نانسي هشام

اعتقد ان التعلم من الخسارة أفضل من الندم لو حاجة فاتتني مش هتعرف تتعلم الصح غير لما تغلط الدنيا تجارب متخافش ❤️

ما تعقبهاش لو جتلك تحكيلك علي مشكلة او غلطه هي عملتها استقبل مشكلتها باحتواء وهديها وحاول تشوف حلول معاها وقولها إنك دايما في ضهرها وتعودها تاخد رائيك وتحكيلك وتحاول تخليها تختار ويكون عندها رائي وتشارك برأيها في بعض أمور البيت ويتنفذ ، قولها كلام حلو وعزز ثقتها بنفسها متخليهاش تحتاج حضن من برا ولا كلام حلو من برا

أتكلم عن نفسك ومع نفسك بشكل ايجابي ،هون علي نفسك الأخطاء وحاول تصلحها ،قارن نفسك بنفسك وتطور منها حب نفسك وارضي الله بس ما تتوقعش ان كل اللي حوليك هيحبوك مهما عملت الملايكة بيكرهوها الشياطين حتي

اللي مريتي بيه مكنش طبيعي للأسف واكيد نفسيتك اتأثرت بشكل كبير بسبب اللي حصل وعشان تقدري تتعايشي مع الذكريات دي لازم علاج نفسي مع مختص اتمني ربنا يكرمك ويعوضك كل خير يارب ❤

انا متفهمة جدا مشاعرك والغضب اللي جواك لكن اعرف ان انتقامك الوحيد هو إنك تشتغل علي نفسك وتتعافي وتحاول تبدأ من جديد واهم حاجه العلاج النفسي الانتقام منهم هيخلي الدايره تكبر وهيحولك لشخص سئ جدا انت محتاج تنقذ نفسك لأن للأسف محدش هيصدقك وانك تعالج الغلط بغلط أكبر ده مش صح لازم تروح لمختص نفسي ما تتكسفش ولو حابب اساعدك انا مستعدة جدا

أولا اهلا بيكي.. ثانيا بصفتي اخصائية نفسية فا انا شايفة من وجه نظري ان مشكلتك مش في الفلوس اعتقد في سوء الإدارة او إتخاذ قرارت غير سلسة وكمان مشكلة في الرضا والتكيف مع الأمر الواقع أنا مش ضدك بالعكس معاكي لكن انصحك تتابعي مع متخصص نفسي يدربك علي تحمل الأزمات واتخاذ القرارات السليمة عشان تعرفي تديري شغلك وفلوسك وحياتك الأسرية بشكل سليم.. والموت كده كده جاي ما تستعجليش وكل من عليها فان.. كلنا هنموت مش مهم هنموت أمتي المهم ما نموتش وإحنا لسه عايشين الحياة فيها حاجات كتير حلوة رغم قسوتها متخافيش

وعليكم السلام ورحمة الله وبركاته.. مش عيزاكي تقلقي من ناحية الحجاب فا ادعي ربنا يرزقها الهدي وتاخد القرار من ناحية الخلفة فا اللي بيخلي بعض أفكارها غريبة بالنسبة لحضرتك إنها بتفكر بمنطق غير مناسب للفطرة وان اي بنت بفطرتها تحب الإنجاب جايز يكون عندها مخاوف من الحمل والولادة ومخاوف من الزواج نفسه عشان كده بترفض او بتفكر بطريقة غريبة جايز مفتقدة الحب الحقيقي ويمكن بتفكر بطريقة سلبية عشان اللي بتشوفه من مشكلات الزواج وحالات الطلاق المنتشرة في مجتمعنا حاليا حاولي تفهمي مخاوفها وانصحيها إنها ما تعممش التجارب السيئة عليها وان لو فيه حالات كتير فاشلة شافتها تتعلم من اخطائهم وتحاول تاخد الأمور بشكل إيجابي.. الاحتواء والتفاهم يحل أي مشكلة ما تعارضيش أفكارها لأنها هتعند معاكي افهمي أفكارها الأول وبدلي الأفكار السلبية بإيجابية

اهلا وسهلا بحضرتك تقدر تشرفني في المركز للتواصل 01558337545

يبقي لازم تتابع مع متخصص

أولا الف سلامه عليكي الأمراض دي بسيطة جدا وحتي في سن صغير امنعي بس السكر والنشويات وهتبقي كويسة جدا خلال شهر ثانيا بالنسبة للمذاكرة اقرائي الدرس سريعا وحلي أسئلة عليه اكتبيها وانتي بتحلي فا هتنجزي أسرع ثالثا وده الاهم أمراض المعدة والقولون سببها التوتر في المقام الأول فا حاولي تهدي وبلاش تكبري المواضيع علي نفسك بالنجاح والتوفيق يارب

