malak elsayed

اولا كده اقعد مع نفسك وحاول تتقبل كل حاجه فيك وفي شكلك لأن نظرتك لنفسك هي نفس النظرة الا الآخرين بيشوفوك بيها وبعدها كده ابتدي ظبط اكلك وكل اكل في بروتين وانزل جيم واتمرن وهتلاقي جسمك دا في شهرين تلاته اتغير ١٨٠درجه وابتدي اشغل بقي وقتك بأي حاجة بدل ما بتسمع فيديوهات اباحيه جرب تسمع فيديوهات ازي تغير من نفسك جرب تتعلم حاجه جديده وأخرج من البيت اتمشي أو انزل اشتغل في الاجازة وكون علاقات مع الا حواليك حتي لو في الاول مش هتحس انك مرتاح أو خايف انك تتخذل بس افتكر انك مش خسران حاجه وانك عايش عشان تجرب وتقع هي الدنيا كده احنا عايشين عشان نتعلم واهم حاجة تفضل تصلي وخليك عارف ان ربنا معاك دايما وهو لما يشوف محاولاتك وسعيك هيقفل اي باب ذنب قدامك ومش هترجع ابدا بس حاول دائما وفي النهاية كالعادة متنساش تحب نفسك واعرف ان طول ما انت مؤمن بربنا و بنفسك كل حاجه هتتحل

لا يبنتي مفيش الكلام دا متسمعيش كلام حد كل دا فيك والله يبنتي اعرف واحده عندها ١٦ سنه ومقاس رجليها ٤٠ وبتلاقي مقاستها وبعدين انتي مقاسك حلو مش وحش طب ما انا بلبس يستي ٣٦ومش يلاقيه والله وبتضطر اجيب مقاس اكبر زي ٣٧ كده فأنتي مقاسك حلو متسمعيش كلام حد ودا مش هيأثر عليكي لما تكبري مقاسك هيفضل ثابت

اعتقد مراتك جالها صدمة نفسية بسبب انك عايز تتجوز عليها وفي نفس الوقت عايزة تسيبك وفي نفس الوقت لا .. ممكن تاخدها عند دكتور نفساني وهو يشخص حالتها والاحسن متتجوزش عليها أصلا اي كان السبب حتي لو هي موافقه ليه اصلا تتجوز عليها هي مش كفاية يعني ليه تخليها تحس بكده

بصي يا بنتي انتي ممكن تتكلمي معاه وتشرحي لي انتي عملتي كده لي وحاولي تخليه يتفهم ويسامحك بس اياكي ترجعي ليه تاني هتأذي اكتر لانك مش عايزاه اصلا انتي لما دخلتي معاه في علاقه كنتي بتحاولي تعوضي الا فراغ الا سابه حبيبك الاول بس ملقتيش دا وهو حبك جدا وانتي غلطي من الاول انك علقتيه بيكي فحاولي تصلحي دا بأنك تقعدي تتكلمي معاه وتفهميه أنه مفهوش عيب اصلا وان المشكلة من عندك انتي مش من عنده ودا كله يكون بطريقة كويسة واوعي تقولي حاجه تدايقه اكتر هو مش معني كده أنه هيبقي احسن بس علي الاقل تبقي وضحتي الموضوع وانك المشكلة مش هو وانتي برضو حاولي تتصالحي مع حوار حبيبك القديم عشان تعرفي تعيشي حياتك ولو معرفتيش لازم تروحي عند حد يساعدك عشان متغلطيش نفس الغلط تاني وعايزة اقولك انك مش وحشه وانك ضحيه زيك زيه اصلا بسبب الا عمله إلا كنتي مرتبطه بيه الاول فيكي. بس انتي غلطتي برضو بس احنا بشر ودا طبيعي وانا مش بيرد الا عملتيه انتي غلطتي بس هتصالحي من غلطك والدليل انك سبتيه ومعشمتيهوش اكتر بيكي أو اتجوزتيه وانتي بتحبي حد تاني

