doooo Naga

سنك حاليا هو بداية النضوج الفكرى وتحقيق ذاتك وكيانك ، جميل انك ترتبى أولوياتك وانك مهتمة بتفاصيل. واعرفى انك على اول الطريق .. فواحدة واحدة على نفسك ثقى ان كل حاجة لها ساعة وميعاد . اعملى دورك كامل وفوضى امورك لربنا . الأنس ممكن يتحقق بطرق كتيرة جدا ، فحددى الاول انتى عايزة الجواز لأجل المشاركة وبس ولا عشان تكونى أسرة وهو ده حلم حياتك . نقطة الخوف ... مبدأيا خلينا نتفق ان شعور الخوف من المشاعر الصحية طالما هو ف حدود الطبيعى ، فهو من المشاعر الملازمة طوال العمر ويختلف ما نخشاه ف كل مرحلة عمرية حسب ظروفها . فى حالة انك عايزة تعرفى صفات شخصيتك وتحددى نقاط القوة والضعف وتكتسبى مهارات وسلوكيات .. عليكى بإجراء اختبارات أنماط الشخصية يوجد عدد لا حصر لها على شبكة الإنترنت (ارشح لكى تحميل تطبيق ذاتك ... ان شاء الله يكون مساعد وداعم لكى ) . ** لسه مش قابلتى نصك التانى فى الحياة ، اطلبيها من ربنا " انه يجمع بينك وبين نصفك الاخر فى الحياة الدنيا على خير فى التوقيت المناسب "

لك جزيل الشكر على مساعدتك من واقع العصر الحالى ومخاطر التكنولوجيا والذكاء الاصطناعى والعمل عبر الانترنت ، ارجو من حضرتك نشر الوعى ومعرفة ما علينا وما لينا وكيفية الحفاظ على الحقوق والبعد عن الوقوع فى المخاطر وكيفية التعامل عند حدوثها . الموضوع كبير ومتعب ويتطلب جهد كبير ،استأذنك فى خطوط عريضة ونقط رئيسية كبداية للمعرفة . شكرا لك

انا اسفة جدا قلبى وجعنى عليكى جدا ومش قدرت اكمل بعد عصبيته بعد ولادتك قيصري اذا كنتى متأكدة انى نرجسي مش مريض نفسى ، فانتى محتاجة تتابعى على منصة اليوتيوب كلم حد كدة بينشرو وعى فن التعامل مع النرجسية وطرق التلاعب على مرضهم للحفاظ على صحتك النفسية والتسديد والوصول إلى الانفصال والتعافى عليكى معرفة انه اذا فعلا نرجسي مش هينفع خالص التعامل معاه بالطرق التقليدية واتباع الأصول، هيكون مطالب منك الفصل التام بين قلبك وعقلك ومبادئك فى الحياة .... وحاولى مش تدخلى حد بينكو عشان مش يطولو الاذى . ربنا معاكى ويقويكى ، قربى من ربنا وبتعرفي حكمته من دخولك العلاقة ديه وتأكدى ان كله خير ومطالب منك تفهمي الدروس من الابتلاء لكى يرفعه عنك الله عز وجل

الحمد لله ... انت دلوقتى قطعت نص الطريق بمعرفتك واحترامك بالأخطاء تطبيق موبايل بتذكير وقت الصلاة من الأشياء المجربة والناجحة طالما الرغبة والنية متوفرين واعرف ان التقطيع فى الخير احسن واف١ل من لاشئ ... الدعاء كفيل ان يرضى إلى طريق الخير والصلاح والدعاء بظهر الغيب منك وليك يحقق معجزات الله على الأرض اما اللسان واقواله عليك بتذكر الاستغفار دائما بعد فعل الخطأ ولا تنتظر نهاية اليوم والاستغفار قبل النوم فقط .

Lenovo لازم يكون فى هارد ssd وكارت الشاشة vega هيخليكى تشتغلي وانتى مرتاحة اكتر وهتلاقى المواصفات ديه فى ماركات أخرى وأنصحك بشراء استيراد كسر زيرو بفاتورة بيع وشهادة ضمان

