مجهول مجهول

حضرتك وصلت للسبب الحقيقي للسقوط وهو الكبرياء وبسببه ربنا بيسحب نعمته اللي ساندانا وبيعرفنا ضعفنا وبدل ماتلعن الناس أدعيلهم ربنا يتوبهم ويرجعوا لعقلهم الفكره مش في الفتاه اللي بتتكلم بأيحاءات جنسيه وطبعا ده غلط الغلط هنا في شهوة الأنسان الداخليه دي اللي لازم تغلبها وتكسرها لأن الأنسان القوي من الداخل لايستطيع شئ من الخارج أن يغلبه لكن الضعيف من الداخل هيتغلب وهيدور بنفسه عن مايلذه دون أي أثارات خارجيه حاول تشغل نفسك كويس وحاول تتنازل عن الموبايل فترات أطول وأذكر الله دائما وأي حد تشوفه واقع في حاجه ذي كده أشفق عليه لأنه مربوط بقيد إبليس فأدعيله ربنا ينجيه وهتلاقي ربنا حفظك من السقوط

سلام ياحبيبتي ألف ألف مبروووك مجموعك حلو ماتندميش ممكن تدخلي كليه علوم وتكملي دبلومة تحاليل وتبقي دكتوره تحاليل في المستشفي زيك زي غيرك لو أنتي بيفرق معاكي اللقب وممكن تفتحي معمل تحاليل أو تتشاركي مع حد وده الربح فيه ممتاز وممكن كمان تشتغلي مندوبة أدويه ودي مرتبها مربح جدا أو ممكن تدخلي معهد فني صحي ده التكليف نازله بتخلصي السنتين بتتعيني ومجالاته كتير تحاليل وأشعه وأسنان وبتكملي بعده علوم طبيه وده مستقبله فعلا حلو خالص في مجالات كتير بس الشاطر اللي يدور ربنا يوفقك

أنتي أنسانه محترمه وراقيه وبتحبي جوزك لكن الغيره لما بتدخل مش هتقدري تكملي معاه وممكن زواجه من التانيه يضيع حبكم لبعض والأنسان ضعيف وطبع الأنسان بيغلبه والمرأه طبيعتها الغيره فحتي لو حاولتي تقاومي طبعك هيغلبك وأنتي هتتعبي زوجك لأنك بتحبيه وممكن التانيه تريحه عنك وساعتها هتخسري زوجك بجد وهتندمي فحاولي فعلا تختاري حل غير كده وماتفتحيش عنين زوجك بفكرة يتجوز عليكي لأن ممكن الموضوع ده يعدي وبعدين الفكره تثبت جواها ويعملها طالما مش هتزعلي وده مجرد رأي ربنا يعملك الصالح

المعروف إن ولادنا هيطلعوا ذي ماأحنا عايشين مش ذي ماأحنا عاوزين فطبيعي اللي كان بيحصل مع أهلك هتتأثري بيه وبدون مابتشعري هتنفذيه لأنك ماشوفتيش الحياه الصح بتتعاش إذاي فحاولي تشتغلي علي نفسك تشوف ناس عايشين فعلا كويس وتتعلمي منهم تسمعي برامج عن الأسره تحبي زوجك وأبنك اكتر من نفسك وحاولي تعتذري لما تغلطي مش عيب ولا حرام

أرجوك ياأخي بلاش الطريق ده هتتلذذ لدقائق وهتشعر بالذنب والأكتئاب والمراره لأيام وهتضيع طاقتك ومجهودك علي فراغ وسراب حاول ماتقعدش لوحدك نهائيا خليك دايما في وسط ناس أبعد عن الموبايل ضروري لانه سبب الأثاره حاول تلعب رياضه أو تعمل أي حاجه يكون فيها أنجاز لأن النجاح هيرفع من روحك المعنويه إبعد عن أي ضغوطات وأي حاجه تسببلك أكتئاب لانه بيزود الموضوع حاول تقعد مع اخصائي نفسي يطلع معاك إيه الأسباب اللي بتعرضك لكده شارك حد أكبر منك بالموضوع ويكون في مقدرته إنه يشغلك حاول تشوف هل الهرمونات مظبوطه لأن أي لخبطه فيها بتزود الموضوع قرب من ربنا وحبه وأستنجد بيه هينعم عليك بالتحرر والشفاء

