خزامه الشهابي

من حقك تحافظ على خصوصيتك بالشغل، وما تحس إنك مجبور تشارك بمعلومات شخصية إذا ما بتحب. كمان من المهم تحافظ على حدود واضحة بين الشغل والحياة الشخصية، حتى تقدر تشتغل براحة من دون ما تحس بضغط إضافي. - ما تخجل إنك توضح للزملاء وأصحاب الشغل إنك تفضل الشغل يكون عملي أكتر. - إذا حسيت إن المطلوب منك أكتر من طاقتك أو وقتك، احكي بصراحة. قول مثلاً: "أنا بفضل ألتزم بأوقات الدوام الرسمية عشان أعطي أفضل أداء." خلي العلاقة تكون ودية، لكن حافظ على الخصوصية وما تخلي الأمور تختلط بين الشغل والحياة الشخصية.ممكن تشارك معن بنشاط غداء او فنجان القهوة الصباحي - خصص وقت لحالك بعد الدوام لترتاح وتعمل الأشياء اللي بتحبها، مشان ترجع لليوم التالي بنشاط. تذكر، كل حدا إلو طريقته بالشغل، ومن حقك تحافظ على اللي بيريحك وبيخليك تشتغل بأفضل شكل ممكن.

رح احكي معك بصفتي أخصائية نفسية أنامتفهمة بمشاعرك وهيك شي طبيعي بهالعمر، خصوصًا أنك بدك العلاقة تكون حلال ومحترمة. كل شي بإلو وقته وحاجتك العاطفية يمكن تتلبى بطرق تانية لحد ما تكون جاهز فعلاً للارتباط. هي نصيحتي: هالمرحلة من حياتك مهمة كتير لمستقبلك المهني. حاول توازن بين رغباتك العاطفية ومسؤولياتك الأكاديمية. هالوقت مناسب لتطوير شخصيتك ومهاراتك. اشتغل على نفسك من الناحية النفسية والاجتماعية، حتى تكون مستعد أكتر للمستقبل.حاول تطوع ب اماكن تقدم فيو عمل خير احكي مع أصدقاء أو أفراد من العيلة اللي ممكن يساعدوك ويدعموك نفسيًا. خطط لمستقبلك بهدوء ومن غير استعجال. الزواج والارتباط بدهم مسؤولية ونضج، فاستغل هالوقت لتكون جاهز بشكل أفضل.وتدخل هالخطوة تكون جاهز إذا كنت حاسس بضغط كبير وما عم تقدر تتعامل معه، فكر تستشير مختص نفسي يساعدك تفهم مشاعرك وتلاقي طرق للتعامل معها. تذكر إنو هالفترة مؤقتة وإن شاء الله الأمور بتصير أحسن مع الوقت.

أول شي ، حابة قلك إنو اللي عم تحسي فيه مو غريب، وكتير من الناس بيمروا بمشاعر مشابهة. الحياة أحيانًا بتكون صعبة، خصوصًا بعد تجارب قاسية مثل فقدان شخص عزيز. إذا كنتي عم تبكي أو زعلانة من دون سبب واضح، هاد شي طبيعي. مشاعرنا أحيانًا بتكون معقدة، وممكن تكون نتيجة للضغط النفسي أو الحزن اللي عايشينه. حاولي تحكي مع حدا من أصحابك أو عائلتك عن مشاعرك. أحيانًا مجرد الحديث عن اللي عم نحس فيه بيساعدنا نشعر بتحسن. الرياضة أو التأمل ممكن يساعدوك على تهدئة أعصابك. جربي تمارين تنفس بسيطة أو حتى المشي. إذا حسيت إنو الأمور عم تصير أصعب، ممكن يكون مفيد تحكي مع أخصائي نفسي. هاد الشخص ممكن يساعدك تفهمي مشاعرك وتلاقي طرق للتعامل معها. إذا كنتي عم تسمعي أو تشوفي محتوى بيخليك تشعري بالخوف أو التوتر، حاولي تقليلي منه. ركزي على الأشياء الإيجابية والمشجعة.والفرحة تذكري إنو كل حدا فينا عنده لحظات ضعف، وما في مشكلة إذا احتجتي وقت لتستعيدي قوتك اوطلبتي المساعده...

