السلام عليكم من حوالي تلت أيام، دخلت أفتح التليجرام لقيته عامل تسجيل خروج تلقائي. لما جيت أسجل دخولي تاني، كتبت رقم التليفون عادي واستلمت كود التحقق على الإيميل بتاعي، لكن بعد كده ظهرلي إنه طالب كلمة سر! استغربت، وبدأت أبحث وأسأل، لحد ما فهمت إن الحساب اتعرض للاختراق، واللي اخترقه فعل خاصية التحقق بخطوتين علشان يمنعني أرجع الحساب. ولما بدوس على "نسيت كلمة السر"، بيخيرني يا إما أفتكرها يا إما أحذف الحساب خالص! حاولت أتوصل مع دعم تليجرام وبعتلهم رسالة، بس لحد دلوقتي محدش رد. المشكلة إن الحساب عليه حاجات مهمة جداً تخص الكلية، ومش عايز أخسره. قاعد متعلق بأمل إن الدعم يرد ويرجعلي الحساب، لكن في نفس الوقت قلقان إن الوقت بيعدي وهو قاعد على الحساب وبيستخدمه. أعمل إيه؟ هل في أي خطوة ممكن أعملها غير إني أستنى؟ وهل في أمل فعلاً إن الحساب يرجع؟
تم النشر الخميس، ١٠ أبريل ٢٠٢٥
حط كل العوائق بينك و بينها ، تقدر تغير اعداد الdns في الروتر يخليك تمنع كل المواقع الاباحية ، ابحث علي اليوتيوب عن تغيير الdns و منه المواقع هيطلعلك بس ممكن يأثر علي مواقع تانية فأنت ممكن تغيير الdns علي موبايلك انت بس ، اقفل التطبيقات الي بتخش من عليها اذا كان كروم او تليجرام او اي تطبيق تاني نزل تطبيق قفل التطبيقات و حط كلمة سر طويلة بحيث انك تتعب عشان تفتح التطبيق ، و لو احتجت تستخدم اي تطبيق فيهم شوف موبايل تاني عندك في البيت ، و حاجات زي كده حط كل العوائق الي تقدر تحطها عشان تبطء و تصعب وصولك لأي محتوي اباحي ، لأن الاثارة ما هي حرارة و رغبة في السعادة فأنت لو صبرت شوية و الموضوع بقي صعب و شاق انت نفسك هتكسل تخش تسمع حاجة ، انا جربت كده و نفعت معايا انا كنت حاطط كلمة سر فوق التلاتين رقم انت عارف يعني ايه اقعد انقل تلاتين رقم عشوائي لو كلمة السر طلعت غلط من اول مرة كنت بتعصب برمي الموبايل و بقول الموضوع مش مستاهل العذاب ده و اروح اشوف حاجة تانية اعملها و لما تاخد وقتك هتلاقي نفسك بتفكر لوحدك و بترفض الموضوع من الأول اصلا. و ربنا يتوب علينا جميعا من الذنب ده.
تم النشر الثلاثاء، ٢٧ أغسطس ٢٠٢٤
فقدان الأهل شئ صعب و لكنها سنة الحياة ، أنت لازم تتجاوز الحزن و الشعور بالصدمة و تكمل حياتك ، الموضوع هيكون صعب في الأول بس بعديها هتبقي كويس و لازم يبقي عند صبر و تحمل عند الاوقات الي زي دي لأنها سنة الحياة و فقدان الشغف و القلق كل ده بيبقي شئ طبيعي بعد الصدمة و لكن متخفش هترجع زي الأول و مش محتاج دكتور نفسي، و متنساش انك تدعي لولدتك بالرحمة ، وربنا يبارك في اعمارنا جميعا.
تم النشر الجمعة، ٢٢ مارس ٢٠٢٤
دور علي عوائق تانية غير الdns و متعتمدش علي عائق واحد ، و متعتمدش علي الكلام و الحلول المنتشرة الي انت بتسمعها في الفيدوهات و غيره انت ادري بنفسك و بطريقة حياتك و ايه الي يبعدك عنها زي الرياضة او انك متعقدش لوحدك دي الحلول الشائعة بس مش بتشتغل مع الناس كلها ، انا مثلا كانت نقطة ضعفي الكسل انا لما كنت في ثانوية عامة كنت بلف الموبايل بشراب و اربطه و احطه بعيد عني لما بزهق من المذاكرة و احب امسك الموبايل الاقي نفسي عايز اقوم اجيب الموبايل و افك عقدة الشراب و اكتب كلمة السر فكنت بكسل و اروح اعمل كوباية شاي اسهل و ارجع اذاكر ، شوف انت ايه الي ممكن ينفع و جرب منفعتش الفكرة الاولي جرب تانية ، صدقني والله ده بيجيب نتيجة انه يبقي بينك و الغلط ضغطة زرار و انت معتمد علي قوة ارادتك و انك قوي و مش هترجع هتلاقي نفسك بتقع كل مرة ، جرب و إن شاء الله ربنا هيكرمك و هتبطل و هتنسي العادة دي اصلا و انك بتسأل و بدور علي حل ده لوحده دليل علي انك عند عزيمة حقيقية و انت لسه سنك صغير عاش يا بطل❤️👍
تم النشر الثلاثاء، ٢٧ أغسطس ٢٠٢٤
لعرض الملف الشخصي في فدني اضغط هنا