حبيبتي الموضوع مش صعب لو التزمتي بشوية حاجات في موضوع الحبوب إبعدي تماما عن أي حاجه فيها أملاح وخاصة الشيبسي والإندومي وماشابه ذلك هتفرق جدا والمخللات واشربي ميه كتير واعتمدي علي غذاء صحي واغسلي وجهك كتير وأبعدي عن العرق تماما بالنسبه للنظافه الشخصيه علشان ترتاحي من الموضوع ده تماما مافيش أحسن من إنك تعملي ليزر هتلتزمي في البدايه 8 جلسات كل شهر جلسه وبعد كده هتحصلي علي نتائج رائعه ممكن تعملي كل كم شهر صدقيني دي من أحسن الطرق وخاصتا لو بشرتك حساسه لكن بيريح فعلا أنصحك بكده أفضل لكن لازم تبحثي عن دكتوره تكون شاطره وجهاز ليزر يكون كفء وحد يكون مجرب وشكر في المكان

حبيبتي ربنا يعينك علي ال ضع لكن في حاجه محتاجه أفهمها باباكي فين هل هما منفصلين ولا مسافر ولا معاكم لأن في حلقه مفقوده في الموضوع علشان اعرف أرد عليكي بحياديه

أختي موضوعك فعلا صعب لو صعبتيه علي نفسك وممكن يكون سبب إنجاز لو نظرتي له بإيجابيه شعورك في حد ذاته إنك متدينه وبتصلي وزوجك غير متدين ولا يصلي فيه إدانه له وشعور بأفتخار من جهتك ووصفك له بأنه لا يتحمل مسؤولية أحد بالرغم من إنكي لم تذكري من يقوم بمصاريف البيت من الواضح أنه زوجك لأنك لم تذكري أنک تعملي معني ذلك أنه مسؤل وقد يكون رزقه قليل لكن بيحاول أخشي ياأختي نظرتك له بهذه الطريقه وألقاء اللوم علي زوجك أنتي من أسقطي نفسك فريسه للشيطان لكن لو تغيرت نظرتك وأحببتي زوجك ووقفتي بجانبه لتربية اولادك وعملتي لتحسين ظروفك الماديه كنتي هتشغلي نفسك عن الوقت الضائع علي النت وأفترسك من خلاله الشيطان حتي لو زوجك حقا كما وصفتي هو هيتحاسب عن نفسه وأنتي ستحاسبي عن نفسك أمام الله اخاف ياأختي العزيزه كل ماذكرتيه عن ظروف وعن صفات زوجك يكون الشيطان كبرلك الأمور في عنيكي علشان تكون كمبرر للخطيه اول شئ تعمليه حبي زوجك اللي حللهولك الله ماتنسيش أنك خنتيه فأنتي محقوقه ليه حبي عيالك دي وقفتك مع عيالك ونجاحهم وأفتخارهم بيكي كأم مثاليه أحسن من أهتمام ألف راجل لو عندك بنات صوني نفسك علشان هما كمان يصونوا نفسهم لأن اللي بيزرعه الإنسان هيحصده هيزرع عفه وطهاره هيحصد زواج وأبناء صالحين هيزرع خطيه ومعصيه كلنا عارفين هنحصد إيه وتذكري النار صعبه فتوبي لربنا وأستغفري وأبعدي عن الموبايل أشغلي نفسك بعمل يحسن مستواكي ويبعدك عن هذه الأمور وأبعدي عن الشخص اللي دمر حياتك عدم أهتمام زوجك أحتماله اهون كتير من أحتمال ذنب الزنا قدام الله وتأنيب الضمير غير المحتمل أسفه إن كان كلامي صعب لكن ياأختي حرام عليكي نفسك وأولادك وبيتك هترجعي أحسن وأقوي من الأول بالتوبه الحقيقيه والقرب الحقيقي من الله وأعيش اللي بقرأه مش مجرد قرأه عابره ربنا يصلح حالك وحالي

حبيبتي احساس صعب جدا إنك تقفلي من اقرب الناس ليكي بس محتاجاكي تشوفي الأمور بنظره جديده ذي مثلا لما بيزعقوا فيا مش يمكن اكون انا السبب وانا بعمل حاجه تضايقهم علشان كده رد الفعل بيكون كده موضوع تكوني تعبانه ومايكشفوش مش يمكن أنا عملت تعبانه قبل كده كذا مره او أكون بهرب من واجب عليا أو مسؤليه بالمرض فوصلتهم إنهم مايعرفوش يفرقوا بين إن أنا تعبانه فعلا ولا ذي كل مره لو لومت نفسي لكن بطريقه سويه وشوفت اخطائي وحاولت اشتغل علي نفسي هنشغل عن سلبيات اللي حواليا والمشاكل اللي بمر بيها هتساعدني أكون أقوي محتاجه ابررهم جوايا وأسامحهم وأبدأ من جديد كمان ممكن يكون عندك نقص فيتامين D أو تغيرات هرمونيه مسببه أكتئاب فممكن تاخدي حاجه مضاده للاكتئاب تحت إرشاد طبيب هتلاقي الدنيا أهدي من كده حبيبتي صدقيني مافيش حد أحن عليكي من أمنا وأبونا مش بتعرف بقيمتهم إلا لما يسبونا ويرحلوا خالص فياريت نستمتع معاهم دلوقتي قبل مالحياه تفرقنا ربنا يعطيكي هدوء وراحة بال

