سلام النفس

مبدائيا مهم اوي تصلى استخاره كذا مره وخليك مكمل لو حسيت انه لا مش هتقدر فا يبقي مافيش نصيب تانى حاجه حط لنفسك كدا أهداف انت مكمل في العلاقه دى ليه اكيد انك تلاقي حد محترم وقريب من ربنا دى مش سهله بس في نفس الوقت احنا قلبنا بيحس اوى فا الراحه مهمه جدا يعنى بردو لو هفضل مش مرتاحه فى حاجه هكمل ليه مهما كان الشخص دا خلوق وكويس اوى بي ممكن معايا مش حاسس وحاسس انه في حاجه غلط فا يبقي محتاج تعيد ترتيباتك من تانى وكل شئ قسمه ونصيب يمكن عدم راحتك دى اشاره من ربنا فا عليك بالاستخاره والدعاء وربنا يقربلك كل الخير ويجعلك نصيب فى زوجه صالحه

دا طبيعى في الشتا للبشره الجافه لازم تهتمي بالترطيب استخدمى مرطب مناسب في واحد اسمه moist-1 دا كويس ولو جافه اوي استخدم فازلين حلو اوى بس لازم يكون نوعه نضيف والأفضل بردو تروحى لدكتور يكتب حاجه مناسبه مع بشرتك بالشفا ان شاء الله

هو مبدئيا ليه متشتغلش جنب الجامعه، دا مش هيخلي عندك وقت فراغ وفي نفس الوقت هتكون بتزود من مهارات وتطور نفسك في مجالك أحسن حاجه هيفيدك جدا بعد التخرج وعلى فكره في الجامعه انه يكون صحابك اللى حواليك زمايل مش لازم قريبين بس أهم حاجه علاقتك تبقى كويسه مع الكل ولازم أساسي علاقتك بربنا رقم واحد صلاتك خلى ليك ورد يومى حتى لو كل يوم نص صفحه لكن هتفرق جدا جدا والاذكار وطلع صدقه وادعى كتير ربنا يصلح حالك يارب وحال جميع المسلمين بس حقيقي لو صلحت حالك مع ربنا حاجات كتير هتتيسر

انا عارفه انه تعرض لحاجه زي كدا ليه اثر نفسي سيئ جدا جدا ولكن انا مش معاكى في انك دخلتى في علاقات حب للشعور بالاحتواء وانك تدمرى حياتك كلها لهذا السبب انا عارفه انه مش سهل ولكن انا مش هقولك كان المفروض اي اللى يحصل لانه خلاص حصل لكن نصحيتي ليكى انتى ضرورى جدا تقربي من ربنا ماافيش حاجه هتحل اللى انتى فيه دا غير بالرجوع لربنا وقربك منه هو دا ملجأك الوحييد فا لازم تدعى وعليكم بقيام الليل والدعاء والقرآن وربنا يشفي ولدتك ويبارك في صحتها

اللهم بارك بجد ربنا يثبتك دى خطوه حلوه جدا وانك تاخديها من بدرى فا دى حاجه أجمل اوعى اوعى تمشي وراء حد بجد انتى كدا صح محدش هيجي يتحاسب مكانك انتى هاتبقي لوحدك وانتى بتتحاسبي عادي تعيشي سنك باللبس الفضفاض والخمار بجد متسمعيش لحد واثبتي عند رائيك متديش فرصه لحد يهز ثقتك في نفسك انا عارفه بجد انك مش هتسلمي من الكلام ومن القريب قبل الغريب لكن هل حد منهم هيتحاسب مكانك بجد فوتي واسمعي وطلعى من الناحيه التانيه ربنا يثبتك يارب

