Eman Ebrahem

بتحس انك مشتت وتركيزك مش قوي 😔 تعالى اقولك التشتت وعدم التركيز ده سببه ايه👌 احيانا بيمر عليك خلال يومك احداث وتفاصيل وطبعا مع الضغوط اليوميه ممكن تسبب ليك تشتت ذهني وكمان لو في موقف معين شاغل تفكيرك هتكون مش قادر تركز في أي task تانيه. خلي بالك أن الإجهاد الشديد-الجوع - ضغوط الشغل أو عمل اكتر من task - قلة النوم - اكل سكريات كتير - القلق- التوتر والتفكير في موقف أو شخص معين أو حاجه مديئاك ....) كل دي اسباب كفيلة تخليك مشتت وتركيزك مش قوي عدم التركيز ده ممكن يسبب ليك مشاكل وأخطاء في شغلك وتعاملاتك الحياتية. طب ايه الحل؟🤔 ممكن تحاول انك تغير من نمط روتين يومك وتعمل حاجات جديده او مختلفه ده هيساعد جدا أن التشتت يقل بالتدريج وكمان بتقدر تركز في الحاجات الجديدة اللي بتعملها👌 حاول تتبع نظام غذائي صحي من خضروات🍅 وفاكهة 🍇 هيساعدك بجد على أن نسبة تركيزك تكون عاليه لازم ترتاح وتنام كويس جدا لان عدم النوم بشكل كافي ده هيزود من عدم الإنتباه وقلة التركيز وطبعا الرياضه مهمه جدا لانها بتقليل التوتر وبيساعدك انك تجدد نشاطك باستمرار وتتخلص من اي افكار أو طاقه سلبيه💪

في البداية كده.البقاء لله وربنا يجعله في مكانه عاليه أن شاء الله اكيد الوفاة أثرت عليكي بشكل كبير جدا سواء في نمط حياتك أو نفسيا .حاولي تتقبلي الوضع لانه واقع ولازم تتعاملي على الأساس ده .فكري انك الكبيرة يعني عليكي مسئوليه كبيره ولازم تفهمي أن بباكي عايش فيكي وفي اخواتك .حاولي تكملي الحاجات اللي كان بيعملها .ساعدي اخواتك لانك بالنسبة ليهم مصدر قوة.فرغي طاقتك في حاجه بترتاحي فيها .حاولي تتكلمي مع صديقه مقربه اكيد هيفرق معاكى جدا.اكتبي كل حاجه جواكي وبتحسي بيها الكتابه هتساعدك تتخلصي من اي افكار ممكن تأثر عليكي. لو في مجال شغل ممكن تنضمي ليه حاولي تبدأي فيه . وبالنسبة لاقاربك حاولي تتكلمي معاهم بهدوء وتوصلي ليهم الوضع الأنسب ليكم ايه وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

في البداية كده. اكيد الظروف اللي مريتي بيها سابت اثر سلبي وأثرت على نفسيتك جدا . حاولي تتفهمي أن مش كل البشر بنفس الطريقه والتعامل واكيد والدك ووالدتك مروا بمراحل ومواقف كتير وصلتهم للمرحله دي . خليكي جنب والدتك وساعديها وادعميها اكيد هي محتجاكي في المرحلة دي وكمان خليكي على تواصل مع والدك ومتبعديش عنه. حاولي تتعاملي مع الوضع وتتفهمي أنه واقع لازم تتعاملي معاه .فساعدي نفسك انك تخرجي من الحاله دي ومتستسلميش ليها لأن الموضوع ممكن يزداد صعوبة معاكي ويأثر عليكي في تعاملاتك وحياتك عموما لو ليكي صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا وهيساعدك انك تتخطى اي مرحله صعبه في حياتك اكتبي دايما كل اللى جواكى واللى بتحسي بيه ده هيخفف عنك كتير حاولي تفتكري ايه الحاجات اللي بتحبي تعمليها وارجعي اعمليها تاني وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

في البداية كده.فكرة انك عايزه تغيري من وضعك وتساعدي نفسك دي حاجه تميزك وجميله جدا فيكي ممكن تكوني مريتي بفترة صعبه شويه أثرت عليكي نفسيا بشكل كبير. ابدأي انك تكتبي كل حاجه جواكي وواجهي نفسك بالعقبات اللي واقفه معاكي أو اللي وقفتك مكانك وازاي ممكن تتعاملي معاها غيري من روتين يومك واعملي عادات جديده ومختلفة فكري في الحاجات اللي بتحبيها وبتستمتعي بيها وارجعي اعمليها تاني اعملي جدول بالمذاكره ونظمي وقتك وحددي أولوياتك هيفرق معاكي جدا وافتكرى دايما أن الدعم النفسي مهم جدا وهيساعدك انك تتخطى اي مرحله صعبه في حياتك ولو ليكي صديقه مقربه أو لايف كوتش اتكلمى باستمرار معاهم وشاركيهم افكارك لأن ده هيفرق معاكى جدا

تعرف ايه عن الذكاء العاطفي؟ 🤔 اوقات كتير بيمر على سمعك مصطلحات ممكن تبان ليك صعبه ومش مفهومه لكن لما بتتعرف عليها وتتعمق فيها الموضوع بيكون مختلف زي مثلا ( الذكاء العاطفي) ممكن يكون جديد عليك شوية لكن انت عارفه كويس جدا. الذكاء العاطفي هو انك تقدر تفهم نفسك ومشاعرك وانفعالاتك بجد وتقدر كمان تتعامل معها بشكل ايجابي ومنطقي وكمان تواجه التحديات والصعوبات اللي بتكون حواليك دايما . الذكاء العاطفي بيساعدك تاخد قرارات صحيحة فى حياتك بشكل عام وكمان بتقدر تبني علاقات قوية ومناسبة ليك ده كمان بيساعدك جدا فى حياتك المهنية انك تتطور فيها ويكون ليك مكانه متقدمة، وبيحسن حالتك النفسية جدا👌،وبتقدر تتعامل مع شريك حياتك بشكل فعال وإيجابي😊 طب لو حد عنده ميزة الذكاء العاطفي اعرفه ازاي؟ 🤔 تعالى اقولك تعرف ازاي.👌 الشخص اللي بيمتلك ميزة الذكاء العاطفي ده بيكون عنده كاريزما،منصت بشكل عالي جدا ، ايجابي جدا ، عنده مقدرة يبادر بحلول مباشرة لاي مشكلة ، محفز جدا بيقدر يتحكم في نفسه وقت الغضب ، بيجتمع الاخرين على احترامه عنده ايثار عالي ، يهتم بذاته ، لابق في الكلام وبيختار كلماته بعناية فعلا من يمتلك ميزة الذكاء العاطفي فهو مميز جدا🌹 🌟 وافتكر دايما أن الدعم النفسي مهم جدا وهيساعدك انك تفهم اللى جواك وتغير نمط افكارك ومشاعرك بطريقه ايجابيه وكمان تقدر تحدد هدفك وتعرف ازاي ممكن تحققه.

في البداية كده انتي شخصية هادية وجميلة وبما انك هادية فطبيعي تكون تفاعلاتك متكونش كتير اوي . لكن خليني اقولك أن تفاعلك مهم جدا ليكي يعني مثلا لو في تجمع وكلام حاولي تتفاعلي حتي في النطاق اللي بيريحك يعني موضوع معين بتحبي تتكلمي فيه شخص معين بتحبي تتكلمي معاه المهم دايما تكوني على تواصل حتى لو بسيط المهم يكون في تفاعل وتواصل. وسائل كتير ممكن تتواصلي بيها مش شرط حاجه معينه او طريقه معينه المهم تتواصلي وبالطريقة اللي ترتاحي فيها التواصل والتفاعل عناصر مهمه جدا في حياتك فحافظي عليها ونميها وده هيساعدك تتقربي من اصدقائك وكمان تكوني قريبه من عيلتك اكتر وهيفرق معاكي جدا في حياتك وشخصيتك🌷

