idont care

خليك حنين بالكلام علي نفسك يعنى حتى لو لقيت أن مفيش امل مع أن مستحيل بس لو هنقول أن مفيش خليك فيك المحاوله وربنا هيرزقك بواحده كويسه تراعيك وتقف جمبك بس الموضوع محتاج صبر وان شاء الله ربنا يكرمك

طب حضرتك كشفتى أو حد قالك علي حاجه بتمرى بيها ؟

وعليكم السلام ، بالنسبه لموضوع اختلاف اللون عن اخواتك فى ده شىء طبيعي انتى كده مميزه وكمان الموضوع ده بيكون غريب لما نكون عاوزين حاجه لمجرد أنها تعجب الناس ويقولوا علينا حلوين عمتا الناس لما تشوف حد شكلو حلو بس ثقتو فى نفسو معدومه حرفيا بتكون قدرت تحدد نقاط ضعفو تماما وقادره تعرف ايه الحجات الي بتدايقو يعنى من أقل هزار فى موضوع الشكل ده حرفيا انتى ممكن تفكرى فى الانتحار اصلا ، الموضوع لازم يبدأ من جواكى انتى بالنسبه لموضوع انك بتقولي انا ثقتى بتتهز لما اشوف حد اجمل منى الموضوع ده عندنا كلنا بس الفرق ازاى بنتعامل معاه فى ناس بتفضل تقول لنفسها كلام جارح وتفضل تقارن العيوب بالمميزات انتى بتفضلي تقارني حد عند الشخص ده بحجات مش موجوده عندك فى حين أن الشخص ده يمكن يكون أسوأ بكتير مما تتخيلي فى النهاية وراء كل شخص قصه لا يعرفها سواه ، انا عاوزه اقولك أن الطبيعي فى الحياه أننا نقابل ناس شكلهم يمكن يكون احلا أو مثلا بشرتهم افتح أو شعرهم انعم أو ضحكتهم اجملهم أو اشطر أو اذكى بس احنا كمان عندنا حجات احسن منهم واحسن من غيرنا انا كمان زمان كان بيتقال ليا كلام بسبب انى بشرتي مختلفه عن اخواتى انعقدت جدا بس حاولت اخفف عن نفسي وفعلا لما بقيت بحب نفسي محدش يقدر يلمح حتى لانو مدرك أن كلام مش هيأثر ما زلت بشوف ناس اجمل منى وبحس انى مش حلوه بس بحاول علي قد ما اقدر اكون رحيمه ولطيفه مع نفسي واقول أن انا فخوره بشكلي واى حاجه فيا فى ناس كتير اتعرضوا للحروق واتعرضوا لحجات كتير غيرت فى شكلهم (ربنا يبعد عننا ويحمينا ويشفيهم ) بس مع ذلك هما حابين نفسهم ما بالك احنا كويسين اهو ؟ اول حاجه حاولى متبينيش لحد موضوع اهتزاز الثقه عشان هتكون حاجه تخلي الناس تعرف ازاى تجرحك حتى لو بمجرد نظره خليكى اقوى من كده انا متأكده انك جميله وتستاهلي كل خير ربنا يوفقك وافتكرى أنك لو محبنيش شكلك معتقدش حد هيحب حد مش واثق لانو هيكون عارف ازاى يجرحك ف أتمنى ده ميحصلش 💖

التربيه زمان يمكن من 50 سنه كانت بتتعامل بطرق قاسيه جدا. ومكانش فيه وسائل تسليه أو حقوق المرأة بشكل دايم وقليل أما البنات تتعلم وجواز بدرى وخلفه من عمر صغير يعنى حياه لا أتمناها لألد اعدائي حرفياااااا ، ومن اهلي ننتقل للجيل الحالي الي اهلو هما السبب فى ضياعو يعنى أهالي زمان دول ماشيين بنفس التفكير بالرغم من تغير حجات كتير فى المجتمع انا مش قصدى يتخلوا عن مبادئهم ولكن يدركوا فكرة تغيير أساسيات فى المجتمع يعنى مش لازم يرتبطوا التليفون بالارتباط والغلط ولا خروج البنات بالغلط دايما بحس أن أهالي زمان تفكيرهم نصهم تفكير جاهل فى تحريض للتفريق حتى فى جمله بتعصبنى وهى أن مفيش راجل بيعيط ده ازاى ؟ ده علي أساس أن الأنبياء معيطوش فى المواقف الصعبه ؟ ولا حتى الواحد لما يفقد حد عزيز عليه الدموع مش ضعف مش لازم تقعد تولول قدام الناس لكن يكفي انك اكتفيت وعيطت أو لما لحد الان يخلفوا بنت فى ناس تدايق وتقول جمل عبيطه زى عايزين ولد هو بمزاجنا بجد ؟ ده غير العنصريه والتفرقة الي دايما بشوفها بجد ودايما لما يتكلموا أن الست مكانها لمطبخ ومصطلحات لتقليل من المراه الي هى سبب وجودنا لأن لولا الام مكناش اتولدنا ومع ذلك المجتمع بيرجع لورا وكمان انا بشوف أن البنات الي قدرت اوصل لمكنات عاليه فى المجتمع هما المشاهير بس بصراحه لأن فى ستات كتير اهو مقدروش لمجرد أنهم ستات انا مش هعرف اصلح مجتمع كامل بس احنا ياما هنقابل فى حياتنا ناس معقده ومريضه نفسيا ف نتعود علي كده

لا عاش ولا كان الي قول عليكى كلمه تنيمك زعلانه ابدا ، فى حياة كل واحد فينا ناس معقده بتطلع كلام زى السم بجد مش لازم يكون دائما الأهالي سويين نفسياً ممكن اختك تكون غيرانه منك او حتى هى اصلا عندها مشاكل مفيش حد هيقولك كلام قاسي كده الا لو هو مش طبيعي بجد ، فى امهات كتير بتدعى بس صدقيني والله اول واحده هتجرى عليكى متاخديش علي خاطرك منها انا اسفه بالنيابه عنهم ، بس الموت عمرو ما كان حل لمشاكلنا لو انتى شايفه أن بيتم احباطك متخليش نفسك الطرف الخسران متخليش نفسك حد هما عارفين نقطه ضعفك ايه كل واحد فينا عندو عيب بس لو حبو الي قدامو مش هيقدر يجرحو لانو عارف ان كلامو مش هيفيد لو اختك كلامها قاسي حاولى تتجنبيها مش تبعدى بس يعنى حاولى تتجنبي كلامها أو تقوليها أنها تبطل تقول الكلام ده لو جسمك عاجبك متغيرهوش عشان حد صدقينى كلام الناس عمرو ما بيقل مفيش اسهل من الكلام بس انتى لازم تبقي اقوى من كده الشخص الي مش مدرك قيمة نفسو من بصه واحده قادره تحطمو انا عارفه أن الكلام قاسي بس امك لازم تستحملي واكيد ربنا هيعوضك وبكره لما تخلفي هتبقي احسن ام ومش هتكررى غلطات الماضي مع اولادك وتحتويهم وربنا هيكرمك علي صبرك واختك دى اكيد حد بيتريق عليها أو مدايقها عشان تقول كلام مؤذى كدا انشغالك بالكلام وصلك للاكتئاب ما ايه رأيك تشتغلي علي تطوير اى حاجه بصي ياحبيبتي كل الكلام ده ممكن متنسهوش وليكى الحق لأن النسيان مش بالإراده بس انتى ممكن تحطى الكلام ده حافز ليكى عشان تشدى علي نفسك وتتغيرى للأحسن ده غير طبعاً أن لو قعدتى كل يوم تعيطى وتحاولى تشوفى اى حجات حزينه تفكرك بجرح أهلك وتعيطى اكتر هتفضلى تألمى ف قلبك طول الوقت لحد ما وقت كبير يضيع من عمرك هتلاقي أهلك بينجحوا وانتى ثابته ف مكانك وطبعا هيحطموكى اكتر انشغالك بالكلام بيرجعك الف خطوه لورا محدش بيأذى حد بكلام الا لما ربنا يعاقبو ويجبر بخاطر الي اتأذى اتمنى متكونيش حكيتى لأى حد من صحابك أو اى حد عمتا علي معاملة أهلك اتمنى بجد عشان اسرار البيت بتستخدم ك نقطة ضعف فى بعض العلاقات زى ممكن حد يعاير حد باهلو أو يقولو انت مريض عشان أهلك مش بيحبوك وكلام مؤذى كتير انتى جميله اقسم بالله من قبل حتى ما اشوفك ربنا يكرمك وينجحك فى حياتك ويعوضك خير يارب حبي نفسك عشان انتى لو فقدتى حب الأهل هتدورى عليه برا فى مجتمع مع علاقات مؤذيه وده مش كويس ربنا يوفقك 🤍

