kitap Yağmur

أنا عارفه ان ده كان صعب عليكي وانه ساب أثر عليكي لكن الحمد لله انك بتقولي ان طريقته اتغيرت معاكي لكن مهم بردو انك تسامحيه على اللي عمله معاكي وانتي صغيرة دايما فكري نفسك انه مكنش يعرف الطريقة السليمة اللي يتعامل معاكي بيها مش لانه مش بيحبك مهم جدا تتخلصي من المشاعر القديمة دي بأي طريقة تحبيها ممكن تروحي تتكلمي معاه فيها لو تقدري تعملي كده

انا متفقة معك جدا لكن مع احترامي لرأيك الموضوع مش بالسهولة ابدا اللي انت بتتكلم بيها في ناس حقيقي بتحتاج مساعدة . سيدنا محمد عليه افضل الصلاة والسلام مر بأوقات صعبة وسمي عام بالحزن لكثرة ما اصابه فيه من الحزن سيدنا يوسف تمنى الموت ودول انبياء احسن مننا واقرب مليون مرة لربنا عايزاك تعرف ان مش كل الناس بتقدر تتعامل مع مشاكلها وتتخطاها لوحدها وياريت متحاولش تقلل من احساس حد مر بتجربة سيئة ادعيلهم ربنا يعينهم ولو مش هتقدر تدعمهم بكلمة حاول تفهم انه مش سهل عليهم في ناس ضعيفة جدا انها تتعامل مع كل ده طبعا القرب من ربنا بيخفف عننا كتير بس في ناس بتحتاج مساعدة وعلاج كمان

مفيش حاجه تخليكي تتأكدي وخاصة انك بتقولي انك لسه صغيرة يعني مش هيكون في ارتباط دلوقتي خالص يبقى ليه تعلقي نفسك وتدخلي في الحاجات دي دلوقتي صدقيني مفيش حاجه مضمونة لانكم مع الوقت هتتغيروا واهتمامتكم هتتغير وساعتها ممكن تقولي ان ده مش الشخص المناسب ليكي انصحك تركزي في دراستك وتقطعي علاقتك بيه وده كمان لان طبعا ان اللي بتعمليه ده حرام

محتاجة تشوفي الاول هي دي حاجة جديدة عليكي الفترة دي لو كده يبقى في حاجة جواكي بتخليكي حساسة بزيادة ف محتاجة تخرجي اللي جواكي وتعبري عنه اما لو انتي كده من زمان ودي طبيعتك ف حاولي تغيري طريقة تفكيرك تجاه الحاجات اللي بتتقال او تشوفيها بمنظور تاني بلاش تتعمقي اوي في كل حاجه بتسمعيها

لاب توب أفضل طبعا اللاب توب في مميزات مش موجودة في التابلت

معلشي هو انتي ليه بتعملي في نفسك كده الحكاية انك محتاجة تفهمي انك مش لازم يكون في حد تاني عشان تقدري تنسي الاولاني بعيدا عن ان ده حرام اصلا وان دينا مش بيأمرنا بكده لكن من الواضح انك مركزة اهتمامك على الموضوع ده الفراغ هو اللي هيخليكي مش هتعرفي تنسي اهتمي بنفسك وطوريها واشتغلي عليها واشغلي وقتك لو قدرتي تقتلي الفراغ وتنشغلي طول الوقت يبقى هتنسي الاول ومش هتفكري في التاني كل حاجه هتيجي في وقتها

الحزن شعور طبيعي لأننا بشر ومفيش حد مش بيتأثر بالمشاكل اللي بتحصله لكننا بنحاول على قد ما نقدر نطمن نفسنا ونهون عليها ان مش دي النهاية وان ربنا قادر على كل شئ وايا كانت المشكلة هتتحل بإذن الله لكن في ناس كتير مش بتقدر تسيطر على مشاعرها وتتعامل معاها

هل ممكن تتخلي عن الجنة!!؟ بصراحة سؤالك غريب جدا بتسألي ينفع من ناحية ايه مثلا!! انه حرام انتي اكيد عارفه انه حرام المفروض تسألي ايه اللي اقدر اعمله عشان اثبت على الحجاب؟ لانك اكيد عارفة ان الحجاب فرض دي حاجه مش اختيارية نصيحة بلاش تدي لنفسك فرصة تفكري انك تخلعيه احنا بنلبسه لانه فرض وربنا امرنا بيه بلاش تتأثري بحد ربنا يثبتك على الحجاب ويرزقك حب الطاعة

الخوف عليهم شئ طبيعي لكن انك تفكري بتشاؤم في كل مره يحصلهم حاجه ولو بسيطة ده غلط كل مره تفكري فيها بالطريقة دي وقفي تفكير وردي علي نفسك كل حاجه بإيد ربنا وتوكلي عليه دايما وثقي فيه والاهم يكون عندك رضا بأي حاجه ربنا كاتبها الخوف الزايد من المرض اسوأ من المرض نفسه حاولي على قد ما تقدري توقفي الافكار دي كل ما تيجي في بالك وتحطي بدالها افكار ايجابية مرة ف مرة هتلاقي كل ده خف ان شاء الله

طبعا لا انت كده هتحس انك مضغوط ومش عارف تعمل حاجه غير ان الخطوبة بتحتاج مصاريف وهتزود اعباء عليك جهز نفسك الاول على الاقل

ممكن لانك لما بتسجليه بتكونوا اصدقاء على الواتس وخاصة لو بتظهرلك الاستوري اللي هو بينزله يبقى هو مسجل الرقم

حاولي تسيطري على المشاعر دي وفكري نفسك دايما انك جزء من حياتهم مش حياتهم كلها وهما كذلك ممكن تكون هي بتديكي اهتمام لكنك بتتوقعي منها كتير وهي مش بتديكي اللي انتي متوقعاه وده اللي توقعته من كلامك واضح انك لما بتحبي حد بتخليه محور حياتك اما لو هي فعلا مش بتديكي اهتمام خالص فليه تفضلي مع حد مش بيديكي اهتمام خالص كده اتعاملي معاها باهتمام وعاطفة اقل

اقرأي سورة البقرة كل يوم مع الحفاظ على اذكار الصباح والمساء

حاول تشغل نفسك بأي حاجه بتحب تعملها وكل كا تلاقي الافكار دي بتيجي في دماغك رد عليها بالمنطق وقول خلاص الامتحان خلص فوضت امري الى الله ودور على حاجه اعملها عشان عقلك يلاقي حاجه غير الافكار السلبية دي يركز عليها انت اوقات الامتحانات مش بتكون كده لانك بتكون مشغول وعندك مليون حاجه تفكر فيها

لا مينفعش بس ممكن تنزل التروكولر هيعرفك صاحب الرقم او ممكن تبحث عن الرقم على الفيس بوك

اشتري بطارية اصلية واذا لم تحل المشكلة اعمل عادة ضبط مصنع للجهاز