ربنا يوفقكم فى مذاكرتكم هى مامتك ليها كلام مع مامتها ؟ هو الموضوع طبيعى وانا متفهمة قصدك ان الغلاء الاوفر دلوقتى هو السبب ف احساسك ده فممكن تتكلمي مع صاحبتك ان مامتك تنزل معاكو مرة مش لازم كل مرة عشان انتى تبدائى تحفظى مصر وممكن مامتك تكلم مامتها فى التليفون هطمنها و واحدة واحدة الكلام بيجى لواحده مع الستات وتعرفها الدنيا بتمشى ازاى ،وانتى استغلى اى مناسبة واعمليلهم حاجات بيتى لاسرتهم .. وفى الاخر اقصر الطرق الخط المستقيم اتكلموا بصراحة وحاجات البيت انضف وارخص وما إلى ذلك من كلام

الحمد الله اننا فى فترة اجازة حاليا .. عشان تقدرى تستقرى على شكل حياتك ال جايه بصى بقى ... موضوع السيطرة ده مش تتكلمي فيه الصح تتعاملي معاه على طول .. هتقولى ازاى ؟؟ هقولك بما انه بيقعد اسبوع مش بيتكلم وبيستناكى انتى تتكلمي... هنقول بكل هدوء وعقل يوم اجازتك من الشغل تعالى اتغدى معانا وفترة الخطوبة لكدة مش لكلام تليفونات .. نتيجة التصرف ده ايه -->اى تصرف منه مش تمام هتقدرى تخلى اسرتك تشوفه ،مش هيعرف يعيش ف جو الحمشنة ،بقيتى قدام عيلت مامتك البنت ال بتخاف ربنا فى الكبيرة والصغيرة وهتوقفى كلامهم عليكى ***نيجى على المهم انتى بقى .. اتعرفى عليه بجد وعلى أفكاره وطموحه وكل تفاصيله (يعنى مثلا احكيله اى مواقف واسئليه هيتصرف ازاى اذا كان فى الموقف ده .. وحاجات مشابه تعرفك مبادئه) واقعدى مع نفسك بليل بعد ما يمشى واكتبى احاسيسك وفى نهاية الاسبوع والليلة ال قبل اجازته اقعدى تانى مع نفسك وشوفى حاسه بايه وكده خلال شهر هتبقى اتعرفتى عليه وعلى نفسك واتعاملتى مع الموضوع بامانة فعليه واكيد ربنا هيكون معاكى ويرشدك وكمان هتقدرى تتكلمي مع باباكى فى نقط محددة بعد ما تكونى اتعرفت عليه واستخرتى ربنا وقررتى القرار الاخير

الحالة ديه للاسف بتحصل معانا كلنا المهم هنكون محتاجين الحمس بيقل ولا تأجيل ولا ايه بالتحديد اعرف عن التسويف وكيفية التعامل معه(يوجد الكثير من الفيديوز والمقالات) ان شاء الله تلاقى مساعدة

يجب المتابعة بالتحاليل اللازمة ودكتور متخصص .. كم العمر ؟

اتمنى لكى التوفيق شغل امازون متفرع كثيرا وكن رآى لا يصلح كبداية اولا تحديد المهارات وما يمكن فعله ثانيا عمل حساب PayPal & payoneer ثالثا عملت حسابات على مواقع العمل الحر خمسات مستقل وهناك الكثير وذلك اشهرهم رابعا الاستماع إلى بلوجر موثوق فيهم واخذ النصائح والالتزام بها ***مواقع العمل الحر تضمن لطرفى العمل استلام كافة الحقوق فى حين التزام التعليمات

علمت مؤخرا.. من الحكم الإلهية "الحياة مدرسة الروح لتعلم ومعرفة والقدرة على تفرقة الثنائيات (الخير والشر .. الفرح والطرح ....) ،بعدها نفهم ان كل شعور ينطلق يجلب مثله وكل كلمة وكل فعل كل شئ له سبب وتأثير . فكل ما نحن عليه من حال هو نتيجة افعالنا .. مبدأ الوجود الاساسى

فى الاغلب نظام الأمان على المنصة هيعرف ان الحساب بيفتح من على حهازين واحتمال قفل الحساب وخسارة المبالغ المدفوعة هيكون كبير الأفضل فتح الحساب على جهاز واحد والمذاكرة سويا وبخصوص جزء الحرمانية بمكن التواصل مع دار الإفتاء هاتفيا وهيتم الرد سريعا عليكم وأرجو منكم نشر الاجاية للتوعية لامكانية نكران الموقف مع اخريين بكثرة وفقكم الله وجزاكم خيرا فى مراعاه الله قولا وفعلا وعملا

