Abdelrahman Mohamed

وعليكم السلام ورحمة الله الأهم من كل الكلام دا الاول ان حضرتك تتوبي نهائيا وتجددي توبتك وبعد ما تجددي توبتك اعتبري نفسك لسه مولوده وإنسانه بدون أي أخطاء، بالنسبه للشخص اللي متقدملك لو انتي شايفه انوا محترم وخلوق وقادر انوا يفتح بيت فا خوضي الخطوه دي او استني القرار يرجعلك في الاول وفي الاخر وبالنسبه للشخص اللي حضرتك بتقولي انك بدأتي تحبيه فا دا بصفتي رجل اصنفوا مخنث لان مفيش راجل فعلا واهلوا مربينوا بيعمل اللي بيعملوا دا و خدي بالك لو كملتي معاه الحوار هيتطور لحاجات اكتر بكتييير وساعتها نفسيتك هتكون متدمره لو دا حصل فا الشخص دا تديلوا بلوك حالا ولو حاول يكلمك تاني قوليلوا انك هترفعي فيه محضر لو فضل يتعرضلك ويحاول يكلمك كل شويه.

بصي الراجل فعلا لو بيحب حد هيسعى ويشتغل اكتر عشانه يعني انتي لو مش حابه تشتغلي متشتغليش وقولي ليه يمكن هو على نياته وفاكر إنك انتي اللي عاوزه كدا وحابه كدا

حاولي تقطعي نفسك عن التفكير الكتير عن طريق بودكاست شغليه جمبك، قرآن، شوية موسيقى هاديه حاولي تاخدي الحياه كتحدي وكل يوم يبقا عندك تحدي يكسر خوفك من التعامل مع الناس يعني لو في بنت حبيتي تتعرفي عليها دا التحدي بتاعك لليوم دا انك تفتحي معاها موضوع بسيط مش شرط تاخدي رقمها بس اللي هو تتكلمي معاها

لو الموضوع أتكرر تاني لازم ترفعي محضر ومتقعديش في البيت بعد المحضر روحي أقعدي عند ستك او قرايب ليكي لغاية ما الدنيا تهدى بس حاولي يبقى معاكي دليل قوي عشان ميعرفش يطلع منها غير وهو متأدب وراسه في الأرض على اللي بيعملوا دا وحسبي اللّه ونعم الوكيل

حاولي تكتبي وتطلعي شعورك دا في الكتابه التخيل من الحاجات اللي ربنا أهداها لينا أستخدمي شعورك دا في تخيل سيناريو مناسب ميكونش حرام طبعاً وأكتبيه مش شرط تكتبي روايه أكتبي سيناريو وحطي فيه المشاعر دي تخيلي إن أنتي فعلاً بطلة قصتك وإن شاء اللّه ربنا يرزقك بزوج صالح يبعد عنك الشعور دا

بص لو بتابع محتوى مثلاً على اليوتيوب شوف المحتوى اللي بتحبه وشوف واحد اجنبي وتابع عندوا المحتوى دا بس ميكونش محتوى مش كويس او كدا عشان حرام وشغل الترجمه تحت هو بيتكلم لو في كلمه وقعت منك او مفهمتش بص على الترجمه تحت غالباً الكلام اللي في الجمل هيفهمك أو الموقف اللي هو بيتكلم عنوا هيفهمك معناها وبكدا أنت هتكون زاكرت وانت مستمتع ولو مفهمتش كلمه معينه ترجمها في جوجل ومش شرط تحفظها هي كل ما هتتكرر عليك هتثبت في دماغك تاني حاجه ممكن تكون عبيطه شويه بس انا عن نفسي بعملها لو البيت كلوا نايم تقدر تتكلم بالأنجليزي مثلاً في المطبخ وأنت بتحضر أكله أو كدا وتحاول إنك توصف أنت بتعمل ايه أكن في حد قدامك وأنت بتوصفلوا الحوار دا أنا بعملوا عشان مفيش حد امارس معاه اللغه أو اكلمه لو انت عندك حد الحوار هيبقا أسهل وبس كدا