انا شايفه أن انت الا غلط في حق نفسك اوووي الصراحه يعني فضلت تحب حد لمدة ٧ سنين في سر يعني ضيعت وقتك وطاقتك علي الفاضي ورحت اتكلمت معها لمدة سنة من غير حتي ما تعترف يعني ٨ سنين ضاعوا وبعدها رحت اعترفت والبت مردتش وكانت بتعملك عادي شوية حلو و شوية وحش وانت مكنتش في دماغها اصلا عشان كده هي كانت بتعتبرك زي اخوها وانت الا وقتك ضاع وعشمت نفسك في علاقه اصلا مبدأتش وهي راحت اتخطبت بقي في الاخر أقل حاجه هتقولك انا مقولتلكش حاجه ولا عشمتك وانت فهمت غلط وكمان حوار انك عرفت بعدها أنها بتكلم شباب في مفهوم الصحوبية دي حاجه بقي متخصكش الصراحه بقي لأن مكنش فيه علاقه ونقول انها خانتك ومش معنا كده اني بدافع عنها بالعكس هي غلطانه كان المفروض اول ما تعرف انك بتحبها تقولك أن هي بتعتبرك سعتها زي اخوها مش تسكت وتلعب بمشاعرك كده وعموما ياريت تكون اتعلمت من الا حصل وتتعلم تقدر نفسك وتحبها ومتجيش عليها عشان حد ومش معنا ان بنت كانت وحشه يبقي البنات كلهم كده لا صوابعك مش زي بعضها مضيعش نفسك انت بس وتفضل تدي الا قدامك ومتاخدش حاجه الحياة هات وخد برضو ومتنساش تحب نفسك وتقدرها قبل اي حاجه

بصي يا بنتي من رأيه انك محبتيهوش اصلا وانك كنتي داخله العلاقه دي عايزه بس تحسي بشعور معين انتي فقداه وهو الحب والاهتمام وانتي في الاول اتعلقتي بيه جامد زي الطفلة وهو كان حابب دا في الاول بس لما ضمن وجودك ابتدأ اهتمامه يقل وأنه برضو بيدور علي حاجه جديده ومختلفة كل واحد فيكم كان بيدور علي حاجه في التاني ومتعشم أنه يلاقيها وانتي مليتي من دا لما مبقتيش تحسي بشعور الا انتي محتاجه معاه هقولك نصيحه انتي لو فضلتي تدخلي في علاقه كل مرة هيحصل كده لانك هتبقي عايزة دايما تحسي بشعور انتي مفتقداه من أهلك فعشان كده لازم تتصالحي مع نفسك وتحبيها وتفضليها عن اي حد وعشان محدش يستغلك ولا يلعب بمشاعرك ولو معرفتيش تعملي كده لوحدك روحي لاي دكتور نفسي هيساعدك وتبقي احسن أن شاء الله

مشكلتك انك دايما بتدي الا قدامك كتييير وتبقي مستنيه يعمل معاكي نفس الشئ بس عارفه مش كل الناس زيك لأن حتي لو جيتي قولتيلهم انا عملت معاك كذا هيقولولك محدش طلب منك كده فعشان كده حبي نفسك وقدريها ومتستهلكيش طاقتها علي ناس مش مقدارها اختاري دايما نفسك ومش كل اما حد يحتاجك لازم يلاقكي انتي برضو عندك تأكدي مشاكل واهتمامات فمش فاضيه ليهم برضو وافتكري أن محدش سمعك ولا ساعدك في وقت ما كنتي محتاجهم وان الحياة كده هات وخد علي قد ما هتدي عل قد ما هتاخد وحبي نفسك وقدريها وخليها أولوياتك وهما هيتمنوا بس فيوم انك تكلميهم

ممكن عشان انت بتعمل بنفس الطريقة أو البيئه الا حواليك مش مساعداك وانك بتعمل كده بدون شغف

انت ممكن ابتديت تزهق عشان الروتين بس مش اكتر حاول تدخل اي انشطه في يومك وبالنسبه للصلاة حاول تسمع اكتر عن فضلها وتقرأ قران وغير مكان الجامع لو بتنزل تصلي فيه