في البداية كده.ممكن والدك يكون بيمر بظروف صعبه شويه ممكن تكون مأثرة عليه نفسيا وده اللي مسبب حالة الضيق والعصبية اللي ظاهرة عليه. حاولي تتقربي منه الاول متتكلميش عن نفسك حاولي تسمعيه اكتر حاولي تتقربي منه وتفهمي براحه ايه اللي موصله للحاله والطريقة دي . الموضوع ده مش بيكون وليد اللحظه لازم تراكمات أو مواقف وتصرفات سلبيه وصلته لكده. ابدأي بالكلام معاه لانه اكيد محتاج يتكلم ، شاركيه الحاجات اللي بيحبها ده هيفرق في العلاقه بينكم جدا ووصلي ليه أنه اهم حد في حياتك وانك محتجاله و محتاجه دايما تتكلمي معاه اتكلمي مع اخواتك وحاولوا تشتركوا في عمل أو حاجه هو بيحبه واعملوه ليه .كل ما اتقربتي اكتر كل ما الموضوع مسافاته قربت ووجهات النظر وضحت وقدرتوا تفهموا بعض. وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

عارف معنى العلاقة السطحية ايه ؟🤔 تعالى اقولك معناها ايه👌 هي علاقه بتبدأ وتنتهي عند التعارف الشخصي بس. في بعض الناس تعتقد أن العلاقة السطحية ملهاش فايدة للشخص ومش بناءة. طب خليني اقولك أن العلاقة السطحية دي افضل العلاقات لأنها بتعلمنا حاجات كتير جدا ومنها 👌 💪عدم التدخل فى خصوصية الآخر ، مفيش حد ممكن يتدخل في خصوصياتك أو يتطفل على حياتك الشخصية بحجة أنه خايف عليك وعايز مصلحتك😉 مش بيكون في أي مسؤولية عليك تجاه الشخص اللي بتتعامل معاه لأن دي علاقه حره مش مقيد بتقديم خدمة أو انك تاخد مقابل من حد. 👌 لما بتكون في العلاقة دى مش بتخاف انك تكون صداقات وعلاقات جديده لأنها بتكون مفيهاش اي تداخل بالتالي بتكون مريحة جدا لجميع الأطراف ومنها هتقدر تكتسب خبرات كتيره جدا. بتقدر كمان تتحكم في العلاقه سواء تكمل أو توقف على عكس العلاقات العميقة أما على المستوى العاطفي فنوع العلاقه ده بيكون درع واقي ليك لأن بيكون ليه حرية الاختيار سواء يدخل / يكمل في العلاقه أو لاء. العلاقه السطحية مش بتكون مضطر انك تضيع وقت كبير علشان حد معين إنما ممكن تنتهي بتواجدك مع الشخص في نفس المجال أو انتهاء المصلحة. العلاقات السطحية بديل مهم جدا بيحميك من علاقات ممكن تكون غير متوافقه معاك وبيساعدك انك تعيش في حياة هادئة وصحيه ومتوازنة 🌟 وافتكر دايما أن الدعم النفسي مهم جدا لانه هيساعدك انك تفهم كل اللي جواك وتغير نمط افكارك ومشاعرك بطريقه ايجابيه وكمان تقدر تحدد هدفك وتعرف ازاي ممكن تحققه🤍

تعرف ايه عن الاحتراق النفسي🤔 اوقات كتير بتعدي عليك بتحس فيها انك متوتر وتعبان بسبب الضغوط اللي بتمر بيها و نفسيتك مش قادرة تتحملها ولا قادرة تتعايش ولا تتعامل معاها ممكن الاحساس ده يكبر شويه وتحس بعدم تقدير ذاتك وان عندك تبلد فى المشاعر، مش قادر تهتم بشغلك زي الاول وضيف على اللي فات انك ممكن تدخل فى مرحلة اكتئاب تأثر على كل جوانب حياتك. الحالة دي مش بتكون وليدة اللحظة ده انت بتمر بمراحل كتير علشان توصل للاحتراق النفسي ده. طب خلينا متفقين أن كل موقف أو حالة صعبة بتمر بيها اكيد ليها اكتر من حل💪 تعالى بقى اقولك ممكن نعمل ايه لو حسيت انك في بداية الاحتراق النفسي👌 في البداية كده لازم. تكون علاقتك بربنا قويه لأن دي بداية كل مسار ناجح في حياتك. حاول تخلي افكارك ايجابيه وتفكر في اللحظة اللي انت فيها وازاي ممكن تتخطى الوضع ده في اقرب وقت. ابدأ روتين يومي جديد ومختلف وتعيد ترتيب أولوياتك من جديد، أما ممارسة الرياضة فدي بتساعد جدا في تخفيف الضغط العصبي اللي بتمر بيه، متنساش انك تكتب كل اللي جواك باستمرار ده هيفرق معاك كتير جدا. حاول تحصر كل اللي ممكن يكون مسببلك ضغط نفسي وتبدأ تشتغل عليه علشان تقدر تخفف الضغط من عليك 🌟 وافتكر دايما أن الدعم النفسي مهم جدا لانه هيساعدك انك تفهم كل اللي جواك اكتر وكمان تغير نمط افكارك السلبية علشان تقدر تكمل مشوارك وتحدد هدفك وتعرف ازاي ممكن تحققه.

كتير بيجي عليك وقت بتكون حاسس انك مش قادر تعمل task معينه وحاسس أنها تقيله عليك وده طبعا سواء فى شغلك أو في روتين يومك . ولو انت ملزم بيها بتحس وقتها أن طاقتك zero ومش قادر تكمل وممكن وقتها تحس بشعور الضيق وفقدان الشغف، وكل اللي انت حاسس بيه ده مش هيكون لوقت معين لاء ده هيأثر عليك فى كل جوانب حياتك لو استسلمت ليه. طب ممكن تعمل ايه في الحالة دي؟ في البداية كده لازم تفهم انت ليه مش عايز تشتغل على task دى، لو الموضوع في ملل بالنسبة ليك حاول تسهلها على نفسك وممكن تعمل حاجه بتحبها وانت شغال عليها هيفرق معاك جدا وهتلاقي نفسك أنجزتها . جزئها إلى خطوات بسيطة تشتغل عليها براحه لحد ما تكتمل دايما حفز نفسك بأفكار جديدة وايجابيه وخليك واثق من نفسك وان اي خطأ انت بتتعلم منه. ومتنساش أن تنظيم الوقت عليه عامل كبير في نجاحك واستقرارك في أي حاجه ممكن تعملها 🌟 الدعم النفسي مهم جدا لانه هيساعدك انك تتخلص من الأفكار السلبيه اللي جواك وهتقدر تكمل طريقك وتحدد هدفك وهتعرف ازاي ممكن تحققه وافتكر مهما كان العقبات والتحديات اللى بتوجهك ثقتك بنفسك وارادتك القويه هتكون عامل مهم وكبير جدا في حياتك علشان تقدر تثبت نفسك وتحقق هدفك. المهم تكمل 🩷

فى البداية كده. فكرة انك تبحث عن الكمال دى صعبه جدا لأن ببساطه كل واحد فينا بيكون ناقصه حاجه لان صفة الكمال لله سبحانه وتعالى. انت اتجمعت فيك صفات كتير جميله وممكن ده خلاك للحظه تحس انك احسن من ناس كتير فممكن طريقه معملتك للناس اتغيرت شويه ومن هنا بدأت حياتك تتغير شويه . خليك مقتنع أن فكرة الكمال دى صعب ان بشر يوصل لها وانك فيك مميزات كتير تقدر ترجعها تاني. حاول تتقرب من ربنا لان دى بدايه كل طريق ناجح ومستقر افتكر انت كنت بتعمل ايه وارجع اشتغل عليه تاني ده هيفرق معاك جدا اكتب دايما كل اللى جواك واللى بتحس بيه هيفرق معاك كتير لو ليك صديق مقرب أو لايف كوتش اتكلم معاهم وشاركهم افكارك ومشاعرك لأن الدعم النفسى مهم جدا وافتكر أن ربنا معاك في كل خطواتك وبيساعدك وانك قوى وهتقدر 🌷

