محتاجه حد يعرف قصتي ويساعدني ضروري انا عندي 19 سنه في تالته جامعه و اتعرضت لحاجات كتير اوووي تعبتني نفسيا وخلت عندي رهاب اجتماعي. أول حاجه هم اهلي، وانا صغيره مكنش حد بيفهمني كانو شايفين أن البنت مش ينفع تدلع وان غلط الدلع للبنت كانو لازم اي حاجه تتقال تتنفذ كنت بخاف اوي منهم كنت بخاف اقولهم لا انا مش عاوزه دي لأن كانو بيزعقو وممكن توصل للضرب أو هم عارفين اني بخاف من الكلمه كانو يضلمو الشقه مع أن اهلي ناس كويسه جدا بس هم ربوني بطريقه غلط. ولما كبرت في اي مشاكل بدخلها، جسمي كلو بيرتعش وبيكون معايا حق بس مش بعرف أواجه لأن اهلي كانو دايما اي حاجه لازم تتنفذ ومينفعش اتكلم. انا كنت بحب تيته ام مامتي و توفت وكنت في كي جي ومن هنا بدأت أن لا انا عاوزه اروح ليها كنت بدخل اعياط بساعات في ضلمة ومحدش حاسس بيا وقررت أن هنتحر. حاولت بحاجات كتير اووووووي وكنت بفشل. مع إني قريبه من ربنا بس انا كنت نفسي حد يطبطب عليا يقولي كلمه حلوه بس اهلي كان ديما بيقارنو أن ازاي بنت عمك شاطره وبنت خالك شاطره انتي ليه متكونيش شاطره زيهم. وصلت لي سن المراهقه وحرفيا انا كنت محتاجه اسمع كلام حلو كنت محتاجه حد يبقا معايا وحبيت واحد وطلع خاين واهلي عرفوا واتاخد الفون واضربت وكنت بتعامل باوحش معامله حرفيا وحصلت مره واتنين وتلاته وعرفت واحد وطلع مش كويس وخاين وانا من النوع لمه بحب بحب بجد مش بخون وله بخون الي قدامي. وعن الصحاب فأنا كان ليا صحاب كتير بس وقت ما كنت بتحط في مشكله مش بلاقي حد احكي له مالي مع اني بسمع الكل وعمري ما سبت حد مضايق حتي لو معرفهوش والله. ونقلت من مكان اللي كنت قاعده فيه ورحت لمكان تاني وعرفت ولد معايا في المدرسه كنت تانيه ثانوي وحبيته وفضلنا تلات سنين اتخانت اكتر من مره وكنت بسامح لحد ما بقيت مش قادره استحمل الشخص ده. وكان ليا وحده صحبتي سبتني في نفس الوقت. مريت بسنه كلها تعب كلها وجع محدش فهمني محدش عارف انا حاسه بإيه، بقيت اخاف من الناس اووووي. حاولت انتحر بطرق مختلفة ربنا بيسترها معايا وجالي التهاب جامد في المريء بسبب الزعل وكان بيحصلي نزيف وكنت بعيط بالساعات ومحدش حاسس بيا. كنت اقول لاهلي هخرج مع صحابي يقولو لا احنا مش عندنا الكلام ده وكنت اول سنه كليه مريت بحاجات كتير اووووووي وحشه، إني سبت اللي حبيته واتخانت وإن ملقتش صحبتي جمبي وسابتني وان بنت عمي اللي معايا في نفس الكليه ونفس السكشن بتتكلم في ظهري باوحش كلام. ولما بقت احسن ربنا عوضني بواحد شبهي وحبتو وحبني بس مشاكلنا معظمها انو هو طبعو قاسي وانا محتاجه حد يطبطب عليا انا بعيط بالساعات ومش بيفرق معاه وفي نفس الوقت هو بيحبني وانا بحبه اوي وفكرت أن ابعد عنه مش هقدر حرفيا انا حاولت أريح نفسي من الدنيا دي بس برجع في اخر لحظه. بس حرفيا انا تعبت اووووي ومش عارفه اعمل ايه ومحدش حاسس بيا وفاقدة الشغف وبقيت مهمله في دراستي ونفسيتي تعبت اوي وجسديًا تعبت، شعري بيقع رغم أن شعري كان تقيل اوووي وطويل بقت احس بغزات في قلبي وصدري قولوني بيتعبني جدا كأن سكين انا مش عارفه اعمل ايه
تم النشر الأربعاء، ٦ نوفمبر ٢٠٢٤
حاضر ♥️
تم النشر الأربعاء، ٦ نوفمبر ٢٠٢٤
بجد شكرا ليكي♥️♥️♥️
تم النشر الأربعاء، ٦ نوفمبر ٢٠٢٤
بجد شكرا ليكي بس حبه اوضح لحاضرتك حاجه حاضرتك عندك حق في كل الي قولتيه بس الولد محترم جدا وهو حاليا بيشتغل عشان يجي يتقدملي بس في نفس الوقت انا الي بطلب منو انو يكون حنين عليا هو وقف جمبي في حاجات كتير بس هو طبعو قاسي
تم النشر الأربعاء، ٦ نوفمبر ٢٠٢٤
ممكن تقولي علي دكاتره نفسيه اون لاين كويسين
تم النشر الأربعاء، ٦ نوفمبر ٢٠٢٤
هل في دكاتره نفسيه اون لاين
تم النشر الأربعاء، ٦ نوفمبر ٢٠٢٤
استشير مين من الدكاتره
تم النشر الأربعاء، ٦ نوفمبر ٢٠٢٤
لعرض الملف الشخصي في فدني اضغط هنا