Eslam Mohammed

,للاسف انا وقعت في نفس الغلطه بدون قصد وسابتني عشان معملتش حدود في العلاقه وندمان اوي المفروض تكون وسطي وتلتزم بدينك انا كنت يكلمها كتابه ونادرا لما بكلما صوت كنت فاكر أن بكتر كلامي هقرب منها بس حصل العكس اتعلم من أخطائي البنات مش بتحب اللي يكلمهم كتير بيزهقو وكمان متبينش حبك ليها بشكل مبالغ ممكن تكرهك وتبعد عنك أو تزهق منك

لازم تكملي تعليمك طبعا عشان اولادك في المستقبل صدقيني الموضوع ده مش شيء يخصك لوحدك الشهاده شيء أساسي علي الاقل خدي ثانويه لكن لو معاكي اعداديه بس اعتقد تأثيره النفسي في المستقبل هيكون وحش عليكي وبالنسبه للوقت عاوز اقولك أن في ناس عندها ٥٠سنه وفي الكليه لسه وبيتعلمو وانتي لسه صغيره ابدائي من الصفر مش عيب المهم تحققي أهدافك بدل الندم علي الماضي انا دخلت حوار التعليم ده ورغم من المصاعب اللي مريت بيها الا اني كنت فخور بنفسي لاني بحاول اتغير وبعمل حاجه بحبها في الوقت اللي كله كان بيتنمر عليه ولسه بتعلم وهفضل اتعلم دايما اتعلمي عشان تثقفي اسرتك واقولك علي حاجه ومتزعليش متضمنيش جوزك بعد الجواز يمكن يحصل تغيير في القلوب وده بيحصل ساعتها هيتبقالك ايه ولا حاجه خدي شهاده تكون قوه ليكي محدش ضامن مستقبله والدراسه مش هتعطلك عن حاجه صلي الفجر وهما ساعتين كل يوم الموضوع بسيط ابدائي وبطلي تفكير خدي قرار

بكون مبسوط اوي لما بشوف أن في ناس قلوبها رحيمه بالحيوانات كل اللي تقدري تعمليه انك تتابعيه وتهتمي بيه من بعيد عشان ده قدره وجيبي قط تاني شبهه عشان يفكر بيه ومتنسهوش وااالامور دي دايما بتحصل مع اللي بيربو حيوانات انا مره جبت ترسه صغيره قعدت معايا اسبوع بس وماتت ومع اني عارف انها ماتت والمفروض ادفنها قلبي كان مش مطاوعني وسبتها في الميه ٣ايام قلت يمكن تصحي طبعا بضحك علي نفسي بس من الصدمه مكنتش حابب ادفنها وفي الاخر ريحتها طلعت ودفنتها ومن ساعتها مرضتش اجيب حاجه تاني اربيها مبحبش اشوف حاجه تموت قدامي

فكري في الجنه و اعملي عشانها تضمني لو موتي دلوقتي مصيرك ايه جهزه للحساب مش قادره تتحملي الدنيا هتعرفي تتحملي الاخره النوم سببه انك بلا هدف فراغ كبير جدا عندك هيجيلك كل السلبيات والاكتئاب أمر طبيعي خلي لحياتك قيمه اعملي شيء مفيده سواء ليكي أو لغيرك عشان تحسي بقيمتك

ضعف الايمان هو اللي بيخلينا عمي كل واحد حر في حياته ازاي أجبر حد يعيش معايا وهو عاوز حد تاني احيانا بنتصرف بدون وعي واحنا في حاله انهيار الحمد لله بس اللي انا واثق منه اني مش هتعرض للموقف ده تاني ولو حسيت باي حاجه ضيقتني هقولها مع السلامه وهشتري نفسي لأن محدش بيرجع نفس الإنسان مرتين كله بيحب نفسه اكتر محدش هيحبك اكتر من نفسه غير امك امي طيبه اوي هي فعلا الحب الحقيقي عشان كده عاوز انجح عشانها وعاوز ابسطها خساره افكر في حد تاني مش بيفكر فيه ده عموما لاي بنت وهي بردو مش اذتني انا اللي اذيت نفسي بهبلي وتخلفي انا كتبت كل حاجه غلط عملتها وبدرس أخطائي كويس عشان اتحسن واغير من نفسي هي انا بتمني ليها الخير هي خلاص قريب هتتحوز وقريب هتخلف وانا هكون لسه بطور من نفسي ده نصبنا وخلصت الحدوته

