A Lost Person

حاولى تشغلى نفسك بأى حاجة هواية او حاجة بتحبيها وقربي من ربنا وادعيله وقوليله انه يشيل حبك ليه من قلبك وميعلقكيش بحاجة او حد غيره اللى انتى فيه طبيعى خدى وقتك ف الزعل عادى مش هتتخطى بسهولة ادى نفسك فرصة تزعلى وعيطي واعملى كل حاجة وبعد م تخلصي عياط قومى اعملى ماسكات وحطى ميكب واعملى اكله بتحبيها وروقى نفسك والله مفيش حاجة ولا حد مستاهل ومتحاوليش تكلمى حد تنسي بيه حد حافظى على قلبك للى يستاهلو ف الحلال وهتشوفى عوض ربنا وهتفرحى اخر فرح وهتقولى انو مكنش يستاهل والله وربنا يهدى قلبك الجميل ويهون عليكى ويعوضك خير

في اهل كدا بيبقو ديما فاهمين ان الطريقة دى هى الصح ومبيبقوش عارفين يعبرو عن مشاعرهم ويتعاملو صح هما اتربو على كدا وبيطبقو الطريقة اللى اتربو عليها وانتى خدى الموضوع دا على انه دافع ليكي انك تتغيري للاحسن هما شايفين انك كويسة والله بس مش بيعرفو يقولو كدا هما تفكيرهم انهم لازم يقولولك انك مش كويسة عشان تتحسنى اكتر هما فاهمين كدا مفيش حد مبيحبش ابنه ولا بيشوفه وحش الفكرة انهم مش عارفين يعبرو بس فانتى اصبرى واحتسبي وحاولى تغيري من نفسك للاحسن وطورى من نفسك وانجحى واعلى وهيجو ف يوم من الايام يفتخرو بيكي ادعى ربنا يصبرك ويديكى القوة انك تكملى ومتزعليش نفسك ولا تفكرى

حاولى تتكلمى مع مامتك وتفهميها ان اللى بتعمله دا غلط وان دا هيأثر عليه بعدين وان مينفعش تكرهه ف والده وحاولى تصاحبيه وتقربى منه وتعمليله الحاجات اللى بيحبها وتقوليله لو عملت كذا هكافئك بالحاجة الفلانية وتكون حاجة هو بيحبها ونفسه فيها عشان تجذبيه ليكي ويسمع كلامك ومع الوقت ان شاء الله هتلاقيه بيسمع كلامك وبياخد رأيك ف كل حاجة انا بتبع الطريقة دى مع اخويا هو ف سنه برضو وتقريبا نفس اللى حكيتيه انه متدلع وعنيد وكدا بس بيسمع كلامى باختصار الطريقة دى جربيها ان شاء الله تجيب نتيجة وربنا يهديه ويصلح حاله

انتى مهما عملتى هتحسي نفسك مش كفاية لحد ومفيش حد يرضى باللى بتقديمه ليه فانتى حبي نفسك وارضي نفسك وبس ومتستنيش حاجة من حد وخليكي واثقة ف نفسك انتى مش وحشة ولا اى حاجة من دى وخلى علاقتك بالناس اللى حواليكي سطحيه اه ان يبقا لينا صديق واحد بيحبنا حاجة حلوة ونادرة مش بتلاقيها كتير بس انتى اختارى اللى يقدرك ويحبك زى م بتحبيه عادى صاحبتى وحدة بس هى شايفاكى مش مقربة ليها عادى خلاص اعتبريها صحبة عادية لحد م تقابلى الصحبة اللى تبقى تحبك وتبقى انتى اقرب حد ليها لان الصداقة رزق زيها زي الجواز بالظبط يتصيب ي تخيب وانتى افضلى ادعى ربنا يرزقك بالصحبة الصالحة اللى تحبك وتساعدك ف الخير ودى تجربة شخصية والله وربنا يرزقك اللى بتتمنيه

نصيحتى ليك قرب من ربنا اكتر وافضل ادعى ربنا يبعدك عنها وادعى وانت صادق وحاول تقاوم مفيش حاجة بتيجي من اول مرة ولا حاجة بتيجي بالساهل لازم تتعب عشان توصل ومتبطلش دعاء ولاتيأس مهما وقعت مفيش حاجة انك تقع بس الاهم انك تقوم وتحاول تانى وتالت وعاشر لحد م خلاص توصل قوم دلوقتى صلى ركعتين توبة وقول لربنا ساعدنى عشان انا مش عارف اتصرف لوحدى وعيني وابعدني عنها وصبرني واعزم على انك مش هترجعلها تانى وانصحك بقيام الليل ولو ركعتين تفضفض فيهم لربنا وتعيط وتبينله ضعفك وتقول كل اللى نفسك فيه وخليك واثق ف ربنا وف نفسك وان شاء الله تبطلها وحياتك هتتغير ١٨٠ درجة

عملت اغلب الحاجات دى بس الموضوع مأثر عليا اوى حتى ف عز انشغالى بفتكر وجت فترة كنت خلاص نسيت الموضوع وقولت انى اتخطيت وتمام وبعديها رجعت لنقطة الصفر تانى الفكرة انى ببقا عايزة اعيط جوايا مشاعر عايزة اطلعها بس مش عارفة انا مش عارفة ليه ببقا ف مواقف ممكن تكون صغيرة وتافهة زى مثلا حد نبرة صوته عليت بس شوية وهو بيتكلم معايا ممكن انهار م العياط وف مواقف كبيرة وصدمات زى وفاة حد عزيز عليا او فراق شخص حرفيا مبنزلش ولا دمعة وانا ببقا موجوعة ومش قادرة مش عارفة ليه بجد والموضوع مدايقنى جدا

المشكلة انى مش عارفة اعيش الحزن دا انا عايزة بس مش قادرة وببقا حاسة بضيق وعايزة اعيط ومش عارفة اعيط عايزة ادى نفسي فرصة اطلع مشاعر الحزن اللى جوايا بس مش عارفة اطلعها

ربنا يوفقك ويجبر قلبك يجميل

ابعدى عنه بجد انتى مش مجبرة تعيشي مع واحد بيهينك ومش بيقدرك مهما كنتى بتحبيه في حاجات اهم م الحب بكتير انتى تستاهلى اللى يحبك ويعمل كل حاجة علشانك ويشيلك فوق راسه ومترضيش بأقل من كدا وان شاء الله ربنا يعوضك باللى يستاهل قلبك