مش لازم تخلي كلامها يأثر فيكي نهائي خليكي شخصيه قويه من حقك تزعلي الصراحه بس خلاص تقبلي الواقع هي شخصيتها كدا حاولي تغيري الموضوع بسرعه أول لما تجيب سيرة الدراسه عشان تعرف إن أنتي مش عاوزه تتكلمي في الموضوع و فعلاً في زمنا الحالي الدراسه ليس لها أي فائده غير إنها مضيعه للوقت لأن كتير من الشغل حالياً مش معتمد على الدراسه و بالنسبه للموت فا هو كدا ولا كدا جايلنا في وقت ما فا خلينا نستمتع بحبة الوقت اللي ربنا أهداه لينا في الدنيا دي ولكن من غير ما نعصيه عشان نعرف برضوا نستمتع في الجنه بكل حاجه حلوه مستنيانا، Be strong 🤍

السلام عليكم في ناس فعلاً مبيبقاش عندهم أجابات عادي يعني انا ٧٠٪ أو ٨٠٪ من الأسئله أنا مبيبقاش عندي ليهم أجابه فا مش بجاوب لأن في ناس أفضل مني تجاوب فا في ناس كدا كتير غير إن في ناس مش أجتماعيه أصلا

أحفظي قرآن وحددي لنفسك مكافئات ممكن تبدأي بتعلم هوايه جديده مثل الكتابه مثلا وربنا ممكن يوفقك في دا وتبقي كاتبه مشهوره ممكن تبدأي تعملي حاجه أنتي بقالك كتير نفسك فيها بس مش بتعملي حاجه عشان توصلي ليها بالرغم إني ولد بس الأعمال المنزليه ممتعه شويه بالنسبالي في أوقات الفراغ ممكن كمان تعملي شوية ديكورات في غرفتك

بصي لأني كنت في المرحله دي لما كنت في نفس عمرك بالظبط انا اكتشفت الشعور دا بيجي بسبب الكسوف الزايد غالبا انتي لو نفس حالتي فا مبتقدريش تبصي في عين اي حد ماشي سواء ست او راجل فا غالباً دا كسوف لما بتحسي بحد بيبص عليكي بتتكسفي فا بتحاولي تقطعي كسوفك بالتفكير الكتير زي: هل الطرحه مظبوطه ؟ هل الكوتشي مش لايق على اللبس ؟ إلخ، واكتشفت لما كبرت شويه انوا اعجاب الناس بشكلك او لبسك عمتا هو اللي بيخليهم يبصوا عليكي

جزاك الله خيرا يا ادمن

بصي انا عارف انتي حاسه بأيه، بس مينفعش تسيبي نفسك كدا لشهواتك حاولي تشغلي نفسك انزلي اشتغلي او ابدأي اكتبي حاجه واعرضيها على الناس المهم تشغلي نفسك انا شاب ومش هتدعي الفضيله لأن للأسف كلنا وقعنا في حوار الاباحيه دا ولو مره على الأقل بس لما بدأت انشغل بقالي فتره فعلاً كبيره جداً مرجعتش للحوارات دي و لما تحبي بجد عمرك ما هتفكري في الحاجات دي عمتا و هتبقي بتسعي انك تعيشي حياه كويسه مع الشخص اللي انتي حبتيه + انا مش مع فكرة جوازك غصب بس انا بجد هبقا مبسوط انك تبطلي تعملي كدا وتبدأي تعيشي حياتك بجد و ربنا يوفقك يارب

واه نسيت اقولك الرجل لو فضل يمشي ورا شهوتوا كتير زي ما الشخص دا بيعمل هيجي في يوم وهيأذيكي جامد لأنوا بكل بساطه مش هيكون متحكم في نفسوا هيبقى زي الحيوانات الغير عاقله كل ما يبقى عندها شهوه تروح تفضيها

كلامك خاطئ الإنطوائيه تفرق عن إنك مينفعش تدخلي اي حد في حياتك لازم تبقي قادره على التواصل بشكل جيد مش لازم تكلمي كل شخص تقابليه في الشارع ولكن لازم لما تلاقي نفسك محتاجه المهاره دي تلاقيها معاكي و تعرفي تتكلمي بل وتشدي اللي قدامك بكلامك وتفهميه من كلامك اللي انتي عايزه توصليه بالظبط و تديله فكره عنك كويسه دي هي القوه في مجتمعنا حالياً أكتر من إنك تطيري من غير جناحات أصلاً القوه على إقناع أي شخص بأي شئ هي قوه لا بد من تعلمها

