ْ ْ

لا يجوز ، لما فيه من المحرمات مثل التبرج والموسيقى والافكار الضارة والالفاظ السيئة ، وانت تعلم ما في المسلسلات من مساوئ

غير شغلك ، ارض الله واسعة ، ورزقك مش في شغلك خالص ، رزقك عند ربنا كما قال الله تعالى ( وفي السماء رزقكم وما توعدون ) فرزقك مش في الارض خالص ، فانت تشتغل الشغل دا تشتغل الشغل دا ، رزقك هيوصلك يعني هيوصلك ، فريح نفسك كده وخلي همك الآخرة واشتغل الشغل اللي يريحك مش اللي يتعبلك نفسيتك ، بس انت تعمل اللي عليك وتكور من نفسك عشان تشتغل شغل يريحك ، فانت خذ بالاسباب وادعي ربنا انه يرزقك الشغل اللي يريحك واللي انت ترتاح فيه .

اللي عاوز يدخل البيت من بابه ، هيدخل البيت من بابه مش هيلف ويطلع من الشباك ، اللي اقصده اللى عاوز يتجوزك هيدخل يقولك عاوز رقم والدك وخلاص والكلام هيكون مع والدك ، انما شغل نتكلم ونتعرف ونتخطب ودا مش عاجبني ودا معرفش ايه دا ميأكلش عيش الصراحة، الراجل ملهوش كلمة عليكي الا لما يتجوزك ، حتى لو كان خطيبك ملهوش يقلك اي حاجه وانتي مش ملزمة تعملي اي حاجه بيقولها الا لو كان بينصحك وكلامه صح ، انما يأمرك وكده ، مفيش الكلام دا ، واصلا الكلام بين الرجل والمرأة حرام مادام خارج الزواج ، ولو خارج الزواج بيكون بحدود اوي ويكون للضرورة فقط . وخدي بوصية النبي صلى الله عليه وسلم « اذا اتاكم من ترضون دينه وخلقه فزوجوه » ، اتجوزي اللي دينه وخلقه كويسين ، الاتنين مش حاجه واحده بس عشان متجيش تشتكي بعدين .

محتاج تسأل طبيب الاول ، واذا كان فيه ضرر للعلاقة الزوجية او ضرر في الانجاب او اي شئ ممكن يؤثر على حياتك بعد الزواج او يأثر عليها ، فالمفروض تقولها على الحاجة دي قبل الزواج ، ولكن لو سألت الطبيب وطلع مفيش اي ضرر تماماً ولا أي حاجه ، فممكن تقولها وممكن لا ،زي م انت عاوز ، بس دا لو مفيش ضرر ، انما لو فيه ضرر لازم تعرفها قبل الزواج.. ، وربنا يتمم لك بخير ويبارك فيكم ويبارك عليكم

عارف ان عندك احتياج عاطفي او احتياج لاشخاص في حياتك لانك حاسه بالوحدة ، بس الأصدقاء مش الحل أبداّ وبالذات وانتي في الحالة دي ، فأولا لازم تقربي من ربنا وتقربي من القرآن وتكوني صاحبة للقرآن ، واقعدي ادعي ربنا واحكيله على كل حاجه ، احكي كل تفصيله صغيرة وكبيرة ، مهما تحكي ربنا هيسمعك ، وقربك من ربنا هيخليكي تحسي باحساس الراحة وعدم الاحتياج لأي حد من دون الله ، وحتى لو احتاجتي صديقة مشاعرك ناحيتها مش هيكون فيها تعلق واعتماد زائد عن اللزوم ، حتى لو قدر الله والصديقة دي مبقتش كويسة مش هيفرق معاكي اذا كانت مشيت او قعدت ، ليه؟ لان قلبك هيكون مطمئن بالقرب من الله عز وجل ، فأهم شئ قربي من ربنا واتعلمي دينك ، واتعلمي مين هو ربنا واعرفي ربنا الأول وقربي منه ، وبعد كده دوري على صديقة زي م انتي عاوزة ، واسأل الله ان يرزقك صحبة صالحة نافعة تأخذ بيدك الى الجنة ، وان يطمئن قلبك وان يغنيك وان يشبع مشاعرك بالقرب منه سبحانه وبحمده