اول نصيحة تشوف أخصائي نفسي يعمل تقييم اولي للاعراض ويسمعك ويفهمك وكتير ضروري هالشي من خلال الاعراض بين معي اعراض اكتئاب وقلق وفي اضطراب شخصية من خلال كلامك عن شخص جواتك عم يحكي ويجبرك. موضوع الدخان والعادة السرية بخلوك وبيعطوك متعة مؤقتة... بعد ماتخلص بتحس انو انت اكتأبت اكتر لان هنن ما ساعدوك متل ما كنت مفكر.... حاول وقت بدك تهرب من مشاعر الزعل او الاكتئاب تروح لمتعة ما تاذيك متل الرياضة او المشي... وبما انو الانتحار صار وارد عندك نصيحة تشوف أخصائي نفسي... بتمنى تضل بخير وصحتك النفسية والعقلية امانة عندك

متفهمة شعورك، ومو سهل أبداً اللي مرّيت فيه. الأفضل تركز ع حياتك ومستقبلك بعيد عن تأثيره السلبي. حاول تكون قوي وتبني حياتك بإيدك. إذا بتحتاج دعم أو مساعدة، ما تتردد تطلبها من أصدقاء أو متخصصين نفسيين... وممكن اوقات يكون الاهل مو سند وهنن بشكلو عبئ ع اولادن... الله يعينك ع برهم و كلو ب اجرو وحسناتو

تطوع ب جمععيات او مراكز بتقدم اعمال تطوعية... حضري كورسات.. القراءة بتبني افاق وبتفتح افاق جديدة..

طبيعي تحس بالضغط بعد كل هالتغيرات بحياتك. نصيحتي: لسا ببداية الطريق، والخطوة الأولى دايمًا صعبة. -احكيلها لخطيبتك عن مشاعرك وهمومك، الدعم منها رح يخفف الضغط عنك. حدد أوقات للبحث عن شغل وأوقات تركز فيها على علاقتك. - استعين بأصدقائك*خليهم يساعدوك بالبحث عن فرص عمل. الأمور مع الوقت رح تتحسن إن شاء الله، وبالتوفيق!

جرب تعبر عن مشاعرك شو اللي بخليك تحس أنك مختلف عن عيلتك.. آرائهم سلوكياتهم، أو اهتماماتهم احكيلهم عن مشاعرك وكيف بتأثر عليك كلماتهم. استخدم أسلوب "أنا بشعر..." بدلاً من "أنت بتعمل...". هيك رح تقلل من الدفاعية - دور على الأنشطة أو الاهتمامات اللي بتجمعك مع عيلتك شوفو أفلام.. لعبو اشتغل على تطويرحالك وتعزيز ثقتك بنفسك. اقرأ كتب اذا كان الوضع صعب كتير، جرب تحكي مع مختص نفسي بساعدك تفهم مشاعرك الاختلاف جزء طبيعي من العلاقات. ما لازم نشبه عيلتنا بكل شيء

حسب اللي انطرح وسواس قهري او قلق اجتماعي الاهم انك لا تستطيع تشخيص نفسك بنفسك. من الضروري أن تطلب المساعدة من اختصاصي نفسي أو طبيب نفسي للتشخيص الدقيق و يسمعك و يعطيك العلاج الصخ تحديد الخطة العلاجية المناسبة لحالتك. كم نصيحة رح تساعدك في حاليا تحدث مع أحد الأشخاص الذين يثق بهم عن ما تشعر به. مارس أنشطة تحبها يمكن أن تساعد على تخفيف الضغط والقلق. رياضة فالأمر يمكن معالجته بالتشخيص و العلاج المناسبين...

طرحك للمشكلة هو دليل وعي... وانت حدا واعي للمشكلة و عرفانة الأسباب... الطموح اللي عندك ان شاء الله رح تاخديه.. ب اتباعنا هالامور.... بدنا نعمل ساعة او اكتر بشوي ع الفون... وتكون متفرقة ع مدار اايوم...... التزامك بالصلاة والعبادة هو اساس كل شي... وادعي الله يوفقك ويرزقك الحكمة بالتصرف... انا واثقة انك حدا واعي الموبايل بعديه عنك... واستعمليه ل دارستك بس.... وان شاء الله تكوني من المتفوقات وتدخلي الكلية اللي تتمنيها

هل يتم فرك الاذن.. عند الملل او الشرود... الأفضل تعبئة الوقت وعدم الفراغ.. وعند وضع اليد على الاذن.. القيام بعمل اخر

الأفضل استشارة طبيب نفسي.. لتقييم الأعراض و وصفها الدواء المناسب لحالتها... العلاج السلوكي مع الدوائي جيد جدا في حالتها...