كل كلامك اتكرر فيه مختلف عنهم ومفيش حد شبهى .. طب انت دورت على نقاط اتفاق وتشابة اصلا استحالة يكون مفيش ٣ تشابهت على الاقل انت تقدر تقول انك عارف نفسك بنسبة كام ف المية ... عشان تقدر تحدد انت بتحب ايه ومحتاج ايه من الناس ال ف حياتك الحوار الداخلي ده شئ جميل جدا ومفيد لتنمية الذات بشكل كبير .. الفكرة فى إدارته وتوجيه ***الاسهل اننا نختار السلبيات ،بس الحلو فى حكايتك انك مصمم تكون شخص ايجابى فأنت كدة فى النص بين مرحلتين محتاج عوامل تساعدك تنجح فى الانتقال للمرحلة الجديدة ف حياتك واتأكد مهما ان كلن عمرك وخبرتك لازم هيجى وقت تكون متلخبط فيه ومش عارف ايه الحل .. ديه بتكون بداية نطور فى حياتك وتنجح بتعلم شئ انت محتاجه اتمنى اكون قدرت اوصلك وجهة نظرى

الله يوفقكم فى دراستكم اهم شئ وبالنسبة ليك انت الدراسة والتقدير اهم عشان مستقبلك وشغلك وتحديد مسار حياتك المهني فى جملة انت قولتها وهى وافقتك عليها (انت ف طريق وانا ف طريق ) مظبوط؟ هنا الموضوع كله ... طريقهم واهدافكم قد ايه واحدة . اما بالنسبة لاحاسيس الحب المتواجده مش بالضرورة تكون حقيقة او تستمر ،وموضوع ان ليها علاقة سابقة ديه مش نقطة فارقة فى استمرار او قطع علاقة طالما لم تتجاوز حدود الكلام

الحمد لله رب العالمين ان قدرت اسيطر على جلد الذات جدا حاليا وعقبالك ان شاء الله خلينا متفقين ان الوصول لمسمى محدد للمشكلة نص طريق الحل حب النفس الاول وهو ال هيسيطر على جلد الذات ممكن البداية باختبارات شخصية تتعرف فيها على نمط شخصيتك وتقدر تحدد ايجابيات فى شخصيتك ،إضافة لمعرفة نقاط القوة والضعف ده هيغير نظرتك لنفسك ونتعرف على التميز *متاح تطبيق للمساعدة فى تعديل السلوكيات وعن تجربة عملى جدا ومفيد (مش عارفة مسموح بتبادل اسماء تطبيقات أخرى ولا الإجابة ممكن تتحذف) اول ما بنشوف نفسنا بشكل متكامل بنقدر نحكم على المواقف بشكل سليم وتقدير تصرفنا بيكون مسيطر عليه ومعروف الدوافع بتاعته .. وفجأة جلد الذات هيختفى وهيكون بالحد الطبيعى وقت فعل خطأ فعلا

بنسبة تعدى ٨٥% لسة مش كملت ٢٠ سنة وده سبب رئيسي فى التشتت والتوهان ال بيخلى التفكير يشطح مش غير لجام فممكن تعتبر انها موهبة وتستغل فى تجارب فى اختراعات فى إعادة تدوير .. افكار خارج الصندوق (وممكن تبقى مصدر دخل محترم) وعذرا جدا بالنسبة لجملة "حبيت شكل الدم " كان ايه التصرف او الحدث ال وصلك الشعور ده ؟ ، والتعبير عن الحب ده كان ازاى؟؟ ،والجرح ال حصل .. عملت ايه ؟

التخصص دائما مفيد اكثر التطبيق فى حاجة لمعلومات او إجابات من معتمدين لعودة السائلين مرات اكثر ... وجذب اعضاء جدد ... يصل لانتشار التطبيق بعدها . إيجاد فوائد ومكاسب للنقاط المجمعة من انشطة الأعضاء (نظام فعال للاستخدام اكثر) طلما تبحث عن مكسب الأعضاء ستصل إلى ما تريد كتطبيق شكرا لوجود مساحة المشاركة لهذا

الطبيعى بتاعى واظن كلنا بعد تفاصيل السؤال بنشوف التعليقات والاجابات بس حقيقى مش قدرت اعمل كدة فى السؤال ده .. اعذرنى معرفش فى حد كاتب نفس الكلام ولا لاء انت مصرى قاهراوى مستشفى القصر العينى مبنى علاج الطب النفسي والادمان لبوابة أمام الكوبرى مباشرة العلاج حرفيا مش بفلوس وممكن دكتور يقابلك اسبوعيا فى وقت محدد ومش يكون بفلوس اصلا بما ان المشكلة التكلفة دايما يا جماعة انا بشوف ان معرفة الداء نصف طريق الدواء وانت بكل التفاصيل مش قادر تعرف العلة المشكلة يعنى جذرها ايه عشان تقدر تحل وتعالج ... جنب الطريق ده ارسم كل الطرق التانية فى حياتك اما من غير ده كأنك بتبنى حياتك برمال الشاطئ .