ازاى ممكن توصفي الشخص ده بكل العيوب ده ومصممه لاخر لحظه علي التكمله فى الحب من طرف واحد الحب من طرف واحد ده مشقه وتعب كبير وياريتك بتحبي حد سنجل مثلا لا ده مرتبط اول حاجه هو مش بتاعك انا اسفه لو كلامى ممكن يدايقك بس فعلا هو مش من نصيبك انتى كنتى فتره ف حياتو جات ف وقت غلط بسبب انو كان طالع من علاقه فشله قبلك وهيفضل هو تايه ويجرب كتير فى علاقات وربنا مش هيسيبو بتسلي بالنسبه لكلام الناس عنك ميشغلكيش بجد الجواز ده مسؤوليه كبيره جدا لو انتى مش قدها اعترفي قدامهم ب ده انتى لو سمعتى كلام الناس لمجرد انك تريحي نفسك من كلامهم الي عمرو ما هيقل لأن الناس بتدعبس علي اى حاجه فى حياة اى شخص الي هو حد مش متجوز تفضل تتكلم عليه لما يتجوز تقولو مش هجيب عيل وممكن يخلف وهو اصلا مش لسه عارف ازاى يقدر يشيل مسؤلية طفل بس هو خلف لمجرد انو يريح نفسو من كلام الناس طب وراحته الشخصيه ؟ فى اثباتات كتير علي وجود ربنا ومع ذلك فى ناس مصممه تقول إن الله لا يوجد وناس بتتهم الرسول بكلام كذب ما بالك انا وانتى وكلنا ك بنأدمين اكيد فى ناس بتقول علينا كلام ؟ انتى كده بتضعفي نفسك اهتمى بدراستك انا معتقدش انك بتحبيه انتى متعلقه بيه والواضح انك لازم تراجعى الفرق بين الحب والتعلق انتى صعبان عليكى فكرة أن هو نسيكى مع أن هو دلوقتى زمانو قاعد بيكلمها هل هو بيفكر فيكى ؟ حطى عيوب قدامك ادعى ربنا يبعدو عنك انا بردو حبيت من طرف واحد وكنت أما بشوفو بحس أن كل حاجه ف جسمى تعبت لكن هو ارتبط بصاحبتى المقربه يعنى خسرت شخصين ومع ذلك أما مقتنعه تماما أن العيب مش منى وان انا مينفعش افرض نفسي علي حد اصل الحب ده مش بالعافيه وده ميقللش منك مصر كلها ده أن كان العالم كلو بيحب ناس من طرف واحد مش لازم الحب يتبادل اكيد حد حبك أو لمحلك وانتى مستلطفتهوش وده شىء طبيعي ده احنا نشك اصلا لو الحب كان من طرفين 😂 اصل الحجات دى بتبقي صعبه لو هو معاكى ف درس انقلى مجموعة او اى مكان ابعدى هو زمانو بيقولها دى لما بتشوفنى بتدايق أو انك ضعيفه لكن لو شافك كارفالو والله هيتمنى يرجعلك متجريش ف مشوار اخرو حيطه سد بجد هو ميستاهلش منك كل ده لو بتراقبيه علي السوشيال أو بتعرفي اخبارو بلااااش لو بتقارني نفسك بشكل حبيبتو أو بشكلو بلاش بجد وبعدين ايه يعنى معاه فلوس وشكلت مقبول ؟ ما هو تايه فى الدنيا عمال يحب ف اى بنت وخلاص وحياتو مش احسن حاجه الله اعلم بالي ف القلوب يمكن هو بيشوف المر مع اهلو وبعدين انا متاكده أن انتى تستاهلي حد احسن وبعدين لو نفترض أن هو سابها وجالك هل هتكونى مبسوطه وانتى بتعافرى وانتى الي بتراقبي وانتى الي بتتعبي نفسك وهو قاعد ملوش لازمه فى الحياه ؟ ربنا هيجبر بخاطرك لو شغلت نفسك بحاجه او تتعلمى حاجه او تسمعي حاجه معينه مش هيجيلك وقت وطبعا مش محتاجه اقولك جو تامر عاشور واغنيه مكملناش والاغانى الي بتخلي الواحد ينزل شلالات دموع دى تنسيهااا خااالص متسمعيش اى اغانى حزينه اولا هتفكرك بيه بجد ثانيا الاغانى حرام عمتا انصحك ب بودكاست مهم جدا اكتبي علي اليوتيوب بودكاست فنجان والله هتتغير فكرتك عن حجات كتير الفيديو ٣ سعات قسميه بس لو شوفتيه هتخلصيه ف نفس اللحظه هيغير حجات كتيره انا متأكده اسمو بودكاست فنجان عن العلاقات مع الشيخ ياسر الحزيمى🤍

متلومش نفسك علي الي فات محدش فينا اختار الناس الي هيقابلهم لولا الناس الي دخلوا حياتك زمان مكانش هيبقي عندك خبره فى الصحاب اكيد دلوقتى بقيت عارف مين كويس ومين لاء ، اولا انا بشكرك جدا علي ثقتك وكلامك وعلي انك لسه جواك تأنيب ضمير وحاجه بتدفعك للتغيير وده من احسن الحجات وكمان ربنا مش بس بيدى حسنات للتائب ده حتى الي بيفكر فى التوبه ربنا بيديلو حسانات، بالنسبه الصلوات الي فاتتك من رحمه ربنا عليك انك مش ملزم تعيد من الاول بشرط انك تكون صادق فى توبتك مع علي والدليل كيف اعوض الصلوات التي تركتها؟ فعليه التوبة إلى الله -التوبة الصادقة النصوح- المتضمنة: الندم على ما مضى، والإقلاع من ذلك، والعزم ألا يعود لمثل ذلك؛ تعظيمًا لله سبحانه، ورغبة في ثوابه، وحذرًا من عقابه، ولا قضاء عليه؛ لأن النبي ﷺ لم يأمر المرتد عن الإسلام ثم تاب أن يقضي ما ترك من الصلاة، بالنسبه لموضوع العادات السيئه الي خدتها منهم عمتا الشخص بياخد بالعادات الي موجوده فى الي قدامه ده حتى فى مقوله بتقول أن الشخص هو عباره عن خليط من اكتر 5 أشخاص محيطين بيه ، هما مكانش سويين نفسياً أو حتى ناس ممكن نعاتب عليهم هما اكيد عندهم مشاكل فى البيت وحجات خليتهم يعملوا السلوك الغلط عشان كده متفضلش طول حياتك مستنى الفرصه الي تلومهم عشان هما اصلا مايتلاموش الي تلومه هو إلى انت باقي عليه ، ثم هما مكانوش صحابك ولا بيحبوك مينفعش حد يحب حد يأذيه ابدأ بجد فى مقوله بتقول (المُحِب لا يهدي ذنوبًـا، ولا يُفسد على مُسلم قلبه.") بالنسبه لصديقتك ربنا يرحمها هى ف مكان احسن من كده لو كان علاقتكو كانت حرام او مرتبطين أو اى حاجه مترضيش ربنا متقولش لحد انها كانت بتكلمك ادعى ربنا يغفر لها الذنب ده مثلا اكيد هى ف مكان احسن الإنسان بيبقي عندو فضول عمتا لأى حاجه عشان كده كنت عاوز تجرب كل حاجه معاهم ف متلومش نفسك متفكرش ف الانتحار ثم يا صديقي علي هل الاخره انت مستعد ليها ؟ يا صديقي انت كده خسران مرتين خسران المره الاولى لما خليتهم يعرفوا يستقوا عليك ويبوظوا سمعتك مع انك المفروض متهتمش يغوروا هما وسمعتهم خلوك توصل للانتحار والمره التانيه لو نفذت الي ف دماغك وكفرت بالله وانتحرت انت كده خليتهم ينتصروا عليك ف الدنيا والآخرة ليه ممكن تضعف كده ؟ ليه متخليش هما الي يندموا أنهم خسروا حد كويس اوى زيك انت احسن من كده انت تستاهل الاحسن بجد متخليش عقلك يسوحك

وعليكم السلام ورحمه الله وبركاته ، شكرا لكلامك وانك لسه عندك امل فى الحياه وان شاء الله كل حاجه تبقي احسن 🤍 الأرزاق عند ربنا مختلفه ربنا بيختبر كل واحد بحاجه مختلفه وبيجبر بخاطره برزق مختلف فى ناس كتير اكيد امهم ممكن تكون كويسه جدا معاهم بس دول اكيد عندهم مشاكل تانيه فى علاقات تانيه خالص وده بيدل أن مش عشان عندك ام بتعاملك بطريقه سيئه أن العيب منك انتى أو انك تقللي من نفسك أو من ثقتك فى نفسك فى ناس بتبقي موجوده فى حياتنا حرفيا محتاجه تتعالج نفسيا واحنا الي بيقع علينا الأذى بسببها ، بر الوالدين حاجه مهمه جدا عشان كده لازم تستحملي وانك تستحميلها دى حاجه ربنا عمرو ما هينسالك ابدا ده وان شاء الله ربنا هيرزقك بأولاد كويسين فى المستقبل تعوضي فيهم عن اى حاجه وحشه حصلتلك وربنا هيرزقك بناس كويسه فى حياتك بس محدش هيحبك غير لو حبيتى نفسك انتى عارفه ايه نقطة ضعف اى انسان ؟ هى عدم معرفته بنفسه وعدم حبه وتقديره لنفسه اى حد مؤذى هيدخل حياتك ويعرف انك مش حابه نفسك أو دايما لما يحصل بينك مشكله انتى وحد دايما تلومى نفسك ده انتى كده بتخلي الناس عارفه انهم من تعليق واحد قادرين يخلوكى مدايقه طول حياتك ، انا عارفه أن المده كانت كبيره اوى وان ١٢ سنه من الصداقه ده شىء كبير بس اكيد لو كنتوا كملتوا كان ممكن يحصل حاجه كبيره وده لان ربنا مبيبعدش عن حد حاجه الا لما يجبر بخاطرك وهى قليلة الأصل انها تغتاب حد كان ف حياتها وتتكلم عليه واكيد هى علطول مدايقه منك ومش عوزاكى احسن منها لو مكانتش بتفكر فيكى مكانتش اتكلمت عنك وده يديكى ثقه اكبر انو كان اختيار صح لما ربنا بعدها عنك واحمدى ربنا انتى حاليا بتعانى من قلة حب والحمدلله انك مخدتش خطوة غلط او بحثتى عن الحب فى علاقات غلط عشان تحسي بالاهتمام واوعى ترتبطى أو تعلقي نفسك أو تصاحبي أى بنت لمجرد حلاوة البدايات أو انك عاوزه تحسي بالحب والأمان لو ركزتى مع نفسك مش هيفرق معاكى اى حد والله بالنسبه لمامتك حاولى تذاكرى. وتصلي كتير قدامها حاولى تساعديها فى البيت متمسكيش التليفون وانتى قدامها خالص حاولى تعملي قدامها كل حاجه كويسه الكلام بتاع الأهل مؤذى انا عارفه بس والله العظيم الصبر احلا ربنا يرزقك بحد كويس يقدرك وكمان حبي نفسك بجد انتى باين عليكى طيبه اوى قربي من ربنا وادعيله متحكيش لحد عن أسرارك اياااااااكي تقولي لحد عن علاقتك بوالدتك عارفه لو مامتك كده بتعلقك فى المروحه قوليلهم ده ماما بتعاملنى احسن معامله متعرفيش حد نقطة ضعفك لأن فى اقل خناقه هيعايروكى أسرارك لنفسك ادعى لربنا يحنن قلبها عليكى وكل حاجه تعدى علي خير محدش دايم لحد وكلام الناس والناس عموما ميشغلكيش الدنيا مش دايما الواحد بيموت مش بياخد معاه كلام الناس وانا هدعيلك والله 🤍