عارف يعني ايه ( المناعة النفسية )💪💪 يعنى ان يكون عندك مرونة فى تعاملاتك وانك تقدر تتكيف مع الضغوط النفسية والاجتماعية المحيطة بيك من غير ما تأثر على حالتك النفسية لأنها طول ما هي ضعيفة هتحس بالحزن أو الاكتئاب ،صعوبة في التواصل مع الاخرين،تقديرك لنفسك بيكون قليل جدا،سرعة انفعالك بتكون واضحة وبتفقد السيطرة علي النفس . اكيد دلوقت بتسألني ازاى ممكن ادعم المناعة النفسية واقويها ؟🤔 تعالى اقولك ازاي 👌 حاول تغير طريقة تفكيرك وتخلي تفكيرك إيجابي ، حاول تتحكم فى انفعالك وركز على حل المشكلة وانك تكون أكثر هدوء علشان تقدر توصل لحل مناسب ... حاجات كتير ممكن تعملها المهم انك لازم تعرف أن المناعة النفسية مهمه جدا جدا زى المناعة الجسدية بالظبط لأنها بتحميك من الاضطرابات والصدمات النفسية ، ولازم تكون عارف ان كتير من الأمراض العضوية سببها برضوا تعرضك لاضطرابات وتوتر نفسي 👌خلي بالك كل ما اهتمت بمناعتك النفسية قلت إصابتك بالأمراض والاضطرابات والصدمات النفسية وكمان هتحمي جسدك من أمراض محتملة 🌟بفكرك أن الدعم النفسي مهم جدا لانه هيساعدك انك تتخلص من الأفكار السلبيه اللي جواك وتقدر تقوي مناعتك النفسية وكمان تقدر تكمل مشوارك وتحقق هدفك👌

فى البداية كده ، احساس نوبات الهلع مزعجة جدا وفعلا ليها تأثير كبير على الإنسان حاولي لما تحسي بالاعراض دى متركزيش معاها شتتي انتباهك بأي حاجه زى مثلا تمسكي مكعب ثلج ، احسبي عمليه حسابيه كبيرة ، لو في حد معاكي خليه يكلمك فى اى موضوع وحاولي تتجاوبي معاه أو يسألك اسأله وتجاوبي عليه... الاحساس ده بالتدريج هيقل بس لازم تقاومي ومتستسلميش فكوني صبورة وقويه متقلقيش المهم لازم تقاومي الاحساس ده ممكن كمان يكون معاكى طبيب نفسى هيقدر يساعدك جدا فى المرحلة دى

فكرة انك بتقاومي الحالة دى ف دي خطوة مهمه جدا كتير مننا مر بالموضوع ده بس في اللي قدر يثبت نفسه ويتغلب على الموقف وفي اللي وقف مكانه واستسلم. ابدأي انك تقوي علاقتك بربنا لأنها بدايه كل طريق ناجح نظمي وقتك ورتبي أولوياتك وجزئي اي حاجه تحسي انها صعبة عليكي ده هيفرق معاكى جدا اعملي جدول لترتيب يومك واختاري مكان بترتاحي في المذاكرة فيه وخليه مكانك المفضل للمذاكرة كل ما تنجزي مهمه كافئي نفسك ، وكل ما تحسي انك بترجعي عن حماسك افتكري انتي هدفك ايه وانك لازم تجتهدي علشان توصلى لهدفك وتثبتي نفسك خلي تفكيرك إيجابي واي فكرة سلبيه شتتي انتباهك عنها افتكري أن البداية من عندك لأن الموضوع محتاج صبر وإرادة قويه وإصرار لأن ده مستقبلك وكل خطوة بتعمليها بتثبتي نفسك وبترسمي ملامح مستقبلك هيكون ايه. وزى ما قولتلك البداية من عندك فكوني قدها

فى البداية كده.انا بأيدك جدا فى موقفك وانك حاولتي تعملي حدود بينك وبينه ودى خطوة مهمه جدا ابدأي انك تتجهليه بمعنى متظهريش ضيقتك منه وتعاملي على أنه مش موجود اصلا. حاولي تتجنبي التواجد في وقت تواجده وإذا لازم الأمر انك لازم تكوني موجودة حاولي تعملي حاجه في الوقت ده تشتت انتبهك عن اللي بيقوله زي مثلا تمسكي الفون ، خلي كلامك مع القريبين منك فقط وتجهليه تماما ومع الوقت هيلاقي أن اللي بيعمله مفيش رد فعل منك فهيبدأ يبعد اتكلمي مع مامتك وفهميها الوضع ايه وإذا استلزم الأمر كلمي اختك لأن اكيد موقفها معاه هيفرق جدا حاولي تعودي نفسك انك تكوني قوية وهادية وتتحكمي في الموقف وتشتتي انتباهك عن أي افكار أو تصرفات ممكن تأثر عليكى وترهقك نفسيا

انا مقدرة جدا احساسك ده. بس حاولي انك تتكلمي مع والدك أنه يبعد عن الموضوع ده لأن الخسارة هتكون كبيرة ليه وليكم فحاولي بكل الطرق إقناعه وخليكي صبورة علشان الموضوع ده محتاج تفاهم وهدوء علشان تقدري توصلي لحل مناسب أما عن والدتك فكوني دايما معاها وجنبها وباره بيها وعلشان تخففي من الضغط النفسي عليكي حاولي تكتبي كل اللى جواكى واللى بتمري بيه ده هيخفف عنك كتير حاولي تفرغي طاقتك في حاجه بتحبيها زى الرياضه ،القراءه أو أى نشاط بتحبي تعمليه المهم متستسلميش لاحساسك ده لانه ممكن يأثر عليكي وعلى مستقبلك الدعم النفسى مهم جدا علشان كده حاولى تتكلمى مع صديقتك المقربة أو لايف كوتش اتكلمى باستمرار معاهم وشاركيهم افكارك ومشاعرك ده هيفرق معاكى جدا

فى البداية كده.من الواضح انك شخصية ذكيه وطموح ان يكون ليك مجالك وحابب تطور نفسك دى حاجة مميزه وجميله جدا، لكن ممكن الظروف المحيطة بيك مش مساعداك تعمل ده الموضوع محتاج منك صبر وإرادة قويه علشان تقدر توصل لهدفك حاول دايما تكتب كل اللى جواك واللى نفسك تحققه وايه اللي ممكن يوقفك وازاي ممكن تتغلب عليه لو حسيت انك بترجع عن هدفك فكر نفسك دايما أن ده هدفك اللى لازم تحققه علشان تقدر تثبت نفسك وتوصل لنفسك فيه حاول انك تواجه أي فكرة جواك او سؤال سلبي بتفكير إيجابي زى مثلا انت مش هتقدر تكمل ؟ ايه اللي محتاجه علشان اكمل؟ دايما خلي كلامك وأفكارك تكون بشكل إيجابي ، كل ما تحقق إنجاز اكتبه وكافئ نفسك عليه لانك تستحق ده لو ليك صديق مقرب أو لايف كوتش اتكلم معاهم وشاركهم افكارك ومشاعرك لأن ده هيفرق معاك كتير مشوارك محتاج منك عزيمة وإصرار فكن صبور وقدها

يعنى ايه الاحتراق الوظيفي🤔 كتير مننا ممكن يكون أول مرة يسمع عن مصطلح( الاحتراق الوظيفي ) بس عايزه اقولك أن معظمنا عايش فيه وحاسس بيه كمان. الاحتراق الوظيفي ده نوع من التوتر والضغط النفسي فى الشغل وده ليه اسباب كتير منها عدم الاهتمام والتقدير من رئيسك واللي معاك فى مجال العمل ،ضغط الشغل الزائد، احساسك بالاستنزاف فى العمل .... عوامل وأسباب كتير ممكن توصلك الحاله دي وبيكون النتيجة احساس بالارهاق البدني والنفسي وممكن كمان تحس أن ثقتك بنفسك قلت وانك مش قادر تكون بتأدي بنفس الكفاءة بتاعتك فى الشغل وانك توصل للمرحله دى بتكون عديت حاجات كتير منها : تركيزك الكامل في الشغل،اهمالك لاحتياجاتك الأساسية زى النوم والأكل ...، شعورك بالتوتر طول الوقت. حاجات كتير بتحس بيها بتوصلك بالتدريج للحالة دى. 💪 وهنا لازم تخرج من الحالة دى وتقاومها علشان تأثيرها عليك ممكن يسبب لك اكتئاب وتدخل فى مسار هيكون صعب وهيأثر عليك نفسيا جدا ده طبعا غير أنه هيخليك واقف مكانك وهتفقد شغفك تجاه كل حاجه حواليك😔 👌حاول تدي لنفسك مساحتها وتاخد وقتك في الراحة وكمان تحدد مع نفسك ايه اللي ممكن تحتاج تعمله الفترة الجاية . غير روتين يومك وابدأ اعمل حاجات مختلفه وجديده هتفرق معاك جدا اكتب دايما كل اللي جواك وايه اللي بتفكر فيه وحابب توصله ولو قدامك تحديات اكتبها واعرف ازاي ممكن تواجهها حاول تطور من نفسك دايما وشوف ايه المجال اللي محتاج تقوي نفسك فيه واشتغل عليه خلي عندك إرادة قوية وصبر علشان تقدر تكمل مشوارك وتحقق هدفك خلي تفكيرك إيجابي وفكر ازاي ممكن توصل وتثبت نفسك خلي فى حياتك صديق أو لايف كوتش لأن الدعم النفسى مهم جدا وهيساعدك انك تشاركهم افكارك ومشاعرك ده هيفرق معاك كتير انك ترتاح من الضغوط اللي حواليك ده مهم جدا لان ده هيساعدك انك متوقفش وتكمل 💪