حبيبتي كتر خيرك طبعا أمر صعب لكن صدقيني علمتنا الحياه أنها لما تمسكي في الحاجه وتبقي عاوزاها قوي مش بتاخديها لما تهمليها بتيجي لحد عندك طبعا نفسيتك ليها دور كبير في عدم الأنجاب فحاولي فعلا تشوفي أخصائي نفسي يساعدك حاجه كمان ثقي إن البنون ميراث من الله فآمن وخلي عندك إيمان إن لو الطب قال مستحيل مافيش مستحيل عند ربنا وربنا يديك ويفرح قلبك وإن شاء الله أنا واثقه إن ربنا هيفرحك وقريب هاتقوليلنا إنك حامل بإذن الله كلنا هندعيلك وربنا هيسمع وهيستجيب

حبيبتي أنتي فعلا جميله وجدعه وصديقه حقيقيه لأنك مشغوله بمصلحة صاحبتك ومهتمه بالموضوع لكن سن إعدادي من الطبيعي وسن المراهقه هيكون في ميول طبيعيه للجنس الأخر لكن المهم إنك توعيها إن العلاقه بينهم تتطور وأسألي حد أكبر تكون بتحبه وقوليله الموضوع وممكن يساعدها

حبيبتي فعلا شعور قاسي التفرقه ليس بين الأخوات فقط لكن في كل شئ حلها الحب لو حبيتي اخوكي فعلا وشعرتي كل مايقدم لأخوكي يقدم لكي شخصيا هتفرحي ماتنسيش إن أخوكي هو سندك في المستقبل اللي هيقف معاكي في مواقف حياتك وحبي مامتك وثقي فيها وساعديها علي خدمة إخواتك كل ماتحبي وتبزلي من اجل اللي حولك أنتي اللي هتستفادي هتطلعي بره نفسك وهتفرحي

حبيبتي أنسي الماده اللي عدت بكل مافيها علشان ماتتعطليش نفسك عن الماده اللي جايه لاتبكي علي اللبن المسكوب وبدل ماتلعن الظلام أضئ شمعه فكري في الماده اللي جايه وأبذلي مجهود فيها علشان تعوضي اللي انتي شاعره أنك خسرتيه

حاولي ترجعي للطبيب المعالج وتلتزمي بتعليماته أفضل وأن تبتعدي عن الغبار وان ترتدي النضاره الشمسيه واستمري بوضع القطرات حسب إرشاد الطبيب

ممكن تقسم وقتك تهتم بعبادتك وصلواتك وتتمشي تتأمل ولو أنت بتحب اللعب مافيش مانع إنك تعمل حاجه بتحبها لكن بشرط لا ترتبط بها ولا تتسلط عليك لتصل للأدمان هو ده اللي حرام لكن لو مجرد ترفيه وبتعرف تتحكم فيه ومش علي حساب صلواتك عادي وكل واحد عارف نفسه كويس هو بيعمل الحاجه إذاي

ألف ألف سلامه عليكي حاولي تعملي تحليل يورك أسد لأنه ليه دور في الم القدم وخاصتا في الكعب ولو عالي حاولي تاخدي فوار يورفين هيريحك خالص وقللي أكل البقوليات وحاولي تلبسي شوزه مريحه طبي علشان تريحي قدمك ربنا يشفيكي

خطوه جيده إن الإنسان يبحث عن من يساعده ولو محتاجه دكتور نفسي ومستتقلة المشوار والمسافه بعض الدكاتره النفسيين بيقبلوا الكشف اون لاين والقيام بعمل جلسات بهذا الشكل

كلنا بشر تحت الضعف وكلنا بنغلط وباباكي شخص عظيم في توبته إن كان بيعمل كل ده وعرف يطلع منه ويصلح غلطه المفروض ينظر ليه بكل أحترام علي أنه قوي الأراده