احساسك انو اللمسات مو صح.. هية مكانها.. وحطي حدود مع والدك واحكي بطريقة حازمة معو انو اذا ممكن ما تتصرف هيك.. اهم شي لاتلومي حالك ومو انتي السبب ب تصرفات والدك.. بس حسيتي بموقف ممكن يقرب عليكي حاولي تبعدي... جسمك امانة عندك حافظي عليه... ولاتلومي حالك ع اي شي

الحلو بالموضوع.. انو ناخد الصفات الحلوة والمنيحة و نتعلمها. مع اضافة صفات جديدة... يعني قرينا عن كيفية التعامل مع شخص كاذب بطريقة حكيمة... حلو نتعلم الطريقة ونضيفها ل شخصيتنا اللي عنا ياها... حلو نتطور بس ما نلغي شخصيتنا..... بهالعمر انت حابب يكون عندك شخصية تحتذى فيها ب صفاتها..... شخصيتك حلوة متل ما هية وضيف عليها صفات وطرق وتصرفات جديدة...

الجواب رح يكون بشكل عام.... لان صيغة السؤال عامة.... القلق والأفكار والتوتر..الاكتئاب ممكن يكون دافع لعدم الانتباه بسبب فقدان الشغف والدافع ل اي شي... الاجهاد الذهني والعمل الكتير الطويل دون فترات راحة.. التكنولوجيا الحديثة.. مواقع التواصل الاجتماعي.. اكبر ضرر...

تجربة اي شي جديد فيو مشاعر الخوف .. بس هيه المشاعر ممكن تكون بس افكار لا وجود الها.... نخاف من الزواج او تحمل المسؤولية.. طبيعي بس المو طبيعي يخلينا ما نكمل وناخد خطوه لقدام.... تجارب الفشل.. رح تكون تجارب تعلم.... اذا حابة تستشير أخصائي نفسي بالموضوع كتيير أفضل ل يساعدك بتفهم مخاوفك

حاولتي تسالي مختص نفسي... ممكن االي عم تمري فيو مرحلة كأبة وليس اكتئاب.... في كتير منصات بتقدم خدمة الاستشارة النفسية عن بعد... او اذا بتقدري تتواصلي مع مختص نفسي.. تحكي عن مخاوفك وتحددي مشاعرك تفهميها...

من القوة انك عم تسالي عن المشاعر اللي عم تزعجك

استنشقي الهواء ببطء ثم زفيره ببطء. استخدمي تقنية "5-4-3-2-1" لتحديد المحفزات الحسية. انتقلي إلى مكان مختلف لتخفيف القلق. شاركي مشاعرك مع شخص تثقين به. 6. التقبل: تذكري أن النوبة ستنتهي ولا تحاولي مقاومتها. 7. تدوين المشاعر: اكتبي ما شعرت به بعد النوبة لتحليل المحفزات. 8. البحث عن الدعم المهني: استشيري مختص نفسي إذا تكررت النوبات. 9. ممارسة الرياضة: النشاط البدني يساعد في تقليل القلق. 10. تجنب المنبهات: قللي من الكافيين والنيكوتين. تذكري أن التعافي يحتاج إلى وقت وصبر.

من الضروري أن تتحدثي مع طبيب نفسي أو مستشار نفسي. يمكنهم مساعدتك في فهم مشاعرك وأعراضك بشكل أفضل وتقديم الدعم المناسب.حاولي التحدث مع شخص تثقين به عن مشاعرك. قد يكون صديقًا مقربًا أو فردًا من العائلة. التعبير عن مشاعرك يمكن أن يساعد في تخفيف الضغط. قد يكون من المفيد كتابة ما تشعرين به يوميًا. هذا يمكن أن يساعدك في التعرف على الأنماط أو المحفزات التي تؤثر على حالتك. حاولي ممارسة تقنيات الاسترخاء مثل التأمل أو اليوغا أو التنفس العميق. هذه الأنشطة يمكن أن تساعد في تقليل التوتر وتحسين المزاج. ممارسة الرياضة بانتظام يمكن أن تساعد في تحسين الحالة المزاجية وتخفيف أعراض الاكتئاب. تأكدي من تناول وجبات متوازنة تحتوي على العناصر الغذائية الضرورية. حاولي عدم كتمان هذه المشاعر. التعبير عنها يمكن أن يساعد في تخفيف الأعراض. إذا استمرت الأعراض أو تفاقمت، يجب عليك التواصل مع متخصص للحصول على المساعدة المناسبة. تذكري أن طلب المساعدة هو خطوة قوية وإيجابية نحو التعافي