aya aya

طيب مانتي بايدك تغيري كل ده ايه الل مانعك.. ايه الل مانعك ان لو حد زعلك از جرحك بكلمه انك تاخدي موقف، ايه الل مانعك انك لو لقيتي حد علطول بيئذيكي زي مابتقولي انك تبعدي.. ايه الل مانعك عن كل ده... غيري من نفسك يحبيبتي ومش تحملي برضه الغلط كله عليكي انتي ف الاول والاخر تصرفك ده طيبه منك مش هبل ولا حاجه.. انتي هدي عيار الطيبه ده شويه علشان الناس مبقاش لها امان وانتي مش مجبره تتحملي ف حياتك حد بيئذيكي نفسيا

جملة ( بشارك أحلامي مع الناس) دي كفيلة انها تعرفنا كلامك ده من غير ما تتكلم والله... اوحش حاجه ف الدنيا انك تقول لحد علي حاجه انك عملتها أو نفسك تعملها.. الحاجه الل عملتها هتبوظ والحاجه الل نفسك تعملها مش هتتعمل... اقسملك اني تقريبا عمري ماقلت لحد علي حاجه معينه أو هدف معين ف حياتي واتحقق.. كتّم على حياتك وعلي أهدافك ومتعرفش حد انت عاوز تعمل ايه أو ناوي علي ايه خليك ذكي.. مستحيل تلاقي حد عاوزك احسن منه انت متعرفش قلوب الناس فيها ايه ودايما يبينولك الظاهر الجميل ( وما خفي كان أعظم).. ف ابدا صفحة جديدة مع نفسك وحط أهداف لحياتك من الصفر وامشي خطوة خطوة من غير م حد يعرف عنك اي حاجه

ذاكري وخديها كأنها تحدي لنفسك مش لحد تاني واعملي الل عليكي وربنا هيكرمك باذن الله وهيكتبلك الخير + لو انتي ازهر ف هما بيعينوا الأول والتاني فقط للأسف.. بحكم اني ازهريه ف قلت الل اعرفه،، اما لو انتي عام ف انا معرفش صراحة بيعينوا الاوائل كلهم ولا زي الأزهر

ايه رايك ف التدريس 🌚. تدي دروس أو تعملي كتّاب تحفّظي فيه قرآن

انا بس عاوزه اعرف حاجه في نتيجة التحليل مش اكتر

مقدره شعورك الجميل ده لكن دي حاجه ضروريه لازم نلحقها قبل لاقدر الله تحصل حاجه كبيره وربنا يتم شفاكي على خير يارب ❤️❤️

انتي شايفه ان ده صح.؟ وشايفه ان ربنا هيجازيكي على كده يعني؟. ربنا هيحاسبك علفكره دا قال "ولا تلقوا بايديكم الي التهلكه" وانتي شايفه التهلكه بنفسك وساكته؟! وفيه مقوله بتقول ( ان لبدنك عليك حق) وحاجات كتير عن حق البدن والجسد والصحه الل انتي هدراهم كلهم... لازم تعيدي نظر ف الموضوع ده وتقولي لأهلك

ف انتي دلوقتى حطه انه غيرك ف كفه و في الكفه التانيه بتقولي انه معملش حاجه علشان.. انا راضيه ذمتك يشيخه هل فيه توازن بين الاتنين؟؟ أكيد لا.. ف انتي دلوقتى شايله الهم ومش قادره تتعافي وهو زمانه عرف علي اتنين وعشره ف فوقي كده لنفسك وابعدي عن سكة الارتباط دي متفتحيهاش تاني خالص علشان نهايتها بتكون وحشه

عمرك ماهتتعافي وانتي ماسكه ف الحاجات الكويسه الل عمالهالك وسايبه السلبيات بتاعته...متحكميش علي حد من حاجه حلوه عملها احكمي عليه بسلبياته ومن هنا هتقدرى تتعافي وتنسيه.. الناس كلها بتعمل حاجات كويسه مش معني كده اني هحكم عليهم انهم ناس زي الفل واتعلق بيهم لا.. المقياس بيكون ف السلبيات دي الل بتحدد الشخص كويس ولا مش كويس بناء علي درجتها

