Hafez Monem

هتسجلي عادي ممكن بالجيميل اسهل وتشوفي الوظائف اللي ع الموقع وتشوفي حابه فيهم اي اكتر وحاولي تتقنيه وبعدين نزلي بقا ع الموقع وباقي مواقع الفريلانسر خصوصا الاجنبية عشان فرق العملات

حاولي تتدبري وانتي بتقرأي وتفهمي الكلام ولو فيه حاجه مش فاهماها تشوفي معناها اي وفيه برامج كتير ع الموب كويسة وتفسير بسيط وتقرأي براحة وترفعي صوتك شوية مع التدبر مش هتسرحي ان شاء الله

دا اللي بيظهرلي لما احاول اسجل دخول بالفيس

اولا ربنا يثبتك ي اخويا ويديمها عليك نعمة يارب اللي ف ايدك دي نعمة كبيرة من ربنا مش اي بيوصل لها والوصول لها صعب حافظ عليها ثانيا القرب من ربنا مش هيعوقكك عن المذاكرة بالعكس انت بس حاول تنظم وقتك اكيد عندك وقت ف ال24 ساعة تذاكر فيه ممكن يكون لشغف قليل وكده بس انت حط هدف لنفسك يشجعك عشان تسعى له ولو اي حد صاحبك يشجعك كمان فالعبادة مع المذاكرة تبقا كده فل وربنا يعينك

كلنا محتاجين الصحبه الصالحة عشان نساعد بعض ونشجع بعض عن القرب من ربنا حاولي تدوري عليهم ويكونو شبهك وعاوزين يقربو من ربنا لان لو مكنوش كده معظمهم الا من رحم ربي هيتريقو عن اي حاجه تعمليها عشان دينك طبعا زي اللبس وبعض الصفات وتجنب بعض الكلام ف الموضوع مش بيكون لذيذ أو يشجع ف اهم حاجه ف الطريق طلب العون من ربنا والاستعانة به وربنا يهدينا جميعا

اول حاجه تروح لدكتور عشان القولون وتتابع معاه اول بأول لأن دي من ارحم الحاجات واهم حاجه ف علاج القولون هو الاكل اللي بتاكله وتمشي ع نظام الدكتور هتلاقي اصلا مانع عنك الحااجات اللي ممكن تزود وزنك مع شوية رياضة أو اقل حاجه مشي نص ساعة يوميا هتلاقي فرق جامد بعد شهر

حاول متعلقش نفسك بيه اوي كده وتعايش عادي كده كده خدمات الموبايل نفسها بس الفكرة زيادة بس كشكل طبعا وبعض الميزات الزيادة مش هتفرق كتير عن اي موبايل اللي هو فرق جامد يعني لان الاسعار خرافية بصراحه ولما ربنا يفتح عليك وتكون قادر وقتها ممكن تروق ع حالك بس متشتريش بكل فلوسك ايفون طبعا 😂

روح يسط عادي والدنيا تمام انت رايح تقديرا لصاحبك ولو حد حاول منه يروشن ويحلو متسكتش له وردها عليه ف وقتها ف هيسكتو

طالما بيلقح يبقا مكنش يستاهل المكانة دي تأقلم مع النقطة دي واشغل نفسك باي حاجه سواء شغل أو كورسات وتطوير ذات وتعلم مهارات جديدة تشتغل بيها اونلاين او لغات وطبعا قرب من ربنا

الثقة بيتجي من المواقف والتعامل مع الناس خصوصا ف الشدائد

فيه منصة اسمها ينفع عليها كورسات كتير ف جرافيك وتسويق ولغات عاملين خصم ف رمضان اشتراك سنوي ب200 بدل 2000 فرصة كويسة اوي وسعر رمزي والمنصة بيشكرو فيها

