عايز اسأل سؤال و محتاج فعلا حد يجاوبني عليه لو انا في مكان شغل جديد و دخلت علشان اصلي وانا مش عارف اتجاه القبلة فين فالمكان ده فتحت ابلكيشن مسلمونا وحددلي جهة ما و فعلا صليت بعد ما خلصت الموظفين شاورولي علي جهة تانية وقالولي القبلة كدة بس لما شافوا الابلكيشن كلهم بقوا شاكين زيي و واحد بس هو اللي مصمم علي رأيه و صمم يصلي بينا علي الاتجاه اللي متعود عليه المفروض اعمل ايه بقي اصلي وراه علي كلامه ولا اخليني ورا الابلكيشن؟
تم النشر الثلاثاء، ٢٧ أغسطس ٢٠٢٤
حابب اتعلم الماني بشكل ذاتي او اونلاين علشان معنديش اماكن اوفلاين قريبة مني للأسف و معنديش رفاهية اني اروح اماكن بعيدة جدا بسبب ظروف شغلي
تم النشر السبت، ٢٩ يونيو ٢٠٢٤
انا بخلص شغلي بحس بفراغ باقي اليوم بخرج و بضيع وقت بس حابب اتعلم حاجة تفيدني تطورني في شغلي او لو حبيت ادخل اي حاجة في مجالات التكنولوجيا حد يقدر يفيدني ف ده
تم النشر الجمعة، ١٥ ديسمبر ٢٠٢٣
تفتكروا ايه اللي ممكن يوصل انسان محترم تعب و اشتغل و حوش قرشين المفروض يستروه بكرة و بعده في انه يحط فلوسه ف تطبيقات الربح السريع اللي 99% منها نصب و فلوسك هتضيع او انك هتشارك من غير ما تقصد في النصب علي ناس تانية غيرك بالدعاية ليهم !!
تم النشر الجمعة، ٨ ديسمبر ٢٠٢٣
من ساعة احداث فلسطين و الاجرام اللي بيحصل في اهلنا هناك و انا في حالة نفسية مش كويسة والله و للأسف حالتي دي انعكست عاللي حواليا عصبية و قلة كلام و مبقتش عارف اضحك و مش عارف اعيش حياتي زي الاول و حاسس بالذنب تجاههم والله حاولت ابعد و افصل شوية معرفتش
تم النشر الخميس، ٧ ديسمبر ٢٠٢٣
ساعات بحس بخنقة كدة و بحس احيانا ااحيانا اني مش مرتاح و قلقان من حاجة مش عارفها و مش فاهم ايه سبب الموضوع ده
تم النشر الجمعة، ١ ديسمبر ٢٠٢٣
مفيش اي مانع شرعي من انك تتجوزي من شاب مسلم غير عربي ولكن اختلاف الثقافة ممكن يكون عائق او مشكلة بالنسبة ليكي لو عندك استعداد تتأقلمي او انك ممكن يطلب منك في اي وقت انك تعيشي معاه في موطنه ظروفه الشخصية مناسبة ليكي لما ربنا يرزقكم بالاولاد حياتهم هتكون فين و تعليمهم و شغلهم لازم قبل اي خطوة تشوفي الموضوع بكل الزوايا مش مجرد انه اجنبي متدين و ظروفه المالية كويسة و بالتوفيق ليكي و ربنا يسعدك ان شاء الله
تم النشر الاثنين، ١٧ يونيو ٢٠٢٤
تعالي نتفق اتفاق بسيط تعالي نتخيل سوا الاخطاء و الذنوب دي اوضة كنتي محبوسة فيها و ان الفضفضة دي و صراحتك مع نفسك و بأخطاءك هي باب للتوبة و خلاص وصلتي للباب ده هتفتحي الباب و تخرجي من ذنوبك من باب التوبة سليمة و نبدأ حياة جديدة و سليمة ولا هترمي نفسك من الشباك تتكسري و ميكونش فيه امل تاني تتصلحي ؟؟ لو ربنا مش عايزك ولا هيسامحك مكنش زرع في دماغك انك ماشية غلط ، ربنا لو مش بيحبك مش هيدلك علي طريق الباب اللي هيخرجك من ذنوبك سليمة و افتكري دايما ان ربنا رحيم بعباده حاولي تتقربي منه بس