ينفع تبطلي المبررات دي لازم يبنتي تحكلهم علي الاقل اقعدي معها واتكلمي مش هتخسري حاجه روحلها علي الاقل بيتها وقوللها بينك وبينها وبعدها حتي شبيها وامشي

يبنتي مينفعش لازم تواجهي وافرضي اختك كان بقالها سنين عايشه معاهم قبل ما تتجوز مش يمكن اتعرضت لنفس الحاجه انتي كده بتظلمي نفسك مينفعش تسيبي حقك كده افرضي الموضوع اتمادي يعني هتعملي ابه

بص يا يبنتي انتي لازم تقولي الصراحه وهما لو مصدقوش يبقي بيكدبوا علي نفسهم اصل ايه الا هيخليكي يعني تكدبي في حاجه زي كده هيصدقوا في الاخر

اخوكي طيب علاقتك بيه نفس علاقتك بأختك

ممكن عشان انتي كنتي بعيدة عنهم ومسافرة فمفيش كلام بينكم اوي أما هما تأكدي بيحبوكي وانتي كل الا عليكي دلوقتي انك تقولي لاي حد بس اهم حاجه تكوني بتثقي فيه جامد

يا روحي بس انتي لازم تتكلمي مع حد وتحكي مش يمكن تكون اختك هي كمان بيحصلها نفس الحاجه لازم تحكي لاي حد عشان يساعدك

طب هتعملي ايه يعني لازم حدي يساعدك يبنتي وبعدين مينفعش اسكتي علي بيحصل دا عشان لو سكتي الحوار هيتمادي

عندك اخوات اكبر منك؟

طب بصي انتي ممكن تحاولي تقولي لي وهو تأكدي بيحبك هيصدقك والدتك طلما مريضه يبقي مينفعش تعرف حاجة زي دي نهائي

وانتي كبيرة مش صغيرة ولازم لما تيجي تحكي احكي ومش مهم الا قدامك صدقك ولا لا اهم حاجه وجهي الا المشكله عارفه أنه صعب بس لازم تعملي كده هي فترة يا قمر ومهما طولت مسيرها وتروح واعرفي دايما أن حته لو كل الناس سبتك انتي مش لوحدك وربنا معاكي وهيساعدك دايما

اهدي ياروحي بس انا مصداقكي متخافيش انتي احكي لوالدتك وهي لو مصدقتكيش انتي الصراحه انسب حل انا شايفه سيبي البيت واقعدي عند جدتك أو حد من العيلة مؤقتا لغيط ما تشوفي شقه واستقلي عنهم بس نصيحه بلاش تحكي للشخص الا انتي مرتبطه بيه حتي لو كنتي بتثقي فيه احنا منعرفش بكرة هيبقي كويس هو كمان ولا لا وفي الزمت دا مش اي حد نحكي لي حاجه زي كده

اي حاجه في الماضي بنبقي متعلقين بيها لازم نقعد مع نفسنا ونتصالح معها ونسترجع كل ذكريات الحاجه دي وزي ما كان ليها مميزات تأكدي كان ليها عيوب وان الحاجه دي خلاص مش موجوده دلوقتي فلازم بقي نتعايش حاليا ومنوقفش حياتنا اتمني تكون فهمت انا اقصد ايه

بصي يا ستي انتي ممكن تكوني بتفكري في المشكلة كتييير وتديها اكبر من. حجمها بزيادة ماشي لو دي المشكلة الحل انك تقعدي مع نفسك وتتحاولي تتصالحي مع المشاكل دي ولو منفعش روحي للشخص دا واقعدي اتكلمي معاه واحكيله كل حاجه وهو هيعتذرلك وهتفتحه صفحة جديدة مع بعض لأن ممكن الاعتذار مكنش كافي سعتها انك تستوعبيه برغم أن المشكلة مكنتش كبيرة وانتي بطلي تدي الأمور اكبر من حجمها وتفكري فيها كتييير

ارشح لحضرتك كتاب عقدك النفسية سجنك الابدي أو محاط بالمرضى النفسيين أو جلسات نفسه الكتب دي مفيدة جدا وهتساعدك في. التعامل مع إلا حواليك