واللّه أنا فاهمك ما أنا كان بيقولوا عليا كدا أصلا بس لما بدأت أتكلم بثقه قدامهم وبدأو يفهموا شخصيتي مبقوش يقولوا عليا كدا

شكراً لحضرتك

شكراً جداً لحضرتك جزاك اللّه خيراً

تمام أوكي

أنا عندي ١٨ سنه ينفع أركب تقويم ؟

بصي مش لازم تتسرعي وأنتي بتتكلمي وحاولي لو وقعتي في النص ومش لاقيه كلام تقوليه متتوتريش بل أسكتي عادي ٥ او ٧ ثواني لغاية ما تعرفي أنتي هتقولي أيه وتقوليه و حاولي تشعري من جواكي بالثقه بالنفس المصريين دايماً بيحبوا يقولوا عن الثقه بالنفس تكبر فا عارفه شعور التكبر دا حاولي تحطي منوا شويه وأنتي بتتكلمي هتحسن كلامك أكتر وبصي في عين اللي قدامك أكنوا تحدي او لعبه بتلعبيها بس متنسيس أهم حاجه شعور التكبر البسيط دا اللي هو اصلاً من المفترض اسمه ثقه بالنفس

نوعاً ما أنا زيك وكنت واصل لمرحله وحشه من كتر ما انا مش بحب الأختلاط بالبشر والاجتماعية بس فكرت فيها شويه ولقيت إن عالمنا دا من أكتر الحاجات المهمه فيه هي إنك تعرفي تتعاملي مع الناس وتبقي أجتماعيه وكدا فا بس بدأت أتعلم شويه عن لغة الجسد وأزاي اقدر إني أعبر بجسمي قبل ما أتكلم أصلاً دا في الأول هتحتاجي إنك تتعلميه ومن ثم تطبقيه على أي حد علاقتك بيه طفيفه صديقه ليكي تكون مش مقربه أوي عشان تعرفي تطبقي اللي أتعلمتيه وكدا و ممكن حتى لو أنتي داخله مثلاً تكلمي حد أنتي متعرفهوش تحطي نفسك أكنك في لوكيشن تصوير مثلاً وأنتي الممثله المتقمصه للشخصيه الأجتماعيه واللي الناس كلها بتحبها ساعتها هتلاقي نفسك لوحدك بتتكلمي لأنك مفكرتيش في الموضوع كتير مجرد إنك ممثله بتمثل دورها أو كتحدي أو كدا كلامي يبان مش مترتب بس دي الحاجات اللي نفعت معايا وجابت نتائج

في كدا موشن جرافيك بيبقا smooth جداً وغالباً بيتم أستخدامه في الأنتروهات و ال logos انا شغال مونتير ولكن أقدر اعمل حاجه زي كدا من على أفتر أيفيكت صحيح وياريت لو ينفع ترشحلي كام قناه كدا للأفتر ايفكتس و بفهم إنجليزي مش شرط قنوات عربيه وجزاك اللّه خيراً

بصي أطلعي من كل اللعبكه دي طالما أنتي مش عاوزه تبقي فيها متحطيش نفسك ومتجبريش نفسك على خيارات أنتي مش عاوزاها عشان تخلصي من حاجات أنتي مش عاوزاها أنتي كدا بتحاولي تفضي البحر بجردل فا متتجوزيش حد عشان يطلعك من اللي أنتي فيه أنتي كدا هتظلمي نفسك وتظلمي جوزك فا مستسعجليش ابداً على الزواج عشان متتعقديش منوا تزوجي من شخص أنتي حباه و والدك طبيعتوا يمكن كدا أستحمليه أو قللي التعامل معاه ومتعانديش معاه بالعكس لما تردي عليه بأحترام ممكن يتكسف منك أصلاً