اولا هو حضرتك محتاجه تعلقي نفسك بربنا اكتر بجد لأنه دا ابتلاء من ربنا هقولك لييه مبدائيا انك تعلقي قلبك للدرجه دى هتتأذى جامد فا بجد دا بيحصل لأنك بعيد عن ربنا جامد ومحتاج تعلقي قلبك بربنا اول واهم حاجه يبقي حبك لربنا وادعى ربنا انه لو شخص كوويس ربنا يقربه ليكى لكن ارتباط لا انتى مش مطلوب منك تعملى حاجه غير انك تبعدي بجد ولو ربنا رايد انكم تبقوا لبعض هيحصل لكن دا مش هيحصل بالارتباط والإعجاب هو سنه كمان مش صغير يعنى المفروض انه يقدر يتقدم ويدخل بيت من بابه فا بجد متعلقيش قلبك اكتر من كدا وادعى لربنا صلى قيام ليل وادعيله واطلب منه حل هو الوحيد اللى هيطلع من الازمه دى ومتيأسيش ربنا يريحك قلبك وأن كان ليكم خيير في بعض ربنا يكبته ليكم

هو بجد حلو جدا التعليم المفتوح ولدتي كانت فيه وكان الحضور قليل جدا اهم حاجه تروح على الامتحانات وبجد فرصه كويسه جدا بالتوفيق لحضرتك

حلو جدا انك محافظه على نفسك وخلى الموضوع بينك وبين نفسك وهو ممكن يكون بيحبك لكن هو مستني يكون جاهز ويتقدملك الله اعلم هو من طريقته انه مهتم يعنى ولكن بردو مش مقياس علشان متفضليش معلقه نفسك فا انتى خليكى كدا متركزيش وهو لو بيحبك فعلا هيتقدم رسمى وخصوصا انكم قرايب فا مش هينفع يكون في ارتباط غير رسمى

قضاء اليوم طبعا والتوبه إلى الله والاستغفار

أوقات بحس انه ربنا ممكن يبقي حطك في ابتلاء زى دا علشان ترجعله يمكن انت متأثر بأنك انت والبنت سبتوا بعض بس مفكرتش لو كنت كملت مع بنت زى ماتقول انها طلعت حاجه غير اللى عليها انت متخيل ربنا نجدك من ايه متخيل طيب لو كنت كملت معاها ووصلت للجواز كنت هتوصل لفشل ازاى بجد احمد ربنا اوي انت ربنا بيحبك انك بعدت وانا عارفه انه فكره الفراق صعبه اوي بالذات الاب دى ربنا يرحمه بس انت قدها وهتعدى متيأسش ولا تفتكر انه انت اللى عندك مشكله بالعكس انت بس محتاج ترجع لربنا تصلى وتقرأ قرآن وعليك بالدعاء الكثير وربنا يعوضك يارب باللى تستاهلك وافتكر دايما انك انت الكسبان

سبيها على ربنا بجد متفكريش كتتير انا عارفه انه مش بايدك تتوترى ولا التفكير بس انتى اشغلى نفسك انتى في وقت صعب طبيعى يكون في توتر بس انتى اعملى اللى عليكى وكل اما هتلاقي نفسك بتفكري في حاجه صلى ركعتين وادعى ربنا أو القرآن هتلاقي ان شاء الله الدنيا بقت احسن

هى ممكن تبقي محتاجاك حنين عليها تسمعها وتحس بيها وممكن تبقى مضغوطه من العيال وبلاش ترد الإساءه بالإساءه عارفه جدا أن فكره حد يقولك كلام يجرح دى بتوجع جدا بس سيبها وعاتبها عليها متبقاش انت كمان غلطان وقتها هتقولك ما انت كمان قلت فا محتاجين تقعدوا تصفوا الدنيا بينكم علشان العيال اكيد بيتأثروا جدا بكل دا ربنا يهديكم لبعض ويصلح أحوالكم

الشكر لله ربنا يقربلك ليه وللصح❤️

الشكر لله ❤️🫂

قربك من ربنا هو الحل حضرتك مافيش حاجه اسمها ربنا هو السبب انت متعرفش انت كل دا حصلك ليييه اصلا يعنى انت كل حاجه سبتها ومكملتش فيها متعرفش كان ورها متعرفش ربنا شال عنك ايي فا ارجع لربنا الصلاه دى مافيهاش نقاش لازم تصلى وبجد عليك بقيام الليل وانك تدعى هتلاقي أبواب كتتتير اوي اتفتحتلك ادعى وقوله يااارب انا تعبت صدقني هو اكتر حد يقدر يساعدك ويوصلك متيأسش بجد واستغفر ربنا هيفتحلك بدل الباب الف