انا طالبه ازهريه فى الشهاده الاعداديه. ودخلت مسابقه وفزت على مستوى مدرستى في المسابقه دى بس حاسه ان تكملتى فيها هتعطلنى عن دراستى وان الوقت اللي بضيعه فى الاجتهاد للمسابقه مذاكرتى اولى بيه بس اهلى كلهم بيشجعونى علشان اكمل حتى المشرفه بتاعت المدرسه بتاعتى بتشجعنى وبتقولى ان انا لوخرجت هتلغى المسابقه كلها لأن مفيش حد شاطر ف المسابقه دى زيى. والمشكله ان الموضوع ده بياخد مني وقت وجهد كبير. وانا مضغوطه جدا وبعيط لأنى مش عارفه اذاكر كويس. وايوا اهلى بيشجعونى بس مش بيساعدونى وبيضغطوا عليا وانا حاسه انى مش حمل ده كله. وانا كمان عندى اهداف تانيه اكبر من كده. بس في نفس الوقت عايزه اكمل ومش عايزه اضيع المجهود الى انا عملته. انا مش عارفه اعمل اى ممكن حد يفيدنى.؟
تم النشر الاثنين، ٢١ أكتوبر ٢٠٢٤
متقلقيش انا كنت زيك بالظبط .والحمد لله بقيت احسن .انا عايزاكى تفتكر حاجه واحده بس أن الدنيا فانيه وان اهم حاجه لازم تعمليها ف حياتك هى تقويه صلتك ب ربنا .وانك ممكن تكونى دلوقتى. او ف اى لحظه . وتخيلى دائما انك دخلت الجنه وتخيلى نفسك وانتى بتطلبى من ربنا يحققلك كل حلم حلمتيه ف حياتك .
تم النشر الأربعاء، ١٠ يوليو ٢٠٢٤
فكك منهم وهقولك كلمه واحده بس قوليها اول ما تحسى انك هتفقدى الثقه بنفسك ف اى موقف اعتبر الناس إلى حواليكى طماطم
تم النشر الاثنين، ٨ يوليو ٢٠٢٤
لعرض الملف الشخصي في فدني اضغط هنا