Lightoo chan

كلام رائع

شكرًا ذكية

المقولتان مختلفتان؛ واحدة عن الذي يؤلمك والأخرى عن المكان أو البيئة التي سببت لك الألم!

العفو على ايه ربنا يسعدك وماتقلقيش من حاجة وانسي فكرة إنك بتتعلقي بالحاجات بسهولة، تقبلي فكرة الفقد عشان الظروف بتتغير وحاولي أي حاجة ركنتيها عشان مش عايزة ترميها تتخلصي منها دلوقتي على طول هتتعودي على دا وكمان الكركبة مش حلوة لنفسيتك خليكي مرتبة أكتر. وانتي لسا صغيرة وهتقابلي ناس كتيرة حاولي تكوني صداقة جميلة واتجمعوا مع بعض وصاحبي مامتك واتكلمي معاها كتير وأي مشكلة تقابلك حاولي تحكيها لمامتك هي اللي هتعرف تنصحك عشان هي الوحيدة اللي بتحبك أكتر من أي حد في حياتك.

لو السلسلة دي سلسلة هاري بوتر عايزة أقولك إن ناس كتيرة زيك زعلوا لما اتفرجوا عليها وخلصت، بس عادي متقبلين الفكرة دي هي بتزعل عشان السلسلة كانت عن ٣ أصحاب اتقابلوا بالصدفة وبقوا أعز أصدقاء ومروا بمشاعر حب وصداقة وحزن وفرح وحصلهم مشاكل وكل سلسلة بيقدروا يحلوها مع بعض وفي الآخر بيتجوزوا ويخلفوا وبس القصة خلصت. القصة دي زي حياتنا بالظبط يبقى مانزعلش عشان دي الطبيعة اللي كلنا بنعيشها وهنعيشها. أنصحك إنك تشوفي حلقة ال reunion بتاعتهم لما صوروها بعد ما مر عليهم ٢٠ سنة واتقابلوا حلقة جميلة إنك تقابلي صديقة عمرك من زمان وفي نفس الوقت هتزعلي إنهم مجرد ممثلين بس دا يخليكي تقولي إنهم شاطرين في تمثيلهم. أنصحك كمان إنك تبحثي عن الشخصيات اللي بتحبيها فيهم وتقرأي عن حياة كل واحد بيعمل ايه في حياته متزوج أو لا ايه إنجازاتهم. وكمان شوفي الكواليس ومش غلط إنك تكرريها بالعكس فيه ناس شافتها أكتر من ٢٠ مرة بس على مدى طويل من عمرهم يعني ماتضيعيش وقتك عليها عيديها تاني في إجازة نصف السنة اللي جاية بحيث يكون مر وقت كفاية إنك تنسي الأحداث شوية. وأنصحك كمان تستغلي حبك ليها بإنك تتفرجي عليها كتعليم للإنجليزية احفظي الكلمات الجديدة وانطقي زي نطقهم للكلمات ومع الوقت لما تكبري هتتفرجي وانتي مش بتبصي للترجمة وهتبقي استفدتي منها.