دا علشان انت بتفكر في الموضوع كتييير زبادي اكبر من حجمه فبتشوف ازي الشخص دا ازي يعاملني كده بتدي الموضوع اكبر من حجمه وبتستهلك طاقتك علي الفاضي ودا عشان انت مركز دايما مع إلا حواليك بشكل فظيع وبتحلل الموضوع باكتر من شكل ودا غلط مينفعش احنا لو فضلنا مع كل حد يقولنا كلمه او جمله وتدايقنا منها وشلنا جامد منه مش هنخلص الصراحه ممكن انتا في أثناء الموقف تقول للشخص انك مدايق من الا قاله أو ترد عليه رد تكسفه المهم انك تعبر عن حزنك في وقت الا حصل والا عارفك وبيحبك هيقدر انك مش بتحب التصرفات دي ولو الشخص استمر علي الا يعمله خد منه موقف جامد المهم انك تاخد ردة فعل وتعبر انك مدايق من الا عمله في سعتها عشان مترجعش تفكر في الموضوع كتير بعد كده

بص دا سببه انك متصالحتش مع نفسك في المواقف دي وحاسس انك كنت محتاج حاجات كتير سعتها وملقتهاش وبتفضل تلوم نفسك علي كل الا حصل وكنت مستني الأشخاص التانيه أنهم يعتذروا أو يغيروا من الموقف سعتها دي المشكلة الحل ازي من رأيه انك تقعد مع نفسك في الأول وحاول تبتدئ تفسر المشكله وتشوف الآراء من الطرفين ولو كنت غلط في حاجه اعرف ان كلنا بنغلط عادي اهم حاجه نتعلم من غلطنا واحنا عايشين عشان كده اصلا ولو ينفع تروح للأشخاص دول وتبتدي تتكلم معاهم وتحكي عن كل الا مدايقك منهم ساعتها حتي لو متقبلش وطلعك غلطان انصحك ساعتها تبعد عنه لأن كده هتبقي في علاقات سامه مع أشخاص غلط وترجع تاني تلوم نفسك انك رحت واجهته خليك واثق من نفسك وقعد مع نفسك وسواء انت غلطان أو لا روح وواجه الشخص وقولهم علي مدايقك منهم حتي لو كانوا اهلك او اقرب الناس ليك اعمل كده ومطلعش نفسك غلطان الا لو كنت كده فعلا وحب نفسك وقدرها ومتجيش عليها عشان خاطر حد اي كان وقرب من ربنا اكتر لو قدرت تتصالح مع الأفكار والمشاكل دي مع الوقت مش هتهتم بيها وهتوشف انها كويس أنها حصلت عشان بينتلك الناس إلا حواليك وكانت ليك درس تتعلم منه واهم حاجه حب نفسك وقدرها متخليش ابدا حد يجي عليها في يوم ونفسك تبقي الأولوية في حياتك

ما حضرتك مش هتلاقي شغل بسهولة يعني فعمال ما ربنا يرزقك بشغل احسن اشتغل اي حاجه دلوقتي لأن دا المتوفر ليك وفي نفس الوقت متستسلمش ودور في كل حته علي شغل يليق بشهادتك وربنا يوفقك

بس هي بتقول انها كانت بتعاني اصلا من المرض هي زي ما تقولي كده عرفت اسمه وعرفت المشكله الا كانت بتمر بيها دي ايه وهي بتحكي بتقول انها علي طول مشتته ومش بتعرف تنجز كل مهامها

انا من رأيه خليك في شغلك دلوقتي متسبهوش بس في نفس الوقت ابتدي دور علي شغل اونلاين وفي اي مكان أحسن من دا وشغلك الا انت فيه ابتدي اعمل انت شغلك بنفسك ومتعتدمتش علي حد فيه وتستسهل حتي لو حاجه صغيرة بس انك تكون بتعمل حاجه احسن من مفيش لغيط بس ما ربنا يكرمك بشغل في مكان أحسن