Abdo Aslyh

انا هختصرلك ربك و صلاتك و سنة رسولك هدفك و حلمك ذاتك و شخصيتك و تفكيرك 18 سنة انتى قمر ١٤ الدنيا لسه جايه و ربنا يطول ف عمرك انتى محتاجه تركزى مع نفسك و بس حاليا و سيبك من فكرت الخروج من البيت انتى بنت و ف مجتمع شرقي كل الناس هتبصلك بطريقه وحشه و هتتعملى ع انك وحشه اشغلى نفسك بهدفك و حلمك

بصي احنا مجتمع شرقي و اى مجتمع شرقي بيبص للبنت اللى بر بيت اهلها ع انها حاجه مش كويسه بلاش فكرت تسيبي البيت حطى ف دماغك دايما انك الوحيده اللى تتقارنى بنفسك حتى لو الكوكب كله بيقرنك بحد تانى. حطى لنفسك هدف و اشتغلى عليه و ضيعى وقتك ف الهدف دا و تلقائيا هتلاقي مشاكلك و تفكيرك و كل اللى يخصك متجه بيكى للهدف دا حاولى و انتى ع الميديا تتفاعلى مع هدفك و دا هيديكى فرصه اكبر ان هدفك يكون الوحيد اللى قدامك و مفيش غيره نظمى وقتك و اكلك و صلاتك ثم صلاتك ثم صلاتك ثم قبل اى حاجه صلاتك و ربك و الدنيا هتبقا فل

هو بالعقل مش هينفع تسيبي بيتك لان مهما يحصل هتتشافي و تتعاملى باسلوب اوحش من اللى بتشفيها ف البيت و خصوصا انك بنت دى حاجه. الحاجه التانيه عاوز اقولك انا كنت اصعب منك ف الموقف دا خصوصا انى الابن الكبير و كنت حرفيا شايل بيتين لوحدى و اهلى عايشين و محدش كان بيقول حتى شكرا و دخلت فترة اكتئاب كبيرة حولت انتحر ٣ مرات و فشلت و ف الاخر اكتشفت ان اى حد انا بلومه هو مش ليه علاقه بذنب الوضع اللى كنت انا فيه و ان انا المسؤال الاول و الاخير عن مصيرى و اعصابي اللى كانت بتتعب و حاله الاكتئاب و ..الخ . المفيد من كل دا خلى عندك عقلية مقاتل متهتميش بكلام حد حددى اهدافك و ركزى عليها انتى ف مشاكل علشان عندك وقت ليها حاولى تخلى مشاكلك كلها ف هدفك و بس اعملى هدف لو مفيش و ركزى عليه اكتر من اى حاجه تانيه هتلاقي ان مشاكلك بقت متعلقه بهدفك و ازاى توصليله. حاولى تتغلبي ع اسس الفقر الخمسة .