عايز اعرف ازاي اعيش طبيعي مش مجرد مريض نفسي خايف يواجه الدنيا والناس و حتى خايف يواجه نفسه اعيش من غير م كل م احس ب شعور لازم يخالطه شعور بالخوف
تم النشر الجمعة، ٣ مارس ٢٠٢٣
الفكرة مش فكرة أن محدش بيرد ع الأسئلة اعتقد أن الموضوع ابسط من كده يعني لو نا عندي إجابة شايف انها هتكون مفيده اكيد هقولها إنما لو اجابتي انا نفسي مش مقتنع بيها يبقى ملهاش لازمة تتقال بس برضو ارجع و اقول ده رأيي الشخصي
تم النشر الاثنين، ١ مايو ٢٠٢٣
خليكي انت الحنية الي اختك ملقتهاش في والدتك خليكي نت سرها و صاحبتها و سندها خليها ع طول حاسه انك معاها في اي حاجة و هتدعميها دايما و افرحي لنجاحها و ادعميها في إخفاقتها
تم النشر السبت، ٤ مارس ٢٠٢٣
لو جنبك روحيلها و احضنيها اوي و قوليلها نا بحبك عشان نت احلى حاجة في الدنيا و خلكي حضناها شوية كتير
تم النشر السبت، ٤ مارس ٢٠٢٣
اختك جنبك دلوقتي ؟؟
تم النشر السبت، ٤ مارس ٢٠٢٣
طيب مشكلتي اني معنديش ثقة في اي حد و اي حاجة مشكلتي اني معنديش طاقة اتعامل مع حد مشكلتي اني خايف طول الوقت من حاجة مش عارفها مشكلتي اني مش عارف نا خايف ليه و اكتر من حد كان بيقولي انت مريض و محتاج تتعالج سواء ع سبيل الهزار أو التنمر و من كتر م سمعة الجملة دي بقيت اخاف اسمع رأي حد فيا حتى لو هيمدح فيا بحسه منافق أو أنه اكيد مش قصده عليا مبقتش عندي ثقة في نفسي خالص لحد ما قررت اني انعزل عن العالم و حتى لما انعزلت برضه الخوف فضل معايا دلوقتي بقيت خايف اموت لوحدي و محدش جنبي
تم النشر السبت، ٤ مارس ٢٠٢٣
و زي اني جربت اقرب من الناس بس مش تكبير للموضوع والله بس فعلا كل مرة كانت بتفشل و كل مرة كانت بتاكل حاجة فيا و كل مرة كانت في حاجة جوايا بتتكسر لغاية م خلاص مبقاش في غير واحد مجرد أنه عايش
تم النشر الجمعة، ٣ مارس ٢٠٢٣
بثق ف الله طبعا بس غصب عني نا بني ادم اكيد بضعف في أوقات بس برجع و اقول الحمدلله و نا مقتنع بيها بس الي مش قادر اتخطاه خوفي من الناس حرفيا نا بقالي شهرين شبه م اتكلمتش مع حد المشكلة اني بناقض نفسي و معترف ب ده يعني نا بخاف من الناس و ف نفس الوقت خايف اموت لوحدي و محدش يحس بيا غير من ريحتي
تم النشر الجمعة، ٣ مارس ٢٠٢٣
زي اني سافرت فترة و كونت صدقات و كلهم مرة واحدة اختفوا لدرجة اني شكيت اني كنت بتخيل وجودهم والله الفكرة دي فضلت ف راسي فترة مش قليلة لحد م قابلت حد منهم صدفة و لما سألته عن اختفائهم قالهالي كده والله العظيم (زهقنا)
تم النشر الجمعة، ٣ مارس ٢٠٢٣
اولا شكرا على اجابتك ثانياً نا الحمدلله بصلي و المغامرات دي هي الي خلتني دايما خايف عشان ملقتش غير في كل اخر مغامرة غير وجع نا واحد وصلت لدرجة أن الخوف بقى بيخليني عايش في اوضة و للعلم نا عايش لوحدي و ده كان قراري عشان حتى الأهل بقيت بخاف من مجرد اني اعيش معاهم تحت سقف بيت واحد نا شبه مبتكلمش مع حد غير سوشيال إنما لو هتكلم مع حد ف الواقع بحاول انهي الكلام ب اسرع وقت
تم النشر الجمعة، ٣ مارس ٢٠٢٣
حساب فيسبوكلعرض الملف الشخصي في فدني اضغط هنا