ولا يهمك متتكسفيش 🤍 اول حاجه الشهوه أمر طبيعي بيحصل لما بنشوف حاجه مثيره أو مغريه زى مثلا مشهد معين ممكن يكون اتعرض فى التليفزيون ف حالنا فضول نعرف لحد ما حبينا فكرة الحجات الي بتحسسنا بالشعور الحلو ده ودى شكله ناس كتير وقعت فيها لازم تشوفي ايه الحاجه الي مخلياكى عاوزه تحسي بكده يعنى مثلا هل بتتفرجى علي افلام أو مسلسلات رومانسيه فيها مشاهد ف بتندمجى مع الممثلين ونفسك تجربي شعور المشهد ف بتتخيلى ؟ ولا حضرتك مرتبطه أو معجبه بحد ف مثلا بيجيلك احساس انك عاوزه تحسي الشعور ده مع الشخص ده ولا بتسمعي اغانى تخليكى حاسه انك ف احسن حالاتك وتخليكى عاوزه تتخيلي راجعى نفسك اكيد فى حاجه بتشجعك علي ده بالنسبة للدين ف الأفكار ربنا مش بيحاسب عليها يعنى لما تتخيلي حجات غظب عنك ربنا مش هيعاقبك علي ده فمجرد التخيلات والخواطر لا مؤاخذة عليها، فالأصل أنّ الإنسان لا يحاسب على مجرد حديث النفس من غير أن يتحول إلى أفعال أو أقوال، لقول رسول الله صلى الله عليه وسلم:( إن الله تجاوز عن أمتي ما حدثت به أنفسها، ما لم تعمل أو تتكلم ) بس هل معنى كده نستمر فى التخيل ؟ لا طبعاً لأن التخيلات ممكن تتحقق يعنى ممكن فى اقل موقف توافقي تعملي حاجه غلط لمجرد أن التخيلات كلت عقلك خلاص الاحساس بالتوبه من بعد الذنب وتأنيب الضمير انا بحمد ربنا إن لسه الحاجه دى فيكى بس انتى لو يومك مليان ومبتفكريش فى اى شخص والله ما هيحصلك كده ولا هتكون فاضيه يحصلك كده إن شاء الله ربنا يكرمك وتعدى المرحله دى وبلاش اختراع سيناريوهات لأن هى من اكتر الحجات المؤذيه لأن احنا بنهرب بيها من الحقيقه وبنحقق فيها حجات كان نفسنا تحصلنا وكلها وهم وكسل ف بلاش قربي من ربنا طبعاً مش محتاجه كلام احكى لربنا انك محتاجه مساعدتو ربنا يوفقك 🤍

ردود غبيه وناس عديمة الذوق البنت بتشتكي لينا وفيها الي مكفيها بتلومها ليه ما هى كدا كدا ندركه انها غلطت وندمانه جدا ، بصي يبنتى سيبك من كلامهم ركزى معايا اول حاجه الإنسان طبيعته بيغلط اه مش كلنا بنغلط نفس الغلطات لكن علي الاقل ربنا عارف احنا نقدر تتحملها ليه دايما رابطه فكرة الانتحار بالراحه وانك هتكونى خلصتى من تأنيب الضمير ؟ الدنيا دى كلها متسواش حاجه جنب الاخره حرفيا انتى كفايه عليكى انى معارفه بغلطك وانك ندمانه وبتحاولى تتوبي مجرد التفكير فى التوبه ده بيخليكى عند ربنا حاجه كويسه ربنا بيعمل ليكى إشارات كتير بس للاسف انتى بتفهميها غلط انا عارفه أن اختك كويسه معاكى وانتى بيصعب عليكى نفسك انك عملتى فيها كده بس الزعل مش هيوصل لحاجه انتى ممكن تربي عيالها أو تساعديها فى تربيتهم تربيه كويسه تتحاسبي عليها عند ربنا أو حتى تحاولى تعوضي اختك عن اى موقف اقطعى علاقتك بجوزها نهائي اعملي بلوك أو ما تشوفيه فضي بصرك يبنتى عشان الموضوع ميتكررش تانى انا محتاجه منك انك تكون عندك صبر وعزيمه انك تتغلبي علي الماضي اى حد هيقولك تعالي انسيكى الماضي يبقى بيكدب عليكى لأن سنة الحياه أننا نتعلم من أخطاء الماضي ونتقبلها حتى لو كانت كبيره مش نهرب منها متحكيش لأى حد مهما كان علي اى حاجه فى حياتك انا عارفه انك كنتى محتاجه حنيه وحنان من أهلك وللاسف نصيبك كان أنك تتعاملي معامله اسوء من الي المفروض يكون عشان كده انتى بدأتى تدورى علي الحنان والطيبه مع ناس مش كويسه وارتبطتى كتير بس عشان تلاقي مكان ترتاحي فيه حتى لو المكان مش مناسب مع انك لو ركزتى علي تغيير نفسك وقعدتى مع ربنا بعد الصلاه تبكى وتدعى وتكلمى ربنا مش هتحتاجى ابدا لحد تحكيلو بعد ربنا الزنا من الكبائر ولكن ربنا حتى فى الكبائر بيسامح محدش ضامن عمرو فى صلاه اسمها صلاة التوبه صليها وربنا اكيييد هيسامحك لان ربنا أكد علي المسامحه بعد التوبه وبعدين متقوليش علي نفسك شمال انا عارفه انك بتعاتبي نفسك بس انتى كده قاسيه جدا مع نفسك متسمعيش لحد بيشدك لورا لو ملقتيش صحبه صالحه يبقي صاحبي نفسك وخلاص بالنسبه لموضوع ابن خالتك والشهوه انا مصدقاكى علفكرا ممكن فى ابتدائى حاسه بشهوه واكيد هتفضلي فاكره لأن الحجات دى بتعلم فى الدماغ هو الي شجعك وانتى كنتى طفله متعرفيش الصح من الغلط ازاى تعاتبى نفسك ؟ خليكى حنينه عوضي نفسك عن كل الناس الي اذوكى انتى محتاجه لنفسك تطبطبى علي نفسك وربنا معاكى وربنا يقبل وتلك إنشاءالله 🤍

ما هما هيقولوا عليك قموصه عارف ليه ؟؟ عشان لما هما بيهزروا سوا محدش فيهم بيزعل الا انت الوحيد الي بتزعل انت مصاحب ناس بطريقه هزار معينه وطريقه كلام مختلفه عن اى طريقه كلام انت حابب تسمعها عشان كده هتلاقي أن هما مستغربين الي هو اشمعنا ده الي بيزعل من كلامنا هما مش هيتغيروا والموضوع مع الولاد بيبقي اصعب يعنى البنات ممكن تقول أنا مش حابه نوع الهزار ده وخلاص لكن الولاد هيفضلوا يقول عليك انك مش مستحيل الهزار وكلام عبيط كده ف نقي صحابك كويس لان هما اكيد لاحظوا عليك انك بتزعل ومصممين يستمروا مع انهم كان ممكن يخافوا علي زعلك ، عموماً شوف انت مطمن لموضوع انك تقعد مع ناس بعقليه مختلفه عنك ولا لاء

ده عذاب حرفيا بتهدر فيه مشاعرك وبتعيش فى الم وغيره وانت مش عارف تواجه من أبشع أنواع الحب ولكن هو من اكتر الأنواع مصداقيه بس بجد عذاب

قربي من ربنا وتابعي ناس علي اليوتيوب وخصوصا بودكاست عن الثقه بالنفس هيساعدك جدا وبجد الناس مش مهمه مترتبطيش سعادتك بيهم ربنا يوفقك 🤍

حاولى تبعدى عن اى حاجه تشتت تفكيرك قربي من ربنا اكتر الي بيخليكى بعيده عن ربنا انك لسه معرفتيهوش كويس لانك لو عرفتيه مش هتقدرى تبعدى عنه حاولى تسمعى لناس بتتكلم عن التقرب من ربنا وتشجيع للدراسه خلي فى حاجه فى يومك تحمسك وتشجعك لسانك ما يفرقهوش الاذكار قبل النوم ، بعد النوم ، فى نص اليوم ، ساعة المذاكره أو بعدها بصي الأذكار تحفظك وتحرصك وكمان هتقربك وترجعلك شغفك وانا هقولك على حاجه متصدقيش اى حد بيقولك انا مش عارف اذاكر أو البوستات الي بيقعدوا ينزلوها عن زنقه الامتحان دول بيحاولوا يحسسوا انك مش لوحدك الي مراكمه المذاكره عليكى دول بينزلوا البوست وهما بيذاكروا حرفيا ، ف خليكى واعيه اكتر من كده ، وكمان اكتر كدبه ممكن تكون بتتقال وللاسف صدقناها هى أن المذاكره محتاجه شغف وده غلط فى حجات فى حياتنا لازم لازم نعملها حتى لو طاقتنا وشغفنا معدوم زى الصلاه ، والمذاكره دى حاجه لازم نعملها ونركن الشغف عقلك بيتحكم فى تصرفاتك حاولى تحسنى من تفكيرك للموقف متحطيش نفسك فى حتة الشغف لانك هتصدقى ف تتعقدى حتى لو الأمور معقده افضلي قولي هعرف وهنجح وهقدر بالتوفيق يا قمر وربنا يناولك الي فى بالك 💖

انا عارفه انها سنه مهمه جدا واكيد انتى تحت ضغط وخوف وتوتر لكن الموضوع إنشاءالله هيعدى وهتبقى من احسن ذكرياتك إن شاءالله اهم حاجه بس كل ما تحسي بتوتر حاولى تقعدى فى مكان هادى أو تاخدى بريك عشان تقدرى بس تظبطى تفكيرك وبعدين حاولى تذاكرى براحه وتاخدى وادى لنفسك مش مهم فاضل قد ايه التوتر والخوف ده من الشيطان دايما بيعطلنا عن اى حاجه ليها علاقه بنجاحنا أيا كان مجموعة المهم تكونى عملتى الي عليكى انتى مش مسؤوله عن النتيجه انتى مسؤوله عن السعي ربنا بيقول( وَأَن لَّيْسَ لِلإِنسَانِ إِلاَّ مَا سَعَى، وَأَنَّ سَعْيَهُ سَوْفَ يُرَى) يعنى اهم حاجه السعي حاولى تعودى لسانك عن الذكر عشان تبعدى عن نفسك اى تفكير أو خمول أو اي حاجه تخليكى تحسي أن المذاكره تقيله شوفي يوتيوب كتير ربنا يكرمك يارب وتحقيق كل الي نفسك فيه ويسعدك 🤍