الناس من كتر ما شفوني حزين ومش عارف افهم كلامهم وتايه خالص حسوا بيه وفهمو الموضوع من غير ما احكي وفي ناس قالولي لو عاوز تتجوز في ناس كويسه كل ده عشان يخلوني اضحك بس لما لعبت رياضه فكيت الحمد لله قضاء ربنا وانا مؤمن بكده

انا كنت بتفكر ايه والله بس أنا سألت ناس حوليه كتير لقيت كل الناس بيجمعو أن كل كلامي وهم واحلام يقظه واني مثالي بزياده وعشان كده مش هنجح في حياتي لو متغيرتش انا طول عمري مستقيم وببعد عن المشاكل والشبهات بحاول اطبق ديني علي قدر معرفتي بيه بس اتالمت اوي انا عاوز اقولك اني روحت كشفت قلب من كتر وجع القلب اللي فضل مستمر معايا بقوه لمده اسبوعين عشان كده انا مصمم اتغير ومش هرجع تاني

انا بتعامل مع الناس دلوقتي علي القد الاكل وكبايه الشاي بلا عواطف بلا انشراح

لا مش هبقي طيب تاني الناس بتشوف الطيب ضعيف جدا وده حصل معايا في أوقات كتير

ساعات بحس أن ربنا خلاني اشتغل في مجال المقاولات عشان اتغير لانه مجال فيه أحتكاك كبير باسواء الناس وكله مشقه فأنا راضي عن كل الدروس اللي ختها وبقول قدر الله وماشاء فعل

ممكن شهر بس انا عاوز اسافر ومش هتجوز غير لما اجيب شقه في مكان محترم عشان لما اتقدم لحد تكون من عيله كويسه ومستواهم حلو عشان اولادي يفتخروا باهلهم انا عايش في منطقه مش عارف اتكيف فيها وده سبب تاني عشانه اجل الجواز انا هعيش بعقلي وبس

انا سني كبير ولما حد في الشغل بيعرف اني بتفرج علي انمي يتنمر عليه بزعل هما بيحبوني جدا وبيحترموني بس بزعل انا عاوز اكون عملي وبس العواطف والاحساس بيتعب القلب انا بحد نفسي اكون انسان آله حرفيا وانا باخد كورسات عشان أطور

عشان كده بقولك مش هينفع اتقدم لحد دلوقتي خالص لازم علي الاقل سنتين او تلاته اتغير فيهم هو اصلا من الفلاحين فأكيد هو عارفهم اكتر مني

واحد صحبي قالي اني لازم اتجوز من الفلاحين ناس بسيطه زيك وهما دول اللي هتقدر تعيش معاهم يعني الراجل لازم يكون صايع انا عامل زاي علاء ولي الدين في فيلم الناظر البنات عاوزه اللمبي

أنا وصلت لمرحله اني بقيت اسمع رضوي الشربيني الموضوع مختلف في أمور غريبه مكنتش اتخيلها في حوارات كتيره انا بالنسبالي الحياه كنت شايفها شغل و مسلسلات انمي معرفش أن الناس بتفكر بتعقيد كده مش بعرف اهزر بردو زاي بقيت الناس وده عامل فجوه كبيره

انا اتعرض لصدمه وانا في ثانويه عامه توهت وانا رايح الامتحان مرتين امتحنت في مدرسه مختلفه ومحدش يعرف جبت مجموع وحش وانهرت وانا انسان حساس بزياده ودي طبعتي من وانا طفل فحبيت اغير من نفسي فعملت شويه حاجات بس انا ضريت نفسي بدون وعي مكنتش بقابل حد وكنت حرفيا عايش مع نفسي والدنيا جريت قدامي وشبابي ضاع مني وبقيت مليان سلبيات انا باخد كورسات تنميه بشريه ويشتغل وكل يوم بطور من نفسي بس الموضوع محتاج وقت انا مش هتجوز أو أخطب غير لما احس اني متاقلم مع الحياه عشان ميتكررش ده تاني مهو الانعزال ده سبب كل المشاكل بس انا في تغير الحمد لله أنا بس عيبي اللي بحاول أصله اني فريندلي اوي وطيوب زياده وكل الناس في الشغل بيناقضوني عشان كده هو فعلا القلب ده مش عارف اتحكم فيه كويس كلها مساله وقت