متقولش لوالدتك اي حاجه ، ولو اخدت حاجه من الفيزا بدون علمه تحسب سرقه ليك انت ، انما والدتك تقدر تاخد اللي يكفي الاحتياج فقط ، فقط للاحتياج ، اما الحل للمصيبة بتاعت والدك فاللي تقدر تعمله انك تستره وتدعي ربنا انه يهديه ويبعد عن الست التانيه دي ويبعده هو كمان عنها ، ولو جدك موجود او جدتك او حد كبير او مؤثر على والدك كلمه واحدة واحدة ولكن متقولش ابي يخون امي او شي من هذا القبيل ، قول ان ابويا بيكلم واحدة وانا شاكك انها مش قريبتنا وكده ، او الافضل انك تحاول تكلم والدك لوحده وتحاول تعرف مين دي وتحاول تقنعه يوقف اللي هو بيعمله دا ، وفكره ان ربنا يراه وان ربنا هيحاسبه على اللي بيعمله دا ، وانه في جنة وفي نار في الاخر فالافضل ليه انه يتوب ويتقي ربنا فيكم ، وبالله عليك استره ، فلو انت كنت مكانه لاحببت ان يسترك الناس جميعاً ، فاستره لعل الله يسترك في الدنيا والآخرة

اولا احب اقول لحضرتك انه لا احد صغير على الموت ، وسيبك من اللي بيقولك دا انتي صغيرة ولسه بدري عليكي ، لا ، في في سنك واصغر او اكبر بيموتوا ، المهم ، الموت دا يا اختى حاجه طبيعية ، الموت دا مرحلة هنمر بيها وهتعدي ، بس احساسك بقرب الموت وانك هتموتي في اي وقت ، أثر فيكي وفي شخصيتك ازاي ، اثر على تصرفاتك ازاي ، اللي انا شايفة انه خلاكي تصابي بالهلع ، ودا تصرف خاطئ ، اينعم كلنا نكره الموت ومحدش عاوز يموت ولكن الحقيقة اننا سنموت لا محالة ، والاستخدام الصحيح لهذا الشعور انك تخليه يدفعك للتقرب من الله ، خلي شعورك بالموت دا دافع ليكي انك تتعلمي دينك وتتقربي من ربنا ، خليه دافع ليكي انك تبني حياتك ومستقبلك الحقيقي اللي هيكون اما جنة واما والعياذ بالله نار ، فيا اختي شعورك دا في شئ طبيعي وشئ خاطئ ، الشئ الطبيعي هو الخوف من الموت ، اما الشئ الخاطئ انه خلاكي تصابي بالهلع وتقريباً لا تفعلي اي شئ ، فاستخدمي هذا الشعور جيداً ، وكما قال الشيخ عثمان الخميس لشخص ساله نفس سؤالك ، اظن انه الله اراد بك خيراً بهذا الشعور . ( فاستعمليه صح ) وانصحك تتفرجي على فيديو الموت للشيخ محمد الغليظ

انا لن اجيب عن تصرفاتك لانها عادية على ما اعتقد ، ولكن هناك شئ لاحظته في طريقة حديثك عنها ، الا وهو التعلق الشديد واعتذر عن ذلك ولكني اراه من شدة الخطأ ان تفعلي ذلك ، لماذا اقول ذلك ، لانه من طريقة كلامك ارى اعتماداً وتعلق واهتمام شديد ربما هذا خطأ مني او فهم خاطئ ولكن ربما هذا قلة تعلق بالله ، فانا اشعر من كلامك بقلة تعلق بالله وقلة اعتماد على الله ، اعتذر عن هذا ولكن هذا ما لاحظته واتمنى ان اكون مخطئاً ، ولكن ان كنت على حق ، فعليك اعادة تركيز هذه المشاعر وإعادة توجيهها الى الله ، وشئ اخر وهو قلة أُنس بالله سبحانه وبحمده ، واتمنى ان يحفظك الله وصديقتك ويديم صداقتكم في هذه الدنيا وان يجمعكم سوياً في الجنة، ان شاء الله

الافضل انك تطنشي او تقوليلها ملكيش دعوة وخلاص ، مش لازم حوار وارد عليها اقولها ايه يخليه تسكت خالص ومعرفش ايه ، لانك ممكن تردي عليها رد يجرحها ومش تسامحك وصدقيني في يوم القيامة هتندمي على الرد دا ، فخليكي انتي احسن منها وقوليها الجواز قسمة ونصيب ولما ربنا يريد هتجوز ان شاء الله ، وملكيش دعوة اتجوز ولا ماتجوزش ، في الاخر انا اللي هتجوز مش انتي . وبس كده ، عادي يعني