طول ما عندك النية والإرادة وبتسعي ربنا هيساعدك وهيكون جنبك وهيغفرلك كل اللي فات ابتدي صلى تاني واستغفر كتير وتصدق وانا مستعدة اقف جنبك وبما إنك طالب هعملك خصم على الجلسات الاونلاين او العادية لو حابب تيجي ووعد هتبقي شخص تاني في 6 شهور بس اذا انت ناوي فعلا وملتزم

قبل أي حاجة اسئلي نفسك الأسئلة دي.. هل خوفك من الخيانة هيمنع حدوثها ؟ هل عندك دليل علي خيانته ؟ هل مرقبتك له هتفيد؟ هل هتفرق ان عرفتي خيانته بدري تو متأخر شوية؟ انا بس عايزة اوضحلك إن الشك عمره ما هيوصل لنتيجة وانك ممكن تضيعي سنين من عمرك في حزن بسببها وان حتي شكك فيه مش هيمنعه من الخيانة مهما اخدتي كل احتياطاتك سبيها علي ربنا لإنه وارد جدا يخونكيش أصلا واعرفي ان احسساك بالشك للأسف نابع من إحساسك بالضعف او إنك ما تستحقيش حياة هادية حاولي تهتمي بثقتك بنفسك وتقديرك لذاتك أتمنى لك حياة زوجية سعيدة يارب

اولا احب أوضح إني ضد العنف أيا كانت أسبابه لكن فيه سبب وراء العنف وفيه سبب وراء استحمال والدتك للوضع ده ولكن حاولي ما تخلطتيش بين علاقته بيكي كأب وبين علاقته بوالدتك ما تكرهوش يمكن هو كزوج سئ لكن وارد يكون أب صالح وحاولي تقنعي والدتك إنها تدخل وسيط لحل الخلافات بينهم

يبقي خد خطوة العلاج النفسي عشان تقدر تعيش حياتك بشكل أفضل ما تتردش

اتمني تحضر جلسات إرشاد نفسي وتشارك الأخصائي النفسي كل احاسيسك عشان تقدر تتخلص منها وطبعا يشرفني اساعدك اذا حبيت

الدين هو الدرع الواقي ضد رصاص المشاكل النفسية و الدنيوية ولكن إذا فعلا اتصبت برصاصة؟ يبقي واجب العلاج ربنا قال لكل داء دواء فا لازم وضروري تروح لمتخصص مع الحرص إنك تقوي الدرع الديني حياتك مهمة وتستاهل تعيشها برغم من كل شئ مش كويس ما تترددش روح لمختص نفسي ومتاح تبعتلي اي وقت

اهلا بيكي أولا لازم تتخلصي من العادة السرية في أقرب وقت حاولي تمنعي الكلام او الاندماج في أحاديث جنسية ابعدي عن كل شء يثير الحالة الجنسية وقللي عدد الممارسات لحد ما تقل لأقصى عدد ممكن وبالنسبة للترهلات هي طبيعية مع تقدم السن والضغط الزيادة عليهم حاولي تمارسي رياضة لشد الترهلات بانتطام ومع تقليل العادة السرية في خلال 6 شهور هتلاحظي التحسن

الختان للأسف بيأثر علي الصحة النفسية للبنت وبيكون ليها صدمة خصوصاً لو تمت العملية في سن كبير قا بيكون البنت عندها رهبه وخوف من مجرد لمس المنطقة دي لكن البرود او المشاكل الجنسية بتكون مجرد خوف نفسي لكن علميا مش هيأثر وهي عمليه ملهاش اي اساس من الصحة والأهم من ده إن لو خطيبتك علي دين وخلق ونسب وفيه بينكم مودة ارجوك اوعي تسيبها هتندم معرفتك انها مختنه او لأ مش هيفيدك بحاجة خليك زوج صالح واتكلموا في الموضوع ده بعد كتب الكتاب او قبل الدخلة واذا مختنة او لأ حاول تطمنها وتفهمها ان التواصل الجنسي ده نعمة بين الزوجين والطرفين لازم يكونوا سعداء و لا تقلق مع الاطمئنان والراحة النفسية و المداعبات ومشاركتها في التعبير عن رغباتها ومحاولة تنفذها واحتوائها وكمان مشاركتها رغباتك وتفهمها بلطف مش هيكون فيه برود ولا تشنجات ولا أي مشاكل نهائي وللعلم البرود أو الفوبيا من الجنس مش مقتصرة علي المخنتات بس ممكن أي بنت عادية تصاب بيه