اذا على البر .. اوعى تعشمى نفسك انها هتروق وتحلى ويتعدى منك أو يتعلم وتشوفى حنان واهتمام وكدة واذا الرباط بينكو حصل .. شوفى هتتقبلى الطبع ده ازاى عشان للاسف الشديد عمره ما هيتغير .. فى احسن الاحوال الحنية هتطلع اوقات بسيطة قوى اعذرى قسوة صراحتى ف الكلام .. اصلى انا لعبت كل الألعاب بكل الطرق لنفس السبب وعيشت ٤ سنين

ربنا يوفقك فى شغلك هو كيانك الاول بفتكر انك عرفت ان تعليم الحياة حاجة وتعليم المدارس حاجة تانية خالص ،وأن تعليم المدارس مش بالضرورة يفهمك الأمور ال بتدور حواليك انا مدرسة الحياة مش بتخرج فشله ابدا واذا على الشهادات ما فى اكتر من الاكاديميات على مستوى العالم ربنا يقوى إيمانك.. اسمحلى افكر بحاجة ممكن تكون مش واخد بالك منها بسبب الخنقة (لكل حاجة ميعاد ،وقت النصيب لسة مش آن اوانه)صح ولا ايه !! بالنسبة بقى للناس وتفكيرها ... فى مثل بيقولك لولا اختلاف الأذواق لبارت السلع طبيعى ان مش كلنا نتفق على نفس الرقم ويكون عندنا نفس التفكير ،وهرجع اقولك لسة مش آن الأوان ونصيحة يارب قلبك يسمعها (بلاش زعل الوالدين .. الاب هو الضهر والسند طول ما نفسه معاك فى الدنيا ... ) طلع من اى حدث فى حياتك الحاجة الحلوة وافهمها واعمل دورك كامل وسيب الباقى على ربنا .. ومش تخلى حاجة تهد ال بنيته بتعب وعرق ومجهود

استفتى قلبك واستخيرى ربنا فى يوم قلبك يكون هادى مبدأيا كدة انتى من الاشخاص ال بتفهم ولا بتحفظ لان الأحياء و امتحاناتها دش السنين اذا مش بتحفظى هيبقى بتظلمى نفسك ورياضة ٢ اكيد عارفة انها ٦ اقسام يبقى بعد الفهم تنظيم وقتك وإدارة يومك ديه خطوتك حاليا ... بعدها كل مجال وفيه شغله ونجاحه وفلوسه وابداعه اطلعى السلم درجة درجة

اعمل جرد لمهارات وخبرات ونقاط القوة والضعف .. مكتوبين قدامك وان شاء الله اكيد هتقدر تتوفق فى فكرة . اهم من المشروع نفسه انك تكون بتفهم فيه وبتحبه عشان تقدر عليه ومبادئ الربح ف التجارة المصرية انت اكيد عارفهم كويس --> اهمهم : سرعة دورة راس المال ، سلع استهلاكية ، منتجات لا تفسد.....