استغفر ربنا ي اخويا وافتكر أن مفيش حاجه ف الدنيا تستاهل انك تنهي حياتك عشانها كل حاجه ف الدنيا بتروح وبتيجي ومش بتقف ع حد والله غير مش لاقي حد جمبك ازاي وربنا موجود ف كل وقت وكل حين ربنا اقرب الينا من حبل الوريد ربنا ملجأ من لا ملجأ له وسند من لا سند له قرب انت من ربنا بنية صادقة واشكيله همومك واعبده حق عبادتها هتلاقي في انشراح رباني كده ف صدرك والدنيا لا تساوي شئ أمامك لا تيئسو من روح الله تغلب على شيطانك ونفسك في سبيل إرضاء الله عز وجل وحياتك هتتغير 180 درجة وبعدين اللي خلقها مخلقش غيرها يعني دا ربنا بيسبب الأسباب عشان مكنش لك خير معاها وعسى أن تكرهوا شيئا وهو خير لك

مفيش حاجه تستاهل تزعل عليها غير لو علاقتك بربنا واهلك مش كويسة

احساسك بالندم نفسه كويس اوي بس كده اليوم صيامك باطل لازم تقضي اليوم بعد رمضان ان الله يغفر الذنوب جميعا لا تقنط من رحمة الله ربنا بيغفر كل الذنوب الا الشرك عليك انك تتوب وتندم ع اللي انت عملته واستغفر ربنا كتير وحاول تعمل حسنات كتير تعوض اللي حصل دا من قراءة القرآن والتصدق والصلاة والدعاء كان فيه شيخ بيقول اعمل عبادات كتير عشان تكسر ضهر الشيطان اللي وسوس ليك الذنب دا دا لا يمنع انك عملت ذنب عظيم ي اخويا ابعد عن المؤثرات خصوصا وانت صائم ولازم تكبح نفسك انت لو بعدت عن المؤثرات مع غض بصرك مش هتفكر ف الكلام دا غير قليل جدا واوعا تقع ف الذنب دا وانت صائم تاني ولو جه ع دماغك تاني انك تعمله متقعدش لوحدك أو شغل قرآن او اسمع قرآن ربنا يتوب علينا جميعا

كان فيه كورس تبع منصة يوداسيتي تحت إشراف وزارة الاتصالات

قوله خير الاسماء ما عُبد وما حُمد مع كومنت العم جاد

اللي جاي سواد ي جودة

عشان بتكون استيراد ومعتمدة ع الدولار وفوق كل دا فلوس الجمارك أضعاف سعر العربية الموضوع كان هيبقى اخف كتير لو بتتصنع هنا

اول حاجه توب إلى الله ف كل مرة تعملها ورمضان اتعمل عشان نقدر نتحكم ف نفسنا وشهواتنا عشان طاعة ربنا ف بلاش تخلي نفسك وشيطانك يغلبوك أول حاجه ابعد ع الحااجات اللي تخليك تفكر ف كده يعني مثلا لو ع سوشيال عامل فولو لصفحات بتنزل صورة بتخليك بعدها تدخل تشوف حاجات تانيه وكده اعمل بلوك لكل الصفحات دي عليك بالقرآن كل مرة تحس انك هتقع اقرء قرآن ادعي ربنا دايما يخلصك من الذنب دا وخلي بالك انك تعملها ف نهار رمضان دي صعبة اوي توب لربنا واستغفره كتير وعليك قضاء اليوم دا بعد رمضان متقعدش لواحدك كتير وحاول تغض بصرك ع قد م تقدر وابعد عن الحاجات اللي بتخليك تفكر في كده

احسن وقت المذاكرة ف رمضان بعد الفجر أو الشوية قبل السحور بيكون الإنسان فايق فيهم شوية ثانيا مفروض تحاولي تعودي نفسك ع المذاكرة عشان تالتة وكده مفروض تحددي لنفسك ليستة اهداف ف اليوم يعني تحددي كذا حاجه تذاكريها وكل حاجه تخلصيها تعملي قصادها صح مش لازم يكون الحاجات كتير المهم البداية وضمن الليستة ضمي الاذكار والورد اللي مفروض تخلصيه ع اخر يوم لما تلاقي نفسك عملتي صح ع كل اهداف اليوم هتتشجعي اكتر