النبي صلى الله عليه وسلم قال « اذا اتاكم من ترضون دينه وخلقه فزوجوه » ، وسيبك من اللي بيقلك انتي لشه صغيرة والعمر قدامك والكلام دا ، في ناس قريبة جدا من سنك وهتموت وتتزوج ، المهم هنا هو دين الشاب وخلقه ، هل ترضين دينه وخلقه ؟ ، لو لا يبقى فركشي وبلاش منها جوازه ، وتاني حاجه انتي كانتي هتتحملي مسؤولية اولاد وتربية وزوج وشغل بيت وطبخ وحاجات كتير ولا لا ، ولو لا يبقى تهدي وتفكري مرة تانيه ، ولازم تستعدي نفسيا للي جاي لان يا اختي دي حياة ، الجواز مش حب وحضن وخروجة ونقعد نضحك والكلام دا ، الزواج دا حياة مختلفة تماما ، انتي هناك هتبقي شخص بيبني حياة وبيشارك حياته مع شخص تاني وبيشارك في حياة الشخص التاني ، دا غير انك هتبني اشخاص لسه هيتولدوا ففكري كويس واستشيري حد كبير وعاقل ومتجوز في عائلتك ، وحد كويس مش اي حد ، ولو الشخص قالك كملي في الجواز يبقا كملي ، وصلي استخارة قبل ما تكملي ولو الدنيا مشيت يبقا خير وبركة ، ممشيتش يبقا تسيبي الشخص دا احسن ، وكل دا بعد ايه ( اذا رضيتي دينه وخلقه اولا ) ، وبس كده :)

لازم تصلي ، اعملي اي حاجه وصلي ، لان الصلاة جاء فيها لفظ الكفر في حديث النبي صلى الله عليه وسلم « العهد الذي بيننا وبينهم الصلاة فمن تركها فقد كفر » ، فانتي تتصرفي وتصلي ، واجبري نفسك انك تقومي تصلي ، وادعي ربنا انه يهديكي ويثبتك وقوليله يارب ثبتني على الصلاة ، اما باقي الذنوب فيأتي تركها بعد الالتزام بالصلاة ، لان ترك الذنوب لن تقدري عليه بدون الصلاة والوقوف بين يد الله كل يوم خمس مرات ، وبعدين الصلاة هتاخد منك وقت أد ايه ، كل صلاة بتاخد عشر دقائق بما انك بتصلي في البيت وكده ، ونصيحه كمان ، في البداية صلي الفروض بس ، متصليش اي سنن دلوقتي ، اهم حاجه الفروض وبعد كده لما تثبتي ابدأي صلي سنن وتاخديها بالتدريج ، والنبي صلى الله عليه وسلم قال خير الاعمال ادومه وان قل ، يعني مادام العمل قليل ودائم يبقى خير ، فهذكرك تاني ان الصلاة اهم من اي شئ اخر ، اهم من اي شئ حرفيا ، لان النبي صلى الله عليه وسلم قال ،اول ما يسأل عنه العبد الصلاة ، ان صلحت صلح العمل كله ، وان فسدت فسد العمل كله ، فالصلاة اهم شئ وحطيها في اول اولوياتك . اتمنى مكنش طولت عليكي ، بس صدقيني الصلاة مهمه جداً جداً جداً

انصحك تدخل يوتيوب واتفرج على بودكاست الخطوبة والجواز على قناة ايه المشكلة

فقط قم بالاستخارة قبل ان تتقدم.. وعليك بالقرآن يوميا والدعاء والمعوذتين

لا تجعلي الله أهون الناظرين لكي

النبي ﷺ قال ( إِذَا خَطَبَ إِلَيْكُمْ مَنْ تَرْضَوْنَ دِينَهُ وَخُلُقَهُ فَزَوِّجُوهُ، إِلَّا تَفْعَلُوا تَكُنْ فِتْنَةٌ فِي الأَرْضِ، وَفَسَادٌ عَرِيضٌ ) .

لعبادة الله عز وجل ولعمارة الارض ولكن الاساس اننا جميعا خلقنا لعبادة الله وحده

صلي استخاره ولو محستيش براحه وانشراح الصدر وان الامور متيسرة بينكم سيبيه افضل ليكي وفهميهم براحه يعني ايه انك تصلي استخارة وانك مش مرتاحه

قوليلهم بصريح العبارة انك صليتي استخارة وانك مش مرتاحة انك تكملي وفهميهم يعني ايه استخارة لو ميعرفوش. وان شاء الله ربنا يرزقك افضل منه والانسب ليكي. وبعدين مفيش حاجه اسمها انك هتتجوزيه عشان خايفه تظلميه لانك ممكن تبدأي حياة والحياة دي تبوظ لقدر الله وتبقى نهاية اسوأ من دلوقتي