محتاج تعرف نفسك كويس الاول بعدها هتقدر تختار مين يستاهل يكون صديق

يارب تشوفى كلامى فى الوقت المناسب مريت بنتائج مشابهة لظروفك من اكتر من ١٥ سنة ،وجربت الانتحار برضه بس مش سم مرتين مش مرة واحدة واخدت قرار فى لحظة غير شكل حياتى ١٨٠ درجة الفارق الوحيد بينى وبينك فى المشاعر وال كنت حساه وقتها "فكره عقاب ربنا وانه مش بيحبني .. عمرى الحمد لله ما فكرت كدة خالص" ومن واقع تجارب حياتية لواحدة سبقتك بالزمن شوية بقولك ان ربنا اذا مش بيحبك كنتى هتفضلى مغيبة ومش حاسة بغلطك وعندك تأنيب ضمير لدرجة انك مستعدة تضحى بأكبر هدية من ربنا وناسية ان ده الفعل فعلا ال ربنا نهى عن فعله ربنا ينجيك ويكتبلك فرصة تانية .. ربنا من حبه ليكى وعى عقلك وضميرك )،انتى لسة صغيرة جدا ومش عارفة حكمة الحياة ربنا مش بيعاقب عباده بالفشل زى ما بتقولى كدة ربنا كل اراده خير جدا وليها حكمة احنا كبشر مش بنشوفها فى وقتها تأكدي أن رسوبك خير لسبب ما هيجى وقت وتعرفيه وعلى فكره اذا رجع بيا الزمن هاخد نفس القرار ال غير حياتى ١٨٠ درجة فى مقوله يتقول اذا علمتم الغيب لاخترتم الواقع ... وتخيلي كمان من فتره صغيرة قوى عرفت معلومة قدرت اعرف ييها جزء من حكمة ربنا فى رسوبى اولى جامعة وفعلا فعلا الحمد لله ان اخدته ولا كان يحصل حاجات تانية . ربى هب لنا نور البصيرة وحسن التصرف واحفظنا من شر النفوس و وسواس الرجيم يا سميع يا الله

ربنا يقومك بالسلامة ويرزقك ساعة مريحة أهم ما فى الموضوع كله صحتك انتى والبيبي الخوف شعور صحى وطبيعى فى التوقيت ده هونيها على نفسك هتهون انتى وجوزك فى مرحلة جديدة كليا عليكو عشان تكملو حياتكو بسلام وانسجام كاسرة سوية البداية هتيجى من الكبار انتو يعنى . بمعنى المشاركة والصراحة اساسى بلاش حملك يكون البداية لبناء مسافة بينك وبينه وتستمر ف زيادة كل يوم دور زوجك ف حملك يسمعك ويساعدك وتختارو كل تفصيله سوا خلى الدكتورة بتاعتك تتكلم معاه وتلفت نظره . بالنسبة لوقتك وهو ف شغله ثقفى نفسك ثقافة الامومة بحر معلومات لا نهاية له (صحيا وتربويا وتغذية وعناية ...) استغلى الوقت بعد الولاده مش هتلاقى وقت للنوم اول ٣ شهور ... وكل فترة وليها التزامتها ،اسبقى بخطوة وعيشى حياتك واستمتعى بيها ربنا يرزقك خلف صالح

بعيدا عن السن والفترة العمرية ، اى بنت ف اى ين ممكن تتعرض لمواقف مشابه هقولك حلين سهلين الاول القائمة البيضاء لرقمك الارقام ال تقدر تتواصل معاكى فقط الثانى حظر اى أرقام غير مسجلة من خصوصية تطبيق تروكولر ملحوظة :بلاش تضايقى وتحسى أحاسيس مش لطيفة اعتبرى الموضوع تجربة اتعلمت منها معرفة إعدادات الخصوصية للبرامج فى وقت مناسب (ثورة الذكاء الاصطناعى)

سؤالك هدفه استفزاز البشر للتجاوب مع الأسئلة والرد عليها وللوصول الى البقاء نشط وقت اكبر داخل التطبيق .... س: لماذا تم اختيار النقد هجومى بالتوبيخ (وصف بألفاظ غير محبوبة) بدلا من طرح سؤال او استطلاع رآى ؟؟ ج: حتى يرتفع عدد التفاعل أيضا.. تلك هى وظيفتك الحقيقية ... ليس الا.

الحق جزء من العدل يمكننا كبشر ان نعطى كل زى حق حقه ، اما العدل (اسم من اسماء الله عز وجل) فهو صفة الهية لا يحكم بها الا من عرف الله إيمانا واحتسابا. نسأل الله أن حكمنا بين الناس ان نحكم بالعدل .

اخدت بالى دلوقتى من تأثير جلد الذات باستمرار كان عامل فيا ايه!! فعلا زنقنى فى كورنر ومش كنت حاسة ومهما اتعلم حاجة او أنجح مفيش اى حاجة كانت بتتغير الحمد لله كثيرا قد ايه بنعمل حاجات صح بس مش بنحس بنتيجتها بسبب اننا اتعودنا على حاجات غلط من غير ما نعرف اضرارها علينا .

الطبيعى ان الاهتمامات بتتغير كل فترة عمرية ... جربى تطبيق تحول الفعل لعادة بمعنى المواظبة على فعل معين بتوقيت محدد بشكل متكرر. وأنصحك تعرفى ايه الدافع ال مخليكى متمسكة بالقراءة ،ممكن تكتشفي بالتفكير حاجات مش تعرفيها عن نفسك . واخر حاجة ... رآى اعرفى نفسك واتعرفى عليها باكتر من شكل (كل ما هتبطلى الفضول هيخليكى قادرة تكملى ). ان شاء الله كلامى يفيدك.

