انا مطلقه وعندي ٣٤ سنه وعندي ولد بنت ٦ سنين النهارده طلبت من ابي انه يحترمني قدام ولا يهن فيا هو عمال يفتكر ويضحك ولادي عليا على مواقف كنت بخاف فيها من ٢٠ سنه من وقت ماكان عندي ١٨ سنه زعل وزعق انا ابويا شخص دكتاتورية مينفعش حد يرده او يعترض عليه شتمني وزلني بطلاقي وازاي هو وقف جنبي في الطلاق ومش سابني وانه اتبهدل واتوحل في الطين بسبب طلاقي مع انه عارف اني معملتش حاجه ولا كان ليا سبب في خراب ولا طلاق زلني على تصرفاتي وانا طفله من كان عندي ١٣ و١٤ سنه لما كنت بدور على أصحاب وازاي كنت بحال اصاحب بنات خالتي علشان كان نفسي يكون عندي اخت بنت افتكر لما اتولد قد ايه كان يوم اسود وطين لما لاقيني بنت وقد ايه هو حزين طول عمره على خلفتي بعد كده بدا يتهمني ف شرفي وازاي انا ممكن اروح اتجوز واسيب العيال ده طبعا مش حاصل بس هو باباكده من زمان وقت الزعل يتهم الناس في شرفها وفي نفس الوقت لو سمع حد بيعمل كده يقوله حرام متسبش حد في شرفه زل فيا واهانه وتحقير بسبب اني طلبت منه يحترمني بلاش يصدر لولادي اني كنت ضعيفه اهانه وتحقير فيا بسبب اني طلبت الاحترام انا غلطت في ايه بابا منع عني كل الناس معنديش أصحاب حتى امي انا مش بفرق معاه ولا اعرف يعني ايه ام وحضن ام من زمان قوي وكانت بدور في اصحابي على وحده تديني الحنان والحب ولما لاقيتها صحبتي وعرفوا خلوني سبتها وكل شويه يعيروني بيها وانت كنتي مصاحبه وبتزلي نفسك ليها وشغاله ليها خدامه وتروحي توصليها بالعربيه علشان بتخليها حتى اخواتي ليا اخين اخ سافر وبيجي كل فين وفين علشان ميتعاملش مع بابا وده مفيش كلام بيني وبيه وأخ معانا هنا ده بابا بيحبه جداااااا ولو عمل ايه ولا اتكلم معاه ازاي مستحيل يزعل منه ولا يزله ولا يجرحه ولا حتى يفتكر ليه اي حاجه وحشه اخويا ده حتى لو شافني بعيط ميجيش يسالني مالك فيكي ايه ولو انا حكيت من نفسي يقولي بصي الواحد قرفان وحده يخليني اسكت معنديش أصحاب اخاف من بابا حتى لما حد يتصل بيا من أصحابي في البيت مش برد لحد مابقاش حد يتصل ولا يسأل عليا تعبت من وحدتي انا ام الطفلين لا أعرف اخذ قرار في حياتهم ولا اقدر اوجهه ولادي بطريقتي انا مش عايزاهم زي مالهمش شخصيه ولا ضعفا اي حوار بيني وبينهم لازم يدخل فيه ويشتمني او يتنمر عليا على طول شايفني انا غلط على طول شايف اني لازم اكفر عن ذنبي هو اني أطلقت علشان مطلقه قالي كده بابا بالحرف انتي ليكي عين لسه تتكلمي وتقول احترمني ليكي عين تعترضي انتي الي زيك يعيش وهو ساكت زي الكلب مش كفايه الي عملتيه فينا مع العلم الجواز ده كان اختياره بابا وكل الي حصل في الجواز الخطوبه من مشاكل هو كان على علم بيها وكان بيسكت وشاف الغلط اكتر من مره وكان بيعديه انا تعبت ومش عارفه ازاي انا واقفه على رجلي وازاي انا معنديش ضغط وسكر لحد النهارده انا ببقى موجوعه واخاف اعيط ببقى حزينه واخاف ابين امسك المخده واكتم بيها نفسي واعيط وابكي علشان محدش يسمع صوتي او افضل اعيط لجوا واكتم في نفسي لدرجه بحس تنميل في وشي من كتر الضغط على نفسي علشان مطلعش صوت ميجيش مره في يوم حد يقعد يقولي مالك او يسالني انتي كويسه مفيش كده كله بيتعامل معايا اني مطلقه ماليش حق في حاجه مع العلم ان كل أمورهم انا الي بخلصها اي حاجه مش عارفين يجيبوها انا الي بعملها حتى اخويا انا الي بخلص ليه أموره الاداريه في الشغل طلبات ابويا وامي انا الي بجيبها والف عليها في الوقت الي بيكونوا محتاجين حاجه ببقى جدعه بعد مايخدوا مصلحتهم انا ببقى مطلقه
تم النشر السبت، ٩ سبتمبر ٢٠٢٣
متستعجليش اوعي تبصي وتفكري في الموضوع ده بالذات بالطريقه دي لازم تعرفي انه رزق ونصيب مش جاي ربنا شايل عنك شر مش هتقدرى تتحمليه او ربنا شايل ليكي خير تعرفي تقدريه متفكريش كده علشان مش مع أي شخص مش مناسب ترضى وتتنازلي علشان ترضى شعورك ادعي دايما ارزقني يارب الخير ربنا يسعدك ويهنيكي يارب
تم النشر الأربعاء، ١٣ سبتمبر ٢٠٢٣
اشغلي نفسك بحاجه وحاولي تطبطبي على نفسك
تم النشر الأربعاء، ١٣ سبتمبر ٢٠٢٣
ابعدي عنه الموبيل وابعدي عنه قنوات الكرتون نهائي حاولي تخليه يتكلم معاكي تفضلي تتكلمي معاه الموضوع عايز شويه مجهود منك خليه يتكلم زيك كمانلو فيه مشاكل لا قدر الله حاولي تبعدي عنها متخليش الولد يسمع اي خناق او طاقه سلبيه تخوفه كمان حاولي تدمجيه مع أطفال وخدي بالك من الحضانه لان فيها امكان بتسبب الرعب للطفل او تهمل الطفل فكهتما انتي عملتي الحضانه مكن تضيع ده
تم النشر الثلاثاء، ١٢ سبتمبر ٢٠٢٣
ابعدي اوعي تكملي انتي لسه على البر مفيش حاجه بينكم غير دبله بعد كده هتبقي مدام هتبقي مطلقه وكلنا عارفين الناس وقتها هتعمل فيكي ايه اوعي يابنتي تكملي تغلطي غلطي اهربي سيبيه متكمليش ساعاتها انا سكت وعملت زيك وكملت وقبلت اسف وفضلت متحمله يعد الجواز وفي النهايه أطلقت وانا حامل
تم النشر السبت، ٩ سبتمبر ٢٠٢٣
ابعدي اوعي تكملي
تم النشر السبت، ٩ سبتمبر ٢٠٢٣
ايه مضايقك
تم النشر السبت، ٩ سبتمبر ٢٠٢٣
لعرض الملف الشخصي في فدني اضغط هنا