بالظبط، أحسنت

بصي أنتي شايفه حال الدوله دلوقتي فا فعلاً الجواز بقا شبه نادر يعني بدل ما كنا بنشوف زفه على أقل تقدير خاالص كانت بتبقا كل شهر زفه دلوقتي لو لقينا زفه بتبقى كل ٦ شهور مره ولا حاجه وبتبقا حتى لناس منعرفهاش فا فعلاً حالياً معظم شباب مصر مش قادرين على الزواج متفكريش كتير في الموضوع دا كلوا في أوانه إن شاء اللّه

شكراً للنصيحه، إن شاء اللّه هحاول أخليها أخر الخيارات

أنا لسه بدري مش هقدر أسافر حاليا بس حابب أعرف معلومات عن السفر عشان أعرف أسافر في المستقبل

ايوه ما دي الأولوية إن شاء اللّه ولكن لو الدنيا قفلت خالص هسافر بلد أجنبي بس مش هيبقى مكان ثقافته وحشه يعني ممكن تركيا او سنغافوره كدا يعني البلاد المحترمه دي

انا عاوز أهاجر لأي بلد أعرف أكل فيه هنا مش عارفين ناكل حتى مش هكلمك في حقوق الإنسان التانيه ولكن حتى الطعام بقا صعب توفيره بالأسعار الحاليه فا أي بلد هيكون كويس كدا ولا كدا أنا عازب ولو هتجوز أه فعلاً إن شاء اللّه هنقل لبلد عربيه لما أجي اتجوز عشان أطفالي ميأخذوش ثقافة الغرب

الموضوع سهل وبسيط، مش لازم تردي على كل حاجه هو بيسألها حتى لو أنتي عارفاها بس دا ممكن يجيب نتائج عكسيه ممكن يحسك شخص ثمين أو صعب الوصول ليه فا يفضل يضايقك أكتر في حل أخر وهو إنك تحددي أطار علاقتكم وتقوليله إن أحنا عمال في نفس المكان ليس أكثر و ممكن بالدين أيضاً الحلول كتير الصراحه اختاري اللي يناسبك

بالنسبه لي انا كنت فتره حالتي مثل حالتك بس كل يوم بقيت بغطس وشي في مياه وتلج في الاول طبعاً هيبقا صعب ولكن مع الأستمرار هتعتادي دا اللي لاحظته إنوا بيقلل دهون الوجه بنسبه كبيره وانا اكتر منطقه دهنيه عندي في وشي كانت الأنف فا أصبحت دهون الأنف جداً قليله ولكن دلوقتي أنا بطلت حوار التلج دا وبشرتي رجعت دهنيه بس مش زي الأول، بالأخير هذا ليس علاج هذا الشيء قلل عندي المشكله وما عالجها فا أنصحك بزيارة طبيب مختص

سؤال حلو هفهمك ليه دا بيحصل، عشان دا يحصل لازم يكون في فيديوهات كتير للشخص وهو بيتكلم عشان محاكاة الوجه وهو بيتكلم تنفع تتعمل غير كدا دا بيحتاج جهاز كمبيوتر بأمكانيات عاليه تتعدى ال ٤٠ ألف جنيه عشان يقدر يعمل الحوار دا، أنا شغال مونتير وفاهم في حوار ال deeb fake دا وفعلاً صعب يتعمل لأنه مكلف ومحتاج وقت، دُمتي سالمه

لا الحوار صعب جداً جداً بالنسبه لتركيب صورة الوجه على فيديوهات أو كدا ولكن ممكن بالنسبه تركيب الصوره على صورة جسد عاري اه دا ممكن بس برضوا دا محتاج مهاره عاليه شويه في برامج الفوتوشوب و غير كدا حتى لو الصوره اتعملت ودا صعب اكيد مش هيجيب جسدها بالظبط هي اكيد عندها مثلاً حاجه مميزه في جسدها أو كدا فا على الأقل اهلها هيبقوا مصدقين إنها مظلومه و باقي البشر مش لازم تثبتلهم اصلاً وحاجه كمان طالما هو بني ادم سئ مظنش إنوا معاه مهاره في برنامج الفوتوشوب أصلا فا بطلوا overthinking شويه

لو الحوار دا حصل بعد لما البرد بقا عندك يبقى اه نسبه كبيره بسببه لأن بيبقي في مخاط في منطقة الحلق جرب تتغرغر بشاي وخل دافيين وشوف لو في نتيجه او لا

