unknown unknown

لو سنك مناسب للجواز اتقدم لها لو اصغر يبقي تركز علي مستقبلك وتشتغل علي نفسك لحد ما تبقي جاهز

مش شرط طالما بتسهر تخلص اللي عليك لكن الميزة أن التركيز الصبح بدري بيبقي اعلي وكمان المعلومات بتثبت انا كنت ثانوية عامة السنه اللي فاتت مكنش ليا نمط معين ثابت علي حسب الي ورايا والدروس برضو يعني فيه ايام كنت برجع مرهقة فابنام واصحي ١٢كمل لحد الفجر أو ممكن لحد ٨ علي حسب الكم وفي أوقات كنت بصحي ٢ ومنامش غير لما ارجع فأنت علي حسب مواعيدك المهم تخلص وما تضيعش الوقت ولو مفيش دروس دلوقت انت ممكن تنام كل يوم10او 11 وتصحي الفجر ده افضل وقت تذاكر فيه وربنا يوفقكم جميعا

احسبيها بالعقل يابنتي انت دلوقتي خسرتي شرفك لكن لسه في امل وربنا غفور رحيم لكن عايزة تخسري دينك ! تخسري اخرتك وتخسري أهلك وعشان ايه ولا حاجه بعدها الشخص ده هيرميك لانك في نظره واحدة فرطت في شرفها وباعت اهلها وفوق كل ده خسرت دينها صدقيني هتبقي لوحدك والوحيد فعلا من لم يكن الله معه ارجعي عن اللي في دماغك ده مش بني أدام ده شيطان ارجعي لربنا وتوبي وصلي وادعي ربنا يهديك ويغفر لك ارجعي افتحي مصحفك واقري كلام ربنا ارجعي للحق لأن كل الي انت فيه ده سببه البعد عن الله ده اختبار من ربنا وللاسف انت فشلت في جزء منه لكن لسه في امل صدقيني رحمة ربنا كبير وربنا بيقول في كتابة في قوله تعالى: قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ [الزمر:53 اوعي تيأسي من رحمة ربنا ربنا يغفر الذنوب جميعا الا الشرك فاوعي تتخلي عن دينك قوله تعالى: إِنَّ اللَّهَ لَا يَغْفِرُ أَنْ يُشْرَكَ بِهِ وَيَغْفِرُ مَا دُونَ ذَلِكَ لِمَنْ يَشَاءُ) ربنا يغفر لك ويهديك للصواب يارب

بخصوص الشخصين اللي اتهربوا منك في الاول فأنت احمدي ربنا اوعي تزعلي أو تحسي انك وحشة ماكانش فيهم الخير ولا يستاهلوا بنت جميله زيك بس نصيحة مني الشباب لما بتلاقي البنت سهل أنها تتكلم معاهم وتصدقهم بيحسوا أنها سهلة فابيبعدوا ومش بياخدوا خطوة رسمي عشان كده حافظي علي قلبك لحد ما يجي الشخص المناسب اللي يدخل البيت من بابه بالنسبة لبنات خالتك في كل عيلة بيكون في جو الغيرة والحقد ده وده بس بذيادة عشان انت في كلية كويسة واحسن منهم فتجاهليهم تماما وكبري دماغك وحتي كلامهم أنك عايزة حد من عيال عمك ده متحطهوش في دماغك انت اي حد يتمني يرتبط بيك واوعي تفكر انك قليلة ابدا خليك واثقه في نفسك وربنا يبعت لك الشخص اللي يعرف قيمتك ويوفقك يارب ❤️

من الافضل انك تتجنبيها تماما لأن دي مش صديقه حقيقية والشخصيات اللي زيها وجودهم في حياتنا مش هيجي منه غير الاذي والتعب النفسي وانا مش مع تصرفك لكن ممكن يكون ده سبب أنه تعرف قد ايه كلامها جارح وبيأذي وممكن تبطل تتنمر علي الناس وتعرف أن ده مش هزار