انا كنت يعتبرها نفسي يعني انا وهي شيء واحد ومكنتشي عاوز يكون في بينا اي خلاف كنت عاوز يكون في اتحاد وكنت بحط دايما خيارات كتير عشان يكون في اكتر من حل كنت بكون مرن بس هي قالت انت كل حاجه بتوفقني هي شافت اني شخصيه ضعيفه وانا كنت عاوزها تشوف اني شخصيه متفاهمه متواضعه بسيطه جدا حاليا بدخل كذا شات عشان اشوف الناس بتتكلم ازاي وبتفهمو الكلام ازاي بسبب انعزالي مش فاهم نيتي الناس كويس وطريقه الكلام معاهم يعني الشباب دلوقتي مخهم بيترجم الأمور بشكل مختلف مع اني من نفس جيلكم اعقدت لاني بعقد في البيت كتير اوي وامي انسانه طيبه اوي وبردو ولدي طيب اوي فأنا متأثر بيهم الحياه عاوزه اللف والدوران في كل حاجه حتي لو الحب والجواز ده اللي اتعلمته ومستحيل اكرر أخطائي تاني

بس انا خت بنصائح ليها وبدائت اعملها اللي بيحب مبيعرفش يكره وانا اللي تفكيري طفولي خبراتي بسيطه وهي أو خالتي ملهمش ذنب عارفه لما تكون في عربيتني داخلين سبق عربيه ملاكي وعربيه بحمار مفيش مقارنه انا عايش في ابيض واسود وهي عايشه بواقعيه عشان كده محصلش نصيب مع اننا احنا الاتنين كويسين

اقولك علي حاجه انا لما بفكر انها بتعيط أو حد مزعلها بتجنن محبش اشوفها زعلانه وانا بتمني ليها الخير دي قربتي صله رحم وحولت شهر معايا تحبني وهي بترقص بسرعه وصبرت عليه انا اللي عايش في عالم التخيلات الحمد لله

إن شاء بعد السفر عشان اقدر اكون نفسي مش عاوز يكون عليه ضغوط

اني تعليم عام لكن هي ازهريه

ايوه معملتش فعلا حدود كنت شايفها مراتي اناةمش ملتزم اوي وجاهل بأمور ديني

انا قررت اني اتجوز بعد ما اسافر واكون حاجه كويسه

من يومين وانا مروح كانت في بنت قاعده جنبي بتكلم واحد وبتتحايل عليه يجي يخطبها وهو كان بيكلمها وحش وهي بتسايسه استغربت جدا قولت دي اكيد رساله من ربنا ليه وفعلا هي متستحقنيش انا محتاج انسانه هي بتحبني و تتمني ترضيني علاقه من طرف واحد ملهاش لزمه تعب وخلاص والحمد لله دروس ربنا بيبعتهالينا عشان ننضج

بس انا حبي ليها مكنش كلام كان أفعال كنت بخليها تشاركني في حياتي عشان نبني مستقبلنا سوا وكنت مديها مساحتها وكنت عاوز اوفر ليها جو كويس ملائم ليها يعني كنت بعمل مش كلام وبس

ايوه معترف اني انا السبب في خسارتها الحمد لله قدر الله وماشاء فعل

كنت وانا يكلمها عارف انها مش ليه من اول لحظه وكنت لما يكلمها بتقولي خايف ليه ما انا معاك اهوه بس هي مش معايا يعني هي مع صحابها بتتكلم عادي معايا متخفظه وانا فاتح صراحه علي البحري بس هي تجاربها اكتر مني وبتفكر بعقلها اوي وانا ساذج بزياده بس انا دلوقتي بقيت افكر بعقلي وهموت قلبي ده نهائي بس كلها شويه وقت انا بعمل خطه ومركز في الدراسه الماضي في الماضي انا كنت بحس انها بتمل من الكلام معايا وساعات احس انها كويسه بس دايما تقولي خايفه ومش عارف خايفه مني ليه كنت بعذرها عشان عندها تحارب سيئه وكنت مستحمل وكان بالنسبالي عادي كنت ممكن اصبر العمر كله لما شافت كده قالت حاولت أجبر نفسي احبك ومعرفتش مش حاسه بيك وبعدين قالت اهتماماتنا مختلفه انا الحمد لله خرجت من حاله الانهيار اللي كنت فيها ورجعت لطبيعتي ومش ناوي احب تاني هتجوز اللي تحبني وهعاملها كويس وخلاص كل اصحابي أجمعوا علي كده وكلامهم منطقي

انا صارحتها بحبي من اول ثانيه عشان كنت مخنوق من كتر منا كاتم في نفسي سنين طويله وخفت تضيع مني من كتر حرصي عليها بزياده ضاعت فعلا

محدش بيتعلم ببلاش لازم نخسر حاجات مهمه عشان نتعلم انا بدايت غلط العشم بزياده خسرني أصلها كانت قربتي مكنتش اعرف انها هتفكر فيه بطريقه مختلفه كنت واخد الأمور ببساطه بس اتزهقت حلو منها اوي والحمد لله كله خير