فيه ابليكشين اسمه واعي عليه كل المقالات اللي هتحتجاها بخصوص الموضوع دا

رأي الجمهور أنه لا يجوز القراءة أو مس المصحف من غير وضوء لقوله تعالى (لَا يَمَسُّهُ إِلَّا الْمُطَهَّرُون) انما قراءة القرآن من الموبايل من غير وضوء جائزة لانك مش بتلمس القرآن مباشرة انت بتقلب الشاشة والأصح أننا نبعد عن الشبهات ونتوضى قبل مسك المصحف والله اعلم

تتعلمي مهارة وتكون من المهارات الكويسة اللي تجيب دخل كويس لان الدنيا بقت صعبة اي نعم انتي هتتعبي شوية عشان تتقنيها بس هتستفيدي بعدين وبروجكت واحد فيه بقيمة مئة بروجكت من الحاجات السهلة التقليدية فيه الترجمة و ويب وجرافيك وتسويق وفيه بقا الترجمة وإدخال البيانات وكده شوفي انتي شايفة نفسك ف مجال اي واعرف كل حاجه عنه من يوتيوب مثلا وكورسات وبعد م تتقنيها ادخلي ع مواقع الفري لانس العالمية شغل بالدولار دا المستقبل والموضوع محتاج مجهود وصبر مش فرخه بتبيض دهب

وجود الإنسان الحقيقي عشان تعبد ربنا قال تعالى في صورة الجن (وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ) دا سبب وجودك الحقيقي في الدنيا وسبب خلق الانسان انك تعبد ربنا بقلبك وجوارحك مع العمل طبعا يعني تعبد ربنا والعمل ف حياتك انت مش طالب انك تغير الكون ولا الكوكب انت مطلوب منك العمل ف اي مكان تتحط فيه كل مكان حتى لو بسيط بيكون ليه فائدة من أول عامل النظافة إلى صاحب الشركة كها بتكون منظومة متكاملة وبنكمل عمل بعض انت مش مطلوب منك تكون سوبر مان ف حياتك الا لو ربنا قدر انك تكون سبب ف تغير النظام مثلا ودا بردو بيكون شخص بيشتغل كتير ويبحث ف مجاله مش حد قاعد مكانه هيقدر له أنه يغير النظام العمل والعبادة أساسيان مع بعض مينفعش واحدة من غير التانيه لا تكون بتتعبد ف الدنيا بس أو تكون بتشتغل بس لازم يكون فيه توازن بينهم ف حياتك حتى تكون ذو قيمة ف الدنيا والآخرة

بصي مفيش حاجه اسمها اشرب حاجه اخس اه فيه حاجات بتعلي الحرق شوية بس اهم حاجه الاكل لو اتظبط كل حاجه بتتظبط حتى من غير مشروبات أو رياضة حاولي تقللي بس من النشويات والسكريات ف رمضان واخر الشهر هتكون الدنيا ظبطت طبيعي لان كده كده مش بتاكلي غير وجبتين ف اليوم المهم متقلليش نشويات جامد عشان متتعبيش ف الصيام عليكي بالبروتين والالياف من الخضروات والفاكهه والحلويات طبعا ف رمضان كارثه خليها قطعة واحدة بس ف اليوم بس طالما اللي حواليكي شايفين انك مش محتاجه تخسي بلاش تخسي اوي عشان ف ناس بتكون عاوزه تنزل شوية بس بتنزل جامد وبيكون شكلهم مش احسن حاجه وطبعا شرب ميه كتير ع مدار فطرة الصيام ولو شوية مشي أو كارديو ع الماشي هيكون كويس

ع حسب السبب والموضوع بدء معاكي من امتا

مالك ي صاحبي

بصي الشغل ع النت محتاج مهارة قبل م تدوري ع شغل لازم تشوفي مهارة كويسة تتقنيها بعدين تبدأي تدوري ع شغل اختاري حاجه واحدة واتعلمي عنها كل حاجه بلاش حاجات كتير لان التشتت مش هيوصلك لحاجه وهتقفي ف النص بصي ع الشغل الموجود زي ديجيتال ماركتينج وبرمجة وجرافيك وترجمة ..الخ بعد م تتقني المهارة دي ادخلي ع مواقع الفريلانس الكبيرة ولازم صبر لأن الشغل ع النت مش سهل زي م الناس مفكرة لازم تصبري وربك بيسهل وف الاول والاخر هي ارزاق علينا السعي والباقي ع ربك

