محتاج اشتغل اون لاين او اجيب حاجة وابعها او اعمل شغل لشركات خارج مصر بس مش عارف أبدأ ازاي
تم النشر الثلاثاء، ١ أغسطس ٢٠٢٣
السلام عليكم دلوقتي انا لما بكون عايز اشتري حاجةمن محل او بياع في الشارع مثلا فكهاني بتخيل اني هاقوله عايز ٢ كيلو وهو هايقولي خد ٢ونص بكذا وانا هاقوله هات إللي قولتلك عليه وهو هايعمل كدة بس بعصبية الاقي نفسي مش عايز اجيب حاجة واتخنق واتخيل اني هاقول لصاحبي تعالى أنزل نقعدعلى القهوة هايقولي لا خليها يوم تاني يعني بقعد اتوقع سيناريوهات وساعات كتيرر بتحصل بالظبط زي متوقعت وبركز كتيرر جدا مع الناس لو داخل مطعم ولاقيت اللي بينزل الاكل مش مرتاحله بتوقع إن هاتحصل مشكلة بيني وبينه وهانتعارك كمان شوية وبقعد اتخيل كل الردود اللي هايقولها وكمان إللي انا هارد عليه بيها وكمان بقعد بحلل شخصيةكل الناس في حياتي عشان كدة بخاف اطلب مت أي حد حاجة بقعد اقول لنفسي بلاش عشان هايحرجك الكلام ده مع عيلتي واصحابي و مع سواق ميكروباص حتى لو راكب اوبر وعايز اقوله وطي التكيف شوية اقول بلاش احسن يرد يقول كذا وانا ارد اقوله كذا ونتعارك مع ان موضوع تافه مش عارف اللي عندي ده مرض ولا خوف من المجتمع زيادة عن اللزوم
تم النشر الأربعاء، ١٩ يوليو ٢٠٢٣
انا سميت إبني عادل على إسم أبويا لأن انا إبنه الوحيد و أبويا كان نفسه اسمي إبني على إسمه انا شايف إن الإسم حلو عادي يعني بس زوجتي ساعات بحسها أنها كان نفسها في اسم تاني من الأسماء الجديدة بس هي عشان بتحب أبويا جدا مارضيتش تزعله لأن ابويا حنين وطيب جدا جدا معاها أكتر من باباها بكتيرر وساعات بتقولي من كتر ماابوك حنين عليا بحس أنه ابويا بجد وكان نفسي كان يبقى هو أبويا ومش بتحب تزعله وبصراحة والدي حساس جدا وحنين بزيادة ممكن عشان سنه عدى ال ٧٠ بقى حساس أوي يعني كل مايجلنا يقعد معانا شوية يجيب حاجات كتيرر جدا وهو جاي غير الفلوس إللي بيديها لمراتي كل مايشوفها بس هي ساعات تقولي حاسة إن الاسم تقيل شوية على طفل إيه رأيكم مش عارف أعمل إيه الصراحة ومش عايزهم هما الاتنين يزعلو ولو فيه إسم شهرة حلو ينفع يتنادي بيع ياريت تعرفوني
تم النشر السبت، ١٥ يوليو ٢٠٢٣
السلام عليكم إستفسار بخصوص الاقتراض من البنك انا عليا قسط شقة ٢٩٠٠ شهريا وكنت في وظيفة براتب ٩٠٠٠ آلاف جنيه وفقدت وظيفتي وحاليا أعمل في وظيفة براتب ٣٥٠٠ جنيه فقط وعندي زوجة وطفلين فكرت إني اقترض من البنك باقي ثمن الشقة واسدد ثمن الشقة بالكامل واقسط أنا المبلغ للبنك لأن قسط البنك هايكون ١٣٠٠ جنيه فقط بدل قسط الشقة ٢٩٠٠ جنيه على كدة انا ارتكب معصية لأنه قرض ربوي ولا يعتبر حلال لأني مضطر أرجو الإجابة من أهل العلم
تم النشر الاثنين، ١٠ يوليو ٢٠٢٣
السلام عليكم كنت بسال عن أخذ قرض من البنك لشراء سيارة لأن سعر السيارة قسط من المحلات يتضاعف أكثر بكثير من قرض البنك فهل اخذ القرض من البنك بفوائد شهرية حرام
