أي حد عنده استفسار في مجالات الجرافيك والمونتاج والموشن جرافيك وطرق ووسائل تعلمهم .. أنا مدرب معتمد في المجالات المذكورة وحاضر للإجابة على أسئلة حضراتكم
تم النشر الثلاثاء، ١٢ سبتمبر ٢٠٢٣
بداية موفق ان شاء الله ثانيا مجال الجرافيك مجال كبير وواسع وفيه عدة أقسام وكل قسم ليه البرامج والأدوات اللي بتستخدم فيه فأول خطوة هي تحديد المجال اللي أنت حابب تتخصص فيه عموما مصطلح الجرافيك بدون تفريع بيطلقى على عالم التصميم سواء كان منشورات ومطبوعات ولوحات أو مجلات وكتب أو حتى تصاميم السوشيال ميديا يبقى أنت لو حبيت تتعلم المجال دا ركز على برامج الفوتوشوب والاليستراتور والإنديزاين بنفس الترتيب اللي ذكرتهولك دا اليوتيوب مليان دروس ومصادر من الصفر للإحتراف لكن المهم انك تطبق اللي بتشوفه بإستمرار عشان تثبت المعلومة وفي راسك ومهارتك تتطور بالممارسة
تم النشر الاثنين، ١٣ مايو ٢٠٢٤
طيب انا بس عايزك تركني موضوع الشغل دا على جنب دلوقتي .. صحيح هو دا الهدف الأساسي من اتمام الدراسة .. ولكن انتي دلوقتي في مرحلة تجهيز نفسك لسوق العمل .. فركزي في التعلم والدراسة وسيبي الباقي على ربنا .. ثانيا من دلوقتي مدام دخلتي جرافيك ديزاين والهدف انك تبقى مصممة .. من دلوقتي متتعامليش مع الجرافيك ديزاين على انه منهج ودراسه ومتكتفيش بالكتب والمحاضرات .. اليوتيوب مليان .. الترم الأول تكوني داخله على اليوتيوب مخلصالك كام كورس فوتوشوب .. الترم التاني تكوني اتقنتي الإليستراتور .. أجازة أخر السنة الإنديزاين .. والجامعة هتفيدك جدا في الشق الأكاديمي والعلمي زي بقى نظريات اللوان واستيالات التصميم وتاريخ الفنون وهكذا .. فتبقي استدفتي من الإتنين .. وبالتوفيق ان شاء الله
تم النشر السبت، ١٦ سبتمبر ٢٠٢٣
بالنسبة لسؤال أحمد تبدأ تتعلم بأنك أولا تحدد مجال الجرافيك اللي أنت عايز تتعلمه .. ولنفرض انه تصاميم الجرافيك فتبدأ تاخد كورس تأسيسي للمبتدئين وبعدين كورس متوسط وبعدين كورس متقدم أو مجموعة من الدروس في المستوى الإحترافي .. وطبعا عشان تجيب نتيجة وتستفاد من كل الكورسات دي مهم جدا انك تطبق وتنفذ بإيد كل الدروس اللي بتشوفها عشان تكون فعلا مصمم ناجح وحترف. . دا بالنسبة لمرحلة التعلم .. مرحلة الشغل بقى فأنت لازم بعد ما تتعلم تبدأ تنتج أعمال وتصاميم مستواها حلو وتبدأ تخلي الناس تشوفها فيعجبو بيها ويتحلو لعملاء محتملين سواء هيكونو ناس بتشتغل معاك بالتصميم أو بالقطعه .. أو ناس هيوظفوك وراجع المقال دا هنا عشان تاخد فكرة أعمق عن جذب العملاء https://bit.ly/45WAJwC
تم النشر السبت، ١٦ سبتمبر ٢٠٢٣
بالنسبة لمحمد فرص الشغل مش قليلة بالعكس كتير والجرافيك من المجالات اللي هتستمر وتفضل مطلوبة قدام لأنها مرتبطة بالتطور اللي حاصل دلوقتي في مجالات الذكاء الإصطناعي والبرمجة والتطبيقات وهكذا .. لكن اللي بيشتغلو فيها كتير وبالتالي عشان يكون المجال مربح ومصدر دخل بالنسبة ليك لازم تتأكد إنك تكون متميز فيه وشغلك جودته عاليه من خلال التدريب الكويس ومشاهدة عدد محترم من الكورسات والدروس .. وخد بالك انك مجرد متحط رجلك بقوة فأي مجال من مجالات الجرافيك سهل جدا انك تضيفله مجال تاني موازي ليه .. زي مثلا انك تكون مصمم ومونتير أو مصمم وبتاع موشن .. وهكذا
