Abdelrahman ibrahime

اصحي من الصبح بدري وابدأي يومك بدري بدري واعملي جدول تمشي عليه من غير ما تخالفيه واهم حاجه متشغليش نفسك بالموبايل كتير ياريت تقفليه وتشيليه خالص من قدامك وقت الدراسة ومتخليش اي حاجة مش مهمة تشغل تفكيرك عن مستقبلك واتبعي نصايح الاهل والمدرسين وكده كده انتي لسة معاكي وقت انتوا هتبدأوا امتحانات في نص شهر واحد تقريباً لكن احنا في الجامعة هنبدأ امتحان على اخر الشهر ده ومتسوحين بطريقة بشعة الصراحة فشوفي بقى انتي في نعمة اهو 😂😂

أنا كنت ثانوية عامة السنة اللي فاتت وكانوا المدرسين دايما يقولوا نام الساعة 9او10 واصحى من الفجر أبدأ يومك وانت لسه دماغك نضيفه كده وذاكر مش اقل من 8 ساعات في اليوم واعمل اللي انت عاوزه في باقي اليوم بس المهم موبايلك ده اقفله خالص وانت بتذاكر وياريت ميكونش قدامك اصلا لكن لو بقى فضلت سهران طول الليل بتذاكر اولا مش هتستفيد حاجه من اللي ذاكرته وكمان مودك هيبقى وحش وهتحس انك مش عاوز تعمل اي حاجة ودايما قرفان وزهقان والعب رياضة بردوا واعمل جدول كده تمشي عليه وتفضل ملتزم بيه علشان الدنيا متبوظش معاك

اشغلي نفسك بحاجات تشغل تفكيرك واستعيذي بالله لما تجيلك الوساوس دي ،ولعب الرياضة بردوا بيفرق كتير في حتة التفكير السليم والثقة بالنفس وحاولي متخليش اي عوامل سلبية تأثر عليكي مثلاً مشاهده الافلام الرعب باستمرار ،سماع الاغاني الحزينة ،متابعة المواقع التي تدعو للسلبية ،وبالإضافة إلى ذلك الانتظام في النوم اصحي بدري ونامي بدري ،أنا بردوا ساعات بيجيلي وساوس لكن أما لعبت رياضه ونظمت نومي الموضوع فرق جامد.

أولآ خلي علاقتك بربنا تبقى كويسة وافتكر دايما الاية اللي بتقول (قال لا تخافا انني معكما اسمع وارى) ادعي ربنا وخلي حد يساعدك يبقى حد انت بتحبه وبتثق فيه ويسمعك وميخرجش اسرارك برا ولو الموضوع تطلب انك تروح لدكتور اعمل كده دي مش حاجة عيب او حرام انك تروح لدكتور عادي المهم تبقى قوي وتتحمل وتتغلب على المشكلات اللي بتواجهك

معلش ايه 2ع قصدك يعني تانية اعدادي، عموماً ده بيحصل مع شباب كتير في سن المراهقه ده بس انتي زي ما بتقولي لو البيئة إللي حواليه مش سوية انتي حاسسيه انك الشخص المختلف عن الباقيين خليه ياخدك مثل اعلى خليه يبقى متعلق بيكي دايما وبردوا تعاملي معاه بالراحة وصاحبيه وجربي معاه حاجات جديده العبي معاه قضي معاه وقت اعرفي هو بيحب ايه وبيكره ايه ونفسوا في ايه مش شرط يبقى كل كلامك معاه على المذاكرة والجد دايما هزري معاه خوديه واتمشوا مع بعض روحوا سينيما او العبوا بليستيشن وهو ان شاء الله يستجيب ليكي

ادعيله ملهاش حل غير كده او حاولوا تعرفوا هو ثقافته ايه او تفكيره عامل ازاي وتعايشوه معاه ممكن يكون بيعمل التصرفات دي معاكم علشان حاجة معينة هو عاوزها منكم بس انتوا مش فاهمينه صدقيني يا عزيزتي مفيش حد وحش للدرجة دي إلا وكان له هدف معين من التصرفات اللي بيعملها،وهي انكم تهتموا بيه مثلاً انتي بتقولي مش بكلمه من شهر 11دي لوحدها اكيد فارقة معاه.

طب ما يمكن كتر الحكة هي اللي بتزود الموضوع جربي كدا اول لما تحسي انك عاوزة تحكي في شعرك روحي اغسليه بالماء بدلا من انك تحكي بالاظافر لانها ممكن هي اللي بتنقل البكتيريا لفروة الراس كمان عاوز اقولك على حاجه في فرشة اسمها الفرشة السليكون بدل البلاستيك ممكن تحاولي تبحثي عنها لو لو عاوزة تحكي بيها بدل الاظافر.