تم النشر الجمعة، ٧ أبريل ٢٠٢٣
انا كل المشاكل إللي حصلتلي في حياتي كانت بسبب والدي إنه دايما وانا وصغير كاندايما يقلل مني قدام الناس و خصوصاأمام العائلة ممكن اكون احسان من إبن خالي في درجات آخر السنة ويقول قدامهم هي جات معاه كدة ودايما بحس إنه شخصيته ضعيفة جدا قدام الناس مايعرفش ياخد قرار في حياته لما ناخد رأيه فى اي حاجة أنا واخواتي كان لازم يسأل الناس كلها الأول يعمل أيه وحتى لو اتفقنا على خروجة كلنا مع بعض انا وهو وأمي وأخواتي لازم يسأل يقول لأي حد يشوفه إيه رأيك في المكان ده نروح ولا لأ ولو الانسان ده قالو لا يطلع متردد ويقول انا سألت وقالو مكان مش حلو بلاش أحسن . انا دلوقتي عندي ٣٦ سنة ووالدي لسة عايش بس اتعقدت من العقد بتاعته والخوف والرعب من كل حاجة والدي كان دايما خايف بيخاف يقول لحد ده غلط أحسن يزعل منه مع انه هو غير كدة معانا في البيت لو ماعملتلوش اللي هو عاوزه ممكن يكسر اي حاجة في البيت وينزل فينا ضرب
تم النشر الثلاثاء، ٧ مارس ٢٠٢٣
حد يعرف دكتور نفسي من الإسكندرية
تم النشر الأربعاء، ٨ فبراير ٢٠٢٣
بلاش حتى لو شكله حلو لأن اللبس أكتر حاجة بتزود الثقة في النفس فلو حضرتك لبستيه ونزلتي بيه في الشارع ولاقيتي الناس بتبص عليكي حتى لو على حاجة تانية مش الطقم حضرتك هاتفكري إن الناسبتبص عليكي عشان الطقم ملفت وهاتتورتري في الشارع وتبقي عايزة تروحي ثانيا. فكرة اللبس الجديد إنه يغير مودك الأحسن ويخليكي مبسوطة والطقم ده بالعكس خلاكي متضايقة وحاسة إن فيه حاجة غلط وعموما اللبس اذواق كل واحد حر في ذوقه وكل واحد بيختار اللي يناسب شخصيته
تم النشر السبت، ٢٢ يوليو ٢٠٢٣
السلام عليكم ورحمة الله وبركاته عليكي بالصدقة لما تكوني خارجة وتلاقي حد محتاجفي طريقة تصدقي عليه الموضوع ده بيغير حياتك ٣٦٠ درجة بتحسي إنك عايزة تقربي من ربنا اكتر كمان بتلاقي ربنا بيقرب منك الصحبة الصالحة ولو فيه شئ كان ممكن يضرك ربنا بيبعده عنك
تم النشر الخميس، ٢٠ يوليو ٢٠٢٣
انتو سنكم كام دلوقتي عشان نعرف نحدد تكملو ولا ده فترة مراهقة
تم النشر الأربعاء، ١٢ يوليو ٢٠٢٣
لا كلنا بناكل مع بعض ده لو اجتمعنا أصلا مواعيدنامختلفة لكن ساعات بنتجمع في رمضان فا مش بندقق ساعتها
تم النشر الأربعاء، ١٢ يوليو ٢٠٢٣
خفقان القلب هو الشعور بضربات سريعة أو رفرفة في القلب. وقد يسبب الإجهاد أو ممارسة التمارين أو تناول أدوية أو مشكلة طبية - في حالات نادرة - تحفيز خفقان القلب. وعادة لا ينطوي خفقان القلب على أي ضرر رغم أنه قد يبدو مقلقًا. لكن في حالات نادرة، قد يكون خفقان القلب أحد أعراض حالة قلبية أكثر خطورة، مثل عدم انتظام ضربات القلب (اضطراب النظم القلبي) والتي قد تستلزم العلاج.
