عاوزة طرقة مذاكرة من غير ما احس بالملل انا في ثانوية عامة عندي دروسطول اليوم ولما برجع ببقى تعبانه ومش قادرة وحاسه بالملل من كتر دروس اللي في اليوم ومبقاش غير وقت قليل ولازم ابطل ااجل واسوف زيما كنت بعمل قبل كده فاجباري عليا اني اذاكر سواء بإرادتي أو غصب عني
تم النشر الأربعاء، ١٥ فبراير ٢٠٢٣
انا طالبة في تالته ثانوي وحصلتليمن فترة انتكاسة ومش كنت بذاكر او بحل لحد ما المدرسين اشتكوا لاهلي بس انا عاوزة احاول من تاني بس مش عارفه إزاي عاوزة طريقه مذاكرة يبقى فيها انجاز واني اذاكر كمية كبيرة في وقت قليل عاوزة نصايحكم وللعلم ان نفسيتي مدمرة حرفيا بس بحاول ومفيش حد بيساعدني اتخطى الازمة النفسية اللي انا فيها
تم النشر الخميس، ١٩ يناير ٢٠٢٣
أنا طالبة في تالته ثانوي وبصراحة كمية الضغط عليا بتزيد كل يوم والكل بيقولي عاوزينك دكتورة وانا كمان نفسي بس خايفه ومتوترة وكمان اتخذلت من اقرب صحاب ليا فحاسه ان دي خلاص النهاية اصل انا ولا عارفه اذاكر ولا عارفه اتقلم مع القلق والتوتر اللي حرفيا سببولي المرض
تم النشر الثلاثاء، ١٠ يناير ٢٠٢٣
بص بصراحة انا عارفه انك ممكن مش تقتنع بالكلام اللي هيتقالك لأنك مش عاوز حاجه تخرجك من الوهم اللي انت فيه - اه زي ما شوفت وهم - وهم جميل بتعيش وانت في سن المراهقة ومع الوقت ولما تكبر شوية هتقول ياااااه انا قد اي كنت ساذج أو هو انا كنت بفكر كده ازاي وانا بقولك الكلام ده عن تجربة لأني مريت بتجربة مشابهة وخسرت فيها ثقة اعز الناس عليا اصل انت لسه صغير هتمر بحاجات كتير وهتبدأ كل ما تكبر وتفتكر حاجه انت عملت بسبب الوهم اللي في دماغك دلوقتي وشايفه احساس جميل ولو زي ما انت بتقول ان البنت محترمه جدا فده معناه انها مستحيل توافق ترتبط بيك او بحد غيرك ولو قولتلها انك معجب بيها اول حاجه هتعملها هتروح تقول لاخوها اللي هو صاحبك واكيد صاحبك هيدايق وهيلومك انك خونت الامانه لأنه دخلك بيته وآمنك على اهل بيته تقوم تحب اخته واعتقد انك ممكن تخسره للأبد فيبقى خسرت البت اللي بتحبها زي ما بتقول - مع اني متاكده ان بعد فترة هتغير رأيك و متاكده ان حكاية الحب او الإعجاب ده هيروح مع الوقت - وخسرت اعز اصحابك بسبب وهم فترة وهيروح
تم النشر الخميس، ١٩ يناير ٢٠٢٣
شكرا بجد نصايحك مفيدة جدا وهبدأ اطبقها من دلوقتي
تم النشر الجمعة، ٢٠ يناير ٢٠٢٣
لا شكر على واجب انت زي اخويا الصغير
تم النشر الجمعة، ٢٠ يناير ٢٠٢٣
كده كويس منك جدا انك تفكر كده وصح ممكن اكون مش فهمتك بس انا حاولت اوصلك اللي ممكن يحصل لو انت استمريت بطريقة التفكير دي بجد والله هتخسر ناس كتير ومن رأيي ركز على دروسك ومذاكرتك ولو انت في رأيك انك بتحبها فحاول في مذاكرتك علشان لما تكبر وتروح تتقدملها زي ما بتقول مش تترفض
تم النشر الجمعة، ٢٠ يناير ٢٠٢٣
لعرض الملف الشخصي في فدني اضغط هنا