فى البداية كده انفصال والديكي اثر عليكى نفسيا لدرجه كبيره فى المرحلة العمرية دى هتقابلك مواقف وهتحسي بمشاعر كتير وده لان دى فترة المراهقة فكل مشاعرنا وافعالنا بتكون مش واضحه ومتقلبه وبسبب الظروف اللي مريتي بيها بدأت افكارك تتجه انك تعوضي اللي افتقدتيه من خلال الارتباط. مبدأيا مشاعرك فى الفترة دى غير مستقرة ومش واضحة فحاولي انك تبعدي بالتدريج عن الشاب ده لأن اللى مفتقداه مع والدك صعب جدا تلاقيه فى علاقه زي دى ممكن تنتهى فى وقت قصير جدا انك تبعدي ده هيكون من خلال تشتيت انتباهك بأمور تانيه تبعد تفكيرك عنه حاولي تكونى صداقات جديدة وتتعاملى معاهم فكري انك تطوري نفسك وتدعميها وشوفي انتي محتاجه تقوي نفسك في ايه وابدأي شتتي افكارك عن الشخص ده وفكري ايه الحاجات اللى بتحبيها وبتلاقى نفسك فيها واعمليها تانى لو فى رياضه بتحبيها مارسيها هتفرق معاكى جدا وهتزود ثقتك بنفسك خلي بالك العلاقه دى مش هتساعدك بالعكس ممكن تأذيكي نفسيا وهتخليكي واقفه مكانك خليكي قويه وصبورة ولو جتلك الفرصة انك تتواصلى مع بباكي أو مامتك اعملي كده فكري في مستقبلك ودراستك وأنها اهم مرحلة الفترة دى تشغلي تفكيرك بيها

من الواضح أن الصدمات والمواقف اللي مريتي بيها أثرت عليكي نفسيا لدرجه كبيره فى البدايه كده حاولي تهوني علي نفسك انا مقدرة جدا كل اللى مريتي بيه لكن لازم تخرجى من الحالة دى لانك كده هتفضلي فى مكانك وحالتك النفسية هتسوء اكتر. حاولي انك تفكري بشكل ايجابي وشتتي انتباهك عن التفكير في اللي مريتي بيه لأنها دلوقت بالنسبة ليكي مراحل مريتي بيها وانتهت ،هي أثرت عليكى فعلا لكن اكيد فهمتي حاجات كتير منها واخدتي خبرة من كل اللي مريتي بيه ابدأي فكري فى هدفك اللي نفسك تحققيه وايه الصعوبات والتحديات اللى ممكن تقف قدامك وازاى ممكن تتحل. ابدأي انك تكتبى كل اللى جواكى باستمرار واللى بتحسى بيه ده هيفرق معاكى كتير حاولي تغيري روتين يومك وفكري انك تعملي حاجات جديده ومختلفه حاولى تفكري ازاي ممكن تطوري نفسك وايه المجال اللي محتاجه تقوي نفسك فيه. حاولي تنضمى لتجمع اصدقاء أو عائلى واتكلمى معاهم وشاركهم الحوار والنقاش هيفرق معاكي كتير الدعم النفسي مهم جدا علشان كده لو فى صديقه مقربه أو لايف كوتش اتكلمى باستمرار معاهم وشاركيهم افكارك ومشاعرك وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

من الواضح أن والدتك باره بوالدتها ودى صفه رائعه ربنا يجازيها كل الخير وتقدر تكمل. ممكن يكون فى موقف حصل بين مامتك وجدتك مأثر عليها أو غير متفاهمين بالدرجه الكافيه،وفاة اولادها يكون مأثر عليها ،مرضها الشديد يكون ليه تأثير .... حاجات كتير ممكن تكون السبب فى توتر العلاقة بينهم. دورك مع والدتك انك تدعميها وتساعديها في الحاجات اللى بتعملها، فكريها دايما أنها مميزة وأنها بتعمل حاجات كتير جميله وقوليلها ايه الحاجات دى. اتكلمي معاها وكوني صديقتها وخليها تقول كل اللى جواها ده هيخفف عنها كتير. ممكن من وقت لآخر تخرجى معاها أو تعملي ليها حاجه بتحبها ده هيخليها نفسيا افضل المهم خليكي معاها علطول وادعميها وكمان كوني مع جدتك خليكي معاها ولو حصل اي سوء تفاهم بينهم حاولي تحتوي الموقف وتقربي وجهات النظر كوني صبورة وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

فى البداية كده.انك بتحاولي تخرجي من حالة التعلق دى بدايه حل المشكلة. الموضوع مش هيكون ما بين الليل وضحاه الموضوع هياخد وقت شويه. فلازم يكون عندك إرادة قوية وصبر علشان تقدري تخرجي من الحالة دى. حاولي تشتتي انتباهك عنه واشغلي نفسك بحاجات بتحبي تعمليها. اكتبي كل اللى جواكى باستمرار واللى بتحسى بيه هيفرق معاكى جدا لو في تجمعات عائلية أو مع اصدقاء انضمي ليها وشاركيهم الحوار والنقاش هيفرق معاكى كتير لو حسيتي انك بترجعي عن موقفك فكري نفسك بسلبياته وان الشخصيه دى مش متوافقه معاكي ومتعرفيهاش الدعم النفسى مهم جدا علشان كده حاولى تتكلمى مع صديقتك المقربة أو لايف كوتش اتكلمى باستمرار معاهم وشاركيهم افكارك ومشاعرك لأن ده هيفرق معاكى.

فى البداية كده. انا عايزه احيك علي قوة إرادتك وانك قررت انك تنقذ نفسك ودي حاجه مش سهله قوة ايمانك بربنا وارادتك القويه اكتر عاملين هيساعدوك انك تبعد عن الطريق ده ابدأ انك تكتب كل حاجه جواك باستمرار وكل إنجاز تعمله لازم تكافئ نفسك عليه. حدد الهدف اللي نفسك تحققه وانك لازم تتعافى علشان توصله . اكتب كل الحاجات اللى بتحب تعملها وبتحس بإنجاز فيها واشتغل عليها طول فترة التعافي ممكن يجي عليك وقت وتتراجع عن موقفك ،اثبت ، وافتكر انت عايز تكون ايه بعد كده وان الموضوع ده هيكون عقبه فى حياتك وأنه هيمنعك من تحقيق اى حاجه ناجحه في حياتك ابعد عن أى حاجة ممكن ترجعك عن موقفك وفكر فى اتجاهات جديدة هتطور منك لو انشغلت بيها الرياضه مهمه جدا ليك هتخرج فيها طاقتك وهتساعدك في المرحلة دى وهتزود ثقتك بنفسك بفكرك أن الدعم النفسي مهم جدا علشان كده حاول تتكلم مع لايف كوتش أو حد موثوق لانه هيفرق معك جدا فى المرحلة اللي هتمر بيها افتكر دايما أن ربنا معاك في كل خطواتك وبيساعدك وانك قوى وهتقدر 🌷

فى البداية كده.من الواضح أن التفاهم بينك وبين اخوكي مش قوي وممكن يكون فى مواقف ما بينكم هي اللى صعدت الخلافات للحد ده حاولى انك تتكلمي معاه براحة وبطريقة هادية علشان يقدر يتفهم الوضع اللي بينكم اتكلمي مع مامتك فى اللي حابه توصليه لاخوكي واطلبي منها المساعدة ، ممكن تكون طريقتك في الحوار مش متفهمه معاهم فكوني صبورة لحد ما تحددي المشكلة فين اكتبي كل اللى جواكى باستمرار واللى بتحسى بيه هيفرق معاكى جدا لو حسيتي بضيق شتتي انتباهك واعملي حاجه بتحبيها اتكلمي مع صديقتك المقربة أو لايف كوتش وشاركهم افكارك ومشاعرك لأن الدعم النفسى مهم جدا التغيير احيانا بياخد وقت فكوني صبورة وحاولي بكل الطرق انك تصلحي ما بينك وبين اخوكي وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