تم النشر الاثنين، ١٠ يوليو ٢٠٢٣
فيه كتاب إسمه فن اللا مبلاة ده تحفة لو قرأتيه هايفرق معاكي جدا وثانيا ومافيش عندية كيوت لكن ممكن تاخدي إللي عايزاه بدلع بأسلوب ومش شرط تمشيه على كل الناس
تم النشر الاثنين، ١٠ يوليو ٢٠٢٣
مش كلنا تفكيرنا واحد وبعدين المواقف هي اللي بتخلينا نتعلق ببعض وبعدين نبقى نشوف الظروف أن كان مطلق ولا أعزب ماقدرش أحكم على حد من مجرد تجربة فاشلة في حياته يبقى ده إنسان فاشل فيه
تم النشر الأربعاء، ٤ يناير ٢٠٢٣
معظمنا مرينابنفس تجربتك بس الحياة فيها اشياء كتير حلوة بس.انتي لسة ماكتشفتيش كل اللي فيها عشان تحكمي دلوقتي انك تعبتي منها خلي عندك ثقة في ربنا وفي نفسك و دوري على حاجات تكون بتبسطك واعمليها "حبي نفسك اكتر"
تم النشر الأربعاء، ٤ يناير ٢٠٢٣
انا كنت عايش في الإمارات وشوفت أد إيه الشهادة مهمة وبتفرق كتيررر جدا في اي مكان محترم لازم تبقى متفوقة عشان لما تجيلك فرصة تبقى جاهزة
تم النشر الثلاثاء، ١ أغسطس ٢٠٢٣
عندك حق الموضوع محتاج جراءة أكتر من كدة مشكلتي إني بفكر زيادة احسن البياع يزعل او السواق يزعل او اي شخص بتعامل معاه في اي حاجة بخاف اطلب منو حقي أحسن يزعل
تم النشر الأربعاء، ١٩ يوليو ٢٠٢٣
انا بلاحظ إن والدي تقريبا زي كدة وبيخاف من الناس يمكن أكتر مني يخاف يقول لحد إنه مش فاضي النهاردة ومش هايقدر يقابله و يخاف مايقولش لاصحابه هو ناوي يعمل ايه هايشتري حاجة او هايبيع حاجة لازم يقول لكل الناس أحسن حد يزعل ويبقى الأن من رد فعل الناس جدا جدا ويقعد يفكر ويقولنا يمكن خالك زعل عشان ماقولتلوش اننا رايحين نجيب كذا او عمك مش بيتصل احسن يكون زعلان عشان كذا دايما شايل هم الناس ومشيلنا همهم معاه مع ان رد فعل الناس معاه العكس تماما ممكن يكون ماحدش بيقوله على حاجة ابدا وده بيخليه ساعات زعلان وساعات كمان يوصل إنه بدمع
تم النشر الأربعاء، ١٩ يوليو ٢٠٢٣
شكرا جدا لحضرتك فعلا ده اللي بيحصل معايا بالظبط بتوتر لما تحصل المشكلة وحتى الكلام اللي كنت بحضره بنساه في لحظة حتى لو الشخص اللي قدامي ده طفل عنده عشر سنوات مش بعرف أرد عليه حتى لو ابني نفسه بيحصل نفس الموضوع واتوتر ومعرفش أرد عليه مع العلم انا سني دلوقتي ٣٧ سنة ولسة بتوتر برده من المواجهة ولو اتدخل حد وقالي قولي ايه إللي حصل وانا هاجيبلك حقك بتوتر اكتر وابقى مش عايز حاجة غير أن الكابوس ده ينتهي وكل واحد يروح لحاله
تم النشر الأربعاء، ١٩ يوليو ٢٠٢٣
الحل إنه يتعمل ساندوتشات لكل فرد عشان ماحدش يتظلم
تم النشر الأربعاء، ١٢ يوليو ٢٠٢٣
الطبيعي يبقى فيه ذوق يعني ماينفعش ابقى عارف اختي بتاكل على مهلها وانا باكل بسرعة واخلص الأكل واخليها تقوم وهي مش شبعانة دي أسمها انانية
تم النشر الأربعاء، ١٢ يوليو ٢٠٢٣
حلين اصعب من بعض بس لو انت بتشتغل خوش بكل راتبك في جمعية ماني فلوس واقبضها التاني افضل ليك وأبعد عن اي حاجة تغضب ربنا عشان هاتندم ندم عمرك