لابتوت بكل تأكيد والاب توب هيساعدك في المستقبل كتير اكتر من التابلت

لازم تكشفي عند طبيب مختص غالباً هيعمل أشعه و يطمنك

حالياً في زمنا الحالي للأسف لازم تختار المرتب العالي عشان ظروف المعيشه وممكن لو عرفت تتدرب على العمل اللي انت بتحبه في وقت فراغك الكلام دا لو أنت عايش في دوله زي مصر مثلاً لو عايش في دوله زي امريكا مثلاً و كنت شخص فنان في مجالك هيجيلك عروض بأسعار خرافيه

هل التشخيص دا تم عن طريق طبيب مختص ؟

أنا مش قصدي إن دا حب متساوي أقصد إن في بشر بيبقوا واقعين في الأبتلاء دا فا عشان كدا ذكرت النقطه دي مقصدكيش أنتي خالص ولا قصتك أصلاً

أنا ذكرت النقطه دي وذكرت بعدها إنك ممكن متكونيش فيها و لأن كان في قصص كتير في الموضوع دا وبيبقى مشاعر الحب أختبار ربنا ليهم و أستدليت عليها بآيه من القرآن (ومن الناس من يتخذ من دون اللّه أندادا يحبونهم كحب اللّه) أتمنى تقرأي الكومنت كويس لأني مقولتش فعلاً إنك في النقطه دي أنا بقول عشان لو حد عندوا المشكله دي وبيقرأ

جزاكي الله كل خير

متفهم جدا، طب مفكرتيش إنها ممكن تكون نعمه من ربنا بس مش دلوقتي وممكن عادي يكون أبتلاء عشان ربنا يختبرك يعني أستغفر اللّه أحنا كبشر ممكن نعمل كدا و يبقى في شخص في قلبنا بنحبه كتير اوي بنفس قدر حبنا لربنا ودا مينفعش بس مش شرط النقطه دي لأن من الواضح إنك متدينه، أهم حاجه في الموضوع دا الصبر على الألم فقط عارف حضرتك بتشعري بأيه وإن الحوار لا يطاق ومؤلم لأبعد حد في بعض الأوقات ولكن مشاعر الحب بالذات منقدرش نشيلها بدواء معين مثلاً عليكي بدعاء ربنا أولاً ثم الإنشغال في شئ ثانياً, عدم هجر القرآن لان القرآن هو اللي هيخليكي تشعري بالحب الحقيقي حبك لربنا فعلاً بيكون أقوى بكتير بس أحنا نسينا اللذه دي شويه

السلام عليكم، أنا هقول حاجه مؤلمه شويه ولكن هي واقعيه للأسف، لو الشخص دا مش هيعرف يتجوز أصلاً يعني مش معاه شقه مثلاً مش شغال وما إلي ذلك حاولي فعلاً تبعدي عن كل الطرق الموصله ليه لو صدف عشان دا كدا هيبقي وجع ليكي ولو هو بيحبك هيبقي وجع ليه لأنه مفيش حاجه يعملها حرفياً الزمن دا هيبقي الجواز قليل بسبب التكاليف الغاليه جدا حتى الأيجار بقا محتاج تكاليف أنا أسف لو زعلتك بس دي نقطه لازم تشوفيها برضوا

