Abdulrhman Naser

انصحك بسماع مقطع على اليوتيوب بأسم كيف اتغير لياسر الحزيمى مفيد جدا

اعتقد أن قيمة الإنسان بتبقى فى الأثر اللى تركه سواء كان عمل صالح أو مساعدة قدمها أو خير عمله أو دعوة إلى الله ايضا قيمة الإنسان فى تأثيره اولا على نفسه ثانيا على اللى حواليه إن كان تأثيرك كبير و ايجابى على اللى حواليك هيتذكرك الناس بشكل طيب و هيترحموا عليك و هيدعولك و دى افضل حاجة ممكن تفوز بيها

لو أنا اللى عندى نفس مشكلتك هفكر بطريقة مختلفة شوية والله اعلم اذا كانت صح او غلط بس انا كنت هحاول انتقى الناس اللى يقعدوا معايا مش اقعد مع ناس كتير و خلاص لمجرد انى ابقى اجتماعى و مشكلة الثقة أعتقد أن حلها هيا انك لا تعطى ثقتك لاى شخص و السلام لازم تنقى الشخص دا عشان لما تثقى فيه تكون الثقة فى محلها و مع ذلك برضو لازم تتوقعى أن الشخص اللى وثقتى فيه قد يخطئ لانه بشر و كلنا نخطئ أما بالنسبة لمشكلة الخوف من الكلام مع الناس دى ممكن تكون ناتجة عن الوحدة أو عدم الاختلاط و الله اعلم جربى تتطوعى فى مؤسسات خيرية اعتقد هتكسر عندك حاجز الخوف و ممكن كمان تنزلى كورسات على الأرض دا كمان هيساعدك جدا

الصبر مفتاح الفرج ادعى ربنا و حافظى على صلواتك و ادعى كتير أن ربنا يحنن قلب امك عليكى أما بخصوص ارتباطك فلازم تسيبيه لان صدقينى دا مجرد لعب مش اكتر يعنى الموضوع هينتهى بكسرة نفسك و قلبك و هتتعقدى اكتر من الاول لازم تثبتى لنفسك انك تقدرى تسيبيه عشان ثقتك فى نفسك تعلى فيبقى عندك تقدير لذاتك فبالتالى مش اى كلمة من اى حد هتضايقك أو تأثر فيكى ربنا يوفقك و يهديكى و يهدى أهلك و يحنن قلبهم عليكى

ابعد عن الصحاب اللى عرفوك على السكة دى و بدلهم بصحبة المسجد و على قد ما تقدر يكون ليك ورد يومى للقران حتى لو صفحة و ربنا يكرمك