تم النشر الثلاثاء، ١١ يوليو ٢٠٢٣
اسألي في الصيدلية عن أدوية لسد الشهية وحاولي تشغلي نفسك بأي هدف في الحياة اي حاجة تاخد وقتك لأن الفراغ بيخلي الواحد عايز يعمل اي حاجة حتى لو يقوم ياكل
تم النشر الاثنين، ١٠ يوليو ٢٠٢٣
لو الانتحار حل كان ربنا حلله للناس أوعي تفكري في كدة الحياة جميلة وانتي لسة صغيرة لسة قدامك عمر بحاله الظروف إللي إنتي فيها دلوقتي خليها نقطة قوة وتغير في حياتك للأفضل الشدائد بتقوي أكتر حاولي تقربي من ربنا واستغفري كتير ربنا غفور رحيم وقادر يبدل حالك دلوقتي للأفضل بس إنتي أدعي وقولي يارب وآلله حياتك إللي جاية هاتكون أفضل بإذن ألله
تم النشر الأحد، ٩ يوليو ٢٠٢٣
عارف أكتر حاجة ممكن تأذي بيها نفسك إنك تحاول ترضي اللي حواليك خلي عندك ثقة في نفسك اكتر عشان أوقات كتير هاتكون انت إللي على حق وعشان بتحاول ترضي الناس هاتضيع حقك وساعتها الناس مش هاتسأقفلك بالعكس هايجو عليك أكتر عشان انت إللي بتستهون بنفسك
تم النشر الأحد، ٩ يوليو ٢٠٢٣
اولا الموضوع كله في الأول والآخر نصيب ورزق إحنا في حيات بعض أرزاق اولا لازم تحبي نفسك أكتر وعيشي حياتك بكل تفاصيلها ماتضيعيش عمرك وأحلى لحظات في حياتك وانتي منتظرة لأن الإنتظار بيقتل كل لحظة حلوة في حياتنا وساعات لما بنرمي ورا ضهرنا وننسى بنلاقي الحاجة إللي عايزنها هي إللي بتجري ورانا وساعتها بيبقى طعمها أحلى بكتير
تم النشر الأحد، ٩ يوليو ٢٠٢٣
لازم راجل يحرجه ويخليه يقف عند حده كلمي باباكي افضل
تم النشر الأحد، ٩ يوليو ٢٠٢٣
انا اتضربت أكيد من والدي كتير بس اكتر حاجة خليتني متضايق جدا منه إلى الان وحاليا عمري ٣٦ سنة إنه كان بيعايرني بحاجة قدام الناس او حد من قرايبي ويشهده عليا في حاجات ده اللي مش قادر اسامحه فيه ابدا
تم النشر الأحد، ٩ يوليو ٢٠٢٣
ربنا يجعله فى ميزان حسناتك ويزيدك من علمه احسنتي يا أستاذة أسماء
تم النشر الثلاثاء، ٧ مارس ٢٠٢٣
السلام عليكم ورحمة الله وبركاته....من الطبيعي أن يتولد بداخلك شعورًا بخيبة الأمل والحزن عندما يخذلك أحد الأصدقاء، لذلك اسمح لنفسك أن تمر بهذه المشاعر دون كبتِها لمدة طويلة بل فرغها بالطريقة التي تراها مناسبة ككتابتها أو التحدث عنها مع أشخاص آخرين مقربين، أو حتى بالبكاء، والأهم من ذلك كله هو عدم السماح لهذه المشاهر باستهلاك طاقتك الداخلية ومشاعرك لمدة طويلة.ودائما خلي سقف توقعاتك عن أصدقائك منخفض وحضرتك قولتي إنك انطوائية وممكن صاحبتك تكون اجتماعية أكتر وده هايخليها تقابل وتتعرف على ناس اكتر وحياتها تبقى مليانة بأصدقاء أكتر في المستقبل .انتي كمان حبي نفسك أكتر وشوفي هواية تشغلي بيها فراغك عشان إنتي كمان يبقى عندك قدرة على الاستغناء عن الناس
تم النشر الجمعة، ٣ فبراير ٢٠٢٣
لعرض الملف الشخصي في فدني اضغط هنا