انا بالنسبة لتاجيل الحاجات لبعدين.. ف الإنسان بطبعه مش بيمشي غير بالضغط 😅 لما نلاقي نفسنا انضغطنا بننجز كل حاجه ف اقل من ثانيه.. ف حاولي تحسسي نفسك انك مضغوطه بقا 😅

عبد الرحمن بن خلدون عرّف الإنسان انه كائن اجتماعي بالضروره يعني مضطر يعيش مع الناس حواليه... ف صعب انك تبعدي عن أي حاجه محيطه بيكي وعلفكره احنا فعلا متقدرش نبعد عن كل حاجه.. كل حاجه ف حياتنا حرفيا بتمدنا بطاقه سواء كانوا بشر أو جماد از حيوانات حتي بدليل اننا لما حد بيقولنا كلمه حلوه بنفرح جدا وبنحس ان عندنا طاقه نكمل والعكس صحيح لو حد قالنا كلمه وحشه بنيأس ونزعل.... وبعيدا عن كل ده احنا نفسنا مش هنقدر عن الحياه دي لوحدنا ولا نعرف ناخد قرارات لوحدنا لازم المجتمع يتدخل دا الرسول قالي ( اللهم لا تكلني إلى نفسي طرفة عين) ومش معنى كده اننا مش هناخد قرارات أو نعمل مصالح غير باذن الناس الل حوالينا لا... بس الحياه مشاركه وصعب جدا الواحد يكتفي بنفسه ف الحياه

مش قايله لأهلك ليه؟

بصي هيا الحبسه ف البيت وحشه وبتخلي الشخص عدواني برضه.. ف انا شايفه انك تخرجيه هو وأخواته كل أسبوع مره وتوديه لقرايبه وحِيَل زي دي يعني انما بلاش الحبسه ف البيت بتعمل مشاكل نفسيه شويه

مش عارفه تسيبيه ولا لا!... حبيبتي فوقي لنفسك انتي مش شايفه قدامك لانك محكمه قلبك على عقلك وده أكبر غلط وهيدخلك ف مشاكل كتير ف استعيني بالله وفكري تاني بعقلكككك.. العقل الل ربنا ميزنا بيه عن بقيت مخلوقاته ( مش القلب) ف انتي اكبر من انك تتهاني وتتشتمي من واحد زي ده.. لو بيحبك مكنش غلط فيكي ولو بهزار ولو بيحبك كان دخل البيت من بابه ومرضيش يكلمك ف السر ولو بيحبك كان عما عمل حاجات كتير اوي... انما انتي معلقه نفسك بواحد يعتبر بيتسلي وبيسلي وقته ف فوقي واقفلي معاه خالص وبلكي من كل ناحيه وربنا هيعوضك عوض كبير اوي

بصي هو الموضوع ده فيه شبهه وفيه اراء علماء والرسول بيقول اتق الشبهات ف مفيهاش حاجه لو اتوضيتي تاني ❤️

بيقوم يتوضي ويصلي ويشكي لربنا كل همومه ويقرا قران وبعد كده يشغل حاجه بيحبها وياريت تكون بتضحك مش ناقصين نكد كمان ف الل هنسمعه 😅

انا شايفه ان المغادره من البيئه المؤذيه مش يعتبر هروب ليه منقولش اننا بنتجنب مشاكلها علشان نشوف حياتنا ف المكان الصح ومع الناس الصح... والل بيجعل الواحد قوي نجاحه ف المجال الل هو فيه حتي لو وقع مليون مره.. ف اتفق مع دوستويفسكي

يعني بتنووا بقالكم ٣ سنين... علفكره احنا بشر وكلنا بنغلط عادي بس المهم اننا نصلح الغلط ده لكن انتي عاوزه تصلحي غلط الارتباط ده بغلط تاني الل هو الصداقه بينكم... فكري ف الموضوع أكتر من كده يحبيبتي وشوفي فيديوهات لشيوخ عن الصداقه أو الارتباط بين الولد والبنت وان شاء الله ترجعي عن الفكره ده تماما... وربنا يهدينا جميعا

بصي انا مش كملت قرايه كلامك بصراحه لان من بدايتها بتقولي ارتباط غير رسمي ف أكيد متوقعه النهايه.. وخليكي فاكره ان اي حاجه بدايتها لا ترضي الله نهايتها لا ترضيك..

