Neama Salah

طبيب باطنة رحناله كان جنبها اليمين واجعها ومن عند السرة كان شادد عليها جامد رحناله قال انه شاكك انها زايدة مزمنة وطلب الاشعة دي عملناها وقالها لازم تعمل اشعة رنين وتروح لدكتورة نسا

تمام مفيش مشكلة

الدكتور بتاع الاشعة قال انها التهابات في الرحم ومسمعة في الزايدة وان الزايدة كويسة ومفيش حاجة بس الدكتور نفسه اللي متابعة معاه قال انه لسه شاكك انها زايدة

انا مريت بنفس التجربة بس الاختلاف اني مكنتش بحب حد تاني وقولتله هو نفسه كلام يزعله عاقبني عليه شهور بنفس الطريقة دي ومع بعض اربع سنين مش شهور وكان برضو كل يوم وكل دقيقة حرفيا يعيد ويزيد في الكلام كنت بتأسف واقول كلام قد كده وبرضو مفيش عارفة بقى اتعدل امتى معابا اما بقيت عادي مبقتش اتأسف مبقتش اترجاه يسامحني كنت بخرج واتصور وانزل صوري وكأني عايشة حياتي كنت بعيط وازعل بس مبقتش ابينله ده وقتها بقى رجع هو لوحده يكلمني ويبعتلي وبعد منا قولتله نسيب بعض هو اللي رجع وقالي نرجع الخلاصة انه هو ضامن وجودك فعلا اللي بيحب بيسامح وانتي بس الغلط انك اتكلمتي عليه وده زعله بس هو عارف وفاهم ان وقتها مكنش فيه مشاعر من ناحيتك فالمفروض ميعاقبكيش على كده ومفيش اصلا اي حاجة انه يعاملك كده وانتي طالما مبيناله انك متقدريش تتنفسي من غيره هيعمل معاكي اكتر من كده

ممكن يكون م قلة النوم او قلة الاكل مع الدراسة او شغل كتير بس لازم تروحي تكشفي ومتاخديش مسكنات ع الفاضي وتتعبك اكتر

تطبيق طليق جميل اوي ودولينجو كمان حلو

حاولي تتكلمي معاها بهدوء وتتفاهمو مع بعض وانك كبيرة كفاية انك تديري حياتك

كنت داخلة اكتب نفس الكلام بس هي اتخلت عندي وبقي عندها صاحبة تانية اما بشوف صورهم سوا والكلام اللي كاتبينه قلبي بيوجعني ومش قادرة اطلعها م تفكيري الاحساس وحش ربنا يعينا ونتخطي كل ده م غير اي اذي نفسي لينا

احلي سنة هتمري بيها ف حياتك حتي اللحظات الوحشة والحزينة فيها هتحبيها وهتفتقدي الضغط والصحيان بدري والسهر والنوم القليل هي مش صعبة ومش سهلة زيها زي اي سنة هتقولي هاخد المادة كلها مرة واحدة وكبيرة وهفتكر كل ده ازاي هتعرفي ده وقت المراجعات وف الامتحانات هتلاقي ان المادة صغيرة وانك فاكرة اقل حاجة فيها والامتحانات هتعدي بسرعة وهتحبيها برضو كل اللي عليكي تذاكري اول باول وبالله عليكي متاجليش حاجة ومتغبيش م امتحان حتي لو مش مذاكرة واظبي ع الصلاة وقيام الليل والدعاء الكتير وخليكي فاكرة ان احنا بنتسال ع السعي مش النتيجة احنا بنسعي والنتيجة دي بتاعت ربنا وقولي الحمدلله انا ذاكرت وطلعت عيني وجبت مجموع قليل وشيلت مادة بس دخلت المعهد العالي للتعاون الزراعي وباخد المواد العلمية والتجارب وف فرصة اني ابقيدكتورة تحاليل وتغذية وربنا اكرمني ومبسوطة فيه فانتي احمدي ربنا ع اي حاجة وافتكري ان ربنا هيختارلك الخير واللي شايفك هتبقي ناجحة فيه وهيفيدك بعدين ولو لا قدر الله جبتي مجموع قليل اوعي تزعلي وتعيطي بالعكس احمدي ربنا وصلي ركعتين شكر وخليكي مبسوطة انك سعيتي وعملتي اللي عليكي وربنا يوفقك يجميلة ويكرمك باللي تتمنيه ويكون خير ليكي واسفة لو طولت عليكي

يبقي مامتك معاها حق هو كان ممكن يرضي الطرفين ويحاول يقنع اهله ان مامتك حابه تطمن عليكي وعايزاكي قريب منها وهو راجل يعني مش زيك فهماني وطالما هو قدر يبعد الفترة دي كلها يبقي ده مش امان ليكي هو كان ممكن يبعد فترة مثلا صغيرة يحاول يفكر ويلاقي حل يرضي مامتك واهله لكن ده فترة كبيرة وكمان اهو انتي بنفسك قولتي انك مش شيفاه قد المسؤولية وانتي لو رفضتيه مش هتبقي قليلة اصل بالعكس انتي هتكوني ريحتي نفسك م تعب ومشاكل بعدين وصلي استخارة برضو وشوفي وفكري كويس اوي قبل ما تاخدي خطوة ف الموضوع ده وشيلي م دماغك خالص فكرة انك لو رفضتيه هتبقي قليلة اصل وبياعة عشان دي ملهاش علاقة بالموضوع دي حياتك وحياة هتبنيها لاخر عمرك متدمريش حياتك عشان كلام الناس وانك بياعة

كلنا هنا صحاب ولو احتجت حاجة كلنا بنفيد بعض

يارب ولك بالمثل

انا فكرت زيك كده وقولت يمكن مضايقة م حاجة او زعلانة بس لا هي بتخرج وبتنزل استوريز وبتروح الاماكن اللي كنا بنروحها سوا واماكن جديدة وكله تمام هي حتي عارفة اني تعبانة تعب كبير ومكلمتنيش مرة تطمن عليا مش عارفة ف ايه العيب فيا ولا لا انا مش فاهمة حاجة الموضوع صعب عليا جدا

كلامك جميل والله بس انا مش قادرة اعاتبها حتي انا مش لاقية اي سبب وانا معملتش اي حاجة وحشة او تزعلها وكنت فعلا شغلت بالي بافكار وحاجات تانية عشان اتخطي بس لاقيتها منزلة استوريز ع طول وانها بتخرج مع صحبتها وبيتصورو نفس الصور بتاعتنا والاماكن اللي كنا بنروحها سوا لو حد فينا مضايق ده قهرني انا والله بتمنالها كل خير وان ممكن برضو انا اكون قصرت ف حاجة والبنوتة الجديدة عوضتها بس ليه تبعد بالشكل ده وف وقت انا تعبانة فيه جدا ومضغوطة م حاجات كتير وهي عارفة انا بصلي والله ومؤمنة بقضاء ربنا وبقول لعله خير بس نفسي بتخوني وبعيط برضو واسفة اني طولت اسفة بجد اني بشغل بالكو معايا

بشكرك جدا ع كلامك اللطيف ده

ونعم بالله تسلمي كتير 🤍🫶🏻

Taleek