انا هقولك على فكره حاولي تهدديه بانك هتعمليلوا محضر عدم تعرض وبعد كده اتعلمي من الموقف ده انك متخليش حد يتعود عليكي للدرجة دي ومعلش طب لو انتي مش عاوزه تحكي لحد طب كده هو هيتمادى اكتر مستغل نقطة انك مش هتحكي لحد.

طب لو انتي ذي ما بتقولي انك مش بتسيبي الفون خالص ودائماً ماسكاه باستمرار ماتستغليه في حاجة مفيدة ذي مثلاً انك تتكلمي مع ابوكي وتحكيلوه مشاعرك تجاه امك وانتي حاسه بأيه و ممكن كمان تتفرجي على دروسك اون لاين حتى لو ممسكتيش الورقة والقلم هتبقي فاكره المدرسين قالوا ايه من الفيديوهات التعليميه اللي شوفتيها وطالما انتي الموبايل معاكي باستمرار فهتركزي في شرح الدروس زي باقي المواقع التانية مثلاً واعتبريها اول خطوة ليكي في انك تتحسني ومن بعدها هتسيبي الموبايل تماماً وتمسكي الكتاب بداله وعاوز كمان اقولك على حاجه مفيش في الدنيا ام بتكره ولادها سواء صبيان او بنات انتي بس حاولي كده تساعديها حتى في اصغر الحاجات في البيت مثلاً او ساعديها في شراء الحاجات انزلي معاها باستمرار وهي اكيد هتحس انك بتتغير للاحسن وهي نفسها تبدأ تغير معاملتها وطريقتها معاكي وكمان تساعدك ،انتي بس استعيذي بالله وحافظي دائماً على صلاتك حاولي ماتفوتيش اي فرض من الفروض واكثري من الدعاء وأن شاء الله ربنا يستجيب وجربي فكره انك تتكلمي مع ابوكي دي اكيد على الاقل ممكن تغير اي حاجه.

أنتي محتاجه حد يسمعك ويحس بيكي ويفهم مشاعرك وده تلاقيه مع حد انتي بتثقي فيه جدا علشان يكون كاتم اسرارك وكده كده مرحلة المراهقة دي بتبقى صعبة عند البنات والشباب كلهم عندك أنا مثلاً ببقى وقت عصبي ووقت حزين ووقت مبصوت فهي بتبقى مشاعر متقلبة مش اكتر

أولا ابعدي عن موضوع الانتحار ده تمام لانه مش هيفيد في حاجة يوم القيامة ثانياً خودي صفحة جديدة لنفسك وابدأي تحاولي تتخلصي من اي حاجه توقعك في الغلط مره اخرى وخلي عندك ارادة وتقولي لنفسك أنا خلاص بطلت ومش هرجع للغلط ده تاني من غير ما ترجعيله واكثري من الاستغفار والتوبة وفعل الخير ومساعدة المحتاجين واعملي خير على قد ما تقدري وان شاء الله ربنا يغفرلك الذنوب دي ومتخفيش أنا مش هدعي عليكي لاء بالعكس أنا هدعيلك لان احنا كلنا اخوات في الاخر وكلنا بشر وطبيعي الكل بيغلط بس الفكرة نتعلم من غلطنا ومنكررهوش تاني.

طب ما تشريكي ابوكي في الموضوع يمكن هو يعرف يتفاهم معاها

عارف ليه علشان الإنسان العربي ماشي في طريق ربنا الصح وده في حد ذاته إللي مخلينا احسن منهم بسبب قوة تمسكنا بدين الله تعالى ورزق ربنا لينا هو اللي مخلي عينهم في النعمة إللي مع العرب ويتمنوا انها تبقى ليهم دائما.

أنا بشوف ان معايير القبول المجتمعي الصحيح هو احترام الآخرين أنا شايف معظم الشباب ضاع من عندهم المبدأ ده وعلشان كده انا مش متفاعل مع الناس ودايما لوحدي ،في ناس قالتلي انت شكلك شكل جد مش بتاع هزار ولا كلام أوي عشان كده إللي هيشوفك مش هيتكلم معاك بسهولة هل ده صح ؟؟؟

كلنا بيقابلنا اوقات كتير الاحاسيس دي لكن الثقة بالنفس والالتزام بدين الله والاجتهاد لتحقيق الافضل يعصم الشخص من الفتن والوقوع في الخطأ و يبعث الينا الله الناس الصادقة قلوبها لنثق فيهم ولكي يغيروا لنا فكرة معينة في أذهاننا ويتغير لديكي طريقة التفاعل الاجتماعي في من حولك، والاهم ايضا الابتعاد عن من هم سبب في إثارة المتاعب والمشاكل.