احساسك دا بالذات محتاجه تتوبي الى الله منه. وانصحك لو بتسمعي اغاني بطلي تسمعيها واكثري من قراءة وسماع القرآن وصلي اهم حاجه تكوني بتصلي لان مفيش مسلم مش بيصلي. وادعي كتير ان ربنا يرقق قلبك لان قسوة القلب دي حاجه كبيرة جدا. واذكري الله كتير جدا جدا جدا لان ربنا عز وجل قال( ألا بذكر الله تطمئن القلوب) وارجع واقول قراءة القرآن اهم حاجه والبعد عن الاغاني والافلام والمسلسلات لان الاشياء دي بتؤذي القلب وتقسيه وغير كده بتخلي المشاعر تخرج في غير محلها

هي جملة اتمنى انك تدركها وتفهمها وتستشعرها.. ( لا تجعل الله اهون الناظرين اليك )

انصحك تتابع عثمان الخميس ومحمد الغليظ وامير منير ومصطفى العدوي وعلاء حامد ومحمد عباهرة

حاجه بسيطه جدا. صلي صلاة استخارة وروح اتقدم وانت واثق ولو تم رفضك ولقيت الدنيا مش متيسرة اعرف انها مش ليك واحمد الله عز وجل

بالنسبة لصاحبة السؤال فهي دي الإجابة اللي هتنفعك بجد .

استخدم تطبيق دولينجو للفرنسي او تطبيق طليق

العفو :)

مش محتاجه تحكي ولا اي حاجه ، الراجل مش بيصلي فمينفعش انك تتجوزيه ، وحكاية انه يقولك انتي لبسك واسع دي فيها حاجه غلط اوي اوي ، لانه بالطريقة دي هيلبسك ضيق بعد كده او حتى يقلعك الخمار اصلا ، وغير دا كله اللي مش بيصلي مينفعش يتجوز اصلا ، لان اللي مش بيصلي دا حكمه حاجه من الاتنين يا اما كافر يا اما فاسق ، ودا مش كلام من عندي ، دا حديث النبي صلى الله عليه وسلم « العهد الذي بيننا وبينهم الصلاة فمن تركها فقد كفر » ، فاهربي بدينك ونفسك واخلاقك بعيد عن الشخص دا وارفضي الزواج منه تماماً ، ومتقوليش ما هو ممكن ربنا يهديه ويصلي او انا هبقا اقنعه والكلام دا لان دا مش هيحصل في الغالب ، فارفضي يا بنت الحلال افضل مليون مره ليكي . وانا بقلك كل دا لان بعتبر ان اللي هتتجوز دي اختى وانا عمري ما اجوز اختي شخص زي دا . اما الجواز في الفلاحين فمش كله كويس الصراحة ودا من نظري انا بس .

وهل تعرف ايه الاسباب اللي بتؤدي لكده ولا لا

انضم لواعي او فريق حرر نفسك على التليجرام افضل

صلي على النبي ، اولا مادمت لم تقصدي ذلك ولم تتعمدي فليس عليك شئ ، وليس عليك دية او كفارة مثل الاخ الذي يخبرك ان تدفعي شيئاً ما ، انتي ليس عليك ان تدفعي اي شئ مادامت القطة ملكاً لاحد او اي شئ ، عليك فقط ان تستغفري الله وان تسألي الله ان يغفر لك خطأك هذا وان شاء الله يُغفر لكي :)

انا اسف على كلامي بس انتي مكبرة الموضوع جداً ومدياه زيادة عن حجمه ، اولا الدراسة مش بتحدد مستقبل حد ابدا، شهادتك وكليتك دي مجرد مرحلة وهتعدي ،ولو الكلية متشغلكيش يبقا اتعلمي حاجات تانية كتير واشتغلي بيها ، وحاولي تهدي وتذاكري على مهلك ، امتحانات اخر السنة لسه قدامها مدة بس مش معنى كده انك تريحي خالص .

هتأثر فيكي ودا عن تجربة بإذن الله.. ومش هيكون في العادة فقط وانما في أي ذنب وبالاخص ذنوب الخلوات.. وحاجه كمان ان كل مره تقعي في العادة دي لازم تغتسلي من الجنابة وتصلي ركعتين توبه وتستغفري الله وان شاء الله ربنا يغفرلك.. وأتبعي السيئة الحسنه تمحها

انا شفت كومنت لحضرتك بتقول عليا النعمة وحبيت انبه حضرتك ان الحلف بغير الله شرك

جزاك الله خيراً 🤍

المشكله عندي مش الفهم لان ربنا عز وجل رزقني سرعة الفهم والحمد لله. المشكلة عندي في الحفظ لاني معرفش المفروض احفظ ازاي

طيب لو حبيت اتعلم البرمجة وما شابهها ايه الادوات اللي هحتاجها