السلام عليكم ورحمة الله، أتمنى تكوني بخير، ياريت تقرأي الكلام لأن الأسئله كتير شويه فا الكلام هيبقي كتير"لو ربنا أنتقم من كل كافر في هذه الأرض لن يبقى على الأرض كفار وهنا ربنا كدا مداش للكافر فرصه إنه يتوب ولا هيبقي في مخزى من كل العالم دا ولكن اللي بيحصل حالياً إن الكافر والمؤمن عندهم خيارين لأما يتبع الشهوات أو يتبع الطريق الصحيح (ونفس وما سواها * فألهمها فجورها وتقواها) هنا ربنا لما خلق الإنسان أداله طريقين طريق خير وطريق شر تفتكري المؤمنين فعلاً متبعين الطريق دا بدون سبب لا طبعاً المؤمنين خايفين من عذاب النار اللي ربنا توعدهم بيه ولكن طبعاً نفسهم بتميل للفجور بس بيصبروا على الشهوه والحاجات اللي ربنا نهاهم عنها، وفكرة الحجاب بكل بساطه ومش هتحفظ في الموضوع دا إن الرجاله شهوتهم عاليه ١٧ حبه أو ٢٥ كدا فا الحجاب هنا واجب عشان ميحصلش أعتدائات على النساء، و الحوار دا منتشر جدا في بلاد أوروبا وواضح جدا يعني هما اللي أخترعوا فكرة الأباحيه وهتلاقي عندهم قضايا بالهبل بجد عن أغتصاب الأطفال و العائله عندهم بيحصل فيها مشاكل كتير من زنا المحارم وكل الحاجات دي و بخصوص زنا المحارم فهو محرم في كل الأديان و مينفعش قانونياً في معظم الدول، نقفل بقا موضوع الحجاب عشان حاسك أقتنعتي، سيدنا عيسى هينزل للمسلمين وهيقول أنا مسلم لأنوا أصلاً أخبر قومه أنه سوف يأتي رسول من بعدي أسمه أحمد (معنى الإسم أنه سوف يكون محموداً) فا هنا سيدنا عيسى اكنوا قال إنوا متبع لديانة سيدنا محمد لأن كل ما رسول ربنا بينزله قوم الرسول اللي قبله بيتبعوا هذا الرسول الذي أنزله وغير كدا النصرانين في زمنا الحالي مشركين باللّه لقولهم أن للّه ولد وهذا لم يذكر بالمناسبه في الأنجيل حتى بعد تحريفه فهم يستحقون العذاب لشركهم باللّه سبحانه وتعالى، هوقف كلام لغاية هنا عشان نسيت بقيت الاسئله لو مهتمه ردي على الكومنت دا بسؤال حضرتك وهحاول أجاوب بالرغم إني ليس لدي العلم الكافي

السلام عليكم ورحمة اللّه، أتمنى تكوني بخير، اسأل اللّه أن يعافيكي ويعافي جميع مرضى المسلمين ، المشكله مش في حالة حضرتك الصحيه دا من الشيطان صدقيني كل الحوار إن الشباب حالياً حالهم مش متيسر والدنيا صعبه ويمكن كمان يكون في الشخص اللي بيحبك فعلاً وممكن يكون ما زال بيحبك ولكن هو للأسف ميقدرش يقدم على خطوة الزواج، والحمدللّه إن حضرتك عندك القدره على المشي دي حاجه مش موجوده عند ناس كتير جدا، ولو والدك ووالدتك عايشين دي حاجه تستاهل الشكر عليها برضوا النعم حواليكي كتير حاولي تتدبري فيها، وجربي الأستغفار الكتير يومياً وربنا إن شاء اللّه هيبعتلك الرجل الذي يليق بيكي مش شخص يتعبك و خليكي مع القرآن كل ما تحسي بضيق اقرأي صفحه هتحسي بأختلاف كبير والسلام عليكم 🤍

أخي العلاقات الغير شرعيه محرمه ازاي عاوز تستريح وأنت بتعمل معصيه ربنا نهاك عنها في كتابه الكريم ؟

شكراً جزيلاً و جزاك الله خيراً

يومي الحمدلله مرتبط بالصلاوات يعني أنا بنام بعد العشاء تقريباً وبصحى قبل الفجر بساعه دا نوم مش كافي أوي يعني حوالي 5 ساعات نوم بعد لما أرجع بفطر (فطار عادي مش صحي) وبس بشتغل لغاية الساعه ٩ أو ١٠ متواصل و بعدين بنام ساعتين قبل الظهر وبصحى أصلي الظهر ومن النقطه دي اليوم بيبقي عشوائي تماماً بس أغلبه بيبقا شغل

أبعدي عن المشتتات أول كام يوم الحوار هيبقي صعب بس بعدين هتتعودي عليه أمسحي تطبيقات السوشيال محدش محتاجك عليها فعلاً تخيلي كل الناس مشتته بسبب السوشيال ميديا وأنت بتنجزي وهما لسه قاعدين بيشيروا بوستات كدا أنتي هتاخدي advantage على كمية بشر كتير أوي وهتحسي إنك في منافسه مع نفسك مش أي حد تاني