حاسه بخلل في العقيده وكأني في صراع بحاول أثبت لنفسي إني مؤمنه بس المؤمن من رضي بالقدر خيره وشره بس للأسف حاسه إني مش راضيه وخايفه اموت وانا كده من حوالي 9 شهور اختي ماتت جوزها قتلها (مريض نفسي) كانت بتعالجه من مستشفى لمستشفى وتجري على ورق المعاش علشان غير قادر على العمل وتشتغل من البيت تصنيع حلويات علشان تسند في جواز بنتها وتعليم اولادها آخر فتره تعب والمفروض أنه كان هيدخل المستشفى لتاني مره بس قبل ميعاد حجزه بكام يوم قتلها وهي نايمه مش قادره أتخطى إلى حصل مش المفروض إن جزاء الإحسان إحسان فين الاحسان الى شافته اختي؟ ده أهله كانو عايزين يحبسوه في اوضه ويتقفل عليه بالمفتاح وهي رفضت يبقى ده جزاءها وبابا مصمم أنه يربي ولادها الصغيرين عندنا وبيقول دول امتداد بنتى بس انا حاسه برفض ازاى نربي ونكبر ولاد الراجل اللي حرمنا من أختي كل اللخبطه دي مخليناني حاسه بيأس وتذبذب على المستوى الديني وإحباط واكتئاب في حياتي ولجوء لدكاتره نفسيين وعلاج ونوم بالايام وأحاول اغير من الوضع الاقي صوت جوايا بيقول اختك كانت يتعافر وتجتهد وعملت الى عليها والى على غيرها وايه كانت النهايه مأساه يبقى ملوش لزوم اني اعيش اصلا فكره الموت والانتحار مسيطره عليا بس بجاهد بكل قوتي ادعولي بالثبات وادعولها بالرحمه اللهم اغفر لأسماء و ارحمها اللهم احشرها مع النبيين والصديقين والشهداء وحسن أولئك رفيقا اللهم اجمعني بها عاجلا غير آجل اللهم توفني مسلما والحقني بالصالحين
تم النشر الجمعة، ١٨ أبريل ٢٠٢٥
حاول تاخد خطوه جديه تجاه المرض لازم لازم تعرف هيا مريضه ب إيه وايه خطوره المرض ده على إلى حواليها علشان الموضوع مينتهيش بمأساه زي ما حصل معانا ربنا يعينك ويقويك
تم النشر الثلاثاء، ٢٢ أبريل ٢٠٢٥
اللهم اغفر لها و ارحمها اللهم احشرها مع النبيين والصديقين والشهداء وحسن أولئك رفيقا ربنا يربط على قلبك ويرزقنا ويرزقكم الصبر والسلوان
تم النشر الثلاثاء، ٢٢ أبريل ٢٠٢٥
اللهم آمين
تم النشر الثلاثاء، ٢٢ أبريل ٢٠٢٥
اللهم آمين اللهم أرزقني اليقين والرضا بقضائك وقدرك
تم النشر الثلاثاء، ٢٢ أبريل ٢٠٢٥
شكرا لحضرتك على الرد بحاول بكل الطرق إني اتقبل إلى حصل بس فعلا لو فكرت في تفسير الآية صح هلاقي إن البشر مفيش عندهم رد الإحسان إحسان عادي جدا أن الاحسان عند البشر يكون شر دي اكتر حاجه صح في حياتنا (اللهم اغفر لأسماء و ارحمها اللهم عوضها شبابها في جنات الخلد اللهم احشرها مع النبيين والصديقين والشهداء وحسن أولئك رفيقا )
تم النشر الثلاثاء، ٢٢ أبريل ٢٠٢٥
لعرض الملف الشخصي في فدني اضغط هنا