من الواضح انك شخصية جميلة و صبورة وعلشان كده تستحقي الافضل انك تخدي قرار انك تبعدي وتعتزلي ما يؤذيكي ده اكيد قرار في صالحك خصوصا أن الطرف الآخر ده اتسببلك في أذى نفسي اثر عليكى من الواضح أن الشخصية دى ما اضفتش ليكي حاجه اكتر من الوجع النفسي فكوني قوية وثابتة على موقفك حاولي تتجاهلي اى تصرف ممكن يأثر عليكي و ابدأي انك تكوني صداقات جديدة ده هيفرق معاكي كتير حاولي كمان تطوري من نفسك وتدعميها سواء بكورسات أو فى اى مجال حابه انك تزودي معلومات فيه حاولي انك تثقي بنفسك وتديها مساحتها فى التعبير عن رأيك وأفكارك ومشاعرك وافتكرى دايما أنك تاخدي قرار بالبعد عن شخص ممكن يأذيكي أو يأثر عليكي ويأخرك عن تحقيق هدفك اكيد القرار هيكون فى صالحك

من الواضح انك بنوته اجتماعيه ودى حاجه جميله فيكى. فى الفترة دى بيمر عليكي اصدقاء كتير ومواقف كتير فيها منها الصعب واللي ممكن يأثر علي حالتك النفسية حاولى مع نفسك تفكري ايه المواقف إلى اثرت فيكى وازاى ممكن تتفاديها فى اللي جاي حاولي متديش حد قيمة كبيرة لأن ده ممكن يأثر سلبيا فى تعامله معاكي فكري بعناية وهدوء وانتي بتختاري اصدقائك. متندفعيش في تعاملك معاهم وتعاملي فى البداية بحذر لحد ما تتعرفوا على بعض وتكونوا متفاهمين خلي ثقتك بنفسك قويه وادي نفسك مساحتها فى التعامل والتعبير عن مشاعرك وأفكارك حاولي لو فى تجمع مع اصدقائك الجدد اتكلمي معاهم بثقة واتناقشي معهم وزودي نفسك بمعلومات ده هيطور من نفسك وهيزود ثقتك بنفسك

فى البداية كده.انا اقدر مشاعرك جدا فى حالة احساسك بمشاعر الضيق حاولى انك تشتتي انتباهك بعيدا عن الموقف حاولى تتحركي من المكان واعملي اى حاجه ممكن تشغلك عن الموقف فكرى فى ايه الحاجات اللى بتحبيها واعمليها ده هيفرق معاكى جدا حاولى لو فى صديقه مقربه ليكي اتكلمي معاها وشاركيها افكارك ممكن تكتبي كل اللى جواكى واللى بتحسى بيه هيفرق معاكى جدا حاولي انك تفكري ايه اللى محتجاه علشان تطورى من نفسك وابدأي علطول المهم متستسلميش لأى افكار أو مشاعر سلبية ممكن تسيطر عليكي

احيانا ممكن تشعر فى بعض الأوقات بانك غير قادر على إنجاز عمل أو شغل معين،بتحس انك واقف مكانك ومش عايز تتحرك وكأنك بتقول من جواك كفاية كده مش قادر اكمل... الاحساس ده مش بيجى فى وقت بسيط ده نتيجة تراكم احساس من الضيق والتعب وتأثيرالروتين اليومى ... حاجات كتير ممكن تكون عامل اثر سلبي على حالتك النفسية وده أدى انك تشعر بحالة فقدان الشغف. من حقك انك تاخد بريك وترتاح شويه من الضغوط لكن لازم تعرف أن حالة فقدان الشغف لو استسلمت ليها ممكن تأخرك فى خطوات كتير فى حياتك. فحاول دايما انك تكتب كل اللى جواك باستمرار واللى الحاجات اللى أنجزتها وحسيت فيها بنجاح ده هيفرق معك جدا فكر ايه الهدف اللى بتسعى انك تحققه وازاى ممكن توصله خلى إرادتك قويه وعندك صبر علشان تقدر تكمل مشوارك وتحقق هدفك قوي ثقتك بنفسك لأن الثقة بالنفس مهمه جدا علشان تقدر تحقق حلمك وترجع أقوى مما كنت. فكر فى الحاجات اللى بتحب تعملها وارجع اشتغل عليها تانى حاول تغير الروتين اللى متعود عليه وابدأ اعمل حاجات مختلفه. حاول تدعم نفسك وتطورها لأن ده مهم وهيساعدك جدا فى مشوارك أما عن الدعم النفسي ده عامل مهم جدا وهيساعدك وهيفرق معاك سواء من أحد الاصدقاء المقربين أو لايف كوتش اتكلم معاهم وشاركهم افكارك ومشاعرك كل خطوة من الخطوات دى هتفرق فى حياتك جدا المهم انك تعرف أن حالة فقدان الشغف دى حالة مؤقتة ولازم تخرج منها وترجع أقوى وعندك حماس وشغف لكل تفصيله وهدف فى حياتك

من الواضح انك متفهمة سن اختك واللى ممكن تمر بيه فى المرحلة ودى حاجة جميله فيكى فى المرحله العمرية دى بيحصل تغيرات كتير فالسن ده محتاج رعاية ومتابعة دايما،فحاولى انك تتكلمى معاها بهدوء وتصحبيها وتشاركيها فى أفكارها وتتكلمي معاها كتير وتصارحيها انك عرفتي وبطريقة هادية علشان تتقبل منك النصيحة ممكن يصدر منها انفعال أو ردود أفعال عصبية حاولي تتحمليها واتكلمى معاها دايما علشان تبعد عن أى طريق ممكن يكون فى ضرر ليها حاولى لو فى تجمعات عائليه خليها تندمج فيها ،ولو فى رياضه بتحبها أو هوايه عندها ساعديها أنها تنميها الدعم النفسي ليها مهم جدا خليكي دايما جنبها وساعديها التغيير بياخد وقت فكوني صبورة واكيد هتلاقي تغيير

اوقات كتير بتعدي عليك بتحس فيها انك مش قادر تكمل وان كل حاجه بتكون صعبة عليك. الاحساس ده بيكون بسبب الضغوط اللى بتمر بيها سواء فى مجال العمل أو في المحيط اللي بتعيش فيه فبيأثر جدا على حالتك النفسية وبتبدأ تدور من جواك ايه اكتر حاجه بتحس فيها بالهدوء والراحة وبتروح ليها تلقائى لأنها بتعتبر مصدر الامان والراحة بالنسبالك (comfort zone ) أو منطقة الراحة منطقه الراحه بالنسبة ليك مجرد بريك بتاخده من الضغوط والمواقف الصعبة اللى بتقابلها طول الوقت ، لكن خلى بالك أن كل ما فترة الراحة طولت فيها كل ما أثرت عليك سلبيا لأن ببساطة هتفضل واقف مكانك مش هتتحرك مش هتكمل اللى نفسك تحققه .من حقك تاخد بريك وترتاح لكن وانت فى الوضع ده افتكر انك عندك هدف محتاج تحققه وطريق لازم تكمله . فحاول انك تفكر بأسلوب إيجابي لأن ده هيفرق معاك فى اللى جاى خلى عندك ارادة قوية انك تخرج من الحالة دى مختلف وتقدر تواجه المواقف والتحديات بطرق مختلفه فكر ايه اللى محتاج تطور نفسك فيه واستغل الوقت ده وابدأ خلى ثقتك بنفسك قويه علشان تقدر تثبت نفسك حاول تغير روتين يومك واعمل حاجات جديده ، حاول تمارس رياضه دى هتفرغ طاقتك السلبية وهتزود ثقتك بنفسك حاول تكتب كل اللى جواك واللى بتحس بيه ده هيخفف عنك كتير وهيفرق معاك جدا فكر ايه الحاجات اللى بتحبها وبتشعر بالسعادة وانت بتعملها وارجع اشتغل عليها تانى 🌟بفكرك أن الدعم النفسى مهم جدا علشان كده حاولى تتكلم مع صديق أو لايف كوتش وشاركهم افكارك ومشاعرك ده هيفرق معاك كتير الإرادة القوية والثقة بالنفس بدايه كل طريق ناجح. المهم انك تكمل🩷

