مشاكلى اللى حصلت واللى بتحصل واللى كمان هتحصل كلها تتعلق بوالدى. أنا قصتى ابتدت لما ماما اتجوزت بابا غصب عنها وده بسبب جدى الله يرحمه زمن ساعتها ماما دايما بتتهان من بابا ومن عيلته علشان هى الزوجة التانية وكمان عايشة فى بلد غريبة عنها أوقات كانت بتتضرب من عيلته قدامه كمان. جدو كان بيشوف ده بس كان مش بيعمل حاجة علشان ماما كانت متجوزة قبل كدة وكمان علشان الناس فخاف يطلقها. وفضلت مستحملة كل ده لغاية لما اتولدنا وبعد كدة حصل أن ابن والدى من زوجته الأولى كان عايز يقتل ماما بس ربنا ستر والسكينة جات فى دراعها الكلام ده حصل من زمان جدا وأنا فى ابتدائى ودلوقتي أنا فى رابعة كلية بس فاكرة كل حاجة زى ما يكون حصل امبارح. والدى للأسف شخصيتى ضعيفة ودايما بيكدبنا علشان احنا زى ما بيقول ولاد واحدة غريبة أنا مش بكره والدى بس بصراحة تعبت من أنى بشوف أمى بتتعب وبتتهان من والدى ومن مراته ومن عيلته واحنا مش عارفين نعمل حاجة حتى ندافع عن نفسنا لأن والدى ممكن يمنع عننا المصروف كالعادة ودلوقتي بقى يحاسبنا بالجنيه ومش بيعمل ده مع زوجته الأولى ولا ولادها. أنا حاسه أنى بموت بالبطئ ومش عارفة اعمل إيه .
تم النشر الأحد، ٢٨ يناير ٢٠٢٤
شكرا بجد لكل التعليقات الجميلة واسأل الله العظيم أن يهدى أبى وكل من الأباء الذين يعاملون أبنائهم بجفاء سواء كان ماديا أو معنويا
تم النشر الاثنين، ٥ فبراير ٢٠٢٤
حاولى أنك تشوفى حد من عيلتك يقدر يساعدك فى حالة لو فكر يرجع يأذيكى تانى وكمان أهم حاجة أنك تواجهى الشخص برد فعل تانى خالص علشان ميفكرش أنه يقربلك تاتى يعنى مثلا على صوتك أو لما يحاول يقربلك كدة مش هيفكر يعمل تانى
تم النشر الاثنين، ١٨ مارس ٢٠٢٤
فعلا فى دى عندك حق حضرتك
تم النشر الثلاثاء، ١٣ فبراير ٢٠٢٤
التراكم مش حل وأن حضرتك تسكتى دايما مش صح والغلط مينفعش نعتبره شئ اعتيادى وكتر التراكم ممكن يسبب لا قدر الله شئ فاتكلمى وقولى أحسن من الكتمان وأن تعثر عليكى الأمر اتكلمى مع ربنا المهم متكتميش التعب والكلام ده عن تجربة بجد لأنى أنا من كتر الكتمان بسبب مشاكل البيت وكمان ضغط المذاكرة علشان كنت وقتها فى ثانوية عامة عملتلك كدة حالة بتجيلى حالة أنى مش بعرف اخد نفسى وببكى من غير سبب وساعات بتغلب عليها وأوقات لا احساس صعب بجد بحس أنى بموت بجد لغاية دلوقتى وأنا فى رابعة جامعة بتجيلى .
تم النشر الثلاثاء، ١٣ فبراير ٢٠٢٤
أنا هقولك مثال من حياتى أنا بتعامل مع الناس بشكل رسمى وبستخدم كلمات زى حضرتك ولو سمحت فللاسف أغلبهم بيضايقوا من استخدامى للكلمات دى وبيعتبروها كلمات قديمة خالص فاستغربت اللى هو حتى الاسلوب المحترام بقوا بيكرهوه. الخلاصة طالما حضرتك ماشى بما يرضى الله خلاص ميهمكش حد خالص وسيب اللى يتكلم يتكلم وخليك زى ما أنت وأوعى تتغير علشان حد
تم النشر الثلاثاء، ١٣ فبراير ٢٠٢٤
مش هقولك حاجة أكتر من حبى نفسك دى نصيحتي ليكى بجد لأن لو محبتيش نفسك ده هيخلى أشخاص مريضة تستغل ده فى أنهم يتنمروا عليكى ى قمر 🩷🩷
تم النشر الاثنين، ٥ فبراير ٢٠٢٤
إحساسك بالذنب ده نفسه أول خطوة للتوبة. الشيطان بيحاول يبعدك عن أهم ركن من أركان الإسلام وهو الصلاة فحاولى أنك تبقى دايما جاهزة للصلاة فإنك تبقى دايما على وضوء وكمان حاولى تخصصى جزء من وقتك للقرآن حتى لو صفحة أحسن من مفيش وكمان متنسيش أذكار الصباح والمساء هتحميكى وتبعد عنك أى أذى .
تم النشر الاثنين، ٥ فبراير ٢٠٢٤
أنا بتعامل معاه عادى وبهزر كمان بس بصراحة مش حاسة أى حاجة ناحيته وده مضايقنى حتى لما بحضنه مفيش أى مشاعر. بيصعب عليا ساعات لأن مش مدرك للى هيقابلوه بعدين لما بعد الشر يموت ويقابل ربنا
تم النشر الاثنين، ٥ فبراير ٢٠٢٤
لعرض الملف الشخصي في فدني اضغط هنا