Radwa Mohamed

حاولي تنشئ عادات جديدة ليكي و كمان تقبلي انك بشر و لازم تتوجعي و تحسي بالم بعد الطلاق روحي اماكن جديدة قابلي ناس جديدة غيري جو ممكن كمان تصدقي بنيه ان ربنا ينسيكي الوجع اللي انتي فيه حاولي تهتمي بنفسك اكتر من غير ما حد يقولك كلمه حلوة متستنيهاش من حد اعملي كل حاجة حلوة لنفسك زي ما بتحبي تعمليها لغيرك عززي نفسك من الاخر و ربنا معاكي يارب و يصبرك

انا شديت معاه عشان رفض يدفع فلوس لحاجة تخص جزئي و هو اللي طالبها في حين اجزاءهم مش بيقولولنا هما عملوا ايه بيبعتوا ريست الفلوس يقولولنا هنجيب كذه و كذه من غير ما نسأل ده ليه

و عارفة بردو اللي فيه خصلة و طبع عمره ما بيبطله يعني هو بيهدي الدنيا عليه دلوقتي بس مش معني كده انه هيبطل

لو اتكلمت هيبان اني انا اللي عملت مشكلة و هتكره اكتر فانا مش عايزة كده انا لما شديت معاه في الكلام آخر مرة حاول يسايسني و دخل يصالحني عشان عارف انه غلطان فانا مش عارفة الصح ايه دلوقتي

انا فاهمه و مقدرة شعورك كويس اووي بس طول ما انتي منتظرة انك هتحسي بشعور احسن لما تغيري وجه نظر مامتك و والدك عنك طول ما انتي هتفضلي واقفه في حياتك اللي هو حاولي تمشي امورك لما تيجي تتكلمي معاهم شغلي عقلك متشغليش قلبك اللي هو انتوا مش متقبليني خلاص عارفه ان الموضوع مش سهل بس هييجي بالممارسة و باحساسك ان مشاعرك غالية و الدنيا مش مستاهله ، من الآخر كده شوفي اللي ريح نفسيتك و اعمليه لو بيتعبوا نفسيتك حاولي تعزلي نفسك عنهم و ركزي في مستقبلك لو والدك مثلا بيزعق علي حاجة معينه بلاش تتعترضي علطول لا حاولي تجاريه و ده مش عشانه لا ده عشانك حتي لو عارفه انه هو غلط ، حطي نفسك من اهم اولوياتك و ساعتها هترتاحي شوية و مش هتفكري فالانتحار ، اللي مخليكي تفكري فالانتحار انك مشيلة نفسك ذنب كرههم ليكي فانتي اوعي تفكري كده و ربنا يهديكي ويهديني و يهدي الناس كلها و بس كده

لو انت كمان الموضوع كبير عندك لدرجة انك حاسس انك مريض قلق اوقات بيبقي احسن حل هي انك تكون مدرك افعالك و واعي انت بتعمل ايه حتي لو غلط ممكن تتفرج علي الفيديو و ده هيزيد من واعيك بنفسك https://youtu.be/konsPo5kJPw?si=AtdkJ954PlNBHFoV

معظم الاوقات بشوف الاجابة علي السؤال ده هو انك لازم تثق بنفسك اكتر بس انا هقولك علي حاجة تعملها و هي بتفيدني انا كمان و هي الكتابة اي موقف يقابلك و تحس انه مأثر عليك جامد و بتفكر فيه كتير طلعه علي ورقه و اكتب كل اللي في دماغك طلع كل احساس وحش انت حسيت بيه لحد ما تستريح خالص وقتها هتلاقي دماغك هديت شوية و بقيت بتعرف تسيطر علي مشاعرك و تعملها كنترول و تفلترها و تقول هل الموقف ده يستحق كل التفكير اللي انا بفكره و لا ديه افكار بتيجي لدماغي عشان تعطلني و تخليني معملش اللي ورايا اسال نفسك اسئلة كتير و رد علي نفسك و هتلاقي دماغك تلقائيا بتستوعب ان ده قلق زيادة و الوضع مكنش يستاهل كل ده و بعد اما تخلص قطع الورقة و ارميها فالزبالة و كمل يومك و لا كأن حاجة حصلت بجانب بقي الكتابة يا سلام لو تلعب رياضة مش شرط تروح و تدفع فلوس بالهبل لا ممكن تمارس في البيت عادي هتلاقي الوضع اتحسن و كمان انا مقتنعه ان كل بني آدم موهوب في حاجة معينه لو قدر ينميها هتزود ثقه بنفسه اكتر من الآخر شوف اكتر حاجة انت شاطر فيها و مارسها وقت اما تحس ان الافكار مسيطرة عليك و بس كده..