لااااااا ، بجد لا متعمليش كده زيت الخروع او اى زيت للرموش مستحيل ده بيؤدى لحدوث كيس دهني فوق العين بجد حاولى تلجأى لدكتور فى اى مشكله بتواجهك لأن الي علي النت دول تعبانين خالص

انا مش عارفه بالظبط ايه أهم الحجات الي ممكن حضرتك تبدأى بيها المشروع بس اكيد علي اليوتيوب بنات كتير شاطره فى الموضوع ده ، بالنسبه لموضوع ازاى تبدأى مشروع عشان تعملي مشروع لازم تكون واثقه فى المنتجات الي بتقديمها جدا وعن تجربه ، واهم حاجه التسويق اكيد انتى لاحظتى أن معظم الناس الي بتسوق كويس بتعتمد علي كل الحجات الي بتجذب الناس زى أنهم يشوفوا اى تريند ويستخدموه لطريقه كويسه زى مثلاً ينزلوا ميمز علي الصفحه كل شويه عشان يكسبوا زبون هيحب جدا الصفحه وكمان حاولى فى بداية مشروعك تبعتى لبلوجر أو اتنين دول بيبقوا مؤثرين بنسبه كبيره وفى بنات كتير بتثق فى رأيهم وبالتوفيق 💖

انتى صغيره جدا واكيد بتتعلقي بأى حد حتى لو كان غلط بس انا مش هقولك دول كفره شواذ وكلام معقد انا هكلمك بكل منطقيه من تفكيرك انتى بالعقل كده ، هل هما حقيقين ؟ يعنى تصرفاتهم وكلامهم انتى مصدقاه ؟ انا كنت ارمى فى فتره وعارفه كل حاجه عنهم بس هما بيغسلوا الدماغ بكلام غريب زى أنهم احسن ناس ممكن نشوفهم وأنهم بيحبونا جدا جدا ، طب هما اثبتوا ليكى كده ازاى ؟ عشان اغانى ؟ طب بتس كلهم لو حصلهم مشاكل فى الفلوس هل هيقولوا مش مشكله اهم حاجه رضا الناس ؟ لاء طبعا دول وجودهم حوالينا بس عشان الفلوس هما بيزنوا وبيخمروا وبيعملوا الكبائر ده غير أنهم مش مؤمنين بالله انا ليه ممكن احبهم ؟ ليه ممكن تتعلقي بحد هو اصلا ميعرفش انك عايشه ، انا صريحه معاكى جدا ، بس هل انتى شايفه أنهم صادقين ؟ يعنى لما يقولو فى الاغانى كلام حلو لينا معناه أنهم بيحبونا ! مهما اصلا مش هما الي كاتبين ثم إن من الكبائر أننا نحب ناس ملحده تخيلي واحد كل انجزاتو انو بيحط ميكب وطالع يرقص ؟ لا لا بجد الموضوع صعب فكرة انك بتحبيهم دى مصيبه انتى هتتسألي يوم القيامة عن حبك ليهم اتقي الله وابعدى عنهم وعن اى حد بيشجعك عليهم وربنا يوفقك 💖

السلام عليكم انا حاسه بيكى 🤍 هتكلم معاكى فى كل حاجه بصي يبنتى انا هقولك حاجه الحب من طرف واحد من اصدق أنواع الحب انك تتعلقي بحد وبالرغم من كده يكون من طرف واحد انا مريت بالتجربة دى واكيد غيرنا كتير انا برضو حبيت من طرف واحد بس هو محبنيش بالعكس ارتبط بصاحبتى وكانت عارفه انى بحبو بس يمكن تقولي هى كانت احلا بصراحه واحلا اوى كمان بس انا قولت زيك بالظبط أن العيب فيا مع أن الحقيقه ان مينفعش نفضل مجلد فى ذاتنا كده يبنتى انتى عند نفسك غاليه اوى لو فضلتى تقولي كل الكلام المؤذى ده لنفسك هتتعبي اكتر واكيد غظب عنك عيبان قدام الناس ويلاهوى لو حد عرف أن عندك قلة ثقه هياخد دى نقطة ضعف لكن لما تكونى قويه وواثقه فى نفسك مفيش حاجه هتعرف توقفك بالنسبة للولد الي فى الأول لازم تكونى مقتنعه أن مش لازم كل الي بنحبهم يحبونا وده شىء طبيعي مش لازم عشان الي قدامك حب غيرك ومحبكيش يبقا غيرك احسن منك ملهاش علاقه طب ليه الي بنحبهم مبيحبوناش ؟ عشان ربنا مخلي كل واحد بتفكير مختلف وقبل عملية الحب ما تحصل بيحصل عملية اعجاب وعملية الإعجاب دى محتاجه أن الشخص ينجذب لحد معين شايف فيه حجات مميزه الحجات المميزه الي فيكى غير الي فيا غير الي عند اى حد عشان كده كل واحد بيبقا حاطط فى دماغو حجات معينه مش لازم تكون فيكى وده مش عيب فيكى يعنى ممكن حد يكون عاوز واحده تقيله عليه يمكن انتى كنتى مركزه معاه بطريقه هو حس انك ممكن تكونى باينه اوى انك بتحبيه والولاد بيحبوا البنات الي كارفالهم انا شايفه أن موضوع الحب فى حياتك واخد مساحه كبيره وده اكيد بسبب انك فاقده حب من حد فى أهلك لان مفيش حد بيدور علي الحب كده من برا الي أن كان فقده وده اسوأ حاجه ممكن تحصل أننا ندور علي الحب من اى حد اى حد يحبنا نحبو طب ما يمكن مش خير لينا ؟ انا عارفه أن فيديوهات الحب والبنات الي حواليكى والاغاني الرومانسيه كل ده بيخلي عندك شعور انك تحبي وتتحبي لكن ربنا كاتب لكل واحد النصيب والله بدل ما تراقبي كل الناس وتقارنيهم بيكى استغلي علي تطوير نفسك انتى عارفه الولاد بتموت علي مين ؟ البنت النضيفه الي واخده بالها من نفسها الي واثقه جدا هيكون بيتجنن عليها عشان عارف انها صعبه عليه ومحتاج يعافر عشانها يبنتى لو كل الي حبيناهم حبنا مكنش ربنا قال إن الحب من طرف واحد ده شقاء لأن احنا بنتعب ارواحنا فيه حبي نفسك يبنتى واهتمى بيها خليكى حنينه وعوضي نفسك عن كل حاجه انتى عامله زى الي بيركز علي حبايه ويسيب باقي وشو المنور اهو انتى مركزه فى الحب وسايبه نعم كتير انتى تتحبي بس الي حواليكى مش فاهمين ده عشان محدش بيحب الناس الي بتفرض نفسها وبالنسبه للتطبيق الكلام امسحييييه وقريب من ربنا وبالنسبه لصورة جسمك أن الله غفور رحيم إنشاءالله متتكررش تانى مهما حصل لا انتحار ولا حاجه المنتحر خسران دنيا واخره وانشاء الله يارب تكسبي خير الدنيا والآخرة بالتوفيق يحبيبتى 🤍

السلام عليكم بالنسبه لموضوع التنمر والنميمه حاولى تنصحي ولو برضو مصممين عدم القبول يبقى عليكى انك تتحججى بأى سبب وتتركى اى مكان ممكن يخليكى تشيلي ذنوب بالنسبة لموضوع ازاى تسلمى ف السلام لله يبنتى مش لازم تتكلمى مع الشخص بس سلمى عليه وخلاص وبرضو حاولى تتحججي وتبعدى

التجسس أو الاختبارات اسوء حاجه بجد بتكرهك فى حد وكمان نصيحه ليكى بقا ابعدى عنو لانو اكيد خانك قبل كده فى فترة ٧ سنين وانتى متعرفيش ابعدى بجد

بلاش تحط اسم الشركه يمكن انت فاهم غلط لكن لو انت حاسس انك لو متكلمتش علي السوشيال ميديا في ناس ممكن تتجنب الشركه دى حاول تنصح بدون استخدام اى كلام يدايق أو اى ألفاظ وممكن لو معاك دليل هيكون افضل لكن الكلام منغير دليل مينفعش وربنا يجبر بخاطرك ويعوضك

السلام عليكم ، سعات الإنسان بيتعرض لمواقف مؤذيه كتير فى حياتو ومشاكل كبيره من اهلو ومن الي حواليه وسعات بيفشل فى حجات كتير اوى ف حياتو ممكن يفشل في الحب أو الدراسه او اى حاجه كان نفسو فيها وبمإن الإنسان طبعو انو هو يحب التفكير ف سعات التفكير بيبقي مصحوب بوسوسة شيطان تخلي الإنسان بفكر افكار غريبه تشجعو كل أفعال مش كويسه وف الحقيقه كل ده بيكون وهم يعنى مثلا ربنا بيبتلي كل واحد ب ابتلاء مختلف وكلنا مختلفين فى طريقه استوعابنا للابتلاء ده فى ناس بتكون قويه وناس ضعيفه الناس الضعيفه دى بتهرب من المشاكل والضغوطات بإنها تسمع اغانى أو تشوف اى حاجه وتتخيل أنها عايشه فى عالم تانى عشان تهرب من الواقع ممكن يكون الإنسان معدووم الشخصيه ومنبوذ ومع ذلك عشان يحيي نفسو بالراحه يتخيل انو حد كويس وهكذا الملتزمه دى انتى بتدخلي فيها كل الاحلام الي معرفتيش تنفذيها لو تعرفي تتابعي مع دكتور يكون شىء كويس أو اتفرجى علي فيديوهات اكتر عن الموضوع ده هيفيدوكى إنشاءالله 🥰