هو لو خطبك وشقته كانت جاهزه اصلا متعدليش بقا ف الوان ولا اي حاجه الل اتعمل اتعمل ودي مش شقة العمر كل حاجه بتتغير بعدين... أما لو كان بيشطب الشقه وانتي مخطوباله ومخدش رايك ف اي حاجه ف ده عيب منه وكمان حوار انه مبيتقبلش تعديل حاجه أو تبديل حاجه مكان حاجه ف التعامل معاه هيكون صعب بعدين....ف انتي استخيري ربنا كده تاني وربنا يكتبلك الخير

وبالنسبه لموضوع هتخش الحنه ولا النار ف محدش عارف مصيره ايه وربنا يكتبنا من اهل الجنه.. لكن ربنا هيجازيك علي قد معرفتك ف الدين ومجاهدتك لنفسك ف لازم ترضيه بكل الطرق علشان تضمن الجنه

هما بيبكوا لأنهم فاهمين آيات القرآن ف مركزين ف كل ايه وعارفين بتتكلم عن ايه بخلاف ناس كتير جدا بيكونوا كمان خاتمين المصحف ومش فاهمينه للأسف ف بالتالي مفيش مشاعر علشان تتحرك عندهم...ف انت لو عاوز تتغير وتلحق بيهم لازم تفهم كلام ربنا بيقول ايه وعلفكره انا بنضحك وينصح نفسي وربنا يهدينا جميعا

بص ف الاول والاخر انت الراجل وطبعا معروف ان الرجاله مخهم أكبر من البنات دي حقيقه مش هنكرها 😅 ف معلش ابقي تعالي على نفسك شويتين لو مشكله تافهه أو مشكله مش اوفر يعني بحيث متجيش علي كرامتك.. انك تكبر دماغك حاجه وانك تيجي علي كرامتك حاجه تانيه.. وبس خدها علي قد عقلها يعني والدنيا هتظبط ان شاء الله

اوعي تاخدي قرار ف وقت انتي متضايقه فيه علشان هياثر عليكي بقيت حياتك.. وبعدين اتجنبي المشاكل الكتير معاه لأنهم بيتخنقوا مووت م الحوار ده.. وصلي استخاره كذا مره لما تهدي كده وتروقي وشوفي هتحسي بايه وربنا يكتبلك الخير

بصي ممكن تشوفي فيدوهات عن الموضوع احسن وهتفيدك جدا دا اولا.. وثانيا برافو عليكي انك توبتي عن الذنب العظيم ده وربنا غفور رحيم

أهم انجاز ف حياتك ابنك أو بنتك ده الهدف الاول والاخير وربنا مدي كل واحد وظيفه معينه واحنا كبنات وظيفتنا البيت والأولاد وكده ومش يمنع من وظيفه خارجيه زي منتي عاوزه تعملي بس فيه شغل كتير اونلاين علفكره أو بلاش شغل خدي كورس من ع النت سواء انجليزي أو برمجه أو أي حاجه في مجالات كتير اوي

المهم تعملي بلوك من كل ناحيه واوعي تدي نفسك فرصه تردي عليه تاني ولا تفتحي الفتحه دي تاني

بصي هتنتظمي ف صلاتك هتلاقي حياتك اتعدلت تعديل رباني من غير دكاتره أو غيرهم.. اضغطي علي نفسك ف الصلاه بالذات دي اول حاجه هنتحاسب عليها بعد م نموت وطبعا محدش ضامن عمره ف لازم نبقي جاهزين لمقابلت ربنا.. ف انتي اضغطي علي نفسك وكل فرض تصليه ف وقته من غير تأخير هتلاقي الدنيا ظبطت وشويه شويه لما تتعودي علي الصلاه ف وقتها ابداي صلي قيام ليل عاوزه اقولك ان قيام الليل ده حرفيا معجزه.. وحياتك ان شاء الله هتتعدل احسن واحشن

