الهادئة لا تصنع بحار ماهر وانت تمر بأمواج متوهجة وأخيرا لا تستعجل واترك للمشكلة وقتها ... لا تقلق مشكلتك بسيطة

●يا اختي الأم منبع الحنان والاطمئنان ولا شك أن هذه الأم مؤذية ●وابشرك انت لست وحدك فسألي الأطباء النفسيين من أكثر من ياتيكم في العيادات أغلبهم سيقولون المتضررين من علاقات مؤذية وللعلم أنا أيضا متضرر من هكذا علاقة ●فالحل هنا أن تعطفي على نفسك لتعويض هذه الفجوة الكبيرة وتبشري وتصبري نفسك وتعلمي يقينا أن تصرفاتها وكلماتها البذيئة إنما هي هباء لا يمد للواقع بصلة وهذا الأذى نابع عن سلبية داخلية في الأم وهذا لا يمنع أنها تعشقك ولاكنها لا تشعر بك وتظنك لا تتأذين منها ●وأفضل وأقوى علاج نفسي بالنسبة لي هو الكتابة كما فضفضتي في برنامج فدني ستشعري بانشراح صدر فلما لا تكرريها كل يوم على مفكرة الهاتف أو هنا في البرنامج● . أسأل الله أن يحييك حياة طيبة بإيمان و قرب من الله

اشغليه بالمهام مثل القراءة والرياضة ولاكن انتبهي أن تعطيه راحة زيادة لكي لا يتمرد أو ينضم لمدخنين

كافئيه بحيث لا يعاملك على انك سلطة وضغط عليه بل يجب يعاملك على إنك الملجأ والمقام الآمن

وريه منك الخير واعطيه فترات استراحة