النوع دا مريض طالما دخل ف سكة ابتزاز هو مش ناوي خير وهو لو عاوزك بجد عمره م يبتزك وهيطلبك بأدب ولو رفضتي يحترم رأيك طالما هو عامل فيها بيحبك بلوكات وقبلها تعرفيه يبعد عنك عشان متبلغيش مباحث الانترنت ولو هدد تاني قولي له اعمل اللي انت عايزه انا عندي استعداد اقولهم انا كل حاجه اكيد هيخلع ولو قريبة من والدك أو اخوكي حاولي تعرفيه الموضوع عشان يبقو سند ليكي وقولي لهم انك كنت صغيره ومش ناضجه كفاية واتضحك عليا وندمانة واتعلمت من الغلط دا وهتكوني خلصتي من حمل كبير ع كتافك ربنا يهدينا جميعا

أما انتي كاتبة list كبيرة ومش بتقدري تخلصيها أو لو بطيئة في المذاكرة حطي الlist ع قدك جهدك واللي تقدري تخلصيه فعلا مش حاجات كتييير عشان لما تخلصي الليست تفرحي انك انجزتي مش تزعلي انك معرفتش تخلصلي الليست مع أن المفروض تفرحي أن يومك مكنش ضايع كله المهم التحصيل حتى لو هتتأخري لان لو هتسرعي المذاكرة ودا هيأثر ع التحصيل ف بلاش واهم حاجه متبصيش لحد وتقارني نفسك بيهم لأن كل واحد ربنا خلقه بقدراته انتي مقياس نفسك بس لما تتقني مذاكرة جزء أو جزئين يوميا احسن من انك تذاكري حاجات كتير لان مخك محتاج يخزن قدر من المعلومات المحددة يوميا عشان متتبخرش بعد المذاكرة وشوفي نوع المذاكرة اللي بتعرفي تحصلي فيها فيه ناس لازم تكتب كل حرف ودا اكتر مذاكرة بتاخد وقت وفيه ناس ممكن تقرأ الكلام كده اكتر من مرة وتحفظه ولو فيه حاجه صعبة ف الحفظ تكتبه كذا مرة وخلاص ودا الأقل ف الوقت وفيه ناس بتحب تسمع الكلام كذا مرة كل واحد له طريقته شوفي انتي الاحسن واللي بتقدري تجميعي بيه المعلومات ايه

شوف فيديو ع اليوتيوب يشرحلك معاني الحروف اللي بتكون فوق الكلمات بتوضحكلك امتا توقف وامتا تكمل من غير وقف وانهي اولى توقف ولا تكمل وربنا يثبتك

ايوة تصلي الشفع والوتر في المسجد خلف الإمام عشان تاخدي ثواب قيام ليلة كاملة ولو عاوزه تزودي في البيت عادي مفيش مشكلة مثنى مثنى من غير وتر

ايه المشكلة ي اخويا لما تبقا ابن امك مش عيب دا بر الوالدين طاعة لربنا وربنا أمرنا بكده صريحه ف القرآن المصطلح دا بيتقال للي بيمشي كلام أمه عليه ف كل حاجه صح بقا غلط مش فارقة بيسمع الكلام كل اللي عليك تبر والدتك بحسن المعاملة وخدمتها وطاعتها ف الصح الغير مخالف لربنا طبعا يعني يكون ليك رأيك طبعا ولو عملت الحاجات العادية دي واتقال عليك كده يبقا فكك من الكلام انت مش بتعمل حاجه عيب

فيه ابليكشين اسمه واعي بيساعد ع تبطيل العادة وعليه مقالات عن أضرارها ولما تبطلها اي بيتغير ف الجسم وبتحتاج قد اي عشان الجسم يرجع طبيعي مش متعود عليها وطرق تسهل عليك توقفها ومقالات تانيه بحيث لما تقرأها تبطلها وانت مقتنع وعندك المعرفة الكافية عن الموضوع