فى البداية كده الخلافات والمواقف الصعبه اللى شفتيها ومريتى بيها اتسببت ليكي فى أذى نفسي كبير رغم أن الأمور صارت افضل لكن انتى نفسيا غير متقبله الأوضاع دى. حاولى انك تهونى على نفسك لأنها أرهقت من المواقف دى وتعاملي مع الوضع المحيط بيكي بهدوء أكثر ومن بعيد يعنى خدي وقتك لحد ما تهدي. مذاكرتك ومستقبلك اهم حاجه عندك علشان كده لازم يكون عندك إرادة قوية وثقة بالنفس علشان تقدرى تتغلبي على الشعور اللى جواكى. اكتبي دايما كل اللى جواكى واللى بتحس بيه هيفرق معاكى جدا حددى ايه هدفك وازاى تقدري توصليله وايه الصعوبات والتحديات اللى ممكن تقف قدامك وازاى ممكن نحلها. ابدأي تطورى من نفسك وفكرى ايه الحاجات اللى حابه تدعمي نفسك بيها حاولى تكونى صداقات جديدة ده هيفرق معاكى جدا ممكن تغيري روتين يومك وتعملي حاجات جديده ،كفئي نفسك على كل حاجه أنجزتيها الدعم النفسي مهم جدا علشان كده حاولى تتكلمى مع لايف كوتش أو حد بتثقي فيه وشاركيهم افكارك ومشاعرك لأن ده مهم جدا وهيساعدك تتخطي المرحلة دى وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

المواقف والظروف المحيطة بيك اثرت على نفسيتك بشكل كبير جدا وده واضح من كلام فى البداية كده. حاول تبدأ انك تقوى علاقتك بربنا وتتقرب منه لان ده بدايه لاى مسار ناجح فى حياتنا اكتب كل اللى جواك واللى بتحس بيه ده هيفرق معاك جدا لازم ارادتك تكون قويه وعندك صبر علشان تقدر تخرج من الحالة دى حدد ايه هدفك اللى نفسك تحققه وازاى ممكن تشتغل عليه لو فى حاجه المفروض تنجزها وحاسس انها كبيرة حاول تجزئها واشتغل فيها بس متسيبها فكر فى الحاجات اللي لما بتعملها بتحس بانجاز وبتسعدك وارجع اعملها تانى حاول تغير روتين يومك واعمل حاجات جديده هيفرق معاك جدا الدعم النفسي مهم جدا فحاول لو ليك صديق مقرب او لايف كوتش اتكلم معاهم وشاركهم افكارك ده هيفرق معاك جدا وافتكر دايما ان ربنا معاك فى كل خطواتك وبيساعدك وانك قوي وهتقدر🌷

فى البداية كده.من الواضح انك بتمري بظروف صعبه أثرت عليكى نفسيا حاولى انك تكتبي كل اللى جواكى باستمرار واللى بتحسى بيه هيفرق معاكى كتير فكرى فى الحاجات اللى لما بتعمليها بتحسى بإنجاز فيها واشتغلى عليها. حاولى تمارسى رياضه بتحبيها هتساعدك انك تتخلصى من الأفكار السلبية اللى جواكى وهتجدد طاقتك. اكتبى كل الحاجات اللى بتحبها وبتحبي تعمليها وكل ما تحسي بضيق أو تعب اعمليها هتحسن حالتك النفسيه لو فى تجمع اصدقاء أو عائلى حاولى تنضمى ليهم وشاركيهم الحوار. الدعم النفسي مهم جدا علشان كده حاولى تتكلمى مع صديقتك المقربة أو لايف كوتش اتكلمى باستمرار معاهم وشاركيهم افكارك لأن ده هيفرق معاكى جدا وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

فى البداية كده.ممكن تكونى الفترة دى مضغوطه نفسيا وده وصلك للحاله اللى بتمرى بيها احيانا التجهيز لحياة جديدة بيأثر جامد على تفكيرنا فى جوانب كتير وده ممكن يضغطنا نفسيا يوصلنا لدرجة عصبيه وأسلوب تعامل احنا مش متعودين عليه. حاولى تهدى لأن ده ممكن يكون شعور طبيعى بتمرى بيه الفترة دى . اتكلمي مع خطيبك براحة واشرحي ليه انتي بتمرى بأيه وانك متمسكه بيه واطلبى منه المساعدة أنه يكون جنبك الفترة دى. حاولى تكتبى كل اللى جواكى باستمرار وحابه تعملى ايه الفترة دى ،ايه العقبات اللى واقفه معاكى وازاى ممكن تتحل ده هيفرق معاكى جدا اكتبى كل حاجه حابه تعمليها فى بيتك واتكلمى فيها مع خطيبك واشتركوا مع بعض فى تفاصيل بيتكم ده هيفتح مجال حوار بدون عصبيه بالعكس هتفكروا بشكل مختلف. لما تحسي انك بتمري بضيق فكرى بشكل إيجابي وايه الحاجات اللى انجزتيها ، فكرى فى الحاجات اللى بتحبيها وبتلاقى نفسك فيها واعمليها تانى... كل واحد فينا بيمر عليه فترة بيحس فيها بضيق ممكن بسبب الضغوط أو الظروف المحيطة بيه . وده احساس طبيعى المهم انك متستسلميش وتكملى علشان تقدرى تحققى حلمك واكيد الدعم النفسى مهم جدا فحاولى لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن ده هيفرق معاكى جدا وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

اهم حاجه لازم إرادتك تكون قويه. ابدأي انك تكتبى كل اللى جواكى باستمرار واللى بتحسى بيه هيفرق معاكى جدا. فكرى فى الحاجات اللى بتحبيها وبتكونى سعيده وانتى شغاله فيها وارجعى اعمليها تانى لو فى تجمع اصدقائك أو أقارب حاولى تنضمى ليهم وشاركيهم الحوار والنقاش فى موضوعات مختلفة فكرى فى نفسك وشوفى انتى محتاجه تعملى ايه او تحققى ايه واشتغلى عليه ،حاولى تطورى من نفسك فى مجال معين مارسى رياضه بتحبيها هتساعدك انك تتخلصى من الأفكار اللى جواكى وليها تأثير نفسى كبير هيفرق معاكى طبعا الدعم النفسى مهم جدا علشان كده لو فى صديقه مقربه أو لايف كوتش اتكلمى باستمرار معاهم وشاركيهم افكارك وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

فى البداية كده.انك عندك اراده تبعدى دى دليل على انك قويه ومش عايزة تستسلمى فدى حاجة جميله جدا. حاولى الفترة الجايه أنك تعملى حاجات جديده ومختلفه وتشتتى انتباهك عن التفكير فيه . ابدأى اكتبى باستمرار كل اللى جواكى واللى بتحسى بيه كل يوم والأحداث اللى بتمرى بيها وايه الجديد اللى عملتيه فى اليوم ده الموضوع ده هيفرق معاكى جدا حاولى تكونى صداقات جديدة واشتركى فى موضوعات واتناقشى فيها ومن هنا هيبدأ تفكيرك فيه يقل والاحساس اللى ملازمك هيقل بالتدريج مارسى رياضه هتساعدك جدا انك تفرغى اى طاقه سلبيه وهتغير من شخصيتك فكرى فى الحاجات اللى بتحبيها وبتلاقى نفسك فيها واعمليها تانى واى إنجاز تقومى بيه اكتبيه وكفئى نفسك عليه لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا علشان تقدرى تخرجى من الحالة دى حددى ايه هدفك اللى نفسك تحققه واشتغلى عليه وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

فى البداية كده.من الواضح انك مريتى بمواقف كتير صعبه ممكن تكون أثرت عليكى نفسيا لدرجه كبيره. التفكير المستمر شعور مرهق جدا وفعلا لازم يكون فى تغيير علشان الموضوع ده ممكن تأثيره يزيد وهتتعبى حاولى انك تكتبى كل اللى جواكى باستمرار وكل افكارك اللى شغالكى وايه مدايئك وعايزه تعملى ايه ده هيفرق معاكى جدا حاولى متتكلميش بطريقه سلبيه مع نفسك وخلى كل كلامك ايجابى غيرى روتين يومك واعملى حاجات بتحبيها وبتلاقى نفسك فيها وبالليل افتكرى انتى عملتى ايه طول اليوم ممكن قبل ما تنامى تقرأئى قصه أو رواية بتحبيها ،تتفرجى على فيلم أو مسلسل بتحبيه ،تسمعى بودكاست مثلا شتتى افكارك ومتستسلميش واعملى حاجات مختلفه على مدار اليوم هيفرق معاكى لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا وافتكرى انك لازم تحاولى ويكون عندك إرادة قوية وصبر علشان تقدرى تخرجى من الحالة دى وتذكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