لو شوفتك من 3 سنين هفتكر أن انا الي كاتبه الرساله دى واخاف ازاى في تشابه بينا كده 😂 اول حاجه ربنا معاك ويجبر بخاطرك وانشاء الله كل حاجه تتحل وربنا يشفي الشخص المصاب بالكانسر ده🤍 فى وقت ف حياه كل انسان بجد بيمر بتقلبات نفسيه كتير بيبقا عصبي ومدايق وبيحس انو بقا حد غريب ولكن اكيد بيكون عندو مشاكل كتير ف حياتو خليتو الشخص ده لو قدرنا نعالج المشاكل هنعالج الشخص ده🤍 اول حاجه بالنسبه لموضوع صحابك ف مش يمكن ربنا بيعمل كده وبيخليك تكتشف فيهم حجات ف نفس الوقت الي انت بتعانى فيه من مشاكل عشان تعرف حقيقتهم أو عدم وقوفهم جمبك ؟ ليه ممكن حد يتغير عليك فجأة بدون أسباب ؟ إلا إذا كان من البدايه شخص مش كويس انت اتخدعت فيهم لازم تواجه نفسك ب ده الحب عمرو ما بيقل غير لو هما قللوه بمزاجهم لازم تكون عارف ان محدش يستاهل زعلك علشانو انت كمان بتكره نفسك وبتحس انك أقل منهم محدش ممكن يحس انو أقل إلا إذا قارن نفسو بحاجه وأسوأ حاجه ف العالم هى حوار المقارنه ده وبجد لازم تحاول تعرف أن مفيش حد احسن منك فكره انك قريب من ربنا وبتحاول تتغير وباقي عليهم ده لوحدو دليل علي انك انسان طيب وتستاهل كل خير حاول تحب نفسك اكتر من كده حاول تبص علي أحوال غزه وقد ايه في ناس معندهاش أهل ، بيت ، اكل ،لبس،مايه،مدارس، ولا حاجه كل ما تحس بعدم الرضا فكر نفسك بيهم هما صابرين ومتحملين يبقا انت لازم ترضا وتحب نفسك بالنسبة للاسأله بتاعت احنا ليه اتخلقنا ف للاسف المرحله دى من اكتر المراحل الصعبه الي يتعدى علي كل الناس ف فترات معينه صعبه لأن فيه الي ايمانو بيخليه يسيبها وفيه الي الأفكار بتشدو ف بيبعد عن ربنا انت دلوقتى بقيت بتسيب نفسك لنفسك كتير اوى بجد بقيت بتفكر كتير والتفكير الكتير مش كويس والتفكير اصلا مبيعملش حاجه غير انجازات خياليه طب ما تشتغل ف الواقع ؟ يعنى من دلوقتى غير من نفسك وحبها انت عامل زى الي بيركز علي الحبايه وسايب وشو كلو الكويس مركز علي عيب وسايب كل النعم دى بطل تفكيرررررر لوحدك بقا بجد عشان هتفكر ف اسأله تخليك كاره نفسك وتتخيل حجات محصلتش واتمنى متكونش وصلت للمرحله دى حب نفسك انت تستحق🤍

لازم تبعد عن اى حاجه بتشجعك عن الموضوع ده لازم تبعد عن اى صديق او اى مكان فى ناس بتشرب فيه ف تشجعك مش لازم تضغط علي نفسك لازم تتعالج من الحوار ده براحه يعنى اول حاجه تبدأ تقنع نفسك هى قد ايه حرام وممكن تضر واكيد انت فاهم كويس أضرارها عشان تساعد نفسك تتخلص من الموضوع ده كل يوم حاول تصوم لحد ما جسمك يتعود علي كرهها العقل لما بيقتنع بحاجه بيكره الحاجه دى حاول تقنع عقلك بكرها هتلاقي نفسك بتبعد عنها بجد وكمان حاول تصوم عشان انت مش هتعرف تشربها وانت صايم لحد ما جسمك يتعود واتفرج علي فيديوهات عن الموضوع ده على اليوتيوب كتيرررر وبالتوفيق 💖

السلام عليكم 🤍 احنا لازم نبدأ ف الموضوع ده خطوه خطوه يعنى الاول نبدأ بالحجات الاساسيه اول حاجه لازم تستحمى كل يوم بسبب الجو الحر ده هيكون فى عرق وروائح كتير بسبب كميه الحر ف الوقت ده بالذات محتاج عنايه كبيره جدا يعنى هقولك ازاى اول حاجه تستحمى كل يوم وكمان تستعملي صابونه تديكى ريحه كويسه انا انصحك ب dove طب لو فلوسك مش هتكفي؟ حاولى تنزلي تشترى اى صابونه ريحتها تكون حلوه زى ريحه الياسمين مثلا طب بالنسبه للتنضيف من الشعر الزياده أو ازاى نشيله الشعر بيعمل منظر مش لطيف خصوصا لو انتى شابه أو ف فتره 17 او18 يعنى لازم نشيل شعر اليد والرجل والمناطق الحساسه ومنطقه الاندر ارم يعنى كلو طب ازاى ؟ علي حسب الحاجه الي بتريحك بس انا بشوف أن الشفره سريعه بس السويت ممكن يوجع شويه لانو بيشيل من الجدر ولكن ف نفس الوقت احسن بكتير لانو بياخد وقت علي ما الشعر يطلع تانى لو حسيتى بوجع جيبي مخدر من الصيدلية وحطيه علي المكان وبعدها بعشر دقائق حطى السويت وبالنسبه للوجه ف مهم جدا جدا تشيله شعر حوالين الفم عن طريق شفرة الوجه وطبعا شفره الوجه مختلفه عن شفرة الجسم خلي بالك او ممكن تعمليه بخيط اى حاجه في علي اليوتيوب فيديوهات كتير عن نصائح عن ازاى تخلي ريحتك حلوه وازاى تهتمى بنفسك كمان لازم يكون عندك كريمات كتير وتعملي ماسك كل اسبوعين مثلا وطبعا لازم تحطى مزيل عرق وتهتمى بشكل ضوافرك جدا اهم حاجه الريحه بجد وطبعا تغسلي سنانك كويس جدا مرتين أو مره في اليوم وتابعي فيديوهات يوتيوب 🤍

ربنا معاك ويجبر بخاطرك 🤍 إنشاءالله كل حاجه تتحل والله لازم تكون صبور اكتر من كده امسح كلمة خلاص دى من حياتك يعنى ايه خلاص اصلا ؟ وبعد خلاص هيحصل ايه يعنى هتستلم ؟ متبقاش ضعيف انت لازم تحارب عشان سعادتك خليك اقوى من كده وربنا معاك 🤍🤍

الحجاب للاسف حاليا مش دليل علي اخلاق البنت لأن الموضوع ده بقا منتشر بطريقه مش طبيعيه أنهم يكونوا أخلاقهم وتصرفاتهم سيئه جدا ومع ذلك محجبين بس حضرتك بتتكلمى عن ليه المحجبات بيعملوا حجات غلط رغم الحجاب ولا بتتكلمى علي فكرة انتشار الارتباط ؟ بالنسبه لموضوع الحجاب ف بصراحه مش لازم لما نشوف حد لابس حاجه يكون مقتنع بيها نهائي الحجاب بقا بنسبه كبيره جدا الآباء بيجبروا ولادهم بيه ف عشان كده بنلاقي ناس كتير مش حاسه ولا مدركه بقيمة الحجاب وكمان تصرفاتها بتخلي حجابها شكلاً فقط ومش محسوب عليها لأن الحجاب ليه احترامو والشكل بيعمل دور مهم جدا ف اخفاء العيوب انا عاشرت ناس اشكال كتير منهم كانت من بعيد احلا ومنها فتره كنت متعرفه علي واحده منقبه ف قولت ايوه هى الصحبه الصالحه الي هتوعينى اكتر وطلعت من اسوأ الناس بجد وده يدل أن مش كل واحد بيعمل حاجه كويسه دليل علي انو كويس مش كل ما حد يتبرع بحاجه يبقا كويس مش يمكن عاوز يبان كويس ؟ ف ده نفس الشىء هما لابسينو عشان ناس حواليهم لابسينو اهو معاك معاك عليك عليك واهى ماشيه بالنسبه لحوار الارتباط ف بصراحه مش لازم البنت الي تكون ماسكه ايد ولد ده هى كده ضعيفه ف الدين ممكن هو ضحك عليها أو حتى هى ضعفت ف اضطرت تدخل معاه ف علاقه محرمه حتى لو كانت كلام ومقابله فقط بدون اى تجاوز بس فالاول والآخر الدنيا كده دايما بنتخدع كتير بسبب أنهم من برا احسن ولما تشوفي بنات بتقابل ادعيلهم بالهداية عشان هما كانوا ف يوم من الايام رافضين الفكره لحد ما اغواهم الشيطان والعياذ بالله ربنا يحمينا 🤍

حاولي تقنعيه وبجد متكرريهاش تانى ولا تهزرى معاه تانى عشان ممكن غظب عنك تعكى ف الكلام وانشاء الله ينسا الموقف ويسامحك ممكن يكون خايف عليكى ف ادايق بس حاولى تفهميه أو قوليلو انا همسح اليوتيوب من الموبايل

لو انتى شاكه انك محتاجه دكتور نفسانى مفيش مشكله لو روحتى أما انا شايفه أن معظم الناس لما بياخدوا على حد بيحكولوا كل حاجه بس بجد لازم تكونى واعيه وحاولى تكونى بشخصيه واحده عشان متشتتيش تفكيرك وبالتوفيق 💖

انتى فى فترة المراهقة والواضح انك معندكيش قدر كافي من التعرف علي الفتره دى وازاى تتعاملي معاها اخطر فتره هى المراهقه فيها بتنضج فينا حجات كتير وبتتغير مشاعرنا وهرموناتنا وغيرها لازم تقرأى عن المراهقه ادخلي علي اليوتيوب واقرأى كتير هيفيدك