ايوه قوليله انا فكرت ولقيت اني واخده خطوه سابقه سني دلوقتي واعملي بلوك علطول من غير. م تستني رده

واوعي تصاحبي حد انتي كده ماشيه صح... أما بالنسبه لحوار انك مبتعرفيش تجاوبي ع المدرس رغم معرفتك للاجابه ف ناس كتير كانت كده وأنا كنت من ضمنهم مكنتش اعرف اجاوب غير ف ورقه الاسئله..بس اهم حاجه متخوفيش نفسك المدرس زيه زينا عادي وبيذاكر زينا برضه هو له احترامه بس انما حاولي بقدر الإمكان مترهبيش نفسك علشان اي بني آدم مهما كان شديد علشان أعصابك بس أكتر وربنا يوفقك

ومتخافيش ربنا هيجازيكي على محاولاتك دي بجد ❤️

ماهو لو كلنا مشينا بمبدا ( مش عارفه اسيب الغلط) كلنا هنروح ف داهيه كده وكلنا هنروح جهنم .... فيه حاجه اسمها جهاد النفس يعني كل م تعصمي نفسك عن الخطأ وتبعدي عنه كل م ربنا هيكرمك وهيعوضك أضعاف أضعاف مما كنتي تتخيلي وهيعوضك عن الحاجه الل انتي جاهدتي نفسك علشان تبعدي عنها....ف ربنا ميزنا عن بقيت المخلوقات بالعقل مش بالقلب علشان نحكم بعقلنا الأمور ونشوف الصح ونعمله والغلط ونبعد عنه... اوعي تحكمي قلبك ف اي حاجه لازم عقلك اولا

طيب طالما الحضانه مع الأم والام هتقعد عن والدتها مثلا ف انا شايفه ان الموضوع يسير شويه أهو وكل شويه هتروحوا لهم وتعرفوهم على أولادكم والكلام ده كله.. و ف الاول والاخر ادعي دايما براحة البال وان ربنا يتولى حل الأمر ده حل يرضيكم كلكلم ❤️

يحبيبتي مستعجله ليه ع الحب ده... استني كمان ٦ أو ٧ سنين كده هتلاقي حب حقيقي اما دلوقتي ف السن عد مفيش حاجه اسمه حب والشخص الل الل من بلدك ده طالما كلمك يبقي بيكلم غيرك واي حد هتعرفيه ف السن ده هيكون بيكلم غيرك لان ده مش سن خطوبه ولا جواز هما بس عاوزين يتسلوا شويه... وبعدين الحب الحقيقي مبيكونش بالسهوله دي اي حد هيكلمك من ورا اهله وأهلك ومن غير رسميات اعرفي ان ده مش حب ومش هيكمل ونهايته هتكون وحشه جداااا والله اسمعي مني اعتبريني اختك الكبيره وصدقيني... ركزي انتي دلوقتى ف مذاكرتك وكده كده الحب جاي بس خليه ييجي وانتي مؤهله له

بصي والله الموضوع سهل وبسيط ومش محتاج انك تيجي فيه على نفسك... هو خليكو زي منتو وانتو مش محسسينهم ان مش معاهم حد ودايما واقفين معاهم ف خلاص انا شايفه ان الاولاد بخير.. ولو جوزك اتجوزها ف انت كده معملتوش حاجه لان الاولاد هيكونوا مع أهل الزوج فهماني

وانتي ربنا هيباركلك ف جوزك واولادك علشان طيبة قلبك وجدعنتك دي بجد.. ربنا يخليكو لبعض ياارب

هو فيه حلول كتير غير انه يتجوزها انه مثلا مهما كان فيه مشاكل بين الام وأهل جوزها المشاكل حاجه والأولاد حاجه تانيه هو ممكن كل مدي يروحلهم ويجيب لهم هدايا والعاب أو ياخدهم يفسحهم مع أولادك أو أي حاجه ف الفكره ان فيه حيل كتير اوي ف موضوع انه يود الأطفال دي.... أما موضوع انه يتجوزها أو كده ف دي حاجه بقا تتفقوا فيها سوا بو هو خايف عليها او كده