كده كده رمضان الوزن بيقل فيه عند معظمنا لأن فترة الصيام اكبر من فترة الفطار وطبعا بعد وجبة الإفطار مش بناكل حاجه لحد السحور إذا اتسحرنا ف طبيعي فيه خسارة وزن ف رمضان حتى الناس اللي بتعمل فورمة ف الجيم بتعاني ف رمضان بسبب كده الحل لزيادة الوزن تتابعي مع دكتورة تغذية تظبطلك السعرات اللي محتاجاها عشان تزيدي وفرصتك في الزيادة بعد رمضان اكبر طبعا لان عندك اليوم طويل تقدري تأكلي فيه كميات أكبر من اللي جسمك محتاجها عشان تزيدي

يجب معرفة سبب التساقط قبل البدء في العلاج لتحل مشكلة من الأساس ممكن يكون سبب عضوي أو نقص في التغذية مثل بعض الفيتامينات المهمة للشعر ويوجد بعض الزيوت المغذية للشعر وتقوي الشعر من الجذور مثل زيت الصبار وزيت الزيتون وزيت جوز الهند وزيت اللوز وايضا زيت املا يمنع التساقط ويغذي الشعور ويقويه وايضا الحنة تمنع تساقط الشعر

غالبا نتيجه عدم التركيز ف الصلاة كانك تصلي ما عليك وتخرج من الصلاة كما تدخل وهذا غرض الصلاة الصلاة مفروض ينفصل فيها عن الدنيا وهمومها مفروض بندخل حاجه ونطلع من الصلاة حاجه تانيه الضغط خف والهموم خفت نتيجه راحه القلب والاطمئنان لاتصالك وتواصلك مع الخالق الذي بيده تغير كل شئ حاولي التركيز في الصلاة والاستعاذه بالله والخشوع واستحضار عظمة الله في القلب وعشان تساعدي نفسك ع الخشوع ابحثي عن معنى حركات الصلاة لأن كل حركه في الصلاة لها معنى دا هيساعدك على انك تركزي ف الصلاة لانك بتتواصلي مع الله وتطلبي من الله يرزقك الخشوع في الصلاة وبردو فيه بودكاست جميل عن اهميه الصلاة اسمه ايه المشكلة لو مبنصليش وربنا يرزقك ويرزقنا الخشوع

اه معلش مخدتش بالي من الاسم دا نسخة 2021 اللي لقيته https://drive.google.com/file/d/13DS2Zu2RpvCX8-yPExAjy5HF2Sdjm7Y5/view?usp=drivesdk بالتوفيق ان شاء الله

صاحب البوست عنده حق جزاه الله خير قرأتك للقرآن بدون تدبر بتاخدي حسنات ع كل حرف أن شاء الله بس لما تقرأي القرآن بتدبر ليكي أضعاف الحسنات وكلام ربنا لازم نبقا عارفين معناه فيه مصحف بيكون فيه تفسير مجرد معاني الكلمات وانتي بتقراي ف كلمات كتير مش فاهمه معناها ف بتعرفي معناها وبيسهل عليكي التدبر فيه ناس بتعمل ف رمضان قراءة تدبر بحيث يقرء ويعرف المعاني وقراءة تجمع بيها حسنات الاتنين مع بعض بص قبل م تمسك المصحف طبعا اتوضى وبعدين استحضر عظمة الله في قلبك لانك هتقرء كلام ربنا هتبدء تقرأ براحه وانت مركز انك تفهم انت بتقرأ اي في حاجات هتقابلك انت فاهم معناها من غير تفسير وفيه حاجات لا الحاجات اللي مش فاهمه حاول تخمن معناها وبعدين تشوفها ف التفسير لو معاك مصحف المعاني أو لو مش معاك فيه تطبيقات كتير عليها تفسير ميسر للقرآن وبعدين تكمل قراءة بنفس التركيز هتحس انك في عالم تاني ولو مراعي الوقوف ف القراءة والوصل وهكذا هيكون جميل خلي نيتك انك تفهم وتتعلم كلام ربنا مش مجرد تقرأ وخلاص لأن القرآن فيه مواعظ وحكم لو مشينا عليها حياتنا كلنا هتتظبط والله

https://drive.google.com/file/d/1E-KrQHXdfNDysQmzAXbiDjXl-bg1NlRT/view?usp=drivesdk تقريبا دا لعله يفيد