حضرتك اتعرضتى لمشاكل نفسيه واكيد هيحصل نتائج بعدها بس المفروض عشان تتعالجى من مشاكل زمان انك تتقبليها أو تتقبلي انك ملكيش ذنب ف اى حاجه حصلت زمان انتى كنتى مجرد ضحيه لمشاكل عائليه ايوه ، انتى لازم تتقبلي مش تنسي لأن احنا مش كل حاجه تعاقدنا ننساها وهنفضل نحاول ننسا كل حاجه والنسيان مش بإيدنا حاولى تحبي نفسك وتصاحبيها وتعرفي قد ايه انتى حد كويس ميستاهلش انو يتعرض لصدمات بسبب ناس غير سويه كانت ف حياتك والماضي لازم نتعلم منو وخليه نسخه تقدرى تغييرها للأحسن 🤍 بالنسبه لموضوع الصحاب ف هما فترات كل فتره بيكون ليها صحاب جداد وحتى لو القدام كملوا هيجي معاهم كام حد جديد لان ببساطه سنة الحياه بتخلينا نتعرف علي ناس كل فتره عن طريق قدر ربنا ، اغلب الناس الي بيعيشوا ظروف صعبه ف طفولتهم ومشاكل نفسيه بيكونوا فاقدين اهم حاجه لنمو شخص سليم وهى المشاعر بيكونوا فاقدين حب وعطف وحنان وكل حاجه بتساهم ف تكوين حد كويس وبمإن الحب والحنان فطره ف الإنسان ف بيبدأ يبحث عن اى مكان يديلو الي محتاجو ف غالباً انتى كنتى بتصاحبي اى حد منغير ما تعرفي سواء هو مؤذى أو لاء لمجرد انك محتاجه تفرغى مشاعرك مع حد أو تلاقي حد تحبي وقتك معاه 🤍 اتعلمى انك مش عشان فقدتى شىء ف حياتك انك تدورى عليه ف اى مكان حتى لو مش مناسب حاولى تتعرفي علي نفسك اكتر والله ده هيفيدك مش هتحتاجى لحد 🤍 قربي من ربنا طبعاً مش محتاجه كلام ولو كنتى قريبه فعلا ف دى حاجه كويسه لو معاكى تروحى لدكتور نفسي ياريت لو مش قادره فى متخصصين كتير علي اليوتيوب وربنا يسعدك 🥰🥰🥰🤍🤍

اول حاجه المسامحه ليست فرض وده كان رأى الشيخ محمود شلبي بدار الإفتاء المصرية ف عشان كده مش لازم كلنا نسامح عشان سعات بنتعرض لحجات كبيره اوى من الأذى ف من حقنا أننا منسامحش لكن لو حسينا أن عدم مسامحتنا للشخص ده مأثر علينا بالسلب يعنى انتى مش مسامحه حد ف بتفكرى تأذيه لازم ساعتها تحاولى تسامحيه عشان تقدرى تعيشي مرتاحه وعموماً انتى سواء سامحتيه أو لاء ف عقابو عند ربنا هيتم ف الدنيا قبل الآخرة وكمان مش شرط خالص انك عشان متسامحيش حد يكون قلبك اسود بالعكس سعات غظب عننا بنرفض نسامح بسبب المعاناه ولو كلام أهلك بيدايقك بلاش تقوليلهم انك مسامحتيش أو سامحي يمكن يكونوا مش عاوزينك تتعلمى حوار عدم المسامحه ده من الاول وربنا يوفقك 🤍

ابعدى عنو لو حاسه انك بتأذيه أو انك مش قادره تبادليه نفس الحب والاهتمام او انك مش قادره تتخطى علاقاتك القديمه بدل ما تعيشيه ف العسل خليكى صريحه مع نفسك غيرى من نفسك الاول وبعدين ادخلي ف علاقات متستعجليشششش

لا يسيدى ولا لعب عيال ولا حاجه المشاعر مشاعر ف كل الأعمار تخيل ممكن طفل ف إعدادى يحب واحده حب اكتر من ناس كبيره ف متقلقش من حوار تقليل المشاعر ده . اول حاجه ربنا يريح بالك ويصبرك الفراق صعب انا عارفه اول حاجه يمكن البنت دى عانت زمان من مشاكل خلتها معندهاش اى ثقه فى الي حواليها وشايفه أن كل الناس بتخونها ممكن انت تكون عملت موقف غظب عنك خلاها تشك فيك أو يمكن هى الي بتتلكك عشان البعد بص الله اعلم عشان مظلمهاش بس انت بتقول انها بعدت عشان شكت طب هل ده سبب ؟ يعنى انت مش شايف انها ما صدقت تبعد عنك ؟ بصراحه ممكن تحاول تدخلها تانى وتحاول تقنع ولو مقتنعتش يبقا مش بتحبك علفكرا ممكن كلامى يدايقك بس فعلا مفيش حد ممكن يسيب حد لمجرد انو شك الا وإذا كان اتحمل منو كتير لازم تكون عارف ان مش كلنا بنحب زى بعض هى واخده يومك كلو هل انت واخد يومها كلو من نحية التفكير ؟ شوف كده من بعيد هل هى ف نفس مرحله الحزن دى ؟ لو هى فعلا زعلانه جدا زيك يبقا ساعتها تعرف انها بتحبك أما لو هى كملت حياتها من غير ما تسال نفسها هى بعدت ليه يبقا متفكرش بيها وبصراحه الموضوع ده كأنو متاها منغير اول ولا اخر بس انت علقت نفسك بحد منغير ما ربنا يرضا عن الحوار ده ، طب تعمل ايه ؟ تحاول تحط حبك ف اى حاجه انت بتحبها أو تستلم وترجعلها بجد انا حاسه بيك الموضوع صعب فعلا فى حلول كتير بس انتى اكتر واحد عارف البنت دى كويسه ولا لا لو حاسس ان زعلك ده هيفرق معاها ادخل كلمها ومتوقفش حياتك عشان حد

ربنا يحققلك على الي نفسك فيه ويجبر بخاطرك ويريح بالك ❤️ لما الإنسان بيكون ماشي طول حياته ف نظام كويس وبيكون ناجح وسعيد وفيه طاقه كبيره وفجأة الموضوع بيتغير بنقسم الموضوع لحاجتين دين ودنيا يعنى بالنسبه للدين ف ممكن يكون حسد ف لازم تنتظم على سماع رقيه شرعيه وكمان نحفظ الاذكار ونقرب من ربنا اكتر وبعدين مش كل حاجه لازم ننجح فيها والله الحياه مش دايما ف صالحنا واكيد ربنا عاوز يوصلك رساله لأى فشل ممكن تكون حاجه مش ربنا راضي عنها بالنسبه للدنيا ف ممكن بجد حضرتك تكونى بتبدأى دايما بالتركيز على حجات كبيره ف بتفشلي فيها جربي تحققي حجات صغيره وانشاء الله هتنجحى يمكن بتطلعي على الي فوق اكتر ما بتركزى علي الحجات الي مناسبه ليكى بالنسبه لموضوع التحفيز بصراحه انا بشوف أن التحفيز ده زى الدوا لازم تنتظم عليه مينفعش نقطع فيه لازم كل يوم نشوف فيديو ولا اتنين عن التحفيز وكمان ياريت لو تشوفيهم ف اول اليوم عشان يكون عندك طاقه حاولى تصاحبي نفسك مس هتحتاجى لحد ولا تزعلي لحد ايه رأيك تنزلي تخرجى لوحدك واشترى حجات حلوه لنفسك وتبسطى لنفسك وتفرحيها وبعدين تبدأى رحله تقلب الذات لأن حقيقي انتى لو عرفتى ازاى تحبي نفسك مش هيفرق معاكى انتى خسرتى ايه الحياه محاولات اهم حاجه راحه بالك ♥️

انتى مش محتاجه تكونى شخص كويس انت فعلا انسانه كويسه فكرة انك بتسألي نفسك كل الاساله دى وبتحاولى مع نفسك كتير ده ف حد ذاتو شىء كويس .. اول حاجه انا مقدره احساسك جدا وحاسه بيكى والله وقد ايه الموضوع صعب عليكى وان ده اثر على نفسيك لدرجه كبيره وان انتى ماشيه بمقولة لا يمكنك أن تشفي من نفس البيئه التى جعلتك مريضاً ، وهى أن انتى مينفعش تتعالجى من شخص وانتى معاه و ده نفس الموضوع مع باباكى ف اكيد كل ما هتكلميه هتفتكرى وهتتعبي لكن الموضوع ده داخل ف حته الدين وبر الوالدين وهكذا ف الي هيفيدك اكتر ناس متخصصه فى الدين زى مصطفى حسنى وغيره كلهم علي اليوتيوب بالنسبه الثقه بالنفس انتى محتاجه تتعالجى الاول من صدمات الماضي وتدركى انك ملكيش دعوه وان ده مش ذنبك وان باباكى مش سوى نفسياً مهما كانت الأسباب الي خليتو كده مش لازم عشان انتى معندكيش اب كويس معنى كده أن انتى حد وحش بالعكس الأرزاق بتبقي بأشكال مختلفه والابتلائات بردو يعنى ربنا زى ما ابتلاكى ب اب زى ده اكيد هيرزقك ب اولاد كويسين تزرعى فيهم كل حاجه كان نفسك تتعملك أو يرزقك بأم كويسه او اى شخص ربنا كاتبهولك لازم تتعالجى من الصدمات دى بالتدريج تاخديهم صدمه صدمه لحد ما تقدرى تتعالجى من كلو ولازم تقعدى مع نفسك وتفهميها قد ايه انتى حاولتى كتير وتعتبر ف حياتك كتير وده دليل علي انك شخص كويس بالنسبه لموضوع الرجاله ف صوابعك مش زى بعضها انا عارفه انو سببلك عقده لكن بجد هنصحك نصيحه اغلب الي باباهم بيكون سىءمعاهم بيخسروا حجم كبير من الحنان ف الإنسان بالفطره محتاج حنان ف بيبدؤوا يدوروا على حد طيب يديلهم الحنان ده ف اغلب حظهم بيكون مع رجاله مش كويسين لأنهم مبصوش علي عيوبهم هما بس عاوزين يسدوا فراغ الاب ف نصيحه متخليش تصرفات باباكى تخليكى تدورى على الحنان من ناس مؤذيه وده هينقلنا لنقطه تانيه وهى أنك لازم تحبي نفسك ووقتها مش هتحتاجى لحد واتمنى بجد أن حياتك تتحسن وبالتوفيق 🫶🏻🧡🧡🧡🧡🧡🧡🧡🧡