جميل جدا انك تكتشفى الموضوع ده وتقررى انك تبعدى لانه اكيد سببلك أذى نفسى. حاولى انك تبعدي بالتدريج عنها حاولى انك تتجاهلي التعامل معاها ،متشتركيش معاها فى اى موضوع ، لو اتجمعتوا فى مكان حاولي يكون الوقت اللى هتتكلمى معاها فيه يكون صغير، خلى فى حدود بينك وبينها ،متبدأيش بالكلام معاها ، تجاهلي ردود أفعالها معاكى ، متظهريش اهتمام كبير ليها فى اى موقف، حاولى تتعاملى مع اصدقاء جدد ده هيكون افضل بكتير ليكي

فى البداية كده.الظروف اللى مريتى بيها ووفاة والدك كان ليهم تأثير نفسى كبير عليكى وده اللى سببلك كل اللى بتحسى بيه. لازم يكون عندك إرادة قوية وصبر علشان تقدرى تغيري الوضع ده لأن التغيير بياخد وقت . ابدأى اكتبى كل اللى جواكى باستمرار واللى بتحسى بيه هيفرق معاكى جدا. حاولى انك تتصالحى مع نفسك واديها مساحتها وتثقى فيها علشان تقدرى تتعاملى مع كل المواقف اللى بتمرى بيها بطريقة صحيحة افتكرى ايه الحاجات اللى لما بتعمليها بتحسى بإنجاز فيها وارجعي اشتغلي عليها تانى. كونى فخورة بنفسك دايما بأى عمل تحققيه وسامحى نفسك على اى أخطاء حصلت فى حياتك وابدائى من جديد لما يجيلك تفكير سلبى حاولى تشتتى انتباهك واعملى حاجه بتحبيها كل الأفكار اللى بتجيلك دى هتروح بالتدريج اول ما تبدأى تثقى بنفسك ويكون فى تغيير فى حياتك الرياضه بتزود الثقة بالنفس حاولى تمارسيها هتفرق معاكى دايما خلى كلامك ايجابى مع نفسك وازاى تقدرى تغيري اى أوضاع سلبيه فى حياتك وحاولى لو فى تجمعات عائليه أو أصدقاء وتكونى مرتاحه معاهم انضمى ليهم واتكلمى معاهم وشاركهم الحوار ولو فى صديقه مقربه أو لايف كوتش اتكلمى باستمرار معاهم لأن الدعم النفسى مهم جدا وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

فى البداية كده.حاولى انك تفكرى بشكل إيجابي وقولى لنفسك لو انا جبت مجموع كبير هعمل ايه هنا الاجابه هتختلف ومش هتعيطى. اكيد كل واحد فينا بيكون متوتر وقلقان على مستقبله بس احنا بنجهز نفسنا كويس ومنسبش الأفكار السلبية تتمكن مننا علشان نقدر نوصل لهدفنا. اعملى كل اللى تقدرى عليه وابذلى مجهود فى دراستك اكيد النتيجة هتكون مختلفه المهم ثقتك بربنا وثقتك بنفسك ويكون عندك مثابرة وصبر وإرادة قويه علشان تقدرى تواصلى حياتك وتوصلى لكل اللى تتمنيه متبدئيش مشوارك بالخوف والقلق.ابدأى بخطوات وخطة وتنظيم وقت وترتيب أولويات كل ده هيفرق معاكى جدا ولو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا . وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

فى البداية كده. من الواضح انك شخص مجتهد وحابب توصل لافضل مسار للمذاكرة بما انك عندك اراده انك تغير الوضع ده هيتغير المهم يكون عندك ثقه بنفسك وصبر وإرادة قويه علشان تقدر توصل لهدفك حاول انك تكتب كل اللى بتفكر فيه وحاسس أنه بيوترك وايه اللى ممكن تعمله فى الحاجات دى علشان تحلها يعنى تفرغ ذهنك خالص قبل ما تبدأ مذاكرة اعمل جدول لنفسك بتوقيت معين لكل مادة وفواصل تاخدها للراحه بين المواد تكون مش كبيرة تعمل فيها حاجه بتحبها . حدد أولوياتك علشان تبدأ صح خلص واجباتك اول بأول علشان ميتراكمش الشغل عليك اختار مكان تكون بترتاح فيه وتذاكر فيه المهم يكون بعيد عن أى حاجة ممكن تشغلك فى اخر اليوم اكتب انت عملت ايه ده هيفرق معاك جدا 😊 لو ليك صديق مقرب أو لايف كوتش اتكلم معاهم وشاركهم افكارك ومشاعرك لأن الدعم النفسى مهم جدا وافتكر دايما أن ربنا معاك في كل خطواتك وبيساعدك وانك قوي وهتقدر 🌷

فى البداية كده.ممكن يكون اسلوب والدتك وطبعها روتينى وممكن تكون مرت بمواقف وظروف خلتها تتعامل كده . انك تبريها وتتعاملى معاها دى حاجة وانك تتقربى منها وتحاولى تشاركيها اى عمل دى حاجة تانيه .المسافه أو الفجوة اللى مابينكم خلت أشخاص كتير يتدخلوا ويوسعوا الفجوة دى. والدتك مريضة اكيد محتجالك حتى لو ماذكرتش ده ومتحسبيهاش على جملة صدرت منها انتى اللى هتسنديها وهتستحمليها . انا مقدرة جدا كل اللى مريتى بيه وحاسة بيه لكن حاولى متقطعيش الرحم ولا تبعدى عنها .ربنا يحفظها ليكى وبعد ما المرحلة المرضية تنتهى ارجعى اتكلمى واتكلمى وحافظى على الحوار والكلام مابينكم وقوليلها كل اللى جواكى.اتكلمى معاها براحة وحاولى تتقربى منها بطرق مختلفه المهم تفضلى جنبها وماتتنزليش عن حقك فيها لانها جنتك على الأرض وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

فى البداية كده.ممكن الفترة اللى ما بين انتهاء الدراسه وممارسة عمل بيكون فيها ملل لانك بتكون مش عارفه تعملى ايه وازاى هتقدمى فى شغل وهل هتتقبلى ولا لاء وهل الشغل ده مناسب ليا ول لاء . بيكون فى أسئلة كتير والفترة دى احيانا مش صغيرة ومش محددة فى الفترة دى حاولى انك تشتغلى على كل اللى بتحبى تعمليه وبتلاقى نفسك فيه.لو فى تجمعات عائليه أو أصدقاء انضمى ليها وشاركيهم الأفكار والموضوعات اللى بيتناقشوا فيها ده هيفرق معاكى جدا ممكن فى الفترة دى تخدى كورس فى مجال معين هيكون مهم فى شغلك وهيفيدك ابدئى فيه ممكن تشغلى وقتك انك تعرفى ايه اللى ناقصك ومحتاجه تدعمى نفسك بيه وابدائى فيه علطول. اكتبى كل اللى جواكى باستمرار واللى بتحسى بيه هيفرق معاكى جدا لو ليكي صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا. افتكرى دايما ان ربنا معاكى فى كل خطواتك وبيساعدك وانك قوية وهتقدرى 🌷

فى البداية كده.ممكن تكونى مريتى بمواقف صعبه أو المحيط اللى بتعيشى فيه أدى لوصولك للمرحله دى. احب اقولك أن إرادتك مهمه جدا علشان تقدرى تخرجى من المرحلة دى لازم تكون إرادتك قويه وعندك صبر علشان التغيير بياخد وقت فكونى صبورة على نفسك خلى ثقتك بنفسك قوية وادي لنفسك فرص انك تعبرى بحرية عن افكارك ومشاعرك الرياضه بتزود الثقة بالنفس جدا وبتخلي الإنسان يفكر بشكل مختلف فحاولى تمارسى رياضه بتحبيها هتفرق معاكى جدا. اكتبى كل اللى جواكى باستمرار وحددى ايه هدفك اللى نفسك تحققيه وازاى ممكن توصلى ليه سامحي نفسكعلى اى موقف عدى واديها الثقة أنها تتعامل بحرية شوفى ايه الحاجات اللى ممكن تلاقى نفسك فيها وانتى بتعملها وبتحسي بإنجاز ونجاح فيها وارجعى اشتغلى عليها تانى حاولى تقرائى روايه أو كتب وممكن تسمعى بودكاست لو بتحبيه واعرفى ايه الموضوعات اللى ممكن تتحاورى فيها بثقة وزودى معلوماتك فيها لو فى تجمعات أصدقاء أو أقارب حاولى تنضمى ليهم وشاركيهم الحوار بالتدريج هتلاقى فى اختلاف. لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسي مهم جدا . وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