تم النشر السبت، ١٦ سبتمبر ٢٠٢٣
طيب خلينا كبداية واستكمالا لكلامي ان مفيش حد عربي بيشرح موضوع صناعة الأفلام من الألف للياء على اليوتيوب فلازم تتعلم كل مرحلة من مراحل الصناعة دي مع حد مستقل .. وكمدرب هشرشحلك إبتدأ مدخل نظري مهم جدا مع حد متميز في المجال ألا وهي ورشة الأفلامجية مع المخر عمرو سلامة .. هتلاقي فيها 157 فيديو متقسمين على خمس قوائم تشغيل حسب الموضوع هيفيدوك جدا كمدخل لمجال صناعة الأفلام .. هتلاقيهم على الرابط دا https://www.youtube.com/@alaflamgeya/playlists وبعدها تبدأ تبحث عن كل جزء لوحده كتابة السيناريو الإخراج التصوير المونتاج أو البوست برودكشن عموما
تم النشر السبت، ١٦ سبتمبر ٢٠٢٣
بالتوفيق ان شاء الله .. وتحت أمرك في أي استفسار
تم النشر السبت، ١٦ سبتمبر ٢٠٢٣
مجال الجرافيك فيه ملايين المشتغلين سواء جوا مصر او براها وسوق كبير وواسع ومربح لكتير من المشتغلين فيه .. بس اللي يضمنلك مكان في السوق دا لا هو كلام الناس ولا هو حتى دراستك لوحدها .. انما انك تشتغلي على نفسك وتستفيدي من دراستك بأكبر قدر ممكن وتاخدي كورسات في المجال على اليتويبو وتحرصي ان مستواكي يكون محترف وليكي لمسه فنية
تم النشر الخميس، ١٤ سبتمبر ٢٠٢٣
مفيش حد عربي واحد بيشرح فيلم ميكينج بصورة كاملة على اليويتوب فأنا رأيي انك تقسم الموضوع لمراحل وكل مرحلة تاخدها مع واحد معين
تم النشر الخميس، ١٤ سبتمبر ٢٠٢٣
أهلا وسهلا يا عبد الرحمن .. يعني مش هعرف ادلك على حاجة شبه الموشن اللي بتتكلم عليه غير لما أشوفها .. ولكن في العموم كونك مونتير فتعلمك للموشن جرافيك هيكون أسهل وفي نفس الوقت هيفيدك جدا في شغلك كمونتير من ناحية تطوير عملك وتطعيمة بموشن جرافيك وجرافيك حسب الحاجة .. وبما انك بتتكلم في الإنتروهات فالأنتروهات في الأغلب بتكون عن تحريك الشعارات . فهنا هتلاقي مجموعة من الدروس المميزة في اللوجو أنيميشن من قناة brokenbone_tv على اليوتيوب 👇👇👇 . https://youtu.be/5WnaT1oFjt8 . https://youtu.be/aWxlWgBEcnI . https://youtu.be/V475WFGwJng . https://youtu.be/NPuOkPOBJAM . https://youtu.be/reebIDzqFnA . https://youtu.be/7e0vdJwEqVo أما بخصو تعلم الموشن جرافيك عموما .. فدي مجموعة من أهم القنوات والكورسات اللي بتشرح الموشن بالعريي : كي فريم 🔹 https://bit.ly/36uGaFR حسان شاوي http://bit.ly/2TsuCKY محمد شلتوت http://bit.ly/2RxAelE محمد خاطر http://bit.ly/2Cv30QD Soni Designer https://bit.ly/30gY8bh Graphic and Motion Graphic Channel https://bit.ly/2Jn2FUN وتحت أمرك في أي استفسار
تم النشر الثلاثاء، ١٢ سبتمبر ٢٠٢٣
شاكر جدا لحضراتكم
تم النشر الثلاثاء، ١٢ سبتمبر ٢٠٢٣
حساب فيسبوك حساب تويتر حساب يوتيوب حساب انستجراملعرض الملف الشخصي في فدني اضغط هنا