حسبي الله ونعم الوكيل فى اى حد اذاكى من عيلة والدك وربنا مبيضيعش حق حد واكيد هما كان بيتعمل فيهم كده زمان يعنى اكيد هما اتربوا بالتربيه المؤذيه دى عشان يطلعوا كل العقد دى فيكى يحبيبتى بجد انا اسفالك بالنيابه عنهم والله 🤍 بالنسبه لموضوع شخصيتك الفكره أن اى حد بيتعرض للتنمر أو التعذيب الجسدي أو اى نوع من أنواع الإهانات بيشوف العالم بنظره مختلفه وبيشوف انو مستعبد وكمان حاجه قليله اوى ف بيتولد وهو معندوش القدر الكافى نن الثقه انو يواجه وده بيرجع للماضي بتاعو 🤍 بالنسبه للماضي بتاعك انا هكون معاكى صريحه جدا انا عارفه انك هتستغربي لكن مفيش حد بيقدر ينسا الماضي بتاعو ، الفكره أننا ممكن نتعامل معاه بطريقه احسن ؟ احنا دماغنا الذكريات الي فيها مينفعش تتمسح بأستيكه مثلا لا احنا غظب عننا بنحتفظ بذكريات دى وبالذات لما بتكون شاغله تفكيرنا بشكل كبير مينفعش ننسا قد ما نحاول نشتغل علي فكرة اننا نقدر نتعايش معاها الاول انتى لازم تكونى عارفه أن كل الي حصل ده كان غظب عنك انتى انسانه كويسه جدا جدا المشكله ان البيئه الي حواليكى كانت غير سويه نفسياً وده باين علي تصرفاتهم الي عمرهم ما هيتغيروا لأن هما حتى مفكروش يصلحوا الغلط بل قالوا كلام ف عرضك وده من اسوأ انواع الأذى .. انتى جواكى حد كويس علفكرا اى حاجه انتى كان نفسك تعمليها أو كان نفسك تتعمل ليكى وانتى صغيره اى مشاعر واهتمام كان نفسك تلاقيهم اديهم لولادك انتى صبرتى كتير اوى سنين كتير اكيد ربنا هيعوضك بناس كويس وأهل كويسين ف المستقبل لما تتجوزى وتخلفي إنشاءالله 🤍 بالنسبه لوالدك ف الواضح أن هو شخص معندوش مشاعر ومش هيتغير واهلك كلهم كده .. فى مقوله حلوه اوى بتقول ( لا يمكنك أن تشفي من نفس البيئه التى جعلتك مريضاً) يعنى مينفعش تتعالجى أو تتخطى حجات حصلتلك ف الماضي وانتى حرفيا عايشه مع ناس بيفكروكي بيه ! انتى مش هتعرفي ولا هتقدرى حاولى تعتمدى علي نفسك وتحطى ف دماغك انك لازم تطلعي من برا البيئه المؤذيه قبل ما تكونى زيهم لان اكيد عمتك متولدتش مؤذيه كده اكيد شافت مامتها بتعمل حجات وبقت مؤذيه زيها ف انتى ممكن غظب عنك تبقي بنفس طباعهم ف حاولى تبعدى عنهم أو تشتغلي علي نفسك لحد ما تلاقي مهرب وتقدرى تتعالجى وحاولى تصاحبي مامتك أو اخواتك ممكن حد يقف جمبك وربنا يهون عليكى ويجبر بخاطرك ويعوضك خير يارب 🤍

انتحااااار ايههههههه ! انا مش عارفه هل انتوا واخدين فكره عن الانتحار عكس الفكره الي احنا واخدينها هل انتى مستعده انك تقابلي ربنا مع انك هتموتى كافره ؟ الانتحار هو انك تهربي من مشاكلك مش تواجهيها وبكده هتكونى انتى الطرف الخسران ف الحياه وف والاخره هل ده هيرضيكى ؟ بالنسبه لموضوع المقارنه بنسبة ٩٩٪ حرفيا من الجيل القديم اتربوا علي الموضوع ده وكل واحد بيتربا علي حاجه بيعيش بيها وهو مفكر انها صح وأهلنا كده طب نعمل ايه ؟ اول حاجه انت ف ايدك انك تصبرى لحد ما ربنا يكرمك وتتجوزى وتربي عيالك بالتربيه الكويسه والي كنت تتمنى تعيشيها ، طب وحاليا تعملي ايه ؟ تكرفى لكلامهم انا فاهمه أن كلامهم صعب ومؤذى وقاسي ولكن هما عندهم طريقه مختلفه ف التعبير عن خوفهم وكمان خديهم علي قد تفكيرهم هما عاوزبنك تذاكرى ؟ ذاكرى وحاولى تراضيهم أما بالنسبه للكلام ف بجد لازم تكونى واثقه من نفسك اكتر من كده اصل لو الواحد واثق ف نفسو مش هيفرق حاجه هديكى مثال تخيلي مثلا انتى لابسه تشيرت لونه احمر ، ف نزلتى الشارع وكل إلى حواليكى قالولك ده لونه ازرق انتى هتكذبيهم وحتى مش هتشكى ف كلامهم ولا هتتأثرى طب ليه ؟؟ لانك متأكده ١٠٠٪ أنه لونه احمر معلش علي المثال العبيط ده بس اتمنى الرساله تكون وصلت 😂 انا عمتا قصدى انك لو واثقه ومتأكده انك حد كويس وانتى اكتر حد عارف انتى عديتى بإيه بحياتك مهما قالو مش هتهمى بالنسبه للتنمر ف بجد ده حوار تعبان لان مفيش حد سوى نفسيا ممكن يتنمر غير لما يكون معقد ف بيطلع علي غيرو انا هنصحك بحاجه هتغير حياتك ❤️ اول حاجه انتى تقربي من ربنا وتصلي كتيرر ❤️ تانى حاجه تتفرجى علي فيديوهات نصايح تجميله أو اى عيب مثلا عاوزه تغيريه فيكى ده لو انتى حابه مش هما الي حابين يغيروا🤷🏻‍♀️🤍 تااالت حاجه والأهم بجد انتى تتابعى بودكاست فنجان ، وبودكاست وعى وبودكاست هدوء كل يوم اتفرجى علي حاجه فيهم وهتتغيرى والله وبالتوفيق يجميله 🤍

بالنسبه لموضوع القلق والتوتر هل طفولتك كانت ماشيه تمام ومفيش فيها مشاكل ولا كانت مليانه صدمات مثلا ممكن تكون أثرت علي تكوين شخصيتك ؟ وكمان هل انتى حد واثق من نفسو يعنى لانى ممكن تكونى بتتوترى من فكرة انك تقفى قدام حد أو تواجهى حاجه معينه مثلا ، بالنسبه لموضوع انك بتزعلي علي حجات حاولى تقللي الحجات الي ممكن تأثر علي نفسيتك لو الاغانى الحزينه بتتعبك ابعدى عنها لو الدخول فى علاقه مع حد ممكن يتعبك أو يبهدل مشاعرك ابعدى لو بتتفرجى علي مثلا فيديوهات ضحايا فلسطين حاليا ابعدى حاولى تبعدى عن اى حاجه تزعلك ❤️

انت كويس الصوت الي جمبك ده كان بالغلط ولا قصدك بيه حاجه مثلا ؟؟ وبالنسبه للاكتئاب ده بسبب ايه اكيد محستش فجأه بدون اسباب انك كاره الحياه وحاسس باليأس منها !

ممكن نعرف ايه المرض عشان نقدر نساعدك أو نقدر نتفهم ازاى نحل المشكله بتاعتك ؟

أولاً ، حسبي الله ونعم الوكيل في اى حد ممكن يأذى حد ويتصرف التصرفات القذره دى بجد بصي بالنسبه للتعافى من موقف هو انك لازم تكونى متفهمه انك عايشه ف عالم مليان بلاوى ومصايب كتير لازم تقنعى عقلك أن البشر مش كلهم كويسين واكيد فى ناس مريضه حوالينا ولما تقدرى تقنعى نفسك ب ده هتتفهمى أن كلنا معرضين للكلام ده وبجد لازم تحمدى ربنا أن هى جات علي قد كده وربنا حماكى🤍 وعارفه أن الموضوع يدايق وهتفكرى كتير فيه بس بجد لازم تكونى عارفه أن حقك مش هيتساب وسيبى امرك علي ربنا وانشاء الله ربنا يجيبلك حقك منو 🤍 بالنسبه ازاى تتفادى المشاكل دى لازم يكون معاكى اى حاجه للدفاع عن النفس أو بكون معاكى شخص كبير لو عندك اخ مثلا لكن لو مفيش استعملي حجات للدفاع عن النفس زى البخاخ وده كويس جدا جدا بجد وحاولى توصلي للاتوبيس بدرى قبل ما يحصل زحمه تجنباً لأى ضرر ممكن يحصل لقدرالله 🤍

ربنا بجبر بخاطرك ويعوضك يارب ❤️ بالنسبه ل ندى ف تصرفاتها مش تصرفات حد عاش حياه سويه انتى ملاحظتيش ده قبل كده ؟ يعنى فكرة أن هى شاكه فيكى كتير ده ملقتش نظرك لحاجه ؟ ليه ممكن انسان يتحول لشخص شكاك بالطريقه دى ؟ الاجابه هى أن اكيد اكيد البنت دى حصلها مشاكل كتير وناس كتير خذلوها وبدلوها بناس تانيه عشان كده هى شايفه أن كل الناس هتعمل فيها كده او انك لما تكلمى غيرها كده ممكن تبعدى عنها والواضح بجد أن عندها مشاكل نفسيه مأثره علي نظرتها تجاه الآخرين وبالنسبه لفكرة انها محتاجه تكلمك 24 ف الواضح أن ندى شخصيه عاطفيه جدا جدا يعنى وبتدى مشاعر وبتطلب اهتمام ومفيش حد بيوصل للمرحله دى الا لما يكون فعلا محتاج حنان وعطف من الي قدامو ولما الشخص الي قدامو بيدايق ليتحول ف ده الي حصل هى لما شافتك مش حابه انك تهتمى بالشكل الي هى عايزاه قالتلك كلام جارح جدا جدا وانا متأكده أن الكلام ده من ورا قلبها واحيانا فى ناس بتقول كلام جارح بس عشان بتكون مدايقه ومش مستوعبه أنها ممكن تخسر حد عزيز عليها زى الي راحوا منها زمان ف بجد حاولى تقفى جمبها يإما لو انتى شايفه أن انتوا بتحبوا بعض بس مش فاهمين بعض او ممكن مشاكل تحصل ابعدوا بسلام وربنا يعوض كل واحده فيكوا ❤️ بالنسبه لرحمه ف اكيد هى من النوع الكتوم وممكن المشاكل دى مشاكل في البيت أو يمكن معندهاش ثقه بسبب تجارب سابقه مثلا او اكيد بتقفل لسبب ودايما قدمى حسن الظن وعارفه أن الموضوع يدايق أن حد يقولك انا زعلان منغير ما يفسر لانك بتحسي بالعجز بس بجد نبقا حنينين علي بعض اكتر من كده ومعلش استحمليها وربنا يجبر بخاطرها ❤️

