عبدالرحمن مان

انا شخصياً هعمل زيك لأن ده الصح.. ماتمضيش قايمه ومتاخدش برأي ست ف الموضوع ده لأن كلهم رأيهم واحد ومش منصف ف موضوع القايمه ده

اعملي ساندويتشات و بيعيها ف مكان في اطفال كتير زي مدرسه او حضانه او بيعي اي حاجه ساقعه هتتباع بسرعه

التيك توك والمواد الأباحيه عمتاً..من اهدافها الأساسيه انها تعمل ف العرب والمسلمين زي ما عملت ف والدك كدا بالظبط وللأسف هما نجحو ف كدا... مشكلتك دي حصلت مع مليون حد غيرك.. فا دي حاجة خطيرة جدا لا يستهان بها ممكن تخشي ع اعدادات التيك توك على موبايل والدك وتلغي وصول الأنترنت للأبلكيشن وبكدا كل ما هييجي يفتحه مش هيشتغل معاه.. جربي

اللي بيحصل مع والدك ده حاجه طبيعيه جدا والسبب انه مبيصليش... الأنسان اللي مبيصليش او مش ملتزم عمتاً بيكون ضعيف وهش جداً والشيطان بيتمكن منه بكل سهوله والأنسان عمتاً ضعيف خاصتاً قدام شهواته ونفسه وهواه وربنا قال كدا ...يعني احنا اصلا مفيش حاجه نقدر نستقوى بيها او نقاوم بيها شهواتنا غير دينا وعقيدتنا ع العموم عشان مطلش عليكي..... انا مع الفكرة اللي انتي قولتيها.. كلميه من اكونت فيك وواحده واحده حاولي تتكلمي معاه ف الدين وكلميه عن ذنوب الخلوات وقد اي هيا حاجه خطيرة جدا وابعتيله الحديث ده... النَّبِيِّ صلى الله عليه وسلم أَنَّهُ قَالَ : ( لأَعْلَمَنَّ أَقْوَامًا مِنْ أُمَّتِي يَأْتُونَ يَوْمَ الْقِيَامَةِ بِحَسَنَاتٍ أَمْثَالِ جِبَالِ تِهَامَةَ بِيضًا فَيَجْعَلُهَا اللَّهُ عَزَّ وَجَلَّ هَبَاءً مَنْثُورًا ) قَالَ ثَوْبَانُ : يَا رَسُولَ اللَّهِ صِفْهُمْ لَنَا ، جَلِّهِمْ لَنَا أَنْ لاَ نَكُونَ مِنْهُمْ وَنَحْنُ لاَ نَعْلَمُ ، قَالَ : ( أَمَا إِنَّهُمْ إِخْوَانُكُمْ وَمِنْ جِلْدَتِكُمْ وَيَأْخُذُونَ مِنَ اللَّيْلِ كَمَا تَأْخُذُونَ وَلَكِنَّهُمْ أَقْوَامٌ إِذَا خَلَوْا بِمَحَارِمِ اللَّهِ انْتَهَكُوهَا ) وابعتيله ده بردو قال الحافظ ابن الجوزي رحمه الله : " الحذر الحذر من الذنوب، خصوصًا ذنوب الخلوات ، فإن المبارزة لله تعالى تُسقط العبد من عينه . وأصلح ما بينك وبينه في السر، وقد أصلح لك أحوال العلانية " وحاولي تقنعيه بالتوبه وانه لو مات على المعصيه دي هيهلك وابعتيله الحديث ده مثلا.. قال النبي صلى الله عليه وسلم : ( كُلُّ ابْنِ آدَمَ خَطَّاءٌ ، وَخَيْرُ الْخَطَّائِينَ التَّوَّابُونَ ) وممكن بردو تخترعي قصة عنك وتحكيهاله ويكون فيها موعظة وبتاع واخيرا.. انا عارف انك مصدومة من الحوار ده بس متنسيش بردو انك انت كمان اوقات بتضعفي والشيطان بيتملك منك و بتعملي ذنوب ف الخلوات بس لو ابوكي عرف بيها هيتصدم بردو بس ربنا اللي ساترك وساترنا كلنا فا اتمني متبصيش لوالدك بنظرة كره او اشمأزاز بل بصيله بنظرة شفقة وادعيله كتير بالهدايه والمغفرة ولو فعلا خايفة عليه من النار حاولي تكون بنت صالحة وملتزمة على قد ماتقدري عشان ده هينجيه من العذاب ان شاء الله

عشان كلامي ميتفهمش غلط... انا مقصدش ان طبيعي ان اي حد يعمل كدا عموما انا اقصد ان اي حد مبيصليش طبيعي انه يعمل ذنب كبير زي ده

هدفي من التبرير انك متكرهيش والدك لأن مينفعش تكرهيه...+انا مقولتش انه هو مش غلطان.. طبعا غلطان عشان كدا حاولت اديكي طرق تفهميه بيها انه غلطان وانه لازم يتوب

كلامك مظبوط... الأنبياء فعلا كانو اشد الناس ابتلاء بس بردو لا (يُكَلِّفُ اللَّهُ نَفسًا إِلّا وُسعَها) ربنا بيبتلي كل شخص ع قد مقدرته على تحمل الأبتلاء + مشاكل الأنبياء مش زي مشاكلنا خالص... اغلب الناس مشاكلها بتتمحور حول انها مش عارفه تعمل صحاب مش حاسه انها محبوبه نفسيتها مش تمام مش عارفه ترتبط مش لاقيه شغل مشاكل ماديه وما شابه كل دي مشاكل تافهه تقد تتحل بالطرق اللي قولت عليها + انا قولت اغلب المشاكل مقولتش كل المشاكل... اعترف ان فيه مشاكل صعبه جدا ممكن تخلي الشخص يتمني الموت بس بردو انا متأكد ان حتى المشاكل دي حلها ف الدين

اللهم امين... مع احترامي لوجهة نظر حضرتك.. كلامك مظبوط "كل مشكلة بتكون عند صاحبها اكبر مشاكل حياته" لاكن ف الحقيقه هيا تافهه هو بس مش واعي انها تافهه.. وهنا اقصد انها تافهه بالنسبه لربنا لأنه لو استعان بالله ف حل مشاكله ودعاه وهو متيقن ان ربنا يقدر يحلله كل مشاكله ربنا هيحلهاله ف لحظة لأن ربنا اصلا بيبتلي الأنسان بالمشاكل عشان يقرب من ربنا ويفضل دايما يستعين بيه مش يفضل يصيح ويستعين بدكاتره نفسيه وينسى خالص الأستعانه ب ربنا او يشكك ف قدرة ربنا وده ضعف ايمان بلص (لا يُكَلِّفُ اللَّهُ نَفسًا إِلّا وُسعَها) ربنا مبيبتليش حد بمشكلة كبيرة جدا ملهاش حل زي ما المبتلى بيكون فاكر وبالنبة لشعور التوهان اللي ذكرتيه انا فعلا مريت بيه لفترة طويله لحد ما مشيت ف سكة الألتزام...والأنسان هيفضل تايه طول ما هوا مبيصليش الصلاة اصلا هيا اقوى علاج للمشاكل النفسيه ومشاكل الروح عمتا + مشكلة فلسطين مش مجرد مشكله دنياويه... دي مشكله مات عشانها الاف الصحابه وتستحق ان يموت عشانها الملايين لأنها مشكلة دفاع عن مكان مقدس يخص امة كامله... وربنا يهدينا جميعا