فى البداية كده.انك تكون واعى بنفسك وبالظروف المحيطة بيك ده يوضح انك انسان ناضح . كتير مننا بيمر بمواقف وعلاقات بنتصدم فيها ونلاقى أن الأشخاص دول مش شبهنا وأننا مش متفقين معاهم وده بيولد مشاعر بنحس بيها بتسبب وجع وحزن ونبقى متأثرين بيها جدا. حاول انك الفترة دى تكتب كل اللى بتحس بيه وكل الأفكار اللى جواك. حكم عقلك فى اى تصرف هتعمله وشوف ده هيكون فى مصلحتك وهيضيف ليك ولا لاء الموقف قبل ما تندفع فى اى تعامل فيه خليك مع نفسك شويه وفكر كويس قبل أى قرار لو ليك صديق مقرب أو لايف كوتش اتكلم معاهم وشاركهم افكارك لأن الدعم النفسى مهم جدا اهم حاجه الإرادة علشان تقدر توصل لهدفك .ويكون عندك صبر لأن التغيير بياخد وقت بس مع التأقلم الموضوع هتتعود عليه وهيبقى مختلف

فى البداية كده.فكرة انك تتعلمى لغه جديده وتطورى من نفسك دى حاجة جميله جدا. الظروف اللى مريتى بيها هى هتكون دافع كبير انك تخرجى من الحالة دى. اكتبى ايه الحاجات اللى لما بتعمليها بتحسى بإنجاز كبير، ايه المجالات اللى بتفهمى فيها ومن خلالها ممكن تعملى ايه الكتابه دى جميله جدا ومنها بتقدرى تعبرى عن اللى جواكى فشوفى ايه المجالات اللى بتحبى تكتبى فيها وارجعى تانى اكتبى .ممكن تعملى بيدج وتنشرى عليها كل افكارك وكتاباتك وصوتك هيوصل اكيد. المهم ترتبى افكارك وتشوفى اول حاجه ممكن تعمليها تكون ايه .المهم تكملى ومتقفيش . خلى عندك ارادة وصبر علشان تقدرى تواصلى وتوصلى لهدفك وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

فى البداية كده.من الواضح انك شخصية اجتماعيه جدا ودى حاجه جميله فيكى . انك تكونى صداقات جديدة وتتعاملى وتتناقشى فى موضوعات مختلفة ده هيفتح معاكى مسارات كتير فى حياتك وهيفرق معاكى اجتماعيا جدا. اسلوبك وطريقتك هى اللى هتجذب الناس ليكى خصوصا الناس اللى هتبقى متوافقه معاكى سواء طريقه أو معامله أو فكر. فكونى دايما واثقه في نفسك،. اسلوبك يكون هادى ،متندفعيش فى الردود، حاولى انك تقرأى وتكونى ملمه بالموضوعات اللى بتدور حواليكى علشان تقدرى تتكلمى بثقه فى اى موقف الموضوع ده هيفرق معاكى جدا. لو فى حد مش بيتعامل معاكى أو مش بيحبك زى ما ذكرتى متتقربيش منه لانه ممكن يعاملك بطريقه مش حباها ووقتها هتزعلى والموقف هيأثر فيكى خلى اللى حواليكى يشوفوكى ويشوفوا اسلوبك ومعاملتك واللى حابب يقرب منك وهيكون متفاهم معاكى هيتعامل واللى مش هيكون متوافق معاكى مش هيتعامل .دايما اهتمى باللى متوافقه معاه وشايفه أنه هيضيف حاجه فى حياتك.

التعلق ده احساس طبيعي بيحصل لينا مع أشخاص أو أماكن ..... لكن التعلق الزائد ده ممكن يأثر على نمط حياتك وتعاملاتك. وحياتك هيكون محوارها الحاجه اللى متعلقه بيها بس هده هيسببلك انك هتكونى مكانك يعنى مش هتحققى اى إنجاز ولا هتقدرى تكونى علاقات فى حياتك . حاولى بالتدريج تبعدى عن أى حاجة حاسه أنه تعلقك بيه زائد ده اكيد هيكون صعب عليكى لكن ممكن بخطوات بسيطة تساعدك انك تبعدى عن وتشوفى نفسك من جديد. فى البداية كده ابدئى انك تقوى علاقتك بربنا لأن ده أساس اى بدايه ناجحه. اكتبى كل اللى جواكى باستمرار واللى بتحسى بيه. اكتبى ايه الحاجات اللى لما بتعمليها بتحسى انك حققتى إنجاز وارجعى تانى اعمليه هيفرق معاكى جدا. فكرى ايه هدفك اللى نفسك تحققيه وازاى ممكن توصلى ليه وايه اللى ممكن يواجهك فى طريقك للوصول لهدفك لو فى تجمعات لأصدقاء أو أقارب حاولى تنضمى ليهم باستمرار وهتقدرى تتفاعل وتتناقشى فى موضوعات مختلفه حاولى تمارسى رياضه بتحبيها هتساعدك انك تتخلصى من أى افكار ممكن تأثر عليكى. لو بتحبى تاخدى كورسات أو تعملى حاجات جديده ده ويساعدك انك تطورى من نفسك. واهم حاجه الإرادة.خلى إرادتك قويه علشان تقدرى توصلى لهدفك وترجع مشاعرك طبيعية لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسي مهم جدا وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷

الحب والارتباط احساس جميل جدا وكتير فى بدايه الاتفاقيات بيكون فى صعوبات بتواجهنا ومن الصعوبات دى عدم تفهم الأهل بعضهم. حاول تتكلم مع الدك وافهم وجهة نظره ايه وليه هو رافض وفكر ازاى ممكن تتفهموا وتوصلوا لنقطة تفاهم بينكم. و هى كمان تتكلم مع عيلتها أو حتى مامتها وتحاول توصل معاها لنقطه ممكن العيلتين يتفهموا فيها. لو ليك صديق مقرب اتكلم معاه وناقشه فى الموضوع وشاركه افكارك ده مهم ليك جدا حاول تكتب اللى جواك واللى بتحس بيه ومين الأطراف اللى ممكن تساعدك فى الموضوع ده الموضوع هيحتاج منك محاولات وصبر فكن صبور علشان تقدر تحقق حلمك وهدفك وافتكر أن ربنا معاك وان الموضوع لو خير ليك هيتيسرلك كل امورك .ادعى دايما أن ربنا ييسر لك كل الخير ليك 🌷

انك تحاول تطور من نفسك دى حاجة جميله جدا ومميزه. حاول تشوف ايه الحاجات اللى لما بتعملها بتحس انك أنجزت فيها وعلطول بتحس بسعادة كبيرة لما بتقوم بيها. اكتب انت بتعرف تعمل ايه ، ايه المجالات اللى بتفهم فيها. حدد هدفك ايه وشوف اللى ممكن تكون محتاجه علشان توصل لهدفك ده وتطوره.وايه الحاجات اللى ممكن تقف امامك وازاى تتجنبها. لو ليك صديق مقرب ليك أو أحد أقاربك حاول تسأله عن نفسك أو ايه الحاجات اللي بتبقى مميز فيها لانه هو شايفك عن قرب اكتر والموضوع ده هيكون سهل بالنسبه ليه أنه يحدده. كل واحد فينا عنده مهارة.اكتب ايه اللى بتحس نفسك شاطر فيه وبتعرف تتقنه وبتفهمه كويس ونميه سواء بكورس مثلا المهم انك تطوره لانه ممكن يبقى مجال عملك مستقبلا انت اللى هيقدر تحدد كل ده بس اهم حاجه الإرادة.لازم تكون إرادتك قويه علشان تقدر تكمل مشوارك وتطور نفسك وتكتشف مهاراتك. وافتكر دايما أن ربنا معاك في كل خطواتك وبيساعدك وانك قوى وهتقدر 🌷