بالتوفيق بإذن الله ❤️

اهلا بيك ومبروك إنك الحمدلله تعافيت من إدمان المخدرات وما يتبعها وأسئل الله أن يغفر لك ويثبتك علي الخير والطاعة لكن يمكن نظرات الاحتقار دي مجرد إحساس بالذنب ناتج عن تفكيرك السلبي وانك مش قادر تغفر لنفسك الخطأ ده وارد يكون ان 90٪ من الناس اللي حواليك نسيوا الموضوع اصلا فا المشكلة هنا انك انت اللي مش قادر تسامح نفسك ولا قادر تشوفها كويسة عشان كده لازم تتابع مع مختص نفسي هيساعدك تفهم مشكلتك بشكل أفضل وهتخرج من أعراض الإكتئاب

انا فاهمة قصدك اكيد انت محتاج علاج معرفي سلوكي + العلاج الدوائي احيانا بيكون الدوا له اثار جانبية لكن مع التعود هتقل وهترتاح جدا طبعا مع جلسات الإرشاد النفسي هتتحسن بسرعة وجرب آكتر من دكتور لحد ما ترتاح اهم حاجه ما تبطلش تسعي انك تكون كويس وحلو جدا إن والدتك متفهنة الأمر وهتساعدك

اهلا بيكي لازم يكون البيت هادي والنور مطفي قبل النوم بساعتين ونبعد عن الموبيل والتليفزيون قبل النوم بساعتين وحتي لو شغلنا قرآن يكون في غرفة تانية الشكولاته والحلويات والعصائر والفاكهة تتمنع من بعد 5 المغرب العشا يكون صحي لازم تعمل رياضة رقص لعب او اي شئ بشكل يومي الحركة مهمة جدا للطفل عشان نومه

انت مش سعيد بافكارك إنت بس لما بتطاوع عقلك في التفكير فيها بتحس ان قلقك أقل وطبعا الافكار دي خطر علي صحتك النفسية و العقلية وارجو إنك تهتم بصحتك وتتابع مع مختص في أقرب وقت عشان مستقبلك وراحتك النفسية أهم الحياة حلوة رغم متاعبها والناس وجودها مهم رغم اختلافتنا ومشاكلهم

علاقتك بوالدك ممكن تكون مهزوزة وده بيولد رغبة في إنك تندمجي عاطفيا في خيالك مع شخص أكبر منك فا حاولي انك تصلحي علاقتك بوالدك وتعملي علاقات جديدة صحية في إطار طبيعي وغير محرم لأن الوحدة بتزود أحلام اليقظة ولو فشلتي حاولي تتابعي مع متخصص نفسي يساعدك

اهلا بيكي شكرا إنك بتحاولي تسئلي وبتحاولي تطمني وكونك حاسة بالذنب فا ده بيبين إنك شخصية محترمه كا اخصائية نفسية حبا اقولك ان ده إفراط في أحلام اليقظة ودي حاجه طبيعية في سن المراهقة بيستخدمها عقلك بشكل تلقائي لكن الإفراط فيها بيسيب الدخول في الإكتئاب وبالنسبة لمشكلتك انتي محتاجة تشوفي علاقتك بوالدك

وعليكم السلام ورحمة الله وبركاته ده من أعراض القلق العام لكن للأسف عندك بدرجة كبيرة وواضح من كلامك انك بتعاني والتفكير المفرط ده بيأثر علي حياتك لازم تتوجه إنك تروح لمختص عشان يحدد سبب التفكير المفرط ده وهل هو بسبب القلق العام او اضطراب تاني واتمني إنك تفكر في صحتك النفسية وتسعي إنك تغيرها للأفضل

حب النفس فقط احيانا بيكون غير كافي للوصول لصحة نفسية لو الافكار دي متكررة بشكل مستمر علي فترات قريبة يمكن تكون نوع من أنواع الوسواس القهري او يمكن إضطراب معين في الشخصية فا لازم تروح لمختص لتحديد المشكلة واعرف إن حياتك مهمة وانك لازم تسعي للتغير