انا مكنتش اعرف الكلام ده بس خلاص هي دلوقتي يتقابل ناس تاني واحتمال تكون مخطوبه ومخبيه وتعلن في العيد خلاص انا تقبلت كل حاجه هي دي الحياه

كنت هكون سند ليها في كل شيء حرفيا و داعم ليها ومتفاهم ليها كنت بتأثر جدا لما بحس انها هتزعل مني أو حد مزعلها كنت شاري خاطرها اوي كنت عاوز احققلها كل حاجه كنت عاوز حرفيا ابذل كل جهدي عشان هي تكون سعيده وراضيه كنت بحس انها متألمه كفايه اني كنت بثق فيها ميه في الميه بس هي مكنتش بتثق فيه ومكنتشي بتتكلم كانت بتسمعني وخلاص

انا بطور من نفسي وخلال تلات سنين أن شاء الله هكون انسان مختلف وهعرف اتعامل مع كل انواع البنات لانكم الصراحه معقدين نفسيا و عندكم شك في كل حاجه وانا انسان بسيط وانتم مش عاوزين كده. ده اللي اتعلمته

مهو خلاص الموضوع انتهي وراح لحاله ملهوش لزمه الكلام هي كانت أول تجربه ليه ليه هاخد خبرات من التجارب بس انا فكرت بردو بعقلي هي كويسه جدا جدا وشايفها بعقلي ومقتنع بيها بعقلي وعشان كده حبيتها جدا يعني هي طيبه جدا جدا وصريحه وطموحه وفيها مميزات جميله اي حد يتمناها يعني اخترتها بعقلي وقلبي بس هي مكنتش مقتنعه بيه هي دي المشكله خلاص هي ادتني درس مش هيتنسي ربنا يوفق الجميع

لو بيحبك هيجري عليكي ومش هيستني اصلا انك تقوليله تعالا اخطبني لكن واضح أنه بيفكر لانه عارف انك ملتزمه والمفروض يساعدك ويشجعك انا عملت كده بس محصلش نصيب بردو وبقيت حيران في ناس تقولي متبقاش تجري علي حد وخليك تقيل مبقتش عارف البنات عاوزه ايه

طالما مش اتقدم يبقي بتاع كلام ومترديش عليه طالما عرف انك موافقه يبقي كده معنهدش حجه وقوليله اتقي الله اللي هيخبط على بابي هو اللي يستحقني لكن اللي بيدخل من الشباك ده الحرامي

بيحصل معايا لما بحب حاجه جدا جدا بتروح بضيع أو مبعرفش انجح فيها ولما تكون حاجه مش مهتم بيها اوي بتتحقق اكتر حاجات بتحبها بنفقدها بسرعه دي حاجه بردو حصلت معايا كتير احيانا بهمل حاجات عن عمد لتستمر معايا وبتعيش فعلا اعتقد ده تفسيره لما بنعتقد في حاجه بتتحقق

انا بحب الست تكون متعلمه احسن تعليم كله فايده للاسره كلها وكل ما الست تكون عندها وعي وذكاء ده بينعكس علي الكل اتعلمي كل حاجه لغايه اخر يوم في حياتك

ماشي كويس جدا بس اكتبي في عقد الزواج شروطك ومنهم حريه التعليم لان مفيش حاجه مضمونه وده حقك معظم الناس قبل الجواز شيء وبعد الجواز شيء وكل شيء ممكن عشان كده لو هو فعلا مقتنع مش هيعارض وهيوافق

مرحله الكتب مش هينفع في حالته لانه متأخر هو محتاج حد يتبعه ويتكلم معاه ويوجه ولا شات ولا كتب هتنفع كلها مسكنات مش اكتر من كده

يعني ايه تعلق مرضي انا مريت بتجربه من فتره بسيطه وكل ما اكلم حد يقولي ده حب مرضي بقولهم عادي حب من طرف. واحد وده بيحصل بيقولوا ده مرض ازاي اتاكد أنه مرض ولا أمر عادي

انا بحب الأمور الخياليه بيكون فيها متعه كبيره انا مدمن انمي عشان فيه خيال وبقراء مانجا بردو عادي الخيال مطلوب بالعكس بيطور من ذكائنا معظم الاختراعات كان سببها الخيال واي حد من العلماء لازم يكون عنده خيال اقرأي روايات برحتك المهم تكوني مبسوطه اي حاجه تبسطك اعمليها المهم تكوني راضيه عن نفسك بس في نفس الوقت متهمليش حياتك وتفضلي تقري طول اليوم