ديه طريقته فعلا .. قناه اسمها فن العلاقات تقريبا هتلاقى فيها ال بقولك عليه

ممكن حضرتك تتواصل مع الادمن وترفق شهادتك وتتحول من إلى الخبراء على البرنامج . اكيد هيضيف مميزات لحضرتك

حضرتك حدد نقاط تقدر تشاركنا بيها واطرحهم فى سؤال منفصل على هيئة استطلاع رآى

عذرا اذا مش قادرة احدد نقاط السؤال .. بس مخاطر التكنولوجيا مشكلة كبيرة لا ندرك التعامل معها

حضرتك اكيد بدراية أشمل بتناول الموضوع

بالظبط .. وايه المشاكل ال يمكن تلافيها والمشاكل المباحث الانترنت بنلجأ ليها .. وهكذا

ارجو توضيح كيفية الانضمام لكلا من الخبراء والأعضاء المتميزين ،مع ذكر تفاصيل عن الخدمة (شروط - تكلفة - التزامات ....)

خدمة رائعة ومميزة وذلك كان هدف الاقتراح ، اتمنى ان يتم التنوية عن الخدمات المتاحة فالكثير من الأعضاء لا يعلم عنها شيئا وانا منهم للاسف الشديد ... شكرا للتوضيح

اعمل تمارين تنفس ، وراقب نفسك واعرف اسباب حدوث التغير ...قبل أن تفكر فى التعب والمرض

ssd ده نوع هارد لازم يكون موجود ف الجهاز ال هتشتريه ،فى جميع الاجهزة والامكانيات ف الاستيراد حاليا

اتمنى لكى الشفاء يإذن الله .. ولكن لست بطبيبة ،أمتلك معلومات عامة لا أكثر،يبقى نصيبك فى التحسن اكبر من نصيب من تعدى ٢١ سنة من عمره .. اتبعى الطريق الصحيح وابحثي عن اسباب المشكلة باكر وكونى على يقين ان لكل داء دواء.

جربى ادخلى على الاكونت عندى ..

ربنا يوفقك .. ابعتيلى اذا احتحتى اى حاجة ف اى وقت

بصى يا حبيبتى .. اذا اتبعتى الأسلوب ال شرحتهولك فى اى حاجة ف حياتك اولا انتى هتنظمى تفكيرك وثانيا الناس هتكون شيفاكى عقلانية .. خلى بالك من نفسك ومش تخلى حد يحبطك او يقلل من عزيمتك وخلى كلامهم دايما دافع انك تكونى احسن ؛صلاة الاستخارة يجب عليكى عدم التحيز اثناء ادائها و واضح انك مش عملتى ده المرتين ال فاتو

جميل .. الحمد لله جسمك لية فى مرحلة البناء والتكوين لحد ٢١ سنة ،تابعى مع دكتور ضرورى

ممكن توضيح اكتر

بعتذر عن انقطاع المناقشة ... الحمد لله انك قادر توقف الوحش بكل سهولة وقت صلاتك وده اكبر دافع يقولك انك أقوى وان التحكم ف ايدك انت .. خصص وقت معين فى يومك للوحش يخرج صوته -->ومع الاستمرار والوقت الكافى مخك هيتبرمج على الأسلوب الجديد وتوصل لمبتغاك

وبعد ما تتقن التحكم الكامل اعمل تدريبات تنفس وقائمة امتنان الصبح .. ودير انت الحوار الذاتى

الروحية .. ابتدى ٥ مرات كل يوم وقف دماغك وانت بتصلى

ماذا تهوى من العلوم ؟

اتعلم انه يمكنك التحكم فى شعورك هذا وايقافه وقت ما أردت ذلك ؟

مش مرض بمعنى الكلمة .. بس بقى حالة منتشرة فى جيلكم.. ولكل حالة ظروفها واسبابها

فكرى بصراحة كبيرة بينك وبين حالك ... عايزة تلاقى حل .. ولا عايزة تعملى تانى ؟؟

هو ده اساس سؤالك فعلا

فى سبب او اسباب بتقولك عليها هى البتزعلها

اسمحلى بسؤال

اذن فلماذا كان سؤالك بشكل غير لائق .. طلما وجودك للمساعدة؟