ارمي كلام الناس ورا ضهرك الناس مش هينفعوك لو جيت ف يوم ووقعت والله ولا حد هيعرفك.. ومتهتمش بكلامهم لا الحلو ولا الوحش.. وحاجه كويسه انك معترف انك حققت نجاحات كتير استمر عليها ومتهتمش لحد ابدا حتي لو مين... غير كده أهم حاجه ف اي انسان جوهره وقلبه وكل واحد ربنا خلقه ف احسن هيئه ( ولقد خلقنا الإنسان في أحسن تقويم) مش لازم نبقي شبه بعض ربنا خلق لكل واحد شكل وملامح تميزه عن غيره ودي احسن حاجه...ف لازم تعرف ان مفيش مقياس للجمال الظاهري.. المقياس الحقيقي ف الجمال الداخلي والجوهر

اشتغل اشتغل اشتغل.. اي شغل حتى لو لسه طالب اشتغل الشغل بيلهي

مع العلم ان دي تجربتي الشخصيه وفرقت معايا جدااا

بصي انتي تطبقي يومين علي بعض يعني تفضلي سهرانه لحد م تقدري وتعملي فنجان قهوه صغنون كده أهو يفوقك شويه وطول اليوم بقا تشغلي نفسك باي حاجه تروحي لصاحبتك أو صاحبتك تجيلك اي حاجه المهم تفضلي مطبقه لحد العشا ع الاقل يادوب تصلي وتنامي وهتصحي ع الفجر هتفضلي كل يوم بقا تنامي بعد العشا وتصحي الفجر واليوم هيزبط معاكي والدنيا هتمشي باذن الله

بصي هقولك تزبطي موضوع نومك ده ازاي هيكون مرهق شويه بس هيزبط معاكي نوم طول فترة دراستك

لازم دكتور الل يحددلك

أكيد لا... كل الل عندهم خبرات بيشتغلوا ف احسن مكان بدأوا من الصفر ومكنش عندهم اي خبره... ف اسعي وربنا هيكرمك اعلا كرم

باذن الله يحبيبتي ❤️

بس ف النهايه حيه اقولك ان الثانويه مش بعبع اوعي تتعاملي معاها على أنها كابوس أو سنه وحشه أو أو.. والله يبنتي سنه عاديه جدااا زي اي سنه

ومش بقولك بهدلي نفسك مذاكره ليل نهار لا طبعا مفيش عقليه تتحمل كده... لكن لو انتي عام ممكن تذاكري كل يوم بتاع ٧ أو ٨ ساعات ف وقت كويس زي مثلا من الساعه ٦ للفجر دا اظن توقيت كويس جدا وتنامي الفجر وتصحي على أول معاد درس لكي وتيجي من الدروس تنامي وكده

انا هقولك على حاجه هتنفعك جدا... بصي علي قد تعبك هتلاقي كرم ربنا كبييير اوي كل م هتتعبي ف المذاكره كل م الكرم يزيد وتلاقي ربنا مديكي صبر طول السنه انتي نفسك مستغرباه.. انتي هتيجي ف نص التيرم كده وتملي شويه بس اقسملك يبنتي كل م تعافري كل م ربنا يكرمك أكتر.. والثانويه كام شهر.. يوم النتيجه لما تلاقي ان شاء الله نفسك جبتي مجموع عالي وربنا اداكي علي قد تعبك اقسم بالله ماهتفتكري انك تعبتي اصلا

بص حط السماعات ف ودنك وشغل قران وركز ف الآيات مش هتدي فرصه لنفسك انك تفكر ف حاجه اساسا.. وبعد كده ابدا ذاكر علطول وربنا يوفقك

بصي ده طبيعي لان انتي ف طبعك الحياء ماشاء الله ربنا يكرمك بجد.. ف أكيد هتحسي انك مفيده ومش واحده راحتك بس بالتدريج هتلاقي نفسك اتعودتي وموضوع التقييد ده راح لحاله هو بس لو خرجتي كل يوم لشغل أو جامعه أو مدرسه أو كده هتلاقي نفسك تلقائي بقيتي بتعرفي تتعاملي والدنيا مشيت