انا اسف راي أن خطيبك مش بيحبك و هيعملك وحش في المستقبل متتحوزيش غصب عنك حتي لو مكملتيش تعليمك واضح انهم متفقين عليكي لو خطيبك انسان محترم كان ساعدك لكن واضح أنه عاوز لعبه مش مقدر نفسيتك ازاي هتعيشي معاه وتتفهمي معاه وابوكي لو حصل بينكم اي مشكله هيرميكي ليه ومش هيساعدك لانه من دلوقتي مش بيخاف عليكي اسف اني بقولك كده بس كان علي الاقل خلوكي تدخلي الامتحانات وتذكري في البيت عشان اولادك يفتخروا بيكي لكن كله بيفكر في مصلحته وانتي هتكوني ضحيه تقدري تفضحيهم لو وصل لأمر حتي لو اتبهدلتي اوعي تكملي مع خطيبك دي نصيحه

لو مستمتعه ومبسوطه كملي لو مش مقتنعه بيها شوفي غيرها مضيعيش وقتك فيها

اشتركي في مكتبه بيكون فيها انشطه اشتركي فيها وهتتعرفي هناك علي أصحاب حلوين جدا وسيبك من الشات ده بيجيب اصلا اكتئاب وعزله عيشي في الواقع وممكن هناك في المكتبه تشوفي كان نفسك تدرسي ايه وتجيبي الكتب بتاعها من المكتبه وتتعلمي بنفسك مش لازم كليه يعني مثلا لو كان نفسك في السن ممكن تتعلمي اللغات مع نفسك ومتقوليش علي نفسك أن ملكيش لازمه انتي اهم حاجه في الدنيا كلها كل الموضوع انك محتاجه ترتبي عقلك وتبدئي اخرجي وكوني صدقات حقيقيه واتفسحي علي الاقل اتمشي لو مش معاكي فلوس روحي احفظي قرآن هتلاقي صحبه جميله و جو كله طاقه ايجابيه هتتاثري بناس حلوه وهتحسي براحه سيبك من العزله والشات دمار شامل

أي إنسان مهما كان بيحتاج سواء ولد او بنت بيحتاج للامان والاطمئنان والاحتواء وان حد يكون فاهمه ويقدر يتكلم معاه بكل صراحه ويفهمه صح ويشيل من عليه ضغوط الحياه بس العلاقات الحرام بتكون للتسليه وللمتعه لكن لو حد بيحبك حقيقي هيدخلك بيتك ويروحلك وانتي مكرمه مش هيقولك اهربي واستنيني في الشارع عشان نهرب من أهلك ومحدش يشوفنا زي الحراميه ده انسان جبان ازاي هيحبك وهو بيسببلك مشاكل مترميش اخطائك أن اهلك هما السبب انتي السبب في كل حاجه واجهي عيوبك وبلاش حجج وكلنا فينا عيوب حسني من نفسك وادرسي عيوبك واجهي نفسك مش تروحي تعملي الحرام وتقولي انا مليش ذنب دول اهلك حرام عليكي تجبلهم العار وامك وابوكي تعبانين عشانك نصيحتي ليكي توبي وبلاش ترخصي نفسك سبب انك حاسه بنقص انك عارفه انك بتعملي الحرام وكل اهلنا لازم ينتقدونا احنا مش ملائكه اهلينا بيحبونا ممكن يكون بيحبونا غلط بس مبيكنش قصدهم شر

هو المفروض كل حاجه علي العريس بس العروسه بتساعد العريس فبتساعده في تجهيز الشقه وكل منطقه ومحافظه ليها نظام انت شوف في بلدك بيعملوا ايه واعمل زيهم عشان يبقا في اتفاق بينكم لان كل الناس في كل مكان معين ليهم تفكير مختلف بس يعني لو انت متمسك بيها مش هتحسبها خالص وهشتري خاطرها الماديات دي أمرها بسيط اهم حاجه الانسانه اللي تختارها تكون تستاهل واكيد هي كمان هتقف جنبك

كانوا بيحلوا امتحانات معندهمش وقت للنوم الخوف اللي انتي فيه ده هو هيكون السبب في فشلك ومهما تذاكري وانتي خايفه مش هتحققي حاجه والنوم ده هروب من المذكره ابدئي دلوقتي حالا عشان بعد كده الندم مش هيفيد وهتتمني أن كل لحظه ترجع تاني واللي ربنا كتبه هتشوفيه بس اسعي وتعملي اللي عليكي

الخطه علي حسب مستواكي وقدراتك