تم النشر السبت، ١٦ ديسمبر ٢٠٢٣
تقرب الي الله و اشغل وقتك بحاجة مفيدة اتعلم لغة خد كورسات اونلاين هتلاقي للحياة معني صدقني
تم النشر الجمعة، ١٥ ديسمبر ٢٠٢٣
اوعي تستني الناس هم اللي يجوا يتعرفوا عليكي بالعكس بصي حواليكي كويس شوفي مين اللي شبهك و حاولي تتقربي انتي منهم اسألي عليهم حاولي تشاركيهم اهتمامتهم و شوفي ايه الاشياء المشتركة ما بينكم و مع الوقت هتلاقيهم هم اللي بيقربوا منك
تم النشر الجمعة، ٨ ديسمبر ٢٠٢٣
انا شاب و عارف دماغ و تفكير اغلب الشباب اللي معظم البنات ممكن متكونش عارفاها ف بنصحك نصيحة اخوية خليكي حريصة بالقدر الكافي علي نفسك لا تديله رقمك و ولا اي معلومات شخصيه عنك ، ممكن تطلبي من انه يتحرك رسمي و توصليه بحد من اولياء امرك و اوعي تستمري ف ده بدون اي خطوة علشان متتعلقيش بيه اكتر هو يتسلي و انتي و تظلمي نفسك
تم النشر الخميس، ٧ ديسمبر ٢٠٢٣
انا رأيي لو هو مش عاجبه لبسك و تصرفاتك و مش متقبل رأيك ده غلط كبير لازم يتعالج الغلط ده من دلوقتي و يتقبل شخصيتك زي ما هي لو انتي غيرتي كن نفسك و مش متقبلة فكرة انك تتغيرتي علشانه ده غلط اكبر لانك بتضحكي علي نفسك و بعدها هيحصل مشاكل ما بينكم و يا إما تتغيروا علشان بعض ي إما بصراحة الانفصال هو انسب قرار رغم اني محبش قرارات الانفصال دي و بنصح ان الطرفيين يضحوا شوية لو بيحبوا بعض
تم النشر الجمعة، ١ ديسمبر ٢٠٢٣
انا مش متخصص فالمجال النفسي بس لو بتخلق شخصية سيئة بمحض إرادتك هيكون ليها آثار سلبية عليك و ممكن فعلا يتحول لإنفصام فالشخصية و لكن لو قصدك انك بتهرب من الواقع بشخصية خيالية علي السوشيال ميديا ميعتبرش انفصام ولكن بلاش تسئ استخدام القصة دي
تم النشر الجمعة، ١ ديسمبر ٢٠٢٣
شكرا لحضرتك جدا
تم النشر الأحد، ٧ يوليو ٢٠٢٤
شكرا ي مدام ذكية
تم النشر الأحد، ٧ يوليو ٢٠٢٤
ما هو ده اللي كان نفسي اعمله مهارة تفيدني في شغلي و الحمد لله بدأت ب اول خطوة
تم النشر الاثنين، ١٨ ديسمبر ٢٠٢٣
بدأت فعلا في كورس تسويق الكتروني
تم النشر الاثنين، ١٨ ديسمبر ٢٠٢٣
اللهم امين
تم النشر الأحد، ١٧ ديسمبر ٢٠٢٣
ربنا يكرمك ي رب
تم النشر الأحد، ١٧ ديسمبر ٢٠٢٣
القران كدة كدة و مش محتاجة خيار اصلا و حقيقي ربنا بيكرم الواحد بيه
تم النشر الأحد، ١٧ ديسمبر ٢٠٢٣
بدأت فعلا اني قدمت في كورس تسويق الكتروني اونلاين و دخلت جروب تعليمي للكورس ده و مستني ميعاد المحاضرة
تم النشر السبت، ١٦ ديسمبر ٢٠٢٣
ربنا يهديكي ي رب و يوفقك لما يحبه و يرضاه و اسف لو ضايقتك
تم النشر السبت، ١٦ ديسمبر ٢٠٢٣