ليه ممكن تربطى الزواج بحالتك النفسيه ؟ يعنى ليه ممكن تتعبي وتدايقى لمجرد أن مفيش فرص زواج واكيد ربنا مخبيلك الاحسن حاولى تكونى اجتماعيه اكتر عشان الناس تشوفك بس متغيريش حاجه من نفسك أو تجبرى نفسك علي حاجه لمجرد إرضاء الناس الي يقول يقول الي اتجوزوا خدوا ايه منها ؟ احنا مخلوقين عشان نعبد ربنا الجواز شىء اختيارى وكمان انا شايفه انك اكيد حد كويس بس صاحب النصيب لسه مجاش وربنا يجبر بخاطرك وتلاقي الي يعوضك عن كل التعب الي شوفتيه 💖💖

من اكتر الحجات الي بتشتت الواحد هو الأذى الي الشخص بيعانى منو من ظروف أو مشاكل نفسيه وغيرها ف بتتجمع كل الأفكار دى وقت المذاكره بمساعدة الشيطان الي غرضو التشتيت ليكى ف لازم تقرأيى اذكار قبل وبعد المذاكره عشان ربنا يوفقك ويساعدك 💖 وعوزاكى تكونى فاهمه ومدركه أن المذاكره واجب يعنى لازم تقنعى عقلك بإنك لازم تذاكرى وان المذاكره حاجه والمشاكل الي ف حياتك حاجه ، وكمان ابعدى عن الاغانى او اى حاجه بتشتتك وابعدى عن الناس الي بتضحك علي الدراسه ومشاكلها وبتنزل ميمز وقد ايه موضوع زنقه الامتحان ده حاجه عاديه لانك ممكن غظب عنك تراكمى عشان هما بيقنعوكى انك مش لوحدك الي مش حابه المذاكره ومتنسيش تتفرجى علي نصايح للمذاكره من قناه علي اليوتيوب كويسه جدا اسمها دروس اونلاين وبالتوفيق 💖💖

السلام عليكم 💞 انا مبسوطه جدا جدا منك لان انا فهماكى لانى انا عارفه انك أما بتعملي الذنب ده بتبقى ف حالة اللاوعى وبتبدأى تسألي نفسك بعدها ليه عملتى كده وهكذا هبدأ معاكى نقطه نقطه اول حاجه بالنسبه لمشاكل أهلك إنشاءالله ربنا يصلح الحال لكن بالنسبه لتهديد والدتك لو جات الفرصه ممكن تحاولى توضحيلها أن الموضوع ده كان ف الماضي او انك شوفتى حد عمل كده ف قلدتيه حاولى تقنعيها انك فعلا مكنتيش ندركه خطوره الموضوع ده بالنسبه لموضوع الولد وصاحبتك يعنى الاتنين خذلوكى ف نفس السنه ؟ طب والله سنة الهنا اهو ضربوا عصفورين ف حجر واحد واضح أن ربنا بعدهم عنك عشان شايلك الي فيه الخير 🤍 وبلاش بجد تضيعي مشاعرك ف السن ده عشان حرام وربنا مبيرضاش عن الموضوع ده وبجد حاولى تتمسكى أو تتحكمى ف مشاعرك لأن موضوع الارتباط ده شىء صعب جدا يعنى ومحتاج جهد ومعافره فيه نيجى لأهم جزء وهو حل العاده 🤍 اى حاجه غلط الشباب بيعملوها زى أنهم يتفرجوا علي حجات مش كويسه او يعملوا اى حاجه حرام دايما بتكون ف الخفاء ف لازم تحاولى تقعدى مع اى حد بسرعه اول ما تحسي أن جالك الشعور انك محتاجه تعمليها عشان طبعا مش هتعرفي تعمليها ف وسط أهلك مثلا ف جسمك هيتعود وحاول تصومى لأنك وانتى صايمه اكيد مش هتعرف تعمليها وبجد بطلي تقعدى لوحدك لأن القعده لوحدك ف السن ده بتدفعك لحجات غلط تجنبي تبصى علي جسمك أو جسم اى حد او اى حاجه بتساعد الشعور انو يجيلك حاولى تشغلي وقتك وبعدين انتى لما كنتى بتحبي حد كنتى ناسيه موضوع العاده ف ده معناه أن لما فى حاجه ف حياتك بتكون واخده كل يومك بتنسي العاده ف نصيحه منى بجد اتفرجى علي بودكاست كتيرررررر اكتبي علي اليوتيوب بودكاست دينى أو فيديوهات عن ازاى نبعد عن العاده متتكسفيش وانتى بتطلبي حلول لمشاكلك وانشاء الله تبطليها وربنا يسعدك ويوفقك 🤍

هو انا الي كاتبه الرساله دى 😂 ؟ معلش اصل مش طبيعي يكون التشابه الفظيع ده بس الفرق بينى وبينك أن ده تفكيرى ف الماضي وانا اتغلبت علي ده ولسه بتغلب وبجاهد اكتر واكتر 🤍 انعدام الشغف وأننا نكون خلاص حاسين اننا مش قادرين نعمل اى حاجه وحاسين بخمول وتعب ومزاج متقلب ده بيكون اعراض بتيجى لأى حد علي فترات زمنيه مختلفه فى بتجيبوا ف المراهقه وفى لما يكبر بس الفكره ازاى نتعامل معاها ،، موضوع الصحاب والخذلان ده شىء طبيعي اه بيكون بيوجع وبنحس أن ليه احنا يتعمل فينا كده أو أننا منستاهلش الي بيحصل لكن مش يمكن هما الي خسرونا مش العكس ؟ يعنى ليه نزعل علي خسارتهم مع أن المفروض هما الي يدايقوا أنهم خسروا حد كويس زيك 🤍 وبعدين ليه دايما بتفكر ف الانتحار يعنى انتى كده تبقي هتضيعي ف الدنيا والآخرة ؟ اسوأ حاجه أن الإنسان يهرب سواء بيهرب بالنوم أو بيهرب من العتاب أو حتى يهرب من الدنيا كلها ف ينتحر كل دى حجات بتدل علي أن ده انسان غير محتمل المسؤولية هو اه سعات الإنسان بيحس انو خلاص مش قادر ولكن ربنا قال ( لا يكلف الله نفساً إلا وسعها)🤍 يعنى كل ده هيبقي ذكريات ف الماضي وهتبقى حجات قليله بالنسبه لحجات تانيه هتحصل احنا لسه شوفنا حاجه ؟ الانتحار مش حل ابدا هل انتى مستعده اصلا ؟ هل ربنا هيقبل انك تموتى كافره كده انتى بتثبتى للناس المؤذيه أنهم اذوكى ف الدنيا والآخرة انا بجد بقولك لو عاوزه تغيرى كل ده اعملي ٣ حجات ١ قربي من ربنا اكتر اذكريه كتير ف يومك ٢ اعرفى ذاتك ودى مهمه جدا صدقينى 🫵🏻 ٣ اتفرجى علي بودكاست فنجان ، وبودكاست وعى وادعيلي بقا 🥰🥰🥰

حسبي الله ونعم الوكيل ف اى حد ممكن يوصلك للمرحله دى يبنتى والله انا معرفش بردو ايه السبب الي بيخلي البنات معظمهم يتغيروا علي صحبهم اول ما يدخل راجل ف حياتهم ولكن العتاب مع حد زيها كأنك بتكلم نفسك يعنى لا سامعه ولا شايفه ولا حتى مهتمه الي يبيعك ميلزمكيش وبجد بقا هى خسرت حد كويس زيك واكيد ربنا ليه حكمه عشان يمكن لو كملتوا تتأذى اكتر لقدرالله ف الحمدلله وربنا يعوضك ويجبر بخاطرك 🤍

اراء الناس هتختلف في الي يقولك حسنى معاملتك أو غيرى من نفسك يمكن يكون العيب فيكى وفى الي هيقولك ابعدى ولكن ف الحالتين انا شايفه بجد أن انا الي كاتبه السؤال من كتر التشابه ف مشاكل بينا ولكن انا عن نفسي شايفه أن الحل الوحيد هو انك تلاقي ذاتك لأن بجد انتى اولا ومحدش هيعرفك يفهمك غير ربك ثم نفسك دول اهم حاجتين لان انا عن نفسي مبصدقش موضوع الصحاب بصراحه أو يمكن انا الي حظى مش احسن حاجه يمكن عشان كنت بدور فيهم علي الحب والحنان الي اتحرمتو من اهلي ولكن ده خلانى اصاحب ناس مؤذيه ف بلاش نتهرب من علاقات مؤذيه بعلاقات مدمره يعنى لو انتى شايفه أن صحابك مؤذيين بطلي تتعلقي بجد فكرة التعلق دى معرفش انت ف انهى مرحله هل انتى ضعيفه أو بتتعلقي بسرعه ولا لاء بس اتمنى لاء لأن الناس الي بتتعلق بسرعه اكتر ناس نفسيتها بتتدمر ف بجد حاولى تشوفى نفسك انتى بتحبي ايه وتشوفى كمية الخير والحب الي انتى كنتى بتديه ليهم وانك حد يستاهل كل خير وانا متأكده من ده وبالتوفيق 💖