بصى حرفيا السوشيال ميديا لو ركزنا فيها واللي الناس بتعمله ومش قادرين نعمله حرفيا هنتجنن بجد لأن كمية فلوس وصرف غير طبيعية بس الحقيقة أن كل دا فيييك كله مزيف كله عنده مشاكل وبيصور الجانب الكويس بس كل البلوجرز دول والسفر والعربيات كله مجرد شغل مش اكتر بيأجرو قصور وفلل وعربيات عشان يصورو بس ويقولو حياتنا والسفريات بتكون تبع شركة مش اكتر وشغل مش رايحين يتفسحو بالنسبة لموضوع الرزق دي بتاعة ربنا كله واحد متقسم له رزقه والرزق مش مال بس فيه صحة وفيه انك تبقا قريب من ربنا ورضا لو جيت تبص لكله هتلاقي انت واخد حقك تالت ومتلت وبعدين الحقيقة أن كل دا فاني اصلا احنا عاوزين الدائم بتاع ربنا اللي في الجنة لو دورت ع الراحه ف الدنيا مش هتلاقي راحه محدش مرتاح حرفيا لأنها مش مخلوقة للراحه دا مجرد امتحان مش اكتر يننجح وناخد بقا كل حاجه ما لا عين رأت ولا أذن سمعت ولا خطر على قلب بشر أما لا قدر الله نفشل ودي الكارثة كل م دماغك تسوحك افتكري بس انها مش دايمة والله كل دا هيروح ومش هيفرق معاكي فيه بودكاست كويس اوي عن موضوع السوشيال دا جميل بصراحه انصحك بشدة تشوفيه هجيبلك اللينك

فيه كورس The American English كويس ممكن تبدأي فيه وبعدين تشوفي الافلام الاجنبيه وتحاولي تركزي ف الكلام عشان تحسن الlistening واللغة عموما محتاجة ممارسة يومية لازم لازم لازم بعد فترة هتحسي بالفرق اجتهدي واستنى النتيجة او مواقع الكورسات زي اللي ذكية بعتتهم

الثقة بتيجي من المواقف المتكررة مش من مرة واحدة اعطي الفرصة لكل شخص بنية كويسة (مش لدرجة أسرارك) إلى حين يثبت العكس وهيبان ف المواقف

كلنا كشباب لازم يجي وقت علينا نفكر ف الموضوع دا بس هو مينفعش غير ف حلال ربنا اللي هو الجواز ف انت طالما لسه قدامك بدرى حاول تبعد نفسك عن التفكير دا خصوصا المؤثرات وكده وقرب من ربنا لما تقرب من ربنا هتبعد أو حتى بنسبة كبيرة عن المؤثرات اللي بتخليك تفكر كده لما يجي الوقت والرسول عليه الصلاة والسلام أمرنا بالصيام في الحالة دي (عشان نتحكم ف شهواتنا) لحد م يجي الوقت اللي نتجوز فيه ومتشيلش هم التكاليف والكلام دا ربك اللي بيسهل وبيرزق ما علينا الا السعى سيبها ع الله ولما يجي وقتك هتلاقي الدنيا ماشية ببركة ربنا

متبصيش للشكل الخارجي بصي لنقطة انك لبستي الحجاب عشان ترضى ربنا مش عشان ترضي الناس فلما يكون ربنا راضي عنك اعتقد وجهة نظر الناس ملهاش اي لازمة ابدا المهم صدق النية مع الله وادعي ربنا يثبتك خصوصا اننا ف ايام مفترجة حبي نفسك بالحجاب وخليكي مبسوطة أن ربنا كرمك بالخطوة دي حتى لو انتي مش متقبلة شكلك بالحجاب حاليا تحملي نفسك ع طاعة ربنا حتى لو غصب عنك طاعة ربنا ورضا ربنا مش سهل لازم نسعى له لحد ما ربنا يهدينا وربنا قال (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ) وربنا هيكرمك ان شاء الله ويثبتك وعن حب واقتناع ربنا يثبتك على طاعته