معاك حق برضو والله و شكرا ي صديقي❤️
تم النشر السبت، ١٦ ديسمبر ٢٠٢٣
اه كنت كاتب كدة و مسحتها علشان مكونش سئ الظن ، حصل غلط و اعترفني بيه ده شئ كويس انما ايه النشوة اللي تحس بيها طفلة في ابتدائي و فاكراها لدلوقتي و الكلام ده مينفعش اصلا يتقال التفاصيل دي بينك و بين ربنا حاولي تتقربي من ربنا لأنه غفور رحيم و نحاول ننسي الماضي و نفتح صفحة جديدة مع ربنا
تم النشر السبت، ١٦ ديسمبر ٢٠٢٣
هقول كلمتين قدام ربنا للي عايز النصيحة : اخطاء الماضي و المعاصي اللي ارتكبناها في حياتنا اول خطوة للتعافي منها اننا ننسي الاخطاء دي و نبدأ من جديد و اسأل نفسي كويس هل انا عايز اتغير ولا لا و ابدأ احاول و اضحي شوية علشان اكسب نفسي و لو معرفتش احاول تاني و تالت و عاشر كل ما افشل احاول تاني و كل مرة بحاول فيها بجد اكيد هتشفعلي عند ربنا لانه جهاد نفس
تم النشر السبت، ١٦ ديسمبر ٢٠٢٣
حلو ده بس اغلب اللي عاللي اليوتيوب نصابين و بيبيعوا الوهم بدون دراسات جدوي ، عندك حد كويس بتثق في كلامه ؟؟
تم النشر السبت، ١٦ ديسمبر ٢٠٢٣
و لو نتفترض انها بتكسب بجد دي بتبقي فلوس مشبوهة متعرفش بيتعمل بيها ايه ده غير انها حالة ربا واضحة و صريحة
تم النشر الجمعة، ٨ ديسمبر ٢٠٢٣
ي رب اللهم امين و سوريا كمان مظلومة من دعائنا ربنا يصبرهم و ينصرهم ان شاء الله
تم النشر الجمعة، ٨ ديسمبر ٢٠٢٣
ربنا يقدرنا و نقدم كل اللي نقدر عليه و مانبخلش ب اي شئ ي رب
تم النشر الجمعة، ٨ ديسمبر ٢٠٢٣
اللهم امين
تم النشر الجمعة، ٨ ديسمبر ٢٠٢٣
اللهم امين
تم النشر الجمعة، ٨ ديسمبر ٢٠٢٣
الاستفزازات اللي بنشوفها دي اقوي مننا والله
تم النشر الخميس، ٧ ديسمبر ٢٠٢٣
طب عرفي والدتك و خليها تكون واضحة معاه ، عندنا في الصعيد الشباب اللي متغرب برة بيبعتوا اهلهم يخطبوا عادي و لما ينزلوا يعملوا حفلة صغيرة او يكتبوا الكتاب علي طول فالحرص واجب اعرفي مدي صدقه كويس
تم النشر الخميس، ٧ ديسمبر ٢٠٢٣
مرة كنت بتكلم مع دكتور قريبي عن نفس المشكلة و قالي فيما معناه حاول متاخدش ان المذاكرة فرض ولا واجب عليك لازم تعمله .. اضحك علي نفسك و خد الموضوع علي انه تضييع وقت و لعبة من نوع مختلف و دخل الفضول في اللعبة معاك فعجبتني جملة خدها لعبة و دخل الفضول معاك فيها و لما طبقتها بقيت بذاكر علشان اعرف ده ايه و ليه و بقيت بركز و دماغي متسرحش في حتة بعيد عن الدرس
تم النشر الخميس، ٢٣ نوفمبر ٢٠٢٣
طول ما انتي مقتنعة ان الوقت بيضيع و مش قادرة تعملي حاجه لا هتعرفي تذاكري ولا تلمي اللي فاتك فحاولي تهدي من نفسك و قولي لنفسك لسة فيه وقت ارجع فيه و نبتدي بهدوء من غير عصبية بس نبدأ من دلوقتي
تم النشر الأربعاء، ٢٢ نوفمبر ٢٠٢٣
حساب تويترلعرض الملف الشخصي في فدني اضغط هنا