السلام عليكم ورحمه الله وبركاته انا كان في واحد بيبعتلي بقاله خمس سنين وانا مكنتش برد ولا بهتم اصلا وهوا كان بيحاول عمري ما رديت عليه وكان بيروح الاماكن اللي بروحها وكنت بكتشف دا في آخر لحظة وبمشي من المكان اللي هوا فيه هوا عمرة ما شافني غير مرة واحدة من ساعتها وبقي بيبعت وحرفيا كان مفهم الدنيا كلها أنه هيتجوزني بدون مبالغه بس برضو مكنتش بهتم لحد ما من سنة ونص حصل موقف ساعتها بدأت فعلا اهتم بس من بعيد وكان بيبعت برضو بس مكنتش برد بس غصب عني حبيته جدا وكنت بدعي بيه بس كنت برضو محافظة علي نفسي والله ما رديت عليه ابدا ودائما بلوك..أخته بقي معايا من ايام المدرسة الثانوية وكانت بتلمح كتير أنه بيحبني وساعات كانت تقولها بشكل مباشر كده أنه مش هيتجوز غيري وكانت بتوريني الشات بتاعهم دايما بيتكلم عني معاها لانه دائما مسافر فطبيعي اي بنت بعد دا كله تتعشم فأنا كان ليا صاحبه مقربه جدا كنت بحكيلها عنه واللي بيعمله وهيا عارفه القصة هيا صاحبتنا برضو حتي أخته كانت حاكيه لصحبتنا دي بس حاجات بسيطه يعني كانت بتقولها أنه بيغير عليا المهم من شهر ونص كده أخته رنت عليا بتسالني علي صاحبتنا التالته اللي نا حكيالها انهها ممكن تتخطب دلوقتي قعدت اقولها لو مرتاحه وكده هتوافق قولتلها لي هتخطبيها لمين قالتلي لاخويا ساعتها انا كنت بموت حرفيا بس مبينتش ليها اي حاجه وقعدت اقولها مبروك وبالفعل بعد شهر كلمت صحبتنا دي أنه اخوها عايز يتقدم ليها للعلم اخوها مسافر يشتغل وللعلم برضو احنا التلاته صحاب لكن هما الاتنين علاقتهم سطحيه جدا انا اقرب واحده لأخته واقرب واحده لصحبتنا التالته صحبتنا بقي بتفكر أنها توافق بتصلي استخارة وعايزة أنها توافق نا مش بلومها دا حقها لكن اي اللي حصل لي يكسروني كده ونا والله معملتش حاجه تغضب ربنا حبيته من بعيد وكمان في الاول مكنتش مهتمه طاب أخته اللي انا أقرب واحده ليها مفرقش معاها احساسي مع اني دايما كنت ببين ليها أنه عادي مش في دماغي بس والله بقالي سنتين بفكر فيه واخر شهر ونص لما كلمتني أنه هيخطب صحبتنا من ساعتها مش بنام الليل اعمل اي بجد هوا اصلا ميعرفهاش😥
تم النشر السبت، ٢٩ يونيو ٢٠٢٤
اه هيا عارفه كل حاجه بخصوص الموضوع دا من زمان
تم النشر الاثنين، ١ يوليو ٢٠٢٤
حضرتك صحابه هوا هما صحاب اخويا برضو وحكيلهم كل حاجه وعارفين الحوار حته أهله عارفين وهوا قال لصحابه أنه انا بلكته وان كان عليا فكان باين عليا اصلا وانا بطبعي شخصية خجولة لما كانت بتجيب سيرته كان وشي بيحمر وبيبان عليا واللي عارفين الموضوع دا كانوا بياخدوا بالهم هيا عارفه أنه بحبه اصلا من شكلي لكن لي عملت كده معرفش...ونا وهيا صحاب جدا وعارفه أخلاقي وطبعي وعارفه اني مليش اي تعامل مع شباب وعارفه اني بطبعي شخص بيخبي مشاعره فبرضو لي عملوا كده معرفش بقيت بحس اني عاملوا كده قصد ومش قادرة ادعي عليهم مش عايزة الحقد يملي قلبي ونا كده كده خسرت صحابي الاتنين لاني التانيه لو وافقت غصب عني وعنها هنحط حدود والخطوبة دي مليون في المئة هتتفسخ لأنها مش هترتاح أخته ذات نفسها مش متحمسه للحوار أنه يخطب صحبتنا هوا في حاجه مجهولة في الحوار لكن اي هيا مش عارفه
تم النشر السبت، ٢٩ يونيو ٢٠٢٤
يفندم نا اي حد كان بيبعت والله كنت بقول لاخويا وكان بيبهدله حرفيا بس لما هوا بعتت خوفت اخسر اعز صحابي وعملت ليها خاطر وكنت باقيه عليها لأنها لو حصلت اي مشكلة اكيد علاقتنا انا وهيا هتتاثر خمس سنين ونا حرفيا محكتش لحد حتي هيا لما اخوها كان بيبعت مكنتش بقولها قولتلها مرة واحده وحصلت مشكلة بينهم فمكنتش حابه يحصل بينهم مشاكل بسببي والله لما كان بيبعت كنت بحس نفسي رخيصه اوي خلاص حتي لو عايزة اقول لاخويا دلوقتي هيبهدلني هيقولي مقولتيش لي من الاول وبرضو كنت هخسر اعز صحابي بس معملتش حساب لمشاعري ولاحساسي حسيت انهم كانوا قاصدين يجرحوني ونا والله معملت حاجه تغضب ربنا دعيت ربنا يكرمني بيه في الحلال
تم النشر السبت، ٢٩ يونيو ٢٠٢٤
ازاي ابينلها اني معنديش مانع ومفيش حاجه رسمي دا مجرد كلام كانت بتلمح بيه وهوا كان بيبعت ونا ببلكه هوا في الاول كان عايز يكلمني بس نا صديته اكتر من مرة الحجات دي لازم خطوة رسمي لكن تلميحات بس حضرتك انا شخص عملي جدا مش بحب اسبق الأحداث اوبعدين اي حاجه كانت بتحصل معايا كانت بتروح تقولوا عليها تخيل تقولوا دي بتحبك وفي الاخر مخدش خطوة وفعلا ماخدش اهو كان شكلي هيبقي عامل ازاي وشكل اخويا لو راح قال لحد دا اخت فلان بتحبني وقالت لأختي وخصوصا أنه اخويا صاحبه
تم النشر السبت، ٢٩ يونيو ٢٠٢٤
لعرض الملف الشخصي في فدني اضغط هنا