انت عندك استعداد سكر يعني لسه مش مريض سكر الحمدلله حاول انك تظبط أكلك خصوصا الكربوهيدرات والسكر ولو وزنك زايد حاول تنزل للوزن المثالي (زيادة الوزن سبب رئيسي لمرض السكر النوع الثاني) ف لو نزلت الوزن الزائد ومشيت على نظام صحي مع الرياضة حتى لو مجرد مشى سريع يوميا لمدة نص ساعة هيفرق معاك جدا جدا

اولا كفارة انك خلصت جيش احنا ف ايام مفترجة حاول تقرب من ربنا اكتر دي اهم حاجه بعد كده ابدء شوف موضوع الشغل لو هتشتغل ف مجالك او انك تتعلم حاجه اونلاين وتركز فيها وتتعملها وتبدء تشوف شغل المهم تبدء ف حاجه وشوف بقا لو ناوي تسافر أو تتجوز حتى لو هتتجوز بعيد عنهم مثلا جمب مكان شغلك أو انت جبت شقة بعيد عنهم المهم متقطعش معاهم دول مهما كان اهلك واكيد بيتمنولك الخير ولازم تودهم دا حقهم عليك وربنا أمرنا بكده وف النهاية ياخويا متشلش هم أكبر من همك وخد الدنيا ايزي وسيبها ع الله وربنا مش هيضعيك

لا خليك في انك تخس طبيعي احسن حاجه لان دا الدوا دا بينزل الميه ف الجسم وعلاج للضغط ف الأساس ف اعمل نظام غذائي احسن مع الرياضة عشان تحرق دهون مش تنزل الميه وفيه أدوية التخسيس مخصوص بس الافضل تتابع مع دكتور ورمضان فرصة كويسة لنزول الوزن حاول تستغلها ومتستعجلش ع النتيجة وخس تدريجي عشان صحتك

مفيش حد يتساهل يشوف نفسه مش كفاية كلنا كفاية كلنا كويسين بس المشكلة لو استسلمت لوساوس الشيطان انتي محتاجه تلاقي نفسك اولا وتحسي بقيمة نفسك وتحبيها وتقدريها اول حاجه لازم تعرفي اننا جينا الدنيا دي عشان نعبد ربنا وأنها مش دايمة كلها فترة وهنمشي وكل واحد فينا اللي بيحدد هو عاوز الجنة ولا النار كده كده الدنيا هي دار شقاء مش راحة ف لازم نقتنع ب دا وان الراحه في الآخرة فقط وربنا اللي قال لنا كده احنا ف ايام مفترجة شهر رمضان فرصة عظيمة نلاقي نفسنا بجوار الله عز وجل حاولى تفصلي دماغك عن كل مشاكل الدنيا دي وقربي من ربنا ف الايام المفترجة دي ومن رحمة ربنا أنه صفد الشياطين عشان نقدر نعبد ربنا ع قد م نقدر ف الايام دي الشياطين مش موجودة انت بتواجه نفسك ودا اصعب من الشيطان ! قربي من ربنا بالدعاء والصلاة الصيام والقيام والله اجواء رمضان لا تعوض وافصلي دماغك عن مشاكل الدنيا دي لمدة شهر رمضان بس بإذن الله هتخرجي منه احسن كتير تابعي برامج دينية فيه بودكاست ع يوتيوب اسمه ايه المشكلة ؟ جميل اوي ومش ممل خالص انصحك تبدأي بحلقة التوبة وبعدها تسمعي حلقات تانيه ودروس البشمهندس ايمن عبدالرحيم والشيخ محمد راتب النابلسي وفيه احمد عامر عامل حلقات عن السيرة النبوية وتفسير القرآن واسمعي القرآن بأصوات الشيوخ اللي بتحبيها وادي لنفسك فرصة تتغيري ف النهاية مفيش حد ف الدنيا دي كلها تستاهل الإنسان يزعل لدرجة أنه يكتئب الا انه بعيد عن ربنا

بلاش نظام محدد لانه روتين ممل ممكن تاكلي من الموجود بس تقلل الكميات خصوصا الكربوهيدرات والسكريات وتزود البروتين والالياف ولو فيه فرصة للرياضة تمارين كارديو يوميا من 